-
2017 оны 3 сарын 26
Гэрлэлт түүнтэй харьцах цуцлалтын тоо жил ирэх тусам нэмэгдэх боллоо. Монгол Улсын хэмжээнд тухайн тоо баримтаар өдөрт 10 гэр бүл гэрлэлтээ цуцлуулж, 40 хос гэрлэлтээ бүртгүүлдэг. Гэрлэлтээ бүртгүүлж буй нас 20-29 насныхан 72 хувийг эзэлж байна.Цуцлалтын тоо энэ байдлаар үргэлжлэх бол өдөрт гэр бүлээ батлуулж буй 40 хосын 10 нь эрсдэлтэйг тоо баримт сануулж байна.
-
2017 оны 3 сарын 26
өдөртөө 4-6 градус дулаан байна
-
2017 оны 3 сарын 25
Жил бүрийн гуравдугаар сарын сүүлийн бямба гарагт ”Эх дэлхийн цаг” арга хэмжээг дэлхий нийтээрээ тэмдэглэдэг. Уур
-
2017 оны 3 сарын 25
Архангай, Баянхонгор, Говь-Алтай, Завхан, Өвөрхангай, Өмнөговь, Увс зэрэг
-
2017 оны 3 сарын 25
Энэ жил 40 гаруй мянган төгсөгч ЭЕШ өгөх тооцоог Боловсролын үнэлгээний төвөөс гаргаад байна.
-
2017 оны 3 сарын 25
25-нд зүүн аймгуудын нутгийн зүүн , 26, 28-нд баруун аймгуудын нутгийн хойд, 27-нд баруун аймгуудын нутгийн зүүн хэсэг, төв,
-
2017 оны 3 сарын 25
Сүхбаатар аймгийн Дарьганга сумын Бадрах багийн нутагт Шилийн богдод
-
2017 оны 3 сарын 25
Засгийн Газар ”Зуны цагийн тоололд шилжүүлэх
-
2017 оны 3 сарын 25
Ирэх сарын 1-ээс эхлэн автобусны бэлэн мөнгөний хайрцгийг хураахаар болсон
-
2017 оны 3 сарын 25
Өнөөдөр аргын тооллын 2017 оны гуравдугаар сарын 25,
-
2017 оны 3 сарын 25
Монголын Үндэсний Олимпийн хорооны VII дугаар чуулган өчигдөр болж өндөрлөлөө.
-
2017 оны 3 сарын 25
Малчид, тээвэрчид, иргэдийн зориулсан цаг агаарын мэдээ:
-
2017 оны 3 сарын 24
Завхан аймгийн Тэлмэн суманд нохой галзуурч 10 хоногийн хорио цээрийн дэглэм тогтоогоод байна.
Тус сумын нутаг Нуур багийн “Баруун гуу” гэдэг газар малчин А-гийн хоёр нохой халдварт өвчний шинж тэмдэгтэй өвчилсөн тухай дуудлага энэ сарын 14-ны өдөр аймгийн Онцгой байдлын газар иржээ. Өвлчилсөн нохойг устгаж, дээж авч аймгийн Мал эмнэлэг ариун цэврийн лабораторид шинжлүүлэхэд гуравдугаар сарын 15-ны өдрийн хариугаар “Галзуу” өвчин болох нь тогтоогджээ. Галзуу илэрсэн газар нутагт хөрсний ариутгал халдваргүйтгэлийг хийгээд байна.
Мөн нохой болон гэрийн тэжээвэр амьтдад галзуугийн вакциныг хуваарийн дагуу хийж байгаа ажээ.
-
2017 оны 3 сарын 24
Монголын Үндэсний музей нь Нийслэлийн ерөнхий боловсролын сургуулиудтай хамтран ажиллах гэрээ байгуулж, аравдугаар ангийн сурагчдад үнэ төлбөргүйгээр үйлчлэх эрх олголоо. Тодруулбал дээрх музей нь нийслэл хотод үйл ажиллагаа явуулдаг 120 орчим ерөнхий боловсролын сургуулийн 50 гаруйтай нь гэрээ байгуулжээ. Улмаар БСШУЯ-наас баталсан “Цөм хөтөлбөр” болон ЕБС-ийн түүхийн хичээлтэй холбогдуулан аравдугаар ангийн сурагчдад нээлттэй боломжийг бүрдүүлж байна.
Гэрээ байгуулсан сургуулийн аравдугаар ангийн сурагчид нэгээс зургадугаар сард үйлчлүүлэх аж. Түүнчлэн сурагчдаа дагуулж ирсэн багш, цэцэрлэгийн насны хүүхдүүд, хөгжлийн бэрхшээлтэй иргэдэд ч үнэ төлбөргүй үйлчлэх гэнэ.
Үндэсний музейд хүүхдэд зориулсан “Музейн Боловсролын өрөө” байдаг бөгөөд үүнд бүх насны хүүхдэд зориулсан олон сонирхолтой боловсролын хөтөлбөрт хамрагдах боломжтой юм байна.
Монголын Үндэсний музей нь Монгол нутагт хүн анх аж төрөх болсон хуучин чулуун зэвсгийн үеэс эдүгээ хүртэлх нүүдэлчдийн түүх, соёл, өв дурсгал, угсаатны зүй, уламжлалт зан заншилтай холбогдох 56 мянга гаруй үзмэртэй билээ.
Сан хөмрөгт нь хүрэл зэвсгийн үеийн хос янзага, хүрэл сэлэм, Хүннүгийн үеийн ширмэл ширдэг, авсны алтан чимэглэл, алтан нар сар, Түрэгийн Билгэ хааны алтан титэм, алтан чимэглэлүүд, алтан гүц, хундага, таваг, мөнгөн буга, Хятаны үеийн ясан шүдний сойз, XIII зууны үетэй холбогдох нум, сум, үйсэн хоромсого, эмээлийн мод, Монголын эзэнт гүрний үеийн зооснууд, чамин тансаг хийц, загвартай Богтого малгайн алтан чимэглэл, Япон тэнгисээс олдсон Хубилай хааны цэргийн усны сав, XIII-XIY зуунд холбогдох Язгууртны дээл, XIY-XY зууны үеийн байлдааны ширэн хөө хуяг, ялтсан гутал, “Өндөр” Гонгорын хөөрөг, даалин, таван ханатай Монгол гэр, Жанжин Д.Сүхбаатарын хувцас хэрэглэл, Ж.Гүррагчаагийн сансарт нисэхдээ өмсөж байсан хувцас, Монгол Улсын хоёр дахь ерөнхийлөгч Н.Багабандийн ёслол хүндэтгэлийн хувцас зэрэг ховор, үзмэр хадгалагддаг юм.
-
2017 оны 3 сарын 24
Нийслэлийн Засаг даргын Тамгын газар, нийслэлийн Аялал жуулчлалын газраас “Улаанбаатар хотын Аялал жуулчлалыг 2017-2021 онд хөгжүүлэх”, “Шөнийн Улаанбаатар” зэрэг дэд хөтөлбөрийн төслийг боловсруулаад байна. Тус дэд хөтөлбөрүүдийн хэлэлцүүлгийг өнөөдөр Хангарди ордонд зохион байгууллаа. Хэлэлцүүлэгт аялал жуулчлалын чиглэлээр үйл ажиллагаа явуулдаг төрийн болон төрийн бус байгууллагууд, хувийн хэвшил, аж ахуйн нэгж, иргэд оролцож, өөрсдийн санал бодлоо илэрхийлэв гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 3 сарын 24
Д.Загдсүрэн
-
2017 оны 3 сарын 24
Элэгний С вирусийн идэвхжил тодорхойлох эрх бүхий эрүүл мэндийн байгууллагатай даатгалын гэрээ байгуулан, даатгуулагчийн хоёр хүртэлх удаагийн шинжилгээний зардлын төлбөрийг Эрүүл мэндийн даатгалын сангаас санхүүжүүлэхээр Нийгмийн даатгалын үндэсний зөвлөлийн хуралдаанаар шийдвэрлэлээ.
Энэхүү шийдвэр дөрөвдүгээр сарын 1-нээс хэрэгжих бөгөөд иргэд С вирусийн шинжилгээгээ үнэ төлбөргүй тогтоолгох боломж бүрдэж байгаа юм. Гэхдээ элэгний С вирус тогтоох лабораторийн шинэжилгээний зардлын дээд хязгаарыг 120.000 төгрөгөөр тогтоож даатгуулагчаас нэмэлт төлбөр авахгүй гэсэн шийдвэр гаргажээ.
Эрүүл мэндийн даатгалын сангаас 4.9 тэрбум төгрөгийг шинжилгээний зардалд зарцуулах ба удахгүй итгэмжлэгдсэн лабораториудын нэрийг зарлах юм байна.
Монгол улсын Засгийн газрын 2016-2020 оны үйл ажиллагааны мөрийн хөтөлбөрт Элэгний хавдар, хатуурлын шалтгаант нас баралтыг эрс бууруулах, элэгний С вирусийн голомтыг 2020 он гэхэд устгаж, халдварт тархалтыг таслан зогсоох, “Элэг бүтэн Монгол” хөтөлбөрийг хэрэгжүүлэхээр тусгасан билээ. Монгол улсад 2016 оны байдлаар элэгний С вирусийн халдварын тархалт нийт хүн амын 10 гаруй хувийг эзэлж, дэлхийд С вирусийн өндөр тархалттай улс болоод байна гэж нийслэлийн ЭМНДГ-аас мэдээллээ.
-
2017 оны 3 сарын 24
Бөөр орлуулах эмчилгээний нэг төрөл болох удаан хугацааны эмчилгээ шаарддаг гемодиализ эмчилгээний хүлээгдэл чирэгдлийг багасгах, иргэдийн санхүүгийн хүндрэлийг хуваалцах зорилгоор Засгийн газраас 2.3 тэр бум төгрөгийн санхүүжилтийг шийдвэрлэхээр боллоо.
Эрүүл мэнд, нийгмийн даатгалын ерөнхий газар, Эрүүл мэндийн яамны хооронд “Эрүүл мэндийн даатгалын сангаар дамжуулан гемодиализ эмчилгээний зардлыг санхүүжүүлэх гэрээ” мөн Эрүүл мэнд, Нийгмийн даатгалын ерөнхий газар, Хувийн хэвшлийн эрүүл мэндийн байгууллагуудын хооронд “Гемодиализ эмчилгээ үзүүлэх, худалдан авах гэрээ”-г энэ сарын 22-нд байгуулсан юм.
Гемодиализийн эмчилгээ, үйлчилгээ үзүүлэх дараах нэр бүхий долоон хувийн хэвшлийн эрүүл мэндийн байгууллагуудтай гэрээ байгуулснаар 140 гаруй үйлчлүүлэгч эмчилгээнд хамрагдаж, тусламж үйлчилгээний зардлыг эрүүл мэндийн даатгалын сангаас санхүүжүүлэх боломжтой боллоо.
Одоогоор 16 аймаг, Улаанбаатар хотын хэмжээнд 35 эрүүл мэндийн байгууллагын 161 аппаратаар нийт 571 иргэнд гемодиализийн тусламж, үйлчилгээг үзүүлж байна.
Гемодиализийн эмчилгээ, үйлчилгээ үзүүлэх эмнэлгүүд:
1. Люкс диализ ХХК Люкс диализ эмнэлэг
2. Нарт эрдэнэс ХХК-ий Кидней кейр эмнэлэг
3. Сити Энержи ХХК-ий Улаанбаатар мед эмнэлэг
4. Ач тус ГХО ХХК-ий харьяа Агапэ эмнэлэг
5. Интернейшнл Медикал Сентер ХХК-ий Интермед эмнэлэг
6. Интенсивкаре ХХК-ий ICU эмнэлэг
7. Хурилдуур ХХК-ий Эрин эмнэлэг гэж нийслэлийн ЭМНДГ-аас мэдээллээ.
-
2017 оны 3 сарын 24
“Аюулгүй хүнс” сарын аяны хүрээнд Нийслэлийн томоохон худалдааны төвүүдэд худалдаалагдаж буй цагаан будааны гарал үүсэл, чанар аюулгүй байдалд хяналт шалгалт хийхэд БНХАУ-аас хэн хаанаас импортлосон нь тодорхойгүй хаяг шошгын мэдээлэл Хятад хэл дээр бичигдсэн 25 кг-ын савалгаатай Сүмийн зурагтай мөн 1, 2, 5 кг-ын савалгаатай Зааны зурагтай хаяг шошго огт байхгүй цагаан будаа худалдаалж байсныг Хүнсний аюулгүй байдал, хөдөө аж ахуйн хяналтын хэлтсийн ургамал хамгаалал, хорио цээрийн хяналтын улсын байцаагчид илрүүлж холбогдох хуулийн дагуу арга хэмжээ авч ажиллалаа.
Иймд ИРГЭД цагаан будаа худалдан авахдаа зориулалтын худалдааны газруудаас /хаанаас хэн, хэзээ импортолж, хаана савласан, хадгалах, хэрэглэж дуусах хугацаа бичигдсэн, холбогдох хаяг, утасны дугаар бичигдсэн/ хаяг шошгын мэдээлэл гүйцэд бичигдсэн, сав баглаа боодол урагдаж цоороогүй бүтээгдэхүүнийг сонгон авч хэрэглэнэ үү.
-
2017 оны 3 сарын 24
Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү, Геодези, усны барилга байгууламжийн газрын дарга Т.Цэрэнноров болон холбогдох албны хүмүүс өнөөдөр Улаанбаатар хотын үерийн далан суваг, барилга байгууламжийн нөхцөл байдалтай танилцлаа. СХД-ийн Толгойтын үерийн далан сувгийн нөхцөл байдалтай танилцсанаар ажлаа эхлүүллээ. Толгойтын үерийн далан суваг нь булгийн халиа дошин үүссэнээс дүүрч айл, өрхүүдрүү орох эрсдэл үүсдэг юм. Үүнээс урьдчилан сэргийлж Геодези, усны барилга байгууламжийн газар энэ өвлийн турш ажиллаж 1.3 км суваг гарган 850 куб метр мөсийг гаргаж холдуулсан байгаа аж. Түүнчлэн Чингэлтэй дүүргийн 10, 12-р хорооны үерийн далан суваг болон БЗД-ийн 10-р хороонд булгийн халиа дошноос болж үүсээд байгаа нөхцөл байдал, шар усны үерээс урьдчилан сэргийлж авч хэрэгжүүлж буй ажлуудтай танилцсан юм.
Нийслэлийн Засаг даргын орлогч П.Баярхүү “Нийслэлийн Засаг дарга үүрэг болгосны дагуу шар усны үерээс урьдчилдан сэргийлж Улаанбаатар хот дахь далан суваг, шуудууны нөхцөл бадалтай танилцаад явж байна. Улаанбаатар хотыг шар усны үерт автуулахгүй байхын төлөө Геодези, усны барилга байгууламжийн газраас энэ өвлийн турш булгийн халиа дошин үүсгэхгүй байх, далан сувгуудыг нээж, цэвэрлэх ажлыг хийсээр байна. Зарим хувь хүн, албан байгууллагууд үерийн далан сувгуудад хог хаягдлаа хаях, дээр нь барилга байшин барих, сэтэлж авто засвар гэх мэт үйл ажиллагаа явуулах зэргээр зөрчлүүд гаргаж байна. Далан сувгуудыг хааж орц, гарч хийсэн, дамнуулж барилга байшин барьсан зэрэг зөрчлүүдийг нийслэлийн Засаг даргын зөвлөлийн хуралд танилцуулж яаралтай арга хэмжээг авна. Эхнээс нь бид мэргэжлийн байгууллагуудтай хамтран зарим зөрчлүүдийг арилгуулж, арга хэмжээ авч ажиллаж байна. Үерийн далан сувгуудын хувьд насжилт өндөр болсноос эвдрэл багагүй байна. Урсгал засвар хийх болон шинээр барьж байгуулах тал дээр анхаарч шаардлагатай хөрөнгө мөнгийг нийслэлийн төсөвт суулгах тал дээр анхааран ажиллана” хэмээлээ.
“Нийслэлийн Онцгой комиссын албан даалгаварын дагуу Геодези, усны барилга байгууламжийн газар хэд хэдэн байршил дээр шар усны үерээс урьдчилан сэргийлэх ажлыг зохион байгуулан ажилласаар байна. Булгийн халиа дошин үүсч далан дүүрч дулаарахад хайлж, шар усны үер үүсэх эрсдэл их байгаа. Үүнээс урьдчилан сэргийлж суваг гаргаж, гарсан мөсийг зөөж ажилаж байна” хэмээн Геодези усны барилга байгууламжийн газрын дарга Т.Цэрэнноров ярьж байлаа.
Нийслэлийн хэмжээнд 50 байршилд 140.5 км урттай далан судаг байдаг аж. Үүнээс 60 гаруй хувь нь хуучирч муудсанаас болж хана, хавтангууд нь ховхорч унасан зэрэг асуудлуудтай байгаа юм. Үерийн далан сувгуудад урсгал засвар хийх, шинээр барьж байгуулах зайлшгүй шаардлага тулгараад байгааг албаны хүмүүс хэлж байлаа. Үерийн далан суваг, барилга байгууламж дээр үйл ажиллагаа эрхлэх, шороо асгаж битүүлээд газрыг нь зарах хүртэл зөрчлүүд илэрсэн байна гэж нийслэлийн ЗДТГ-ын хэвлэл мэдээлэл, олон нийттэй харилцах хэлтсээс мэдээлээ.
