-
2017 оны 6 сарын 05
Хуурайшилт ихтэй байгаа үед иргэдийг гал түймрийн аюулаас урьдчилан сэргийлж, гал гарах нөхцлийг үүсгэхгүй байхыг холбогдох албаныхан анхааруулсаар байгаа билээ.
-
2017 оны 6 сарын 05
Эколип сан төрийн бус байгууллага нь Хөвсгөл нуур орчмын байгаль орчинг хамгаалах, ард иргэдийн амьжиргааг дэмжих, соёл заншлыг хадгалах зорилгоор байгуулагдан 1998 оноос хойш ”Монголын хоёр нарны хооронд” олон улсын марафон гүйлтийг жил бүр уламжлал болгон зохион байгуулж, 21 орны нийт 60 гаруй тамирчдыг жил бүр Хөвсгөл нуурын баруун эрэг дээр авчран оролцуулдаг.
Тус гүйлтийн тэмцээний орлогоор Хөвгөл нуур орчмын эзэнгүй хог хаягдлыг түүж, цэвэрлэх, Харганы хогийн цэг рүү тээвэрлэх байгаль хамгаалах ажлыг зохион байгуулж, Хөвсгөлийн тусгай хамгаалалттай газрын хог хаягдлын менежментээр тасралтгүй 18 жил дэмжиж ажиллаж байна.
Манай төслийн зүгээс бид жил бүр дунджаар 20,000 ширхэг байгальд ээлтэй уутыг үнэ төлбөргүй Хатгалын нэвтрэх цэгээр аялал жуулчлалын улиралд тараадаг бөгөөд хог хаягдал тээвэрлэх тээврийн хэрэгсэл 1, мөн ажиллах хүчнүүдийг жилийн турш санхүүжүүлж байна.
Энэ жилийн марафон гүйлтийн тэмцээн 19 дэх удаагаа 2017 оны 8 дугаар сарын 2-ны өдөр Хөвсгөл нуурын баруун эрэг дээр болно.
-
2017 оны 6 сарын 05
НҮБ-аас хүн төрөлхтөний өмнө тулгамдаад байгаа байгаль орчны асуудалд анхаарал хандуулах, байгаль дэлхийгээ хайрлаж хамгаалахад улс орон бүр анхаарч ажиллах шаардлагатай гэж үзэн 1972 оноос эхлэн жил бүрийн зургаадугаар сарын 5-ны өдрийг “Дэлхийн байгаль хамгаалах өдөр” болгон тэмдэглэдэг болсон. Тус өдрийн хүрээнд Байгаль орчин, аялал жуулчлалын яам, түүний харьяа байгууллагууд, нийслэлийн Байгаль орчны газар, нийслэлийн Агаарын бохирдлыг бууруулах газар, нийслэлийн Аялал жуулчлалын газар үйл ажиллагаагаа сурталчлах өдөрлөгийг Д.Сүхбаатарын талбайд зохион байгуулав. Өдөрлөгийн үеэр нийслэлийн Байгаль орчны газраас худгийн зөвшөөрөл хүссэн иргэд, аж ахуйн нэгж байгууллагын хүсэлт гаргасан талбай нь зөвшөөрөгдсөн байршилд байгаа тохиолдолд худгийн зөвшөөрлийг шууд олгох, байгаль орчинд нөлөөлөх байдлын үнэлгээтэй холбоотой зөвлөгөө өгөх зэрэг үйлчилгээг үзүүлж байна. Мөн нийслэлд хэрэгжиж байгаа минж нутагшуулах төслийн үйл ажиллагаа болон гэр хороолол, зусланд ашиглах бичил цэвэрлэх байгууламж, төхөөрөмжүүдийг танилцуулж байгаа ба гэмтэж бэртсэн шувуу, амьтдад анхны тусламж үзүүлэх сургалт, “Хавхгүй нийслэл” аяны хүрээнд цугларсан хавхыг танилцуулж дүгнэх зэрэг арга хэмжээ явуулж байна. Нийслэлийн Агаарын бохирдлыг бууруулах газраас агаарын бохирдлыг бууруулах нөлөөтэй техник, технологиуд, нийслэл хотоос хэрэгжүүлж буй бодлого, үйл ажиллагааг, нийслэлийн Аялал жуулчлалын газраас дотоодын аялагч жуулчдад зориулсан мэдээллүүдийг түгээж байна гэж нийслэлийн Байгаль орчны газраас мэдээллээ.
-
2017 оны 6 сарын 05
Монгол инженерүүдийн угсарсан анхны галт тэргийг энэ сар 10-ны өдөр хүлээн авах гэж байна.
-
2017 оны 6 сарын 05
БАНК ХООРОНДЫН САГСАН БӨМБӨГИЙН ТЭМЦЭЭНИЙГ ТӨРИЙН БАНК ХОЁР ЖИЛ ДАРААЛАН АВАРГАЛЛАА
Монгол Улсад банкны тогтолцоо үүсч, хөгжсөний 93 жилийн ойн нэрэмжит банк хоорондын сагсан бөмбөгийн аварга шалгаруулах “БАНКИР-2017” тэмцээн өнгөрөгч амралтын өдрүүдэд спортын төв ордонд амжилттай зохион байгуулагдан өндөрлөлөө.
Энэ жилийн банк хоорондын сагсан бөмбөгийн аварга шалгаруулах тэмцээнийг “БАНКИР-2016” тэмцээний аварга Төрийн банк зохион байгуулсан бөгөөд нийт 12 банкны баг тамирчид оролцон хурд хүч, авхаалж самбаагаа сорьсноос Эрэгтэй алтан медалийг Төрийн банк, мөнгөн медалийг Голомт банк, хүрэл медалийг Хаан банк, Шагналт 4-р байрт Монголбанкны баг тамирчид шалгарсан бол Эмэгтэй алтан медалийг Худалдаа хөгжлийн банк, мөнгөн медалийг Хас банк, хүрэл медалийг Төрийн банк, шагналт 4 дүгээр байрыг Хаан банкны баг тамирчид эзэллээ.
“БАНКИР-2017” тэмцээний шилжих цомын эздээр эрэгтэй Алтан медаль, эмэгтэй хүрэл медаль эзэлсэн амжилтаар Төрийн банкны баг шалгарч, хоёр жил дараалан Банк хоорондын сагсан бөмбөгийн тэмцээний аваргын шилжин явах цомын эзэд боллоо.
Мөн тэмцээнийхээ шилдгүүдээ тодруулсан бөгөөд эрэгтэй шилдэг тоглогчоор Төрийн банкны тамирчин Г.Жавхлан, эмэгтэй шилдэг тоглогчоор Худалдаа хөгжлийн банкны тамирчин Б.Алтанзаяа нар тодорлоо.
“БАНКИР-2017” сагсан бөмбөгийн тэмцээнд амжилттай оролцсон нийт баг тамирчиддаа баяр хүргэж, амжилт хүсье
-
2017 оны 6 сарын 05
Нийслэлийн удирдлагын шинэ баг БНХАУ-ын Засгийн газрын хөнгөлөлттэй зээлийн тусламжтайгаар Улаанбаатар хотод гүүрэн байгууламжуудыг шинэчлэх, засварлах, өргөтгөх төслүүдийг хэрэгжүүлж байна. Үүний нэг “Туул гол дээгүүрх Баянзүрхийн 321 у/м болон Сонсголонгийн 289.4 у/м төмөрбетон гүүрийг шинээр барих” төслийн Сонсголонгийн 289.4у/м гүүрийн шав тавих ёслол өнөөдөр боллоо. Ийнхүү энэ хавар Улаанбаатар хотод өрнөх 4 томоохон гүүрний бүтээн байгуулалтын нээлтийг хийж, ажил эхэлж байна.
Тус гүүртэй холбогдож буй төмөр бетон авто замыг Гудамж төслийн хүрээнд 4 эгнээ болгон өргөтгөсөн тул гүүрийн зорчих хэсгийг тухайн авто замтай уялдуулан өргөтгөж, шинэчлэх зайлшгүй шаардлага гарч байгаа юм. Мөн нисэх, яармаг чиглэлд томоохон орон сууцны хорооллууд шинээр баригдаж, хүн амын нягтрал ихэсч, суурьшлын бүс тэлсэн. Гүүрийг өргөтгөн шинэчилснээр нисэх, яармаг чиглэл, тухайн чиглэлээс баруун аймгууд руу гарах замын ачаалал багасах ач холбогдолтой юм.
Нийслэлийн Засаг дарга бөгөөд Улаанбаатар хотын захирагч С.Батболд хэлсэн үгэндээ “Одоо ашиглагдаж байгаа гүүрүүд нь насжилт нь 50 жил хол давсан. Урсгал болон их засвар хангалттай сайн хийгдээгүй байсан. Тиймээс шинээр барих ажлуудыг жинтэй эхлүүлж байна. Тухайлбал, Сонсголонгийн 289 урт метр гүүрийг шинэчлэн бариснаар эдийн засаг болон нийслэл хотын төлөвлөлтөнд онцгой ач холбогдолтой юм. Энэ төслийн хүрээнд сонсголонгийн хуучин гүүрний хажууд параллелиар 10.4 метр өргөн 2 эгнээтэй, 289.4 метр гүүр шинээр барьж, хуучин гүүрийг шинэчлэн, нийт 21 метр өргөнтэй 4 эгнээ гүүр бий болно.” хэмээлээ.
Төслийн нарийвчилсан зураг төслийг зөвлөх үйлчилгээний “ГБЕТ” ХХК боловсруулсан байна. Гүйцэтгэгчээр “Бээжин Юни-Констракшн Групп” компани шалгарч, төслийн барилгын ажлыг 2017-2018 онд хэрэгжүүлэхээр ажиллаж байна.
Шав тавих ёслолд Нийслэлийн Засаг дарга бөгөөд Улаанбаатар хотын захирагч С.Батболд, УИХ-ын гишүүн Б.Батзориг, БНХАУ-аас Монгол Улсад суугаа Онц бөгөөд Бүрэн Эрхт Элчин сайд Шин Хай Мин, Нийслэлийн Засаг даргын орлогч П.Баярхүү, Нийслэлийн Авто замын хөгжлийн газрын дарга Ж.Тогтохбаяр болон албаны бусад хүмүүс оролцлоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 6 сарын 05
Ерөнхийлөгчийн сонгууль энэ сарын 26-нд болно. Уг сонгуулийн саналыг хар машинаар тоолохыг эсэргүүцэж
-
2017 оны 6 сарын 05
Нийслэлийн Засаг дарга бөгөөд Улаанбаатар хотын Захирагч С.Батболд БНСУ-ын “Ilhae” компанийн ерөнхийлөгч Chung Yeong-Su, “Kjl global” компанийн захирал Jo Ilsang нарыг өнөөдөр хүлээн авч уулзлаа.
-
2017 оны 6 сарын 05
Цахилгаан шугам тоноглолд засвар үйлчилгээ хийх
ЗУРГААДУГААР САРЫН ХУВААРЬ
Та бүхэн зарлагдсан хугацаанд цахилгаан хэрэглээгээ түр зохицуулна уу.
-
2017 оны 6 сарын 05
Авлигатай тэмцэх газар 2017 оны 05 дугаар сарын 29-с 06 дугаар сарын 2-ны өдрүүдэд нийтийн албанд томилогдохоор 119 нэр дэвшигчийн урьдчилсан мэдүүлгийг шинээр хүлээн авсан байна.
Өнгөрсөн долоо хоногт 133 мэдүүлгийг хянан шийдвэрлэсэн бөгөөд үүнээс ашиг сонирхлын зөрчил үүсэх нөхцөл байдал тогтоогдоогүй 119, хууль, журамд заасан үндэслэлээр буцаасан 5, ашиг сонирхлын зөрчил үүсэж болохуйц нөхцөл байдлыг тогтоож анхааруулсан, нэр дэвшигч нь ажлын байрны тодорхойлолт болон хуульд заасан шаардлага хангаагүй зэрэг үндэслэлээр 8, тухайн албан үүргийг гүйцэтгэхэд илт ашиг сонирхлын зөрчил үүссэн 1 нэр дэвшигч байгааг тогтоож шийдвэрлэсэн байна. Одоогоор ажиллагаанд 247 нэр дэвшигчийн хувийн ашиг сонирхлын урьдчилан мэдүүлэг хянагдаж байна.
Чингэлтэй дүүргийн Хөдөлмөр, халамжийн үйлчилгээний хэлтсийн Нийгмийн халамжийн албан даргын албан тушаалд томилогдохоор нэр дэвшсэн Т.Түвшинжаргал, Нийслэлийн газрын албаны Газар өмчлөлийн хэлтсийн даргын албан тушаалд томилогдохоор нэр дэвшсэн У.Сувдсүрэн, Иргэний нисэхийн ерөнхий газрын харьяа Баянхонгор аймаг дахь нисэн буудлын даргын албан тушаалд томилогдохоор нэр дэвшсэн Н.Баярхүү нарын зэрэг 119 иргэний хувийн ашиг сонирхлын урьдчилсан мэдүүлгийг хянан үзээд тухайн албан тушаалд томилоход ашиг сонирхлын зөрчил үүсэх нөхцөл байдал тогтоогдоогүй гэж үзсэн байна.
Өнгөрсөн долоо хоногт хянан шалгасан урьдчилсан мэдүүлгийн дийлэнх нь Цагдаагийн ерөнхий газар, Санхүүгийн зохицуулах хорооны ажлын алба, Оюуны өмч, улсын бүртгэлийн ерөнхий газар зэрэг байгууллагаас ирүүлсэн байв.
-
2017 оны 6 сарын 05
Арабын нэгдсэн Эмират улсын Абу Дабу хотод 10 сард болох “Дэлхийн ур чадвар” /World skills/ олон улсын тэмцээний өмнөх сорилго – “Монгол ур чадвар” тэмцээн 2016, 2017 онуудад гурван үе шаттайгаар явагдаж өндөрлөлөө. Тус олон улсын тэмцээнд манай улс таван мэргэжлээр оролцохоор бүртгүүлсэн бөгөөд гагнуурт Ж.Жанлав-Ойдов, сантехникт Ц.Долгормаа, өрлөг угсралтад Ц.Мягмарсүрэн, цахилгаанд Л.Төгөлдөр, мужаанд Н.Эрдэнэмөнх нар шалгараад байна. Эдгээр тамирчдыг Монгол улсын шилдэг залуу гагнуурч, сантехникч хэмээн нэрлэж болно. Учир нь Монгол орон даяар үйл ажиллагаа явуулдаг МСҮТ-ийн 43 мянган суралцагчаас шилдгээр шалгарсан таван тамирчин бол эд юм. Ингээд тэдний төлөөлөл болгож, Монгол улсын шилдэг залуу гагнуурч Ж.Жанлав-Ойдовын ярилцлагыг та бүхэндээ хүргэе.
-Өөрийгөө уншигчдад танилцуулахгүй юу?
-Намайг Ж.Жанлав-Ойдов гэдэг. Төв аймгийн Баянцагаан сумын уугуул. Техник технологийн дээд сургуулийг 2016 онд төгссөн. Гагнуурын мэргэжлийг өөрийн сонирхлоор сонгож байсан. Гагнуурчин бол амьдралд маш их хэрэгтэй мэргэжил гэж боддог. Гагнуурын цагаан толгойг С.Баяраа багш маань анх зааж өгсөн. Одоо ч заасаар байна.
-Гагнуурын уралдаан тэмцээнд олон удаа оролцож байсан уу. Амжилтын нууц гэвэл?
-Сургуулийн аварга шалгаруулах гагнуурын тэмцээнд хоёр удаа оролцож, хоёуланд нь түрүүлж байсан. Орос-Монголын багуудын хоорондын тэмцээнд бас түрүүлж байсан. Сая гурван шаттай явагдсан “Монгол ур чадвар” тэмцээнд түрүүлж, эх орноо төлөөлж олон улсын тэмцээнд орох эрхээ авлаа. Тэмцээнүүдэд оёоны залгаа, жигд, жигд бус, дотор талын нүхжилт зэргийг нь шүүгч нар хардаг. Багш нар маань онол болон практик тал дээр надад маш их зүйлийг хэлж өгдөг. Гагнуур хийхэд хувь хүний хичээл зүтгэл, хувь хүний гарын эв дүй шаарддаг. Сургууль, гэр бүлээс намайг сайн дэмждэг нь амжилтад хүргэдэг болов уу гэж боддог.
-Оюутолгой компани дээр тэмцээний бэлтгэл хийж байгаа. Хэр их зүйл сурч мэдэж авч байна?
-Энэ жилийн дөрөвдүгээр сараас Оюутолгой компани дээр бэлтгэл хийж байна. Миний бэлтгэлийн бүх зардлыг хариуцдаг Оюутолгой компанидаа энэ дашрамд баярлаж, талархаж буйгаа илэрхийлмээр байна. Багаж тоног төхөөрөмж, материал гээд бүгдийг бэлдэж өгдөг. Алтантулга, Нанзаддорж багш нар маань ихийг зааж сургадаг. Том машин механизмын зөвлөхүүд ч ирж зааж сургадаг. Оюутолгой дээр өглөө 08 цагаас орой 17 цаг хүртэл бэлтгэл хийдэг. Дундаа хоёр цагийн цайны завсарлагатай. Чөлөөт цагаараа англи хэл сурч байна, гагнуурын чадахгүй байгаа зүйлсээ нэтээс үздэг. Хэтдээ Оюутолгой компанид ажиллахсан гэж мөрөөддөг.
-Шанхай руу тэмцээнд оролцохоор явах гэж байгаа гэж дуулсан?
-6 сарын 5-нд /өнөөдөр/ Шанхай руу тэмцээнд явна. Арабын тэмцээний өмнөх сорилго болж байгаагаараа онцлогтой. 2015 оны Бразилд болсон олон улсын тэмцээний гагнуурын төрөлд түрүүлсэн хүүхэд гэхэд дөрвөн жил бэлтгэл хийсэн гэсэн. Бид хэдийгээр ингэж олон жил бэлдэж чадахгүй ч боломжийн хэмжээнд бэлтгэл хийдэг гэж боддог.
-Ирээдүйгээ хэрхэн өөдрөгөөр харж байна?
-Мэргэжлээрээ ажиллана даа. Мэргэжлийн олон тэмцээн урд маань байна. Улсын аваргад түрүүлэх юм бол Олон улсын аварга шалгаруулах гэх мэт олон тэмцээн хүлээж байгаа.
-Үеийнхэндээ хандаж юу хэлмээр байна?
-Их, дээд сургуулийн дипломтой ч мэргэжлийн ажлаа хийж чадахгүй хүн олон байна. МСҮТ-д сурахад ямар ч байсан ажлын байртай, юм хийж бүтээж чаддаг болоод төгсөнө. Иймээс МСҮТ-д сурч ирээдүйгээ илүү утга учиртай болгоорой гэж хэлмээр байна.
-Тэмцээнүүдэд нь амжилт хүсье.
Д.Төв
-
2017 оны 6 сарын 05
НИТХ-ын дарга Ц.Сандуй өнөөдөр СХД-ийн Эрүүл мэндийн төвд гурван зуун сая төгрөгийн үнэ бүхий ходоод, бүдүүн гэдэсний иж бүрэн дурангийн аппаратыг мэс ажилбарын багажийн хамт хүлээлгэн өглөө. БНСУ-аас хандиваар өгч байгаа уг төхөөрөмж нь 4 төрлийн үйл ажиллагаа явуулдаг, манай улсад анх удаа орж ирж байгаа аж. НИТХ-ын даргын санаачилгаар хэрэгжсэн энэхүү төсөл нь дүүргийн иргэдийн эрүүл мэндийг хамгаалах, урьдчилан сэргийлэх үйлсэд ихээхэн хувь нэмэр болж байна хэмээн эмч, ажилчид хэлж байлаа.
Дүүргийн Эрүүл мэндийн төвд хүлээлгэн өгсөн энэхүү багаж, тоног төхөөрөмж нь:
Өндөр хүчин чадлын хялбар ашиглалттай зөв зураглалтай бат бөх
Орчин үеийн техникийн шинэ шийдэл бүхий видео бичлэгийн үед болон зураг авалтын үед HD зураглал үзүүлэх өвчтний шинжилгээнд гарсан мэдээллийг дүгнэх
Болон бичлэг хийж хадгалах системтэй бөгөөд өөр дээрээ санах ойтой бүхий процессортой
Өвчтөний мэдээллийг хадгалах мэдээллийн санг өөр дээрээ шууд үүсгэж болдог
Мэдээллийн баримт болгон буулгахдаа фото принтер ашиглаж болно
Зураг видео зургийг эх үүсгэвэрт хуулж болдог
Уян дуран нь эсэргүүцлийн өнцөг үгүй буюу хүссэн зүгтээ эргэж болдог
Анх удаа HD технологийн системийг бүх үйлдэлдээ ашигласан 1,24 мегапиксель нягтралтай камертай
Өөрийн гэсэн үйлдлийн системтэй
Камерийн толгой нь дэлгэмэл өнцгөөр буюу том өнцгөөр хардаг
Бусад бүх дурангийн жижиг хэрэгсэл таардаг байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 6 сарын 05
Монгол Улсын Шадар сайдын тушаалаар томилогдсон Улсын Онцгой комиссын нарийн бичгийн дарга, хурандаа М.Энх-Амараар ахлуулсан ажлын хэсгийн бүрэлдэхүүн Хэнтий, Сүхбаатар, Дорнод аймгуудад 2017 онд гарсан мал, амьтны гоц халдварт өвчинтэй тэмцэх, урьдчилан сэргийлэх ажлын явцыг шалгах, хяналт тавих, аймгуудын Онцгой комисс, Хүнс, хөдөө аж ахуйн газар, Онцгой байдлын газар, хил орчмын хилийн ангиудын үйл ажиллагаа, гамшгийн аюулаас урьдчилан сэргийлэх, аврах, хор уршгийг арилгах чиглэлээр авч хэрэгжүүлж буй арга хэмжээтэй танилцаж, туслан зааварчилгаа өгөх, тулгамдсан асуудлыг газар дээр нь шийдвэрлэж нэгдсэн удирдлагаар ханган ажиллах зорилгоор орон нутагт ажиллаж байна.
Ажлын хэсэг 06 дугаар сарын 02-05-ны өдрүүдэд Хэнтий, Сүхбаатар аймагт ажиллаж аймгийн Онцгой комиссыг хуралдууллаа.
Зүүн аймгуудын хувьд өнгөрсөн жилүүдэд мал, амьтны гоц халдварт өвчний голомттой байсан. Харин шүлхий өвчний улмаас устгасан малын нөхөн төлбөр малчдад олгогдоогүй байгаа.
Онцгой комиссын хуралдааны үеэр малын нөхөн төлбөрийг шуурхай олгох асуудлыг шийдвэрлэж өгөх саналыг орон нутгийн иргэд ажлын хэсгийн бүрэлдэхүүнд тавьсан байна гэж Онцгой байдлын ерөнхий газраас мэдээллээ.
-
2017 оны 6 сарын 05
Дэлхийн Байгаль Хамгаалах Өдөр (ДБХӨ) нь байгаль орчинд ээлтэй үйлс хийхэд дэлхий нийтийг чиглүүлдэг хамгийн олон хүнийг хамарсан онцгой өдөр юм.
-
2017 оны 6 сарын 05
Шадивлангийн авто замын засвар, шинэчлэлтийн ажил бүрэн дууссан тул Ч:22 “Шадивлан-Бөмбөгөр-Чингис Соосэ-Далангийн зам” чиглэлийн замналыг 2.1 км, зуны улирал эхэлж иргэдийн зуслангийн чиглэлд зорчих эрэлт нэмэгдсэнтэй холбогдуулж нийтийн тээврийн үйлчилгээний хүртээмжийг нэмэгдүүлэх зорилгоор Ч:7 “Нисэх- Төв номын сан-7 буудал” чиглэлийн замналыг “Зунжин худалдааны төв” хүртэл 4.1 км тус тус сунгаж, чиглэлийн замналд холбогдох өөрчлөлтийг оруулав.
Дээрх чиглэлүүдэд орсон өөрчлөлтийг 2017 оны 06 дугаар сарын 05-ны өдрөөс буюу өнөөдрөөс эхлүүлж байна.
Ч:22 “ШАДИВЛАН-БӨМБӨГӨР-ЧИНГИС СООСЭ-ДАЛАНГИЙН ЗАМ”
Үйлчлэх байгууллага: “Тэнүүн-Огоо” ХХК
Ажлын өдөр: Хүлээгдлийн хугацаа 9 минут, 18 автобус үйлчилнэ.
Амралтын өдөр:Хүлээгдлийн хугацаа 14 минут, 12 автобус үйлчилнэ.
Ч:7 “НИСЭХ-ТӨВ НОМЫН САН-7 БУУДАЛ-ЗУНЖИН” чиглэлд
Үйлчлэх байгууллага: “Авто терминал трейд” ХХК
Ажлын өдөр: Хүлээгдлийн хугацаа 8 минут, 23 автобус үйлчилнэ.
Амралтын өдөр: Хүлээгдлийн хугацаа 11 минут, 16 автобус үйлчилнэ” гэж нийслэлийн Тээврийн газраас мэдээллээ.
-
2017 оны 6 сарын 05
Монгол улсын Замын хөдөлгөөний дүрэмд “Тээврийн хэрэгслийн хурдыг Хорооллын доторх замд цагт 20 км-ээс хэтрүүлэхгүйгээр явна” гэж заасан байдаг.
Сүүлийн үед орон сууц болон гэр хорооллын доторх замд жолооч нар хөдөлгөөнд оролцохдоо анхаарал болгоомжгүй, хурд хэтрүүлсний улмаас байрныхаа гадаа тоглож байгаа хүүхдүүд, явган зорчигчдыг мөргөж гэмтээх явдал нэмэгдэж байна.
МУ-ын Замын хөдөлгөөний аюулгүй байдлын тухай хуулийн дагуу “Жолооч тээврийн хэрэгслийн хурдыг зөвшөөрөгдсөн дээд хязгаараас тавь хүртэл хувиар хэтрүүлсэн буюу хороолол доторх замд 30 км/ц хурдтай зорчсон бол нэг сарын хөдөлмөрийн хөлсний доод хэмжээний арван хувьтай тэнцэх хэмжээний төгрөгөөр торгох шийтгэл оногдуулна”, мөн тавиас дээш хувиар хэтрүүлсэн буюу 40 км/ц түүнээс дээш хурдтай зорчсон нэг сарын хөдөлмөрийн хөлсний доод хэмжээний хорин таван хувьтай тэнцэх хэмжээний төгрөгөөр торгож, тээврийн хэрэгсэл жолоодох эрхийг зургаан сарын хугацаагаар хасах шийтгэл оногдуулах” юм.
Иймээс Замын цагдаагийн албанаас орон сууц болон гэр хороолол доторх замын аюулгүй байдлыг хангах дараах зөвлөгөөг хүргэж байна.
• Эцэг эх, асран хамгаалагч нар бага насны хүүхдээ үргэлж хараа хяналтандаа байлгах,
• Автомашин ойртон ирж байгаа тохиолдолд гараас нь хөтлөх буюу тэврэх
• Автозамтай ойролцоо бага насны хүүхдийг толуулахгүй байх,
• Автомашины ард тоглож байгаа хүүхэд таны арын толинд сайн харагдахгүй учир хөдөлгөөн эхлэхээс өмнө аюулгүй байдлыг хангаж эргэн тойрныг сайтар нягталсны дараа хөдлөх,
• Машинаа хөдөлгөхдөө ямар нэгэн анхаарал сарниулах үйлдэл хийхгүй байх. /Тухайлбал: Гараараа даллах, утсаар ярих, яарч сандрах гэх мэт/
• Бага насны хүүхдүүд сониуч зантай хурдан хөдөлгөөнтэй байдаг учраас зогсож буй машины урд, ардаас гэнэт гүйж гарч ирэх аюултай тул хөдөлгөөний хурдыг зөв тохируулж, анхаарал болгоомжтой зорчихыг зөвлөж байна.
Нийтлэлийг дэмжих
-
2017 оны 6 сарын 05
БОАЖЯ-ны нээлттэй хаалганы өдөрлөг өнөөдөр 11.00 цагт эхэллээ.
-
2017 оны 6 сарын 05
Өнгөрсөн амралтын өдрүүдэд Замын цагдаагийн албанд нийт 503 дуудлага, мэдээлэл ирснээс зам тээврийн ослын 371 дуудлага бүртгэгдсэн бөгөөд осол, хэргийн улмаас 21 хүн хүнд, хөнгөн байдлаар гэмтсэн.
-
2017 оны 6 сарын 05
Төмөр замтай огтлолцсон зам, уулзварт томоохон гүүрэн гарц барихаар төлөвлөсөн.
-
2017 оны 6 сарын 05
Нийслэлийн удирдах ажилтны ээлжит шуурхай зөвлөгөөн өнөөдөр боллоо. Хуралдааны эхэнд өнгөрсөн зөвлөгөөнөөр нийслэлийн Засаг даргын өгсөн үүрэг даалгавар болон түүний биелэлтийн талаар НЗДТГ-ын Хяналт шинжилгээ, үнэлгээний хэлтсийн дарга Х.Гантулга танилцууллаа.
Нийслэлийн цагдаагийн газрын дарга, цагдаагийн хурандаа Ж.Эрдэнэболд “Өнгөрсөн 14 хоногийн хугацаанд гэмт хэргийн шинжтэй 7637 дуудлага, мэдээлэл хүлээн авсан нь өмнөх 14 хоногтой харьцуулахад 10 нэгж буюу 0.1 хувиар, гэмт хэргийн шинжтэй 1948 үйлдэл бүртгэгдсэн нь 110 нэгж буюу 5.3 хувиар тус тус буурсан байна. Эргүүл дэд хөтөлбөрийн хүрээнд иргэдийн аюулгүй орчинд ажиллаж амьдрах нөхцөлийг бүрдүлэх гэмт хэрэг, зөрчлөөс урьдчилан сэргийлэх, хэв журам сахиулах зорилгоор иргэд олноор цуглардаг болон хотын захын гэр хорооллын гудамж талбай орчмын 20 чиглэлд морьт, нохойтой болон дугуйт эргүүл үүрэг гүйцэтгэж байна. Мөн нийслэл хотын гудамж, талбайд үйлдэгдэх гэмт хэргийг илрүүлэх, таслан зогсоох, урьдчилан сэргийлэх зорилгоор “Шөнийн эргүүл” нэгдсэн арга хэмжээг тавдугаар сарын 22-ны өдрөөс эхлүүлсэн. Нэгдсэн арга хэмжээ эхэлснээс хойш гэмт хэрэг, зөрчлийн гаралт буурсан эерэг үзүүлэлт гарч байгаа” гэж танилцуулав.
“Замын цагдаагийн албаны Мэдээлэл шуурхай удирдлагын хэлтэст 3651 дуудлага мэдээлэл ирснээс хүн гэмтсэн хэргийн шинжтэй 136, зөрчлийн шинжтэй 1438 дуудлагад очиж хойшлуулшгүй ажиллагаа явуулан, 1574 ослыг материалжуулан шалгаж байна. Гудамж талбайд хийсэн шалгалтаар согтуугаар тээврийн хэрэгсэл жолоодсон зөрчил 714 бүртгэгдсэн нь өмнөх оны мөн үетэй харьцуулахад 21 хувиар буурсан байна. “Авто тээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хураах” арга хэмжээний хүрээнд өнгөрсөн 14 хоногийн хугацаанд дүүргийн Татварын хэлтсүүдтэй хамтран татвар төлөөгүй нийт 1383 тээврийн хэрэгслийн гэрчилгээг хураан авч харьяа дүүргийн татварын хэлтсийн байцаагч нарт хүлээлгэн өгсөн” гэж Нийслэлийн цагдаагийн газрын Замын хөдөлгөөний хяналтын газрын дарга, дэд хурандаа Б.Эрдэнэбат хэллээ.
НОБГ-ын дарга, хурандаа Н.Уламбаяр “Цаг уурын байгууллагаас гаргасан урьдчилан сэргийлэх мэдээгээр ойрын өдрүүдэд нийслэл хот орчмоор агаарын хэм тогтвортой байх бөгөөд хуурайшилтын эрсдэлийн “аюултай” зэрэгт байна. Нийслэлийн бүс нутагт цаг агаарт зориудаар нөлөөлж хур тунадас нэмэгдүүлэх ажлыг тавдугаар сарын 27-ны өдөр нэг удаа зохион байгуулсан. Өнгөрсөн 14 хоногт аюулт үзэгдэл, техникийн холбогдолтой ослын 124 удаагийн дуудлагаар Гал түймэр унтраах, аврах ангиуд гарч ажиллан болзошгүй аюулаас 12 хүний амь биеийг аварсан. Баянгол дүүргийн 20-р хороонд байрлах “Мон хөөс” ХХК-ийн хөөсөнцрийн үйлдвэрийн 54х18м хэмжээтэй сэндвичэн барилгад гал гарч, нийслэлийн Онцгой байдлын газрын Гал түймэр унтраах аврах 5 ангийн 32 албан хаагч 8 авто машин техник хэрэгсэлтэй ажиллаж унтраасан. Тавдугаар сарын 29-ний өдөр Сонгинохайрхан дүүргийн 13-р хороонд 9 давхар орон сууцны барилгаас согтуу иргэн амиа хорлох гэсэн дуудлагын дагуу нийслэлийн Онцгой байдлын газрын аврагч нар шуурхай ажиллаж 24 настай иргэнийг аварч цагдаагийн байгууллагад хүлээлгэн өгсөн” гэж танилцуулав.
“Өнгөрсөн 14 хоногийн хугацаанд гүний гаалийн хяналтын талбайд хяналт шалгалт хийж, 158 аж ахуйн нэгж байгууллагын 8300 тн бүтээгдэхүүн хяналт шалгалтад хамрагдлаа. “Юбийн кофе хаус” ХХК-ийн Хонконг улсын “Golden future trading” компаниас импортлосон Brazil green arabica, Indonesia green arabica гэсэн 2 нэр төрлийн кофений буурцагны чанар, аюулгүй байдалд хийсэн хяналт шалгалтаар лабораторийн шинжилгээгээр Монгол улсын стандарт “хүн, малын тэжээл дэх микотоксиний үлдэгдлийн зөвшөөрөгдөх дээд хэмжээ” MNS 6361:2012 стандартын шаардлагаас 16-19 дахин их афлотоксин зөрчил илэрсэн тул 2 нэрийн нийт 390 кг, 7.3 сая төгрөгийн кофены буурцагийг улсын ахлах байцаагчийн актаар хураалаа. “Агаар, орчны бохирдлыг бууруулах арга хэмжээний 5-9 сард хэрэгжүүлэх тусгай төлөвлөгөө”-ний хүрээнд Нарантуул худалдааны төвд ахуйн зуух худалдаалж буй ИААН-д хяналт шалгалт хийж, 5216:2016 MNS стандартын талаар танилцуулж, Нарантуул худалдааны төв болон худалдаачдад зөвлөмж хүргүүллээ. Мөн нийслэлийн нутаг дэвсгэрт үйл ажиллагаа явуулж буй 207 ШТС, 40 АХЦС хяналт шалгалт хийхэд 4 ШТС, 8 АХЦС зохих зөвшөөрөлгүй үйл ажиллагаа явуулж байсныг таслан зогсоосон” гэж Нийслэлийн Мэргэжлийн хяналтын газрын дарга Л.Эрдэнэчулуун ярилаа.
Зөвлөгөөний төгсгөлд Нийслэлийн Засаг дарга бөгөөд Улаанбаатар хотын захирагч С.Батболд “Маргаашнаас Ерөнхийлөгчийн сонгуулийн сурталчилгаа албан ёсоор эхэлнэ. Дүүрэг, хороодын дарга нар нэр дэвшигчдийн хийх уулзалтад иргэдийн оролцоог жигд хангахад, цагдаагийнхан уулзалт хурлын үеийн аюулгүй байдлыг хангахад онцгой анхаарч ажиллах хэрэгтэй” гээд нийслэлийн хэмжээнд хөрөнгө оруулалтын ажлын эрчмийг сулруулахгүй ажиллах, зургаадугаар сарын 15-ны дотор тендерийг зарлаж дуусгахыг дүүргүүдийн Засаг дарга болон холбогдох албан тушаалтнуудад үүрэг болгов. Мөн Ерөнхийлөгчийн сонгуулийн сурталчилгааны үе болон нийслэлд зохион байгуулагдах олон улсын арга хэмжээний үеэр аюулгүй байдлыг дээд зэргээр хангаж ажиллахыг холбогдох албан тушаалтнуудад үүрэг болголоо гэж нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
