-
2017 оны 2 сарын 13
Нийслэлийн хэмжээнд хүүхдийн клиник сувилал ердөө 3 байдгаас нэг нь Сонгинохайрхан дүүрэгт бий. “Хүүхдийн клиник сувилал 41” нэртэйгээр үйл ажиллагаагаа явуулдаг уг байгууллага дүүргийн 32 хорооны Өрхийн Эрүүл Мэндийн Төвүүдтэй хамтран архаг суурь өвчтэй хүүхдүүдийг сувилдгаараа бусад цэцэрлэг яслиудаас ялгаатай юм.
-
2017 оны 2 сарын 13
Монгол Улсын гавьяат тамирчин Г.Өсөхбаяр энэ удаа дэлхийн хамгийн эрсдэлтэй гэдгээрээ хоёрт ордог “К2” уулын оргилд гарахаар төлөвлөн бэлтгэлээ базааж эхэлжээ. Пакистаны Балтистан болон БНХАУ-ын Синьцзяний хил орчимд орших Дэлхийн хоёр дахь ноён оргил “K2” уул нь далайн түвшнээс дээш “8611” метрт оршдог. Энэ уул нь дэлхийн олон шилдэг уулчдын амийг авч одсон хамгийн эрсдэлтэй уулсын нэг гэдгээрээ алдартай.
Энэ талаараа өөрийн цахим хуудаснаа ийнхүү бичжээ.
IFrame
Тэрбээр Дэлхийн дээвэр хэмээгддэг Ази тивд орших Гималайн нурууны ноён оргил болох далайн түвшнээс дээш 8848 метр өндөртэй, дэлхийн хамгийн өндөр уул Эверестийн оргилд хоёр талаас нь гарч чадсан Монголын анхны уулчин билээ.
-
2017 оны 2 сарын 13
Монгол Улсын Шадар сайд У.Хүрэлсүх өнөөдөр /2017.02.13/ “Өнөр бүл” хүүхдийн асрамжийн төвд ажиллалаа. Энэ үеэрээ хүүхэд бүхэнд гарын бэлэг, тус асрамжийн төвд бүрэн автомат угаалгын машин хоёр, 50 ширхэг иж бүрэн хөнжил, гудас бэлэглэсэн юм. “Өнөр бүл” асрамжийн төвд өнөөдрийн байдлаар 02-18 насны 154 хүүхэд амьдарч байна.
-
2017 оны 2 сарын 13
мнөд Солонгос улсын Кёнгбук аймгийн цагдаагийн газар монгол залууг, солонгос иргэний амь насыг хөнөөсөн хэрэгт холбогдуулан саатуулжээ. Монгол залуу С энэ жил 26 настай, тус улсад хөдөлмөрийн гэрээгээр ажиллаж байсан байна.
-
2017 оны 2 сарын 13
Шаргын говийн бөхөнгөөс мялзан төст өвчин илэрчээ
-
2017 оны 2 сарын 13
С.Зоригийн амь насыг хохироосон хэрэгт шүүхээр ял шийтгэгдсэн Т.Чимгээгийн нөхөр С.Бямбасүрэн ”Өдрийн сонин”-д өгсөн ярилцлагадаа ” ...эхнэрийг шалгагдаж байхад охин Сэлэнгэ аймгийн нутагт автын осолд орж нас барсан. Осол юунаас болж гарсныг одоо болтол мэдээгүй явж байна. Осолд орсон уу, осолд оруулсан уу гэдэг нь маш эргэлзээтэй...” гэсэн зүйлийг ярьжээ.
-
2017 оны 2 сарын 13
Авто тээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хурааж эхэлсэнтэй холбогдуулан зохион байгуулах үүрэг бүхий ажлын хэсэг өнгөрсөн сард байгуулагдсан. Ажлын хэсгийн гишүүд өнөөдөр Сонгинохайрхан дүүргийн Татварын хэлтсийн энэ жилийн албан татвар төлбөрийг хураах ажлын явцтай танилцав.
“Нийслэлийн Засаг даргын болон дүүргийн Засаг даргын захирамжийн дагуу ажилаж байна. Дүүргийн хэмжээнд албан татвар, төлбөрийн ажил нийт найман хувьтай явагдаж байгаа” хэмээн Татварын ерөнхий газрын Татварын орлогын тасгийн дарга Б.Энхтогтох хэллээ.
Тус дүүргээс нэгдүгээр сард татвар, төлбөрт хамрагдах 14 мянган тээврийн хэрэгсэл байгаагаас 6700 нь хамрагдсан байдалтай байна. Өнгөрсөн онд дүүргийн хэмжээнд нийт 88 мянга гаруй тээврийн хэрэгсэл эзэмшигчээс 60 мянган нь буюу 67.5 хувьтай хамрагдсан аж.
Нийслэлийн Татварын газрын НТТОТ-ийн дарга Д.Очирсүрэн “Автотээврийн болон өөрөө явагч хэрэгслийн албан татвараас 26.2 тэрбум, агаарын бохирдлын төлбөрөөс нэг тэрбум, авто зам ашигласны төлбөрөөс 11.5 тэрбум төгрөг төвлөрүүлэхээр ажиллаж байна. Өнөөдрийн байдлаар нийслэлийн хэмжээнд 47 мянган тээврийн хэрэгсэл татвар төлбөрөө төлөөд байна. Иргэд, ААН-үүд сар шинийн баяраас өмнө татвар хураалтад идэвхтэй хамрагдаж, шинэ оноо өр төлбөргүй угтах хэрэгтэй” хэмээлээ.
Түүнчлэн ажлын хэсгээс авто тээврийн болон өөрөө явагч хэрэгслийн албан татвар, төлбөртөө идэвхтэй хамрагдахыг уриалж байна. Тус дүүргээс иргэдэд илүү ойр үйлчлэхийн тулд таван шар дахь Монгол хьюндай төвийн байранд нэмэлт салбар ажиллуулж эхэлсэн байна. Энэ салбар нь ажлын өдөр 09:00-20:00, бямба гаригт 09:30-17:00 цагийн хооронд иргэдэд үйлчилнэ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 2 сарын 13
Манай орны нийт нутаг дэвсгэрийн 70 гаруй хувь нь цасан бүрхүүлтэй байна.
Баруун, төв, зүүн аймгуудын зарим газраар тал газраа 25-50 см, уулархаг газар, гуу жалгандаа 60-100 см-ийн зузаан цасан бүрхүүл тогтон, ихэнх нутгаар олон жилийн дунджаас 1.1-14.9 градус хүрч 7-10 хоног хүйтрээд, дараа нь хүйтний эрч суларч тал, хээрийн бүс нутгат тогтсон цас өдөртөө хайлмагтан, шөнөдөө мөстөн, нягтарч хатуурсан, салхи 16-27 м/с, зарим үед 28-30 м/с хүртэл ширүүсч аюулт болон гамшигт үзэгдлийн хэмжээнд хүрсний улмаас 2016-2017 оны өвөл нийтдээ 17 аймгийн 156 сум, нийслэлийн 2 дүүрэгт (Багануур, Налайх) өвөлжилт хүндэрсэн.
Үүссэн нөхцөл байдалтай холбогдуулан Монгол Улсын Шадар сайд, Улсын онцгой комиссын даргын 2016 оны 12 дугаар сарын 03 дугаар тушаалаар өвөлжилтийн нөхцөл байдалтай газар дээр нь танилцаж, үнэлэлт дүгнэлт, зөвлөмж, чиглэл өгөх үүрэг бүхий Улсын онцгой комиссын ажлын албаны нарийн бичгийн дарга, хурандаа М.Энх-Амар, Гамшгийн шуурхай удирдлагын газрын дарга, хурандаа Б.Ууганбаяр нараар ахлуулсан хоёр шуурхай бүлэг 21 аймагт ажиллаж үнэлгээг Засгийн газарт танилцуулсан.
Төв, суурин газрын болон аймаг, орон нутгийн 2016-2017 оны өвөлжилтийн бэлтгэл ажлыг хангах ажлын хүрээнд:
– “Хөдөө аж ахуйн салбарын 2016-2017 оны өвөлжилтийн бэлтгэл ажлыг хангах зарим арга хэмжээний тухай” Засгийн газрын 2016 оны 322 дугаар тогтоол,
-“Төв, суурин газрын 2016-2017 оны өвөлжилтийн бэлтгэл ажлыг хангах зарим арга хэмжээний тухай” 338 дугаар тогтоол,
“Хөрөнгө гаргах тухай” Засгийн газрын 2016 оны 160 дугаар тогтоол,
-“Өвөлжилтийн бэлтгэл ажлыг хангах зарим арга хэмжээний тухай” Засгийн газрын 2016 оны 163 дугаар тогтоол,
-“Өвөлжилтийн нөхцөл байдал хүндэрч байгаатай холбогдуулан авах зарим арга хэмжээний тухай” 2017 оны 08 тогтоол буюу нийт 5 удаагийн тогтоол гаргуулж, Засгийн газрын нөөц сангаас 3,7 тэрбум төгрөгийн хөрөнгийг гаргуулсан.
Тодруулбал, 2016-2017 оны өвөлжилтийн хүндрэлийг даван туулах чиглэлээр өнөөдрийн байдлаар Засгийн газрын дээрх тогтоолуудаар:
– 12 аймагт 1,1 тэрбум төгрөгийн мөнгөн хөрөнгө,
– улсын нөөцийн 2410 тонн өвсийг үнэгүй, 1700 тонн тэжээлийн үнийг 50 хувь хямдруулсан үнийн зөрүү болон тээвэрлэн хүргэх зардалд 1,1 тэрбум төгрөг,
– эрүүл мэндийн тусламж үйлчилгээг ард иргэдэд шуурхай хүргэх зорилгоор 19 аймгийн Эрүүл мэндийн төвд 36 автомашин,
– аймгуудад олгох малын эм, биобэлдмэлд 41,8 сая төгрөг,
– зарим аймгийн Онцгой байдлын газар, Хүнс, хөдөө аж ахуйн газарт төрийн үйлчилгээг шуурхай хүргэх зорилгоор улсын нөөцөөс 4 автомашиныг орон нутагт хуваарилж олгосон.
Улсын хэмжээнд 61.5 сая мал өвөлжиж байгаагаас аймаг, сум дундын, тусгай хэрэгцээний болон хилийн зурвас отрын бүс нутгаар 16.1 мянган малчин өрхөд 6.9 сая толгой мал өвөлжиж байна.
Монгол Улсын Засгийн газраас тодорхой асуудлуудыг шийдвэрлэн ажиллаж байгаа бөгөөд манай оронд үйл ажиллагаа явуулж байгаа донор улсууд, хүмүүнлэгийн тусламжийн байгууллагууд, төрийн болон төрийн бус байгууллага, иргэдээс мал бүхий иргэдэд чиглэсэн тусламж үйлчилгээг хүргэсээр байна.
2017.02.13
-
2017 оны 2 сарын 13
Цагдаагийн алба хаагчид галын аюулаас нэг гэр бүлийн гурван хүний амь насыг авран хамгааллаа.
-
2017 оны 2 сарын 13
Авлигын хэрэгт холбогдсон БОАЖЯ-ны хоёр ажилтанг суллаж, газрын даргыг үргэлжлүүлэн хорьжээ
-
2017 оны 2 сарын 13
Нийслэлийн захиргааны хэргийн давж заалдах шатны шүүх Ноён ууланд зөвшөөрөлгүй олгосон дөрвөн лицензийг хүчингүй болгох асуудлын талаар өнгөрсөн долоо хоногт хэлэлцжээ.
-
2017 оны 2 сарын 13
Нийслэлийн Засаг даргын Тамгын газар, Улаанбаатар хотын худалдааны танхимтай хамтран “Улаанбаатар хөрөнгө оруулалт-2017” бизнес чуулга уулзалтыг энэ сарын 20-нд зохион байгуулах гэж байна.
Тус чуулга уулзалтын зорилго нь нийслэлийн эдийн засгийн хөгжлийг дэмжих, бизнес эрхлэгчдийн эрх ашгийг хамгаалах, төр хувийн хэвшлийн хамтын ажиллагааг хөгжүүлэх, иргэд, аж ахуйн нэгжид хөрөнгө оруулалт бизнесийн таатай орчин нөхцөлийг бүрдүүлэхэд оршино. Уулзалтад УИХ болон Засгийн газрын гишүүд, Монгол Улсад суугаа Онц бөгөөд Бүрэн эрхт Элчин сайд нар, нийслэлийн ИТХ-ын төлөөлөгчид, Нутгийн захиргааны байгууллагын удирдлагууд, Улаанбаатар хотын худалдааны танхимын гишүүд, олон улсын байгууллагын төлөөлөгч, үндэсний баялаг бүтээгчид, хөрөнгө оруулагчид оролцоно. “Улаанбаатар хөрөнгө оруулалт-2017” бизнес чуулга уулзалтаар төр хувийн хэвшлийн түншлэл, эдийн засгийн стратеги, хөрөнгө оруулалтын төсөл хөтөлбөр, худалдан авалт, шилэн тендер, хот байгуулалт, дэд бүтэц зэрэг асуудлыг хэлэлцэх юм. Гадаад, дотоодын төсөв, хөрөнгө оруулалтаар хийгдэх хаврын бүтээн байгуулалтын ажлаа нийслэлээс ил тод зарлаж, аж ахуйн нэгж, бизнесийнхэнд тендерээр зарлах ажлуудаа танилцуулна.
Хаврын бүтээн байгуулалт, хөрөнгө оруулалтын ажил эхлэхээс өмнө бизнесийнхэн чуулж буй уг арга хэмжээнд нийслэлийн иргэд, аж ахуйн нэгжүүд оролцох бүрэн боломжтой гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 2 сарын 13
Монголчуудын цагаан сараар цээрлэх зүйлс
-Бурхан болооочид зориулсан тавгийн идээнд зочид хүрэхийг цээрлэдэг. Цагаан сар өнгөрсний дараа хураахдаа хүртэж, амсалгүй галын тахилгад өргөдөг.
-
2017 оны 2 сарын 13
Иргэдийн дунд ДОХ болон бэлгийн замын өвчлөл ихээхэн нэмэгдэж байгаа талаар ХӨСҮТ-ийн ДОХ-ын тусламж үйлчилгээний тасгаас мэдээлж байна
-
2017 оны 2 сарын 13
Худалдаа, үйлдвэрлэл, үйлчилгээний газарт ариун цэвэр, эрүүл ахуйн зохистой дадал хэвшээгүй, хүнс үйлдвэрлэлийн технологийн горим мөрдөөгүй болон хадгалалт, тээвэрлэлтийн горим зөрчсөнөөс гэмтэж муудсан чанар, аюулгүй байдлын шаардлага хангаагүй хүнсний түүхий эд, бүтээгдэхүүнийг үйлдвэрлэн борлуулах, иргэдийн хүнсний зөв сонголт, зохистой хэрэглээ алдагдагдсаны улмаас хоол, хүнсний гаралтай халдвар, хордлого гарч байна.
Хоол хүнсний гаралтaй халдвар, хордлогоос сэргийлэхийн тулд иргэд, худалдан авагч Та бүхэндээ дараах зүйлийг анхаарахыг зөвлөж байна. Үүнд:
Худалдаа, нийтийн хоолны газраас хоол, хүнсний бүтээгдэхүүн сонгон авахдаа хэн, хэзээ, хаана үйлдвэрлэсэн, хадгалалтын хугацаа, хэрэглэх, хадгалах нөхцөл шошгод заагдсан эсэхийг сайтар нягтлан үзэх, шошгын зааврыг дагах
Хүнсний бүтээгдэхүүний хэвийн өнгө, үнэр, төлөв байдал өөрчлөгдөж, муудсан шинж тэмдэг илэрсэн бол тухайн хүнсний бүтээгдэхүүний чанар алдагдаж, өвчин эмгэг, үүсгэгч, бичил биетэн өсөж үржсэн байж болзошгүй тул худалдаж авахгүй байх,
Ил задгай гудамж талбайд болон гар дээрээс худалдаалж буй, ариун цэврийн шаардлага хангаагүй, бохир орчинд үйл ажиллагаа явуулж буй худалдаа үйлчилгээний газраас хоол, хүнс худалдан авахгүй байх,
Худалдаа, үйлчилгээний газруудад түргэн гэмтэж чанар байдлаа алддаг хүнсний бүтээгдэхүүнийг зориулалтын хөргөх төхөөрөмжид хадгалж буй эсэхийг анхаарч үзсэний дараа сонголтоо хийх,
Нийтийн хоолны газруудаар үйлчлүүлэхдээ хоол хүнсийг бүрэн гүйцэд болгосон эсэх, гадны механик хольц байгаа эсэхийг шалгаж хэрэглэх,
Архи согтууруулах ундааг худалдан авах, үйлчлүүлэхдээ хаана үйлдвэрлэсэн, чанар аюулгүй байдлын баталгаажилттай эсэхийг магадлан үзэхийн зэрэгцээ тунадас булингартай, механик хольцтой, хямд үнэтэй болон гар дээрээс худалдаалж буй архи, согтууруулах ундааг худалдан авч хэрэглэхгүй байх,
Анхаарвал зохих хамгийн аюултай зүйл нь эдгээр хүнс, хоолыг хэрэглэснээр хоолны хордлого, хордлогот халдвар өвчнөөр өвдөх магадлал тун өндөр бөгөөд таны эрүүл мэндэд сөргөөр нөлөөлөх бодит нөхцөлийг бүрдүүлнэ гэдгийг санаж үйлчлүүлэхгүй байх нь зүйтэй.
Хоол хүнсээс шалтгаалах өвчин эмгэг нь тэр даруйдаа илрэхгүй байж болох ч хожим амь насанд тань заналхийлж болохыг бүү март!
Худалдан борлуулж байгаа хүнсний бүтээгдэхүүн, хоол үйлдвэрлэлд ашиглаж буй түүхий эд, материал нь чанар аюулгүй байдлыг хангасан тухай баталгаажилттай эсэх, холбогдох бичиг баримтыг худалдагчаас шаардан үзэх,
“Хэрэглэгчийн эрхийг хамгаалах тухай” Монгол Улсын хуулийн 5 дугаар зүйлийн 5.6-д “худалдан авагч нь худалдагчаас тухайн бүтээгдэхүүний чанар аюулгүйн баталгааг шаардан үзэх эрхтэй” гэж хуульчилсан байдаг гэж НМХГ-аас мэдээллээ.
-
2017 оны 2 сарын 13
14-нд баруун аймгуудын нутаг, төвийн аймгуудын нутгийн зарим газраар, 15-нд ихэнх нутгаар цас орж, зөөлөн цасан шуурга шуурна. 14-нд баруун аймгуудын нутаг, төвийн аймгуудын нутгийн зарим газраар, 15-нд ихэнх нутгаар, 16-нд нутгийн зарим газраар,17-нд нутгийн зүүн өмнөд хэсгээр бага зэргийн цас орно. Салхи 14,15 ихэнх нутгаар, 16,17-нд Алтайн салбар уулс болон Арц богдын өвөр хоолойгоор секундэд 14-16 метр хүртэл ширүүсч шороон болон цасан шуурга шуурна. 14-нд нутгийн хойд хэсгээр цаашдаа ихэнх нутгаар хүйтний эрч чангарч Увс нуур болон Дархадын хотгор, Идэр, Тэс, Ерөө голын хөндий, Хүрэн бэлчир орчмоор шөнөдөө 33-38 градус, өдөртөө 21-26 градус, Хөвсгөлийн уулархаг нутаг, Орхон-Сэлэнгэ, Эг, Хараа, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 29-34 градус, өдөртөө 13-18 градус, Монгол Алтайн нурууны өвөр хэсэг, Хангай, Хэнтийн уулархаг нутгаар шөнөдөө 22-27 градус, өдөртөө 9-14 градус, говийн бүс нутгийн өмнөд хэсгээр шөнөдөө 10-15 градус, өдөртөө 3-8 градус, бусад нутгаар шөнөдөө 19-24 градус, өдөртөө 6-11 градус хүйтэн байна.
-
2017 оны 2 сарын 13
Баянгол, Хан-Уул, Сонгинохайрхан дүүргийн иргэний хэргийн анхан шатны шүүхээр хянан шийдвэрлэсэн хэргийн талаарх мэдээллийг өглөө. Тус шүүхээр нийт 12022 иргэний хэргийн 1651 хэрэг буюу 13.7 хувийг нь ИХШХШТХ-ийн 115 дугаар зүйлээр шийдвэрлэсэн бол 22 хэрэг буюу 0.18 хувийг ИХШХШТХ-ийн 74 дүгээр зүйлд заасан хялбаршуулсан журмаар 127 хэрэг буюу 1.05 хувийг ИХШХШТХ-ийн 117 дугаар зүйлд зааснаар хэрэгсэхгүй болгожээ.
Мөн иргэний хуулиар шийдвэрлэсэн хэргийн тоо 986 буюу 12.9 хувиар, ИХШХШТухай хуулиар шийдвэрлэсэн хэргийн тоо 43 буюу 2.4 хувиар, Хөдөлмөрийн тухай хуулиар шийдвэрлэсэн хэргийн тоо 65 буюу 18.3 хувиар тус тус өсч, харин гэр бүлийн тухай хуулиар хянан шийдвэрлэсэн хэргийн тоо 138 буюу 11.1 хувиар буурсан үзүүлэлттэй байна.
-
2017 оны 2 сарын 13
ОХУ-д томуугийн дэгдэлттэй байгаа бөгөөд манай улсад улаанбурхан, салхинцэцэг, томуугийн өвчлөл нэмэгдээд байгаа учраас Эрүүл мэнд, спортын яамнаас дараах зөвлөмжийг гаргажээ.
-
2017 оны 2 сарын 13
2017 оны 02 дугаар сарын 11,12-ны буюу амралтын өдрүүдэд Замын цагдаагийн албаны ЖШУХ дээр нийт 406 дуудлага, мэдээ мэдээлэл хүлээн авснаас, зам тээврийн ослын 272 дуудлага бүртгэгдлээ. Зам тээврийн ослын улмаас 15 хүн хүнд, хөнгөн гэмтсэн.Ослын шалтгаан, хэлбэрээр нь авч үзвэл мөргөлдөх хэлбэрээр 14 /мөргөлдөх хэлбэрээр үйлдэгдсэн зам тээврийн ослын улмаас 10 хүн гэмтсэн/, явган зорчигч мөргөж гэмтээсэн 5 осол, хэрэг бүртгэгдсэн. Ослын газрыг орхин явсан 2 хэрэг байна.
Цагдаагийн байгууллагын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 71 жолоочийг илрүүлж гарч болзошгүй осол, хэргээс урьдчилан сэргийлж ажилласан.
Тухайлбал:
ЧД-ийн нутаг Баянбүрдийн тойргийн уулзварт амины H.Grace маркийн автомашины жолооч А нь T.Pruis-20 маркийн Г жолоочтой автомашин, T.Pruis-20 маркийн А жолоочтой автомашинуудтай мөргөлдөж жолооч, зорчигч нарын 8 хүн гэмтсэн.
ЧД-ийн нутагТелевизийн зам, Зүүн тасганы 0022 тоот хашааны урд замд марк, улсын дугаар тодорхойгүй автомашины жолооч нь явган зорчигч Х-г мөргөж гэмтээгээд хэргийн газрыг орхин явсан.
Орон нутагт:
Дархан-Уул аймгийн Хонгор сумын нутаг асфальтан замд H.Starex маркийн Г жолоочтой автомашин нь зогсож байсан Howo Sinotruk маркийн автомашиныг мөргөж зорчигч З, С нарын 2 хүний амь нас хохирч, 4 хүн гэмтсэн.
-
2017 оны 2 сарын 13
Баянзүрх дүүргийн цагдаагийн хэлтэст хэрэг бүртгэгчээр ажиллаж байсан ахлагч, дэслэгч С.Батзолбоо авлига авсан нь тогтоогджээ.
