-
2016 оны 5 сарын 31
БАРУУН АЙМГУУДЫН НУТГААР: Солигдмол үүлтэй. Бороо орохгүй. Салхи баруун өмнөөс секундэд 6-11 метр. Алтай, Хангайн уулархаг нутгаар шөнөдөө 3-8 градус, өдөртөө 18-23 градус, Алтайн өвөр говиор шөнөдөө 15-20 градус, өдөртөө 26-31 градус, бусад нутгаар шөнөдөө 6-11 градус, өдөртөө 23-28 градус дулаан байна.
ТӨВИЙН АЙМГУУДЫН НУТГААР: Багавтар үүлтэй. Бороо орохгүй. Салхи баруун өмнөөс секундэд 6-11 метр. Хангай, Хөвсгөл, Хэнтэйн уулархаг нутгаар 3-8 градус, өдөртөө 18-23 градус, бусад нутгаар шөнөдөө 7-12 градус, өдөртөө 25-30 градус байна.
ЗҮҮН АЙМГУУДЫН НУТГААР: Багавтар үүлтэй. Бороо орохгүй. Салхи зүүн өмнөөс секундэд 6-11 метр. Шөнөдөө 3-8 градус, өдөртөө 23-28 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бороо орохгүй. Салхи өмнөөс секундэд 5-10 метр. Шөнөдөө 3-5 градус, өдөртөө 24-26 градус дулаан байна.
ГОВИЙН АЙМГУУДЫН НУТГААР: Үүлшинэ. Бороо орохгүй. Салхи зүүн өмнөөс секундэд 6-11 метр. Шөнөдөө Өмнөговийн нутгаар 11-16 градус, бусад нутгаар 8-13 градус, өдөртөө бүх нутгаар 25-30 градус дулаан байна.
УЛААНБААТАР ХОТ: Багавтар үүлтэй. Бороо орохгүй. Салхи баруун өмнөөс секундэд 5-10 метр. Шөнөдөө 8-10 градус, өдөртөө 26-28 градус дулаан байна.
-
2016 оны 5 сарын 30
Өнөөдрийн байдлаар 23.0 сая эх малын 75.1 хувь буюу 17.9 сая мал төллөж 17.5 сая төл хүлээн аваад байна.
-
2016 оны 5 сарын 30
Нийслэлийн Засаг даргын 2013- 2016 оны үйл ажиллагааны хөтөлбөр, аюулгүй амгалан Улаанбаатар зорилтыг хэрэгжүүлэх ажлын хүрээнд жил бүр нийслэлийн Засаг даргын захирамжаар гамшгаас хамгаалах сургалт, дадлага уралдаан тэмцээнийг зохион байгуулдаг.
-
2016 оны 5 сарын 30
Олон улсын хүүхдийн эрхийг хамгаалах өдөр ирэх лхагва гаригт тохионо. Нийтээр тэмдэглэх баярын болон тэмдэглэлт өдрүүдийн тухай хуульд ”Хүүхдийн баяр”-ын өдөр буюу зургаадугаар сарын 1-ний өдрийг бүх нийтийн амралтын өдөр хэмээн заасан байдаг.
-
2016 оны 5 сарын 30
Энэ жил нийслэлийн хэмжээнд 24 зуслан үйл ажиллагаа явуулахаар зөвшөөрөл авсан билээ. Тэгвэл зуслангууд ирэх зургаадугаар сарын 8-ны өдрөөс амрагчдаа хүлээж авах юм байна. Түүнчлэн үнийн хувьд нэг ээлж нь 160-175 мянган төгрөгийн хооронд байх аж.
-
2016 оны 5 сарын 30
“Guys” хамтлагийн дуучин Х.Бат-Ундрал мансууруулах бодис тээвэрлэж явсан гэх хэрэгт холбогдон саатуулагдаад байгаа гэх мэдээлэл өнгөрсөн долоо хоногт гарсан. Тэгвэл тус хамтлагийнхан өнөөдөр ”Good luck” шинэ дууны клипээ танилцуулах үеэрээ Х.Бат-Ундралын талаар тайлбар хийлээ.
-
2016 оны 5 сарын 30
Өнгөрсөн амралтын өдрүүдэд Улаанбаатар хотын Замын цагдаагийн газрын шуурхай удирдлагын хэлтэс 601 дуудлага мэдээ мэдээлэл хүлээн авчээ. Үүнээс 449 нь зам тээврийн ослын дуудлага бүртгэгдсэн байна. Гэмт хэргийн шинжтэй 21 гомдол мэдээлэл бүртгэгдэж, 2 хүн нас барж, 26 хүнд хөнгөн гэмтжээ.
-
2016 оны 5 сарын 30
“Улаанбаатар марафон-2016” Олон улсын гүйлтийн тэмцээн ирэх сарын 04-ны өдөр болно. Гүйлтийн тэмцээний үеэр Бага тойруу, Энхтайваны өргөн чөлөөний Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Самбуугийн гудамжны автозамын хөдөлгөөнийг хязгаарлана. Үүнтэй холбогдуулан эдгээр гудамж, замаар үйлчилгээ үзүүлдэг нийтийн тээврийн 31 чиглэлийн 311 тээврийн хэрэгслийн чиглэл, замналд өөрчлөлт орно.
-
2016 оны 5 сарын 30
Орхон, Дархан-Уул аймгаас бусад аймаг бүрт Эрүүгийн болон Иргэний хэргийн танхим бүхий давж заалдах шатны шүүх байгуулагдана. Харин хүн амын нягтаршил, хэрэг маргааны гаралтын төвшнөөр өндөр Орхон, Дархан-Уул аймагт одоогийн байгаа Эрүүгийн болон Иргэний хэргийн төрөлжсөн давж заалдах шатны шүүх үйл ажиллагаа явуулна.
-
2016 оны 5 сарын 30
Хүннүгийн гудамжны хойд урсгал, Гандийн гудамжны урд урсгалыг өчигдөр 23:00 цагаас хаасан. Уг хэсгийг ирэх сарын 5-ны 23:00 цаг хүртэл хааж, авто замын өргөтгөл шинэчлэлтийн ажил хийнэ.
-
2016 оны 5 сарын 30
Үр тарианы тариалалт 78.2 хувь, төмс 60.3 хувь, хүнсний ногоо 40.7 хувь, тэжээлийн ургамал 12.0 хувь, тосны ургамлын тариалалт 43.6 хувьтай өмнөх оны мөн үеийн түвшинд хэвийн явагдаж байна.
-
2016 оны 5 сарын 30
Олон улсын хүүхдийн эрхийг хамгаалах өдрийн баярын нэгдсэн арга хэмжээ Чингис хааны нэрэмжит талбайд 2016 оны 6 сарын 1-ний өдрийн11:00 цагт эхэлнэ.
-
2016 оны 5 сарын 30
Монгол Улсын Хууль зүйн сайдын 2016 оны А/43 дугаар тушаалаар Төрийн архивуудын үйл ажиллагаанд улсын үзлэг явуулахаар шийдвэрлэж, батлагдсан хуваарийн дагуу Үндэсний төв архивын захирал, Улсын ахлах байцаагч Б.Эрдэнэбадрахаар ахлуулсан ажлын хэсэг нийслэлийн Архивын газарт 05 сарын 16-наас 23-ны өдрүүдэд улсын үзлэг явууллаа.
-
2016 оны 5 сарын 30
Хонины ястай мах нэг килограмм нь дунджаар 6745 төгрөг, үхрийн ястай мах нэг килограмм нь дунджаар 8490 төгрөгийн үнэтэй байна.
-
2016 оны 5 сарын 30
Нийслэлд улаан бурханы эсрэг нэмэлт дархлаажуулалт үргэлжилж байна. Вакцинжуулалтын хугацаа энэ сарын 25 хүртэл үргэлжлэх байсан ч хугацааг ирэх зургаадугаар сарын 1 хүртэл сунгаад байгаа билээ.
Учир нь нийслэлд вакцинд хамрагдах ёстой нийт залуусын 50 хувь нь амьдарч байгаа бөгөөд хамрагдсан залуусын тоо хангалтгүй байгаагаас ийнхүү хугацааг сунгаад байгаа юм.
Тиймээс 18-30 насны залуусыг вакциндаа идэвхитэй хамрагдахыг уриалж байна.
-
2016 оны 5 сарын 30
6 сарын 1-нд баруун зүгийн нутгийн, 2-нд төв болон говийн нутгийн зарим газраар бороо орно. Салхи ихэнх хугацаанд секундэд 7-12 метр хүрч зөөлөн шороон шуурга шуурна. Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр шөнөдөө 3-8 градус, өдөртөө 14-19 градус, говийн бүс нутгийн өмнөд хэсгээр шөнөдөө 9-14 градус, өдөртөө 27-32 градус, бусад нутгаар шөнөдөө 6-11 градус, өдөртөө 23-28 градус дулаан байна.
-
2016 оны 5 сарын 30
Төв аймгийн Баянчандмань суманд өнгөрсөн оны есдүгээр сард олон нийтийг цочирдуулсан аймшигт хэрэг гарсан.
-
2016 оны 5 сарын 30
Олон улсын хүүхдийн эрхийг хамгаалах өдөр багачуудад зориулсан олон арга хэмжээ Хүй долоон худагт болно
-
2016 оны 5 сарын 30
Гадаадын ажиглагчид Сонгуулийн Ерөнхий Хороонд ажиллаж байна
-
2016 оны 5 сарын 30
АВТОМАШИНГҮЙ ӨДӨР 2016 ОНЫ 06 САРЫН 04-НД БОЛНО
Мэдээ, мэдээлэл Цаг үеийн мэдээ
2016-05-30 10:31:08
“Найрсаг Улаанбаатар” хөтөлбөрийн хүрээнд ”Улаанбаатар Марафон 2016” олон улсын гүйлт 2016 оны 06 дугаар сарын 04-ний Их эзэн Чингис хааны нэрэмжит талбайд болно. Энэ өдрийг “Автомашингүй өдөр” болгож, автомашины хөдөлгөөнийг хязгаарласан зам талбайд спортын талбай байгуулж олон нийтийг хамарсан уралдаан тэмцээн, урлаг соёлын арга хэмжээ, худалдаа үйлчилгээ зохион байгуулах бөгөөд томоохон зах худалдааны төвүүд амарна. Марафоны 5000 метрийн гүйлт нь Их эзэн Чингис хааны нэрэмжит талбай - Төв шуудан - Энх тайвны өргөн чөлөө - Цэцэг төв- Зоос гоёл - МУИС – Бээжингийн гудамж-Чингис зочид буудал – Бөхийн өргөө- Энхтайвны өргөн чөлөө – СЭЗИС – МУБИС- Дуурь бүжгийн эрдмийн театр - Их эзэн Чингис хааны нэрэмжит талбай гэсэн маршуртаар гүйх бол, 10000 метрийн гүйлт нь Их эзэн Чингис хааны нэрэмжит талбай - Төв шуудан - Сөүлийн гудамж -”Hope” шүдний эмнэлэг - Бишрэлт дэлгүүр - Зоос гоёл - 5-р сургууль - Хүүхдийн урлан бүтээх төв - МУИС - ШУТИС-ийн уулзвар - Чингис зочид буудал - Сансарын аюулгүйн тойрог - Баянцээл дэлгүүр - Зүүн 4-н замын уулзвар - Бөхийн өргөө-СЭЗДС-МУБИС-ДБЭТ-Их эзэн Чингис хааны нэрэмжит талбай гэсэн маршуртаар гүйнэ. Энэ өдөр марафон гүйх замууд болон Баруун дөрвөн замаас Зүүн дөрвөн зам хүртэл 08:00-18:00 цагийн хугацаанд автомашингүй бүс байх юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
