-
2016 оны 7 сарын 28
Монгол, Индонезийн хооронд дипломат харилцаа тогтоосны 60 жилийн ойг тохиолдуулан Монгол Улсаас БНИУ-д суугаа Элчин сайдын яам, Сурабаяа дахь Монгол Улсын Өргөмжит консулын газар, Индонез дахь Монгол Улсын Соёлын элч нар хамтран Жакарта хотноо энэ оны 6 дугаар сарын 25-26-нд Монголын каллиграфи, оньсон тоглоомны үзэсгэлэн зохион байгууллаа. Нээлтийн ёслолын ажиллагаанд Монгол Улсаас БНИУ-д суугаа Элчин сайд Ш.Батцэцэг болон хүндэт зочноор оролцсон Жакарта хотын Захирагч Басуки ”Ахок” Чахаяа Пурнама, Номхон далай, Азийн аялал жуулчлалын холбооны Индонез дахь салбарын Ерөнхийлөгч Пурномо Сисвопратэсижо нар тус тус үг хэлэв.
Элчин сайд Ш.Батцэцэг үзэсгэлэнг нээж хэлсэн үгэндээ энэхүү арга хэмжээ нь энэ жил зохион байгуулж буй цуврал арга хэмжээнүүдийн нэг болохыг онцлон тэмдэглэж, ЮНЕСКО-д бүртгэлтэй Монголын уран бичлэг болон монголчуудын оюун ухааныг шингээсэн оньсон тоглоом нь индонезчуудад Монголын тухай илүү ихийг мэдэх боломж олгохын зэрэгцээ, иргэд хоорондын харилцааг хөгжүүлэхэд хувь нэмэр оруулна гэдэгт итгэлтэй байгаагаа илэрхийлэв.
Жакарта хотын Захирагч Басуки хэлэхдээ хоёр орны харилцааны 60 жилийн түүхийг цаашид өргөжүүлэн хөгжүүлэхэд энэхүү үзэсгэлэн чухал үүрэг гүйцэтгэж буйг онцлохын зэрэгцээ тэрээр Монголын түүх, соёл, гүн ухааныг ихээр сонирхож ирсэн тухай ярив. Мөн Жакарта дахь бусад орны дипломат төлөөлөгчийн газрууд Монгол Улсын ЭСЯ-ны адил ийм төрлийн арга хэмжээ зохиож байвал Жакартагийн аялал жуулчлалыг хөгжүүлэхэд тодорхой хувь нэмэр оруулна гэв.
Үзэсгэлэнгийн нээлтийг сонирхож Жакарта хотын иргэдээс гадна тус хотод суугаа гадаадын орнуудын Дипломат төлөөлөгчийн газрууд, олон улсын байгууллагуудын тэргүүн, бусад төлөөлөгчид, Жакартад ажиллаж, амьдарч буй гадаадын иргэд олноор ирж, уран бичээч Л.Түвшинжаргал, Ц.Тамир нарын бүтээл болон Олон улсын оюун ухааны музейн үзмэрүүдтэй танилцав.
Индонезийн мэдээллийн тэргүүлэх телевизийн суваг болох CNN Indonesia, Kompas TV, Metro TV-ийн сэтгүүлчид арга хэмжээг ирж сурвалжилсан нь Монгол Улсын соёлыг индонезийн үзэгчдэд хүргэж, сурталчлан таниулахад чухал үүрэг гүйцэтгэв.
-
2016 оны 7 сарын 28
Японы Мэргэжлийн сүмо бөхийн Нагоя башё өндөрлөж, манай бөхчүүд эх орондоо ирээд байгаа билээ.
-
2016 оны 7 сарын 28
Монгол Улсын тусгаар тогтнол, Үндэсний аюулгүй байдал, Улсын хилийн халдашгүй дархан байдлыг сахин хамгаалах үүргийг нэр төртэй биелүүлсэн Монгол Улсын өмнөд хилийн алтан босго болсон Замын-Үүд дэх хилийн 0108 дугаар анги үүсэн байгуулагдсаныхаа түүхт 90 жилийн ойн босгон дээр Монгол Улсын Ерөнхийлөгчийн зарлигаар Цэргийн гавъяаны одонгоор шагнагдлаа.
-
2016 оны 7 сарын 28
Улаанбаатар хотын Захирагчийн ажлын албаны харьяа Хэсэгчилсэн инженерийн хангамжийн удирдах газар, Нийтийн үйлчилгээний Улаанбаатар нэгтгэлийн Баруун салбарын ажилтай Улаанбаатар хотын Ерөнхий менежер бөгөөд Захирагчийн ажлын албаны даргын албан үүргийг түр орлон гүйцэтгэгч Т.Гантөмөр танилцлаа.
-
2016 оны 7 сарын 28
Замын цагдаагийн газраас энэ сарын 25-наас ирэх наймдугаар сарын 25-ны хооронд улсын хэмжээнд “Хамгаалах бүс, хамгаалалтын суудал” нэгдсэн арга хэмжээг “Хамгаалах бүс хамгаалагдсан амьдрал” уриан дор зохион байгуулан явуулж байна.
-
2016 оны 7 сарын 28
Нийслэлийн статистикийн газраас гаргасан судалгаагаар долдугаар сарын 4-р долоо хоногт хонины ястай нэг килограмм мах дунджаар 5510 төгрөг, үхрийн ястай мах нэг килограмм нь дунджаар 6810 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 3.7 хувиар буюу 260 төгрөгөөр, үхрийн цул махны үнэ 9.0 хувиар буюу 810 төгрөгөөр буурсан байна.
-
2016 оны 7 сарын 28
Зүүн хойд Азийн хотуудын дарга нарын форум 3 дахь жилдээ “Хотуудын ногоон өсөлт, Эрчим хүчний” ногоон шийдлүүд” сэдвийн дор 2016 оны 08 дугаар сарын 3-5-ны өдрүүдэд Улаанбаатар хотод болно. Форумд зориулан Нийслэлийн Мэдээллийн технологийн газраас http://neamf.ulaanbaatar.mn цахим хуудсыг ажиллуулж эхэллээ. Энэхүү цахим хуудаснаас форумын хөтөлбөр, форумд оролцох хотууд, зочид төлөөлөгчдийн тухай дэлгэрэнгүй мэдээлэл авч болохоос гадна 2014, 2015 онд зохион байгуулсан форумын үеэр гаргасан шийдвэрүүдийг харж болох юм байна. Мөн энэ удаагийн форумд оролцож илтгэл тавих зочдын дэлгэрэнгүй мэдээлэл, илтгэлийг бүрэн эхээр нь харах боломжтой. Энэхүү цахим хуудсыг Монгол, Англи хэл дээр үзэж болно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 7 сарын 28
“Найрсаг Улаанбаатар” хөтөлбөрийн хүрээнд Нийслэлийн ЗДТГ, Бурханы шашны сүм, хийдүүдтэй хамтран “Даншиг наадам-Хүрээ цам шашин-2016 шашин ”соёлын наадмыг 8 дугаар сарын 6,7-ны өдрүүдэд Хүй долоон худагт зохион байгуулна.
-
2016 оны 7 сарын 28
Улаанбаатар хотын төмөр замын хоёр дугаар ангиас долдугаар сарын 29-ний 22:00 цагаас 30-ны 07:00 цагийн хооронд 396 дугаар км-н гарам буюу Таван шарын төмөр замын гармаар нэвтрэх тээврийн хэрэгслийн хөдөлгөөнийг бүрэн хааж засвар үйлчилгээ хийхээр болжээ.
-
2016 оны 7 сарын 28
Нийслэлийн Засаг даргын санаачилгаар Зүүн хойд Азийн хотын дарга нарын форум 3 дахь “Хотуудын ногоон өсөлт-Эрчим хүчний ногоон шийдлүүд” сэвдийн хүрээнд 2016 оны 08 дугаар сарын 03, 04-ний өдрүүдэд Улаанбаатар хотноо болно.
-
2016 оны 7 сарын 28
2016 оны 07 дугаар сарын 29-нөөс 08 дугаар сарын 02-ныг хүртэлх цаг агаарын урьдчилсан төлөв:
-
2016 оны 7 сарын 28
“Найрсаг Улаанбаатар” хөтөлбөрийн хүрээнд Улаанбаатар хотын музейгээс хотын иргэдийн түүх, соёлын дурсгалын талаарх мэдлэгийг тэлэх зорилгоор Улаанбаатар хотод зорьж үзэх ёстой 20 дурсгалыг хөшөө дурсгал, сүм хийд, дурсгалт барилга, дурсгалт газар гэсэн дөрвөн чиглэлээр, цувралаар танилцуулж байна.
-
2016 оны 7 сарын 28
“Дэлхийн хепатитын өдөр” маргааш тохиох гэж байна. Энэ өдөр Чингисийн талбайд 10.00 цагт элэгний өвчлөлийн эсрэг цогц үйлчилгээг иргэдэд үзүүлэхээр болжээ.
Элэгний эмч, эмнэлгийн ажилтан, эмийн үйлчилгээ эрхлэгч нар иргэдэд В, С вирусын эм, эмчилгээ, шинжилгээний талаар мэдээлэл зөвлөгөө өгөх юм. Мөн элэгний вирусын эмчилгээний нэг цэгийн үйлчилгээний төв ажиллуулахаар болжээ. Цаашлаад иргэд эрүүл мэндийн даатгалын мөнгөө хэрхэн буцааж авах, групп тогтоолгох, өвчинтэйгээ хэрхэн тэмцэх, элэгний эмчилгээний үнэ өртөг, худалдаж буй байршил зэрэг бүх талын мэдээлэл зөвлөгөөг иргэдэд өгөх аж.
Ингээд 10.00 цагаас иргэдэд мэдээлэл өгсний дараа Монголын үйлдвэрчний эвлэлийн соёлын төв ордонд 12.00 цагаас өдөрлөгийн албан ёсны нээлт болох юм. Нээлтийн дараа Элэгний төвийн эмчид үзүүлж, зөвлөгөө авах 500 ширхэг эрхийн бичиг, мөн элэгний вирустэй өвчтөнд нэн шаардлагатай шинжилгээ болох Фиброскан оношлогоонд хөнгөлөлттэй хамрагдах 1000 ширхэг эрхийн бичгийг иргэдэд үнэ төлбөргүй тараах юм байна.
Монгол Улсад элэгний В, С вирусын халдвартай 750 мянган хүн байдаг аж. В вирусын халдвартай 300 мянга, С вирусын халдвартай 450 мянган хүн бий гэх тооцоо гаргажээ. Нарийвчилбал, С вирусын архаг халдвартай 150 мянган хүн, В вирусын дан халдвартай 65 мянган хүн байдаг гэв. Энэ нь элэгний хавдраар нас барсан иргэдийнхээ тоогоор Лаос, Египет, Вьетнам зэрэг улсаас 2-3 дахин их буюу дэлхийн дунджаас найм дахин их гэсэн үзүүлэлтээр дэлхийд тэргүүлж байгаа аж. Тиймээс “Элэг бүтэн Монгол” хөтөлбөрийг хэрэгжүүлж, 2020 он гэхэд С вирустэй 150 мянга, В вирустэй 65 мянган хүнийг бүрэн эмчлэх зорилго тавьсан. Энэ хүрээнд өнгөрсөн хугацаанд элэгний В, С вирусын олон улсад хүлээн зөвшөөрөгдсөн эмүүдийг оруулж, иргэдийн гар дээр хөнгөлөлттэйгөөр олгож, өвчтөнүүдийн бие эхнээсээ илааршиж эхэлсэн талаар өнөөдөр “Оном” сангийнхан өнөөдөр мэдээллээ.
Хөтөлбөр хэрэгжүүлсэн хугацаанд элэгний В вирусын эсрэг таван эмийг эрүүл мэндийн даатгалаас иргэдэд хямдралтай олгох боломжийг бүрдүүлжээ. Элэгний вирусийн эсрэг үйлчилгээтэй Ламивудин, Тенофовир, Телбивудин, Рибавирин, Интерферон гэх таван нэр төрлийн эмийг иргэд 80 хүртэлх хувийн хөнгөлөлттэй үнээр эмийн сангуудаас авч байна. Мөн элэгний С вирусын эсрэг “Харвони” эмийг оруулж, иргэд эхнээсээ бие нь сайжирч эхэлсэн гэдгийг хэллээ.
Үүнээс гадна элэгний С вирусын эсрэг “Харвони” эмтэй адил үйлчилгээтэй хэд хэдэн эмийг Энэтхэг улсаас Монголд оруулж ирсэн. Тэгвэл Энэтхэг улсад үйлдвэрлэгдсэн “Ледвир”, “Ледифос”, “Вирпас”, “Хепсинат” эмүүд “Харвони” эмээс 600-аад мянган төгрөгөө хямд боловч яг ижил үйлчилгээтэй, баталгаатай гэдгийг иргэдэд хэллээ.
Цаашид Монгол Улсад нэн шаардлагатай уг хөтөлбөрт шинэ Засгийн газар ч дэмжиж, хамтарч ажиллана гэдэгт найдаж буйгаа хэлсэн юм.
Ямартай ч Монгол Улс “Элэг бүтэн Монгол” хөтөлбөрийг хэрэгжүүлснээр 2030 он гэхэд элэгний хорт хавдар, хатуурлаар нас барах явдлыг 50 хувиар бууруулна хэмээн тэд үзэж байна.
-
2016 оны 7 сарын 28
Цахилгаан шугам тоноглолд засвар үйлчилгээ хийхтэй холбогдуулан өнөөдөр дараах байршилд цахилгаан хязгаарлана.
28/VII
Баянзүрх
10.30-16.00
27-р хороо Ганц худаг, ШШГЕГ-ын ЦХБАӨЗ, харьяа хорих 441-р анги
11.30-16.00
8-р хороо АТҮТ Баянзүрх салбар болон эдгээрийн ойр орчмоор
Хан-Уул
10.30-18.00
4, 11, 15-р хороо Оргил, Богдын өндөр 52, Ноблисс-66, 68, 72, 74/1, Удирдлагын академийн 84 айл, 56-р байр, 46B, 46C, 46D, 46E, 46F, 62,63, 64, Од29, 30-р байр болон эдгээрийн ойр орчмоор
Төв аймаг
09.00-19.00
Баянцогт, Аргалант, Баянхангай, Лүн сум
-
2016 оны 7 сарын 27
Засгийн газраас өнгөрсөн тавдугаар сард “Сайн оюутан” хөтөлбөрийг баталсан. Энэ хүрээнд арилжааны банкууд тодорхой шаардлага хангасан оюутнуудад сургалтын төлбөрийн зээл өгч эхэлсэн байна.
-
2016 оны 7 сарын 27
Улсын их хурлын 2016 оны 7 дугаар сарын 20-ны өдрийн чуулганаар Засгийн газрын бүтэц, бүрэлдэхүүнийг шинэчлэн баталсантай холбогдуулан Улсын онцгой комиссын бүрэлдэхүүнийг шинэчлэн баталлаа.
Гамшгийн аюулаас хүн амыг хамгаалах, хор хохирлыг арилгах, хойшлуулшгүй сэргээн босгох арга хэмжээг авч, нэгдсэн удирдлагаар хангах үүрэгтэй тус комиссын даргаар Монгол Улсын Шадар сайд, орлогч даргаар Онцгой байдлын асуудал эрхэлсэн байгууллагын дарга, комиссын өдөр тутмын Ажлын албыг орон тооны нарийн бичгийн дарга хариуцаж, гишүүдээр яамдын сайд, Төрийн нарийн бичгийн дарга, Нийслэлийн Засаг дарга, үндэсний аюулгүй байдлыг хангах тусгайлсан чиг үүрэг бүхий Засгийн газрын хэрэгжүүлэгч болон тохируулагч агентлагийн дарга нар ажилладаг.
Улсын онцгой комиссыг Шадар сайд У.Хүрэлсүх даргалж, орлогч даргаар нь Батлан хамгаалахын сайд, Онцгой байдлын ерөнхий газрын дарга нар ажиллана.
Гишүүдэд:
Байгаль орчин, аялал жуулчлалын сайд
Барилга, хот байгуулалтын сайд
Зам, тээврийн сайд
Хүнс, хөдөө аж ахуй, хөнгөн үйлдвэрийн сайд
Уул уурхай, хүнд үйлдвэрийн сайд
Эрчим хүчний сайд
Эрүүл мэндийн сайд
Засгийн газрын Хэрэг эрхлэх газрын Тэргүүн дэд дарга
Нийслэлийн Засаг дарга бөгөөд Улаанбаатар хотын Захирагч
Хууль зүй, дотоод хэргийн Төрийн нарийн бичгийн дарга
Сангийн яамны Төрийн нарийн бичгийн дарга
Боловсрол, соёл, шинжлэх ухаан, спортын яамны Төрийн нарийн бичгийн дарга
Гадаад харилцааны яамны Төрийн нарийн бичгийн дарга
Зэвсэгт хүчний Жанжин штабын дарга
Тагнуулын ерөнхий газрын дарга
Хил хамгаалах ерөнхий газрын дарга
Цагдаагийн ерөнхий газрын дарга
Гаалийн ерөнхий газрын дарга
Мэргэжлийн хяналтын ерөнхий газрын дарга
Стандартчилал, хэмжил зүйн газрын дарга
Цаг уур, орчны шинжилгээний газрын дарга
Цөмийн энергийн комиссын Нарийн бичгийн дарга
Мэдээллийн технологи, шуудан, харилцаа холбооны газрын дарга
Засгийн газрын Хэрэг эрхлэх газрын Хэвлэл мэдээллийн албаны дарга
Монголын Улаан загалмайн нийгэмлэгийн Ерөнхий нарийн бичгийн дарга нар ажиллана.
-
2016 оны 7 сарын 27
Алибаба группын үүсгэн байгуулагч Жэк Ма амжилттай бизнесийн талаар 300 Монгол залууст зориулж илтгэл тавьлаа. Илтгэлийг бүрэн эхээр нь хүргэж байна.
-
2016 оны 7 сарын 27
Нийслэлийн Засаг дарга бөгөөд Улаанбаатар хотын Захирагч С.Батболд өнөөдөр Дэлхийн эрүүл мэндийн байгууллагын Монгол дахь Суурин төлөөлөгч, доктор Соэ- Ньюнт болон Солонгосын Олон Улсын Эрүүл мэндийн сангийн Ерөнхийлөгч, доктор Ин-Иоан нарыг хүлээн авч уулзлаа.
Уулзалтаар Дэлхийн Эрүүл мэндийн байгууллагаас хэрэгжүүлж байгаа эрүүл мэндийн Мобайл технологийн талаар ярилцаж, санал солилцлоо.
Дэлхийн эрүүл мэндийн байгууллагын дэмжлэгтэйгээр Солонгосын Олон улсын Эрүүл мэндийн сангийн санхүүжилтээр “Эрүүл мэндийн түвшинд мобайл технологийг нэвтрүүлэх нь” төслийг хэрэгжүүлж байгаа юм байна. Төслийн хүрээнд СХДүүргийн Эрүүл мэндийн төв болон тус дүүргийн 7, 26 дугаар хорооны өрхийн эмнэлгүүдийг үзлэг оношлогоонд ашиглах ЭХО, ЭКГ зэрэг аппарат, таблет, даралтын аппарат зэрэг багаж, тоног төхөөрөмж, оношлуулаар хангаж, эмч мэргэжилтнүүдийг сургалтад хамруулжээ. Мобайл технологийг эрүүл мэндийн анхан шатны түвшинд ашигласнаар эрүүл мэндийн тусламж үйлчилгээг хүртээмжтэй болгох төдийгүй цаг хугацаа хэмнэх юм байна. Төсөл бүрэн хэрэгжиж дуусснаар төсөлд хамрагдсан эрүүл мэндийн байгууллагууд явуулын тусламж үйлчилгээнд ашиглагдах машин, багаж тоног төхөөрөмжөөр бүрэн хангагдана гэж Дэлхийн Эрүүл мэндийн байгууллагын суурин төлөөлөгч хэллээ.
Нийслэлийн Засаг дарга энэхүү төслийг Улаанбаатар хотод хэрэгжүүлэхийг дэмжиж байгаагаа илэрхийлээд, төсөл амжилттай хэрэгжиж үр дүнгээ өгвөл нийслэлийн хэмжээнд байгаа өрхийн эмнэлгүүд болон Эрүүл мэндийн төвүүдэд ч мөн энэ төслийг хэрэгжүүлэх сонирхолтой байгаагаа илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 7 сарын 27
“Дэлхийн хепатитын өдөр” маргааш тохиох гэж байна. Энэ өдөр Чингисийн талбайд 10.00 цагт элэгний өвчлөлийн эсрэг цогц үйлчилгээг иргэдэд үзүүлэхээр болжээ.
Элэгний эмч, эмнэлгийн ажилтан, эмийн үйлчилгээ эрхлэгч нар иргэдэд В, С вирусын эм, эмчилгээ, шинжилгээний талаар мэдээлэл зөвлөгөө өгөх юм. Мөн элэгний вирусын эмчилгээний нэг цэгийн үйлчилгээний төв ажиллуулахаар болжээ. Цаашлаад иргэд эрүүл мэндийн даатгалын мөнгөө хэрхэн буцааж авах, групп тогтоолгох, өвчинтэйгээ хэрхэн тэмцэх, элэгний эмчилгээний үнэ өртөг, худалдаж буй байршил зэрэг бүх талын мэдээлэл зөвлөгөөг иргэдэд өгөх аж.
Ингээд 10.00 цагаас иргэдэд мэдээлэл өгсний дараа Монголын үйлдвэрчний эвлэлийн соёлын төв ордонд 12.00 цагаас өдөрлөгийн албан ёсны нээлт болох юм. Нээлтийн дараа Элэгний төвийн эмчид үзүүлж, зөвлөгөө авах 500 ширхэг эрхийн бичиг, мөн элэгний вирустэй өвчтөнд нэн шаардлагатай шинжилгээ болох Фиброскан оношлогоонд хөнгөлөлттэй хамрагдах 1000 ширхэг эрхийн бичгийг иргэдэд үнэ төлбөргүй тараах юм байна.
Монгол Улсад элэгний В, С вирусын халдвартай 750 мянган хүн байдаг аж. В вирусын халдвартай 300 мянга, С вирусын халдвартай 450 мянган хүн бий гэх тооцоо гаргажээ. Нарийвчилбал, С вирусын архаг халдвартай 150 мянган хүн, В вирусын дан халдвартай 65 мянган хүн байдаг гэв. Энэ нь элэгний хавдраар нас барсан иргэдийнхээ тоогоор Лаос, Египет, Вьетнам зэрэг улсаас 2-3 дахин их буюу дэлхийн дунджаас найм дахин их гэсэн үзүүлэлтээр дэлхийд тэргүүлж байгаа аж. Тиймээс “Элэг бүтэн Монгол” хөтөлбөрийг хэрэгжүүлж, 2020 он гэхэд С вирустэй 150 мянга, В вирустэй 65 мянган хүнийг бүрэн эмчлэх зорилго тавьсан. Энэ хүрээнд өнгөрсөн хугацаанд элэгний В, С вирусын олон улсад хүлээн зөвшөөрөгдсөн эмүүдийг оруулж, иргэдийн гар дээр хөнгөлөлттэйгөөр олгож, өвчтөнүүдийн бие эхнээсээ илааршиж эхэлсэн талаар өнөөдөр “Оном” сангийнхан өнөөдөр мэдээллээ.
Хөтөлбөр хэрэгжүүлсэн хугацаанд элэгний В вирусын эсрэг таван эмийг эрүүл мэндийн даатгалаас иргэдэд хямдралтай олгох боломжийг бүрдүүлжээ. Элэгний вирусийн эсрэг үйлчилгээтэй Ламивудин, Тенофовир, Телбивудин, Рибавирин, Интерферон гэх таван нэр төрлийн эмийг иргэд 80 хүртэлх хувийн хөнгөлөлттэй үнээр эмийн сангуудаас авч байна. Мөн элэгний С вирусын эсрэг “Харвони” эмийг оруулж, иргэд эхнээсээ бие нь сайжирч эхэлсэн гэдгийг хэллээ.
Үүнээс гадна элэгний С вирусын эсрэг “Харвони” эмтэй адил үйлчилгээтэй хэд хэдэн эмийг Энэтхэг улсаас Монголд оруулж ирсэн. Тэгвэл Энэтхэг улсад үйлдвэрлэгдсэн “Ледвир”, “Ледифос”, “Вирпас”, “Хепсинат” эмүүд “Харвони” эмээс 600-аад мянган төгрөгөө хямд боловч яг ижил үйлчилгээтэй, баталгаатай гэдгийг иргэдэд хэллээ.
Цаашид Монгол Улсад нэн шаардлагатай уг хөтөлбөрт шинэ Засгийн газар ч дэмжиж, хамтарч ажиллана гэдэгт найдаж буйгаа хэлсэн юм.
Ямартай ч Монгол Улс “Элэг бүтэн Монгол” хөтөлбөрийг хэрэгжүүлснээр 2030 он гэхэд элэгний хорт хавдар, хатуурлаар нас барах явдлыг 50 хувиар бууруулна хэмээн тэд үзэж байна.
-
2016 оны 7 сарын 27
Нийслэлийн Засаг дарга С.Батболд Хан-Уул дүүргийн XI хорооны нутаг дэвсгэр дэх “Хүннү” хорооллын орчимд нийтийн орон сууцны айлуудын цонхыг таглаж барьсан иргэн Ц.Оюунцэцэгийн дөрвөн давхар барилгыг буулгах шийдвэр гаргажээ.
