-
2016 оны 9 сарын 26
БСШУС-ын сайд Ж.Батсуурь өнөөдөр /2016.09.26/ “Рио 2016” Зуны XV паралимпийн наадамд эх орноо төлөөлөн амжилттай оролцсон баг, тамирчдыг хүлээн авч уулзлаа.
Энэ удаагийн наадамд Монгол Улсаа төлөөлөн найман тамирчин оролцсоноос хоёр хүрэл медаль хүртсэн юм. Тодруулбал, жүдоч Б.Ууганхүү, пауэрлифтингийн тамирчин Э.Содномпилжээ нар хүрэл медаль хүртэж, байт харвааны холимог баг болох Д.Баатаржав, Б.Оюун-Эрдэнэ нар шагналт IV байр эзэллээ. Мөн хөнгөн атлетикийн тамирчин Г.Цогтгэрэл бөөрөнцөг түлхэлтээр V байр эзэлж, Азийн рекорд амжилтыг тогтоосон гээд ганзага дүүрэн Риогийн наадмыг өндөрлүүлсэн байна. Уулзалтын үеэр БСШУС-ын сайд Ж.Батсуурь “Паралимпийн наадамд амжилт гаргаж, эх орныхоо алтан соёмбот далбааг Риогийн тэнгэрт мандуулсан тамирчиддаа баяр хүргэе. Та бүхэн өөрсдийн нөөц, бололцоогоо дайчлан оролцож, амжилт үзүүлсэнд баяртай байна. Гэхдээ бид нэг зүйлийг мартаж болохгүй. Энэ удаагийн зуны олимпийн наадам бидэнд том сургамж боллоо. Дараагийн олимпийн наадам хаяанд ирснийг үргэлж санаж, маргааш эхлэх юм шиг бэлтгэл сургуулилалтаа базаагаарай. Бидний зүгээс боломжит бүх дэмжлэг, туслалцааг үзүүлж ажиллах төдийгүй спортод илүү шинжлэх ухаанчаар хандаж, бодлогоор дэмжих болно” гэв.
-
2016 оны 9 сарын 26
Шүүхийн ерөнхий зөвлөлөөс сар бүр зохион байгуулдаг ”Нээлттэй шүүх” хэвлэлийн бага хурал өнөөдөр Шүүхийн ерөнхий зөвлөлийн байранд боллоо.
-
2016 оны 9 сарын 26
Төрийн албаны зөвлөлөөс өнгөрсөн баасан гарагт Дорноговь, Төв, Хэнтий, Говьсүмбэр, Увс аймгийн Засаг даргын Тамгын газрын дарга, мөн Увс аймгийн ИТХ-ын Тэргүүлэгдчдийн нарийн бичгийн даргын сонгон шалгаруулалтанд орох хүмүүсийг бүртгэсэн байна.
-
2016 оны 9 сарын 26
Улсын төв эмнэлгийн бөөр шилжүүлэн суулгах үндэсний багийнхан өнгөрсөн пүрэв гаригт 125 дахь бөөр шилжүүлэн суулгах хагалгааг амжилттай хийлээ.
-
2016 оны 9 сарын 26
Таван тэрбум тойрсон ташаа мэдээлэлд тайлбар хийлээ
50 минутын өмнө Print Zasag and PDF
ShareThis Facebook Tweet LinkedIn Email
Сүүлийн өдрүүдэд хэвлэл мэдээлэл болон цахим сүлжээгээр нохой, муур устгалын талаар буруу ташаа мэдээлэл гарч байгаатай холбоотойгоор Улаанбаатар хотын Захирагчийн ажлын албанаас албан ёсны мэдээлэл хийлээ. Тохижилт хог хаягдлын удирдлагын хэлтсийн ахлах мэргэжилтэн О.Оджаргал “Нохой, муур устгалын ажилд 5 тэрбум төгрөг зарцуулахаар төсөвлөсөн болон спираль тавих замаар устгалын ажлыг эхлүүлнэ гэдэг нь ташаа мэдээлэл юм. Улаанбаатар хотын ЗАА-аас хариуцаж ажиллаж байгаа Хот тохижилтын газар болон төвийн зургаан дүүрэг алслагдсан гурван дүүргүүд бүгд нохой устгалыг буудах, уургалах, тор тавих зэргээр хуучин аргаараа ажиллаж байна. НИТХ-ын 2002 оны тогтоолоор тогтоосон үнэлгээ нь өнгөрсөн жил шинэчлэгдэн 12 500 төгрөг болсон. Өнгөрсөн хугацаанд 890 сая орчим төгрөгийг нохой устгалд зарцуулсан. Жилийн хугацаанд дунджаар 80-90 мянган нохой устгадаг. Бид ХААИС болон нийслэлд үйл ажиллагаа эрхлэж байгаа мал эмнэлгийн байгууллагуудтай хамтран судалгааны түвшинд ажиллаж байна. Одоогоор цаасан дээр буугаад ажил хэрэг болчихсон зүйл байхгүй. Иргэдэд хүрээд байгаа 5 тэрбумаар нохой устгах болсон талаарх мэдээлэл нь ор үндэсгүй зүйл юм.” гэдгийг мэдэгдлээ.
Мөн баар, рестораны ажиллах цагийн хуваарийн талаар худал мэдээлэл хэвлэл мэдээллийн хэрэгслээр цацагдсаар байгаа юм. Энэ тухай Улаанбаатар хотын Захирагчийн ажлын албаны Хүнс худалдаа үйлчилгээний хэлтсийн дарга О.Нарантуяа “Нийслэлийн Засаг даргын 2015 оны 07 дугаар сарын 9-ний А/609 тоот захирамжийн дагуу баар, цэнгээний газрууд хоёр жил гаруй хугацаанд мөрдөгдөж ирсэн хуучин цагийн хуваариараа үйл ажиллагаагаа явуулж байгаа. Иргэд, аж ахуйн нэгжээс нэг давхарт байдаг болон орон сууцны хороолол дунд үйл ажиллагаа явуулдаг баар цэнгээний газруудыг 00:00 цаг хүртэл ажиллуулдаг болгож өгөөч гэсэн санал, гомдлууд тасралтгүй ирж байна. Иргэдийн гомдол, саналын дагуу нийслэлийн Засаг дарга бөгөөд Улаанбаатар хотын Захирагч С.Батболд судлаж үзэх санал тавьсаны дагуу бид иргэд болон энэ чиглэлээр үйл ажиллагаа эрхлэдэг аж ахуйн нэгжүүдээс судалгаа авсан. Одоогийн байдлаар судалгааны дүнг нэгтгэж байна. Баар ресторны цагийн хуваарийг өөрчилсөн шинэ захирамж гараагүй.” гэдгийг хэллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 9 сарын 26
Увс аймагт БНМАУ-ын Баатар, Хөдөлмөрийн баатар, Төр, нийгэм, цэргийн нэрт зүтгэлтэн, 20-р зууны манлай улс төрч, Маршал Юмжаагийн Цэдэнбал агсны мэндэлсний 100 жилийн ойн арга хэмжээг тэмдэглэн өнгөрүүлж байна.
-
2016 оны 9 сарын 26
Нийслэлийн Засаг даргын захирамж, Сонгинохайрхан дүүргийн Засаг даргын А/321 тоот ”Хүн, малын гоц халдварт өвчин, тарваган тахал өвчнөөс урьдчилан сэргийлэх ажлыг эрчимжүүлэх тухай” захирамжийн дагуу хяналт шалгалт хийгдэж байна.
-
2016 оны 9 сарын 26
Нийслэлд үйл ажиллагаа явуулж буй шөнийн цэнгээний газруудыг 00.00 цагаас хойш ажиллахыг хориглох тухай мэдээлэл үндэслэлгүй гэдгийг Улаанбаатар хотын Захирагчийн ажлын албаны Хүнс, худалдаа үйлчилгээний хэлтсийн дарга О.Нарантуяа мэдээлэв.
Зарим хэвлэл мэдээллийн хэрэгслээр шөнийн цэнгээний газруудыг 00.00 цагаас хойш үйл ажиллагаа явуулахыг хориглох тухай мэдээлэл гарсан. Одоогоор НЗД энэ талаар ямар нэгэн захирамж гаргаагүй бөгөөд шөнийн цэнгээний газрууд хуучин цагийн хуваариар буюу 04.00 цаг хүртэл үйл ажиллагаа явуулж байгаа аж. Шөнийн цэнгээний газруудтай ойр байрлаж буй иргэдийн тав тухыг алдагдуулдаг талаар олон нийтээс гомдол ирдэг .Тиймээс шөнийн цэнгээний газрууд болон иргэдийн тав тухыг алдагдуулахгүйгээр үйл ажиллагаа явуулах боломжийг судлахыг НЗД С.Батболд Хүнс, худалдаа үйлчилгээний хэлтэст үүрэг болгожээ. Хүнс, худалдаа үйлчилгээний хэлтсээс шөнийн цэнгээний газруудын цагийн хуваарийн талаар иргэд, аж ахуйн нэгжүүдээс санал авсан. Одоогоор санал асуулгын дүнг нэгтгэж байна хэмээн О.Нарантуяа дарга хэллээ.
Тэрбээр, “Нийслэлийн хэмжээнд 1500 гаруй шөнийн цэнгээний газар, караоке үйл ажиллагаа явуулж байна. Эдгээр газрууд 04.00 цаг хүртэл ажилладаг болсноор ахуйн хүрээнд архидан согтуурах болон гэмт хэргийн гаралт буурсан. Мөн аялал жуулчлалын улиралд аж ахуйн нэгжүүдийн орлого тодорхой хэмжээгээр нэмэгддэг” гэв.
-
2016 оны 9 сарын 26
Нийслэлийн 2015 оны төсвийн хөрөнгө оруулалтаар шинээр байгуулагдсан нийслэлийн иргэдийг Гамшгаас хамгаалах сургалтын төвийн үйл ажиллагаа эхэлж иргэд олон нийтэд гамшгийн аюулаас өөрийгөө болон бусдыгаа хэрхэн аврах талаар мэдлэг олгох гэж байна.
-
2016 оны 9 сарын 26
Малчид,тариаланчид, хадланчдад зориулсан мэдээ: Өнөөдөр нутгийн зүүн хэсгээр хур тунадас, нойтон цас орж, хүйтэрч, халтиргаа гулгаа үүсэхийг онцгойлон анхааруулж байна.
2016 оны есдүгээр сарын 26-ний 09 цагаас 21 цаг хүртэл: Ихэнх нутгаар үүлэрхэг. Төвийн аймгуудын зарим газраар, зүүн аймгуудын хойд хэсгээр хур тунадас, нойтон цас, зүүн аймгуудын өмнөд болон говийн аймгуудын зарим газраар бороо орно. Салхи нутгийн баруун хэсгээр зүүн өмнөөс, бусад нутгаар хойноос секундэд 6-11 метр, говь, зүүн аймгуудын зарим газраар секундэд 14-16 метр хүрч ширүүснэ. Сэрүүсч Хангай, Хөвсгөлийн уулархаг нутгаар 4-9 хэм, Алтайн өвөр говиор 13-18 хэм, Говийн бүс нутгийн өмнөд хэсэг 10-15 хэм, бусад нутгаар 7-12 хэм дулаан байна.
-
2016 оны 9 сарын 26
“JCI”-ийн Ази номхон далайн чуулга уулзалтыг НЗДТГ хамтран зохион байгуулна
-
2016 оны 9 сарын 26
Нийслэлийн удирдах ажилтнуудын ээлжит шуурхай зөвлөгөөн боллоо. Зөвлөгөөнийг нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан удирдан явууллаа.
-
2016 оны 9 сарын 26
НИТХ-ын дарга Ц.Сандуй БНХАУ-ын Шенянь хотын Хятадын асуудал хариуцсан орлогч дарга Жен Жи Жунийг хүлээн авч уулзлаа.
-
2016 оны 9 сарын 26
Гаалийн тухай хууль тогтоомж зөрчсний улмаас хураагдаж, улсын орлого болсон авто машины нээлттэй дуудлага худалдаа ирэх аравдугаар сарын 13-нд болох юм байна.
-
2016 оны 9 сарын 26
Есдүгээр сарын 21-ний байдлаар хүнсний гол нэрийн барааны үнийг өмнөх сарынхтай харьцуулахад 3.1 хувь, өмнөх долоо хоногийнхтой харьцуулахад 1.1 хувиар буурсан байна.
-
2016 оны 9 сарын 26
ОБЕГ-т өнгөрсөн бямба гаригт /2016.09.24/ тэсэрч дэлбэрэх бодистой холбоотой дуудлага ирсэн байна.
-
2016 оны 9 сарын 26
Усанд автсан 16 иргэний амь насыг авран хамгааллаа
-
2016 оны 9 сарын 26
Хөрсний усыг ногоон байгууламж, авто машин угаалгын газруудад ашиглана
-
2016 оны 9 сарын 26
“Т.Бадамжунайгийн төрсөн охин Төрийн өмчийн хорооны Тамгын газрын дарга болох нь” гэсэн “бор шувуу” нисч эхэлжээ.
-
2016 оны 9 сарын 26
Тэгвэл тус нам дээрх шийдвэрээ өөрчилж долоо, найм, есдүгээр сарын хүүхдийн мөнгийг бүх хүүхдэд өгч магадгүй гэнэ. Засгийн газрын хуралдаанаар ч дээрх асуудлыг ярилцсан байна. Сонгуулийн өмнө бүх хүүхдэд мөнгө өгвөл иргэдийн санаа бодлыг эргүүлэх цаашлаад сонгуулийн үр дүнд эерэгээр нөлөөлөх учир МАН-ынхан ийм заль хэрэглэхээр шийдсэн бололтой. Харин аравдугаар сараас эхлэн хүүхдүүдийн 60 хувьд нь мөнгийг нь олгоод явах бололтой.
