-
2016 оны 10 сарын 26
Эдгээр 142 айлд гэрээнд тохиролцсоны дагуу нийт 9800 м.кв талбай бүхий 182 айлын байр, 30 гаруй дулаан зогсоол, худалдаа үйлчилгээний талбай зэргийг өгөхөөс өнөөдрийн байдлаар 120 гаруй айлд 148 байр, 24 дулаан зогсоол, худалдаа үйлчилгээний талбай зэргийг хүлээлгэн өгөөд байна. Үлдсэн айлуудад БЗД-ийн 13-р хороололд байрлах Амартүвшин хотхоноос орон сууцыг нь сонгуулж, тухайн иргэд энэ сард багтаан байрандаа нүүж орох юм байна.
-
2016 оны 10 сарын 26
Төр засгийн тусламжаас гадна Казакстаны Засгийн газар, Олон улсын байгууллага, хувийн аж ахуйн нэгжүүдээс Өлгийчүүдэд тусламжийн гараа сунгаад байсан. Эдгээр тусламжийн хүрээнд шинэ суурьшлийн бүс байгуулах, орон гэр олгох, цахилгаан эрчим хүч татах, худаг ухах, далан суваг босгох зэрэг олон ажлууд хийсэн ч үерт автсан өрхүүд хэвийн амьдралдаа эргэж орж чадаагүй байгаа юм
-
2016 оны 10 сарын 26
Нийгмийн эрүүл мэндийн хүрээлэнгээс Монгол хүнд тохирсон өглөөний цайны жор 2-ыг гаргажээ. Энэхүү өглөөний цайны цэсэнд шарсан өндөг, хөх тарианы талх, улаан лооль, үзэмний шүүс орж байгаа юм.
Хүнсний бүтээгдэхүүний нэр Жин (гр) Уураг Өөх тос Нүүрс ус Илчлэг (кккал)
Шарсан өндөг 50 26.6 23 1.6 200
Хөх тарианы талх 65 82.5
Улаан лооль 100 26
Үзэмний шүүс 200 0.5 - 21.3 87.2
Гарц 28.4 23.4 42.8 395.7
Өглөөний цайны тус жор нь хамгийн хялбар, энгийн, богино хугацаанд бэлтгэж болох, өртөг багатай өглөөний унд гэдгээрээ мөн онцлогтой.
Нийгмийн эрүүл мэндийн хүрээлэнгийн зөвлөж буйгаар насанд хүрсэн хүн хоол хүнсээр авбал зохих хоногийн илчлэг нь дунджаар 2100-2500 ккал байх ёстой. Үүнийг 100 хувь гэж үзвэл,
Өглөө 20-25 хувь,
Их, бага үдэд 10-15 хувь,
Их үдэд 35-40 хувь,
Орой 15-20 хувиас ихгүй гэж тооцон хоол хүнсээ тохируулан хэрэглэх ёстой юм байна.
-
2016 оны 10 сарын 25
Хүйтний улирал эхэлж буйтай холбогдуулан сүүлийн үед ахуйн гал түймрийн гаралт ихсэх хандлагатай байна. Өнгөрсөн амралтын өдрөөр Хэнтий аймгийн Бор-Өндөр суманд хоёр хүүхэд, Дархан-Уул аймагт нэг иргэн гал түймрийн улмаас амь насаа алджээ.
Оны эхний 10 сарын байдлаар объектын гал түймэр улсын хэмжээнд 2985 удаа гарч 30 хүн түлэгдэж гэмтэн, 31 хүн амь насаа алдсан байна.
Гарч байгаа гал түймрийн голлох шалтгаан нөхцөл нь пийшин зуухны буруу галлагаа, яндангийн халалт, цахилгаан хангамж, тоног төхөөрөмжийн буруу хэрэглээ зэргээс үүдэн гарч байгааг холбогдох мэргэжилтнүүд анхааруулж байна. Мөн эцэг, эхчүүд бага насны хүүхдийг харгалзах хүнгүйгээр гэрт нь орхих, цоожилж үлдээсээр байгаа нь хүүхэд гал түймрийн аюулд өртөх эрсдэлийг бүрдүүлж байна.
Иймд бага насны хүүхдийг гэрт нь харгалзах хүнгүйгээр орхих, цоожилж үлдээхгүй байх, орхих тохиолдолд заавал насанд хүрсэн харгалзах хүнтэй байлгахыг Онцгой байдлын ерөнхий газраас анхааруулж байна.
-
2016 оны 10 сарын 25
Улсын ерөнхий прокурорын туслах, Дотоод аюулгүй байдлын албаны дарга Э.Амарбат, Нийслэлийн прокурорын хяналтын прокурор Б.Бясман нар өнөөдөр мэдээлэл хийлээ.
-
2016 оны 10 сарын 25
Орон нутгийн сонгуультай холбоотой Сонгуулийн тухай хууль тогтоомж зөрчсөн гэх гэмт хэргийн шинжтэй 56 дуудлага цагдаагийн байгууллагад бүртгэгдснийг прокурорын байгууллагаас хянаж байгаа аж.
-
2016 оны 10 сарын 25
Жил бүрийн аравдугаар сарын 29-нд дэлхий нийтээрээ тархины харвалт өвчинтэй тэмцэх өдрийг тэмдэглэдэг. Тэгвэл энэ өдрийг угтаж, энэ сарын 27-ний өдөр нэг болон гуравдугаар эмнэлэг нээлттэй хаалганы өдөрлөг зохион байгуулахаар болжээ.
-
2016 оны 10 сарын 25
Хан-Уул дүүргийн Мэргэжлийн хяналтын хэлтсээс дүүргийн нутаг дэвсгэрт үйл ажиллагаа явуулж буй арьс, гоо заслын эмнэлэг, салонуудад хяналт шалгалт хийжээ.
-
2016 оны 10 сарын 25
Авлигатай тэмцэх газар 2016 оны 10 дугаар сарын 17-21-ний өдрүүдэд шинээр гэмт хэргийн шинжтэй 8 гомдол, мэдээлэл хүлээн авч, нийт 28 гомдол, мэдээллийг шалгав. Үүнээс 3 гомдолд эрүүгийн хэрэг үүсгэж, 5 гомдол, мэдээллийг эрүүгийн хэрэг үүсгэхээс татгалзах, 3 гомдол, мэдээллийг харьяаллын дагуу шилжүүлэх саналтайгаар прокурорт шилжүүллээ. Ажиллагаанд 17 гомдол, мэдээлэл шалгагдаж байна.
Өнгөрсөн долоо хоногт эрүүгийн 57 хэрэгт мөрдөн байцаалтын ажиллагаа явуулав. Шинээр 3 хэрэгт эрүү үүсгэн шалгаж эхэллээ.
-
2016 оны 10 сарын 25
Нийслэлийн 377 жилийн ойг тохиолдуулан Батлан хамгаалахын сайд Улаанбаатар хотын удирдлагуудыг хүлээн авч уулзлаа. Цаашдын хамтын ажиллагааны талаар санал бодлоо солилцсон байна. Энэ үеэр Батлан хамгаалахын сайд Б.Бат-Эрдэнэ болон Нийслэлийн Засаг дарга бөгөөд Улаанбаатар хотын захирагч С.Батболд нар 2016-2020 онд хамтран ажиллах санамж бичигт гарын үсэг зурлаа.
Санамж бичигт нийслэлийн тохижилт, бүтээн байгуулалтын ажилд Батлан хамгаалах яам дэмжлэг үзүүлэн ажиллахаар тусгасан байна. Нийслэл хотод хэрэгжиж байгаа гэр хорооллын дахин төлөвлөлтийн арга хэмжээнд Батлан хамгаалах салбарын алба хаагчдыг хамруулж, нийслэл, дүүргийн бүтээн байгуулалтын ажилд Зэвсэгт хүчний барилга-инженерийн ангиуд, төрийн өмчит үйлдвэрийн газруудыг оролцуулах болон хуулийн хүрээнд гүйцэтгүүлэх талаар дэмжлэг үзүүлэх юм.
Зэвсэгт хүчнийг сурталчлах, иргэн-цэргийн харилцааг бэхжүүлж, эх оронч үзлийг төлөвшүүлэхэд талууд хамтран ажиллана. Мөн Нийслэлийн хэмжээнд Батлан хамгаалах төрийн үйлчилгээг иргэдэд түргэн, шуурхай хүргэх, Зэвсэгт хүчний анги, байгууллагын үйл ажиллагааг нээлттэй сурталчлах зэрэг заалтууд санамж бичигт тусгагджээ. Нийслэлийн ногоон байгууламжийг хамгаалахад мөн талууд хамтарна. Тухайлбал, нийслэлийн хэмжээнд цэргийн алба хаагчдыг ногоон бүсийн ойг хамгаалах, нөхөн сэргээх ажилд оролцуулахаас гадна хуурайшилт ихтэй улиралд ой, хээрийн түймрээс урьдчилан сэргийлэх ажилд цэргийн албыг дүйцүүлэн хааж буй иргэдийг татан оролцуулна. Талууд санамж бичгийн хүрээнд тухайн жилд хийх ажлаа төлөвлөн, хэрэгжилтэд нь харилцан хяналт тавьж, оны эцэст дүгнэж байх юм.
Нийслэлийн Засаг дарга бөгөөд Улаанбаатар хотын захирагч С.Батболд “Батлан хамгаалах яам, нийслэл хотын хооронд уламжлалт хамтын ажиллагаа байдаг. Нийслэл хот бол Монгол улсын хүн амын тал хувь нь суурьшсан хот. Тэр утгаараа батлан хамгаалахын чиглэлээр иргэдийг сургаж, дадлагажуулах, цэргийн насны хүмүүсийн дайчилгаа сургалтын чиглэлээр хамтран ажилладаг. Энэ мэтчилэн ирэх 4 жилд хэрхэн хамтарч ажиллах талаар өнөөдөр гарын үсэг зурлаа. Онцгой байдал тохиолдсон үед болон тайван цагт талууд ямар үүрэг хүлээж ажиллах вэ гэдгийг тодорхой тусгаж өгсөн байгаа” гэлээ.
Батлан хамгаалахын сайд Б.Бат-Эрдэнэ “Өмнө ч бид нягт хамтын ажиллагаатай байсан. Өнөөдөр санамж бичигт гарын үсэг зурснаар энэ харилцаа илүү тодорхой болох ач холбогдолтой. Батлан хамгаалах салбарын багц хуулиуд батлагдсантай холбоотойгоор салбарын үйл ажиллагаа, цар хүрээ өргөжсөн. Энэ хэрээр батлан хамгаалах салбарын бодлого, ажиллагааг сурталчлах, иргэдтэйгээ хамтарч ажиллах шаардлага бий болж байна. Тиймээс салбарын яам нийслэлтэй хамтарч, өргөн цар хүрээтэй ажиллахаар төлөвлөж байна.” гэсэн юм.
Үүний дараа Батлан хамгаалахын сайд Б.Бат-Эрдэнэ, Нийслэлийн Засаг дарга бөгөөд Улаанбаатар хотын захирагч С.Батболд, НИТХ-ын дарга Ц.Сандуй болон албаны бусад хүмүүс Бүх цэргийн хар сүлдэнд хүндэтгэл үзүүллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 10 сарын 25
2016 оны 10 сарын 24-ний оройн 21 цагаас эхлэн Нийслэл хотод хур тунадас орсон бөгөөд авто замын хөдөлгөөнд хүндрэл үүсгэхээс урьтаж, Хот тохижилтын газар шуурхай арга хэмжээ авч ажиллаж байна. 22 цагт тусгай зориулалтын тоноглогдсон хоёр машин, шөнийн 03 цагт нэмэлтээр долоон машин тус тус гаргаж, нийт 56 тн бодис цацаж ажиллалаа. Ингэхдээ хариуцдаг авто зам болон халтираагаа, гулгаа ихтэй гудамж, уруу, өгсүүр замууд, мөн Замын Цагдаагийн Газрын дуудлагаар доорх замуудад бодис цацав. Үүнд Энхтайваны өргөн чөлөө, Яармагийн товчоо, Энхтайваны гүүр, Богд уулын арын зам, Нисэх, Яармагийн зам, Их тэнгэрийн ам, Засгийн газрын ордны хоёр тал, Нүхэн гарц, 32-с хойш, Долоон буудал, Дөлгөөн нуур, Төв шуудан, Багшийн дээд, Гадаад хэргийн Яам, Олимпын гудамж, Чингисийн өргөн чөлөө, 22-ын товчоо, Баян хошууны өгсөж урууддаг зам, Ард Аюушийн гудамж, Чингүүнжав, Хасбаатарын гудамж, Нарны гүүрний өгсөж урууддаг зам, Туннель, Цайз, Шар хадны гудамжнуудад цас хайлуулах бодис цацлаа. Тус газрын Тохижилт үйлчилгээний албаны зам талбайн үйлчлэгчид хариуцсан зам талбайнхаа явган хүний замын цасыг шүүрдэж, халтираагаа гулгаанаас урьдчилан сэргийлж, шуурхай ажиллаж байна гэж Нийслэлийн Хот тохижилтын газраас мэдээллээ.
-
2016 оны 10 сарын 25
Дэлхийн банк болон Швейцарийн Хөгжлийн агентлагийн санхүүжилтээр “Тогтвортой амьжиргаа-3” төслийг 21 аймагт хэрэгжүүлж байгаа. Тэгвэл Сангийн яамны хэрэгжүүлж буй тус төслийн Сум дэмжих багуудын 105 ажилтныг Сангийн яамны ТНБД-ын үүргийг түр орлон гүйцэтгэгч Б.Нямаагийн шийдвэрээр ажлаас нь халжээ. Уг асуудлаар ажлаас халагдсан гэх 105 ажилтны төлөөлөл болон хуульчдын зүгээс мэдээлэл хийлээ.
-
2016 оны 10 сарын 25
Монгол улсын Хөдөлмөрийн баатар, Ардын жүжигчин, Төрийн шагналт хөгжмийн зохиолч Д.Лувсаншаравын хөгжим, С.Лхамсүрэнгийн шүлэг “Маамуу нааш ир” дуу зохиогдсоны 60 жилийн ой энэ онд тохиож байна. Ойн ажлын хүрээнд өнөөдөр буюу “Маамуу нааш ир” дууг Монгол орон даяар цэцэрлэгийн бүх хүүхдүүд нэгэн зэрэг дууллаа. Мөн “Маамуу нааш ир” дууны хөшөөнд цэцэг өргөх ёслол болсон юм.
Нэмж мэдээлэхэд, Өнгөрөгч 2011 онд тус дууны 55 жилийн ойд зориулж уран барималч Б.Эрдэнэбатын загвараар бие даасан уран бүтээлчид “Маамуу нааш ир” дууны гурав дахь хөшөөг босгосон юм.
-
2016 оны 10 сарын 25
Нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан Нэгдсэн үндэсний байгууллагын хөгжлийн хөтөлбөрийн олон улсын зөвлөх Мэри Дэвис болон холбогдох хүмүүсийг хүлээн авч уулзлаа.
-
2016 оны 10 сарын 25
Энэ жил улсын хэмжээнд 501.0 мянган тонн үр тариа, 482.1 мянган тонн улаанбуудай, 174.7 мянган тонн төмс, 117.5 мянган тонн хүнсний ногоо, 32.5 мянган тонн тосны ургамал, 43.4 мянган тонн малын тэжээлийн ургамал тус тус хураан авахаар төлөвлөж байгаа.
-
2016 оны 10 сарын 25
Ихэнх нутгаар цас орж, халтиргаа гулгаа үүссэн, үзэгдэх орчин хязгаарлагдсан.
-
2016 оны 10 сарын 25
Бүгд Найрамдах Турк Улсын Үндэсний Их хурал дахь Турк-Монголын Парламентын Найрамдлын бүлгэмийн дарга, Туркийн Газиантеп хотоос сонгогдсон Үндэсний Их хурлын гишүүн Мехмет Эрдоган тэргүүтэй төлөөлөгчид Монгол Улсад албан ёсны айлчлал хийнэ. Тэдний айлчлал өнөөдөр эхлэх бөгөөд энэ сарын 29 хүртэл үргэлжлэх аж.
-
2016 оны 10 сарын 25
Авлигатай тэмцэх газрын даргын баталсан удирдамжийн дагуу тус газрын Хяналт шалгалт, дүн шинжилгээний хэлтсээс Гаалийн ерөнхий газар, Улаанбаатар хотын гаалийн газрын албан тушаалтнуудын хувийн ашиг сонирхлын болон хөрөнгө, орлогын мэдүүлгийн бүрдүүлэлтэд хяналт шалгалт хийлээ.
-
2016 оны 10 сарын 25
Улс орны эдийн засгийн нэгэн чухал салбар нь Аялал жуулчлал, худалдаа үйлчилгээний салбар байдаг. Монгол улсын Засгийн газраас эдийн засгийн олон тулгуурт салбаруудыг хөгжүүлэх зорилтын хүрээнд Аялал жуулчлал, худалдаа үйлчилгээний салбаруудыг дэмжих, хөгжүүлэхэд чиглэгдсэн олон ажлуудыг хийхээр төлөвлөгдөж байна.
Үүний нэг нь Монгол улсын нийслэл Улаанбаатар хотыг Аялал жуулчлал, худалдаа үйлчилгээний төв болгож, тав тухтай орчин, аюулгүй байдлыг дээд зэргээр хангасан, бүхий л төрлийн үйлчилгээг нэгэн дор авах боломжтой, 24 цаг тасралтгүй үйл ажиллагаатай “Шөнийн гудамж” төслийг эхлүүлэхээр зэхээд байгаа аж.
Энэхүү төслийг хэрэгжүүлэх байршлыг хүртэл сонгосон байгаа бөгөөд Улаанбаатар хотын төв цэг болох Худалдаа үйлчилгээний гол бүс буюу Сеүлийн гудамж хамгийн тохиромжтой байршилд тооцогдож байгаа юм.
Манай орныг зорин ирсэн жуулчдын хувьд шөнийн цагаар үйлчилгээ авах, амарч зугаацах, алжаалаа тайлах, хоол унд зооглох боломж хязгаарлагдмал байдаг зэрэг нь жуулчдын сэтгэл ханамжийн байдалд шууд нөлөөлдөг гэдгийг судалгаагаар нотлосон байдаг.
Хэрэв энэхүү төсөл хэрэгжвэл Нийслэл хот маань Дэлхийн бусад хотуудын адил худалдаа үйлчилгээний шөнийн гудамжтай болж, гадна дотны жуулчид, зочид төлөөлөгч нарын хэрэгцээ шаардлагад нийцсэн, жинхэнэ аялал жуулчлалын төв хот болох боломж бүрдэх юм.
Дашрамд сонирхуулахад Аялал жуулчлал өндөр хөгжсөн Нью Йорк, Токио, Сеүл, Бээжин, Банкок, Куала-Лампур зэрэг хотуудад худалдаа үйлчилгээний шөнийн гудамж, захууд олноор байдаг бөгөөд энд жуулчид амарч зугаалах, чөлөөт цагаа өнгөрүүлэх, худалдаа үйлчилгээ авах бүхий л нөхцөл боломжийг бүрдүүлсэн байдаг байна.
-
2016 оны 10 сарын 25
Мөнгөн ус тээвэрлэж явсан иргэдийг илрүүллээ. Тодруулбал, энэ сарын 24-ний өдөр Баянгол дүүргийн нутаг дэвсгэр Нарны хорооллын ...р байрны зогсоолд мөнгөн ус зарж байна гэсэн мэдээлэл цагдаагийн байгууллагад иржээ.
