-
2015 оны 12 сарын 02
Төрийн цагдаа иргэнд хэрэг хүлээлгэхийг завдаж, зодож дарамталсан гэв үү?
Цагдаатай холбоотой шүүмжлэл, гомдол сүүлийн жилүүдэд улам л ихэссээр байна. “Цагдаа бол хүчний байгууллага биш, үйлчилгээний байгууллага” гэсэн лоозон хатгаад ч төрийн нэрээр сүр далайлгах цагдаа нэртэй нөхдүүдийн далд омог дарагдсангүй. Цагдаа нарын дээрэлхүү омголон, ёс бус харьцааны талаар бүгд л мэддэг, Гэвч төрийн сүлдээ хүндэтгээд, төр төлөөлсөн монгол цагдаа гэж сүслэн хүлцэнгүйгээр захирагддаг ард түмэн бол бид. Энэ салбарт хамгийн шударга, хүнлэг энэрэнгүй, ёс суртахуун харилцааны өндөр хүмүүжилтэй хүмүүс ажиллах учиртай. Учир нь тангараг өргөсөн цагдаа намайг хамгаална гэж иргэд итгэдэг.
Төрийн цагдаа яагаад гэмт хэрэгт улам их холбогдох болов оо гэдгийн хариулт нь магадгүй зан харьцааны өчүүхэн доголдол, шалихгүй омог сүрийг өөгшүүлснийх байж мэднэ. Цагдаа хүн төрийн өмнөөс хууль мөрдүүлэх эрхтэй. Гэхдээ үүнийг заавал зандарч, сүрдүүлж, хуулийн шийтгэлээр далайлгаж мөрдүүлэх ёстой ч юм уу.
Бидэнд ирсэн мэдээллээр Баянгол дүүргийн цагдаагийн 2-р хэлтсийн нэр бүхий байцаагч нар Л.Сүхбаатар гэгч иргэнийг гэрээс нь дуудаж авчраад зодсон гэх хэрэг.
Гар утасны бичлэг үзүүлэн чи мөн биздээ хэргээ хүлээ , хулгайлсан машинаа хаана нуусан гэх зэргээр зодож дарамтласан талаар сэжигтэн гэх этгээдийн ар гэрийнхэн гомдоллож байна.
Нэг цагдаа элгэдсэн.Мөн өшиглөсөн, мөрөн дээр нь хөлөөрөө гишгэлсэн, толгой руу чинь цохиход яахуу эсвэл төмсөг рүүгээ өшиглүүлэх үү гэх зэргээр доромжилсон гэдгийг нь хохирогч өөрөө мэдээлсэн бөгөөд нэр төрөө сэргээлгэхийг хүсч мэдээллийн хэрэгсэлд хандсан ч төрийн цагдаа нараасаа айж олонд ил гарч мэдээлэл өгөхийг хүсээгүй юм.
Хэргийн талаар ЦЕГ-аас тодруулахад “Баянгол дүүргийн хоёрдугаар хэлтэст “аксент” маркийн машин хулгайлсан хэрэг бүртгэгдэж энэ дугаа шалгалтын ажиллагаа явуулсан. Улмаар камерт сэжигтэн этгээдийн бичлэг бичигдэн үлдсэн байсны дагуу шалгалтын ажиллагаа явуулж байгаа.
Харин сэжигтний ар гэрийнхэн хүүхдээ зодсон гэх гомдлыг гаргасны дагуу шалгалтын ажиллагааг явуулж байна” гэлээ.
Ингээд хохирогчийн эгч Л.Чулуунбат ““Би дүүгээ хилс хэрэгт гүтгэгдэж, ямар ч баримт нотолгоогүй хэрэг тулгаж байна гэж үзэж байгаа.
Миний дүүг өнгөрсөн сарын 26-ны өглөө 10.20 цагийн үед Баянгол дүүргийн цагдаагийн хоёрдугаар хэлтсээс дуудсан байдаг. Дуудсан дариуд манай дүү очсон байгаа юм. Гэтэл тус цагдаагийн хэлтсийнхээ 202 тоотод гаргаад “Ямар хэргээр ирсэн гэдгээ мэдэж байна уу гэж гар утасны бичлэг үзүүлээд чи мөн биз дээ гэсэн байгаа юм. Тэгсэн манай дүү би биш гэсэн чинь чи мөн, чи өөрийгөө танихгүй байна уу” гээд элэгдсэн байгаа байхгүй юу. Зодсон хүн нь ахмад Алтангадас гэдэг хүн. Тэр хүн мөрөн дээр нь хоёр хөлөө ээлжилж тавиад өшиглөж зодсон байгаа юм. Одоо бие нь хөхөрсөн сорив нь ч байгаа” гэсэн юм.
Манай дүү одоо цагдаа нараас болж маш их айдастай байна.
Харин хохирогч Л.Сүхбаатар “Отгонбилэг гэх байцаагчийн хувьд чи тэр хүний машин тэрэг гаргаж өг гэсэн. Тэгэхээр нь би хулгай хийдэг хүн биш ээ гэж хэлсэн. Би таксинд явдаг. Надад малгайтай цамц, цүнх үүрчихсэн хүний бичлэг үзүүлсэн. Надад тийм малгайтай цамц, цүнх байхгүй” гэлээ.
Юутай ч энэ асуудлыг холбогдох байгууллага шалгаж байна.
Цагдаатай холбоотой шүүмжлэл, гомдол сүүлийн жилүүдэд улам л ихэссээр байна. “Цагдаа бол хүчний байгууллага биш, үйлчилгээний байгууллага” гэсэн лоозон хатгаад ч төрийн нэрээр сүр далайлгах цагдаа нэртэй нөхдүүдийн далд омог дарагдсангүй. Цагдаа нарын дээрэлхүү омголон, ёс бус харьцааны талаар бүгд л мэддэг, Гэвч төрийн сүлдээ хүндэтгээд, төр төлөөлсөн монгол цагдаа гэж сүслэн хүлцэнгүйгээр захирагддаг ард түмэн бол бид. Энэ салбарт хамгийн шударга, хүнлэг энэрэнгүй, ёс суртахуун харилцааны өндөр хүмүүжилтэй хүмүүс ажиллах учиртай. Учир нь тангараг өргөсөн цагдаа намайг хамгаална гэж иргэд итгэдэг.
-
2015 оны 12 сарын 02
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр угаал үйлдэх, бурхан лус тахих, төмөр, шаврыг цутгах, чимэг зүүх, залбирал үйлдэх, хэв сийлэх, мал адгуус муулах үйл, хувцас урлах, орныг барих, санд нууцлах, элдэв урлалын үйлд сайн. Нялхасыг хөлд оруулах, гадагш гаргах, найрамдах, бэрийн үйл, хатуу үйл, үхээрийн үйлд муу. Өвдвөл долоо хоногоос илааршина. Замд гарвал төрөлхтний асрахуй яриаг сонсоно. Баруун чих хангинавал өчүүхэн төдий айдас болно. Зүүн чих хангинавал хэрүүл тэмцэл болно. Тагнай эрвэгнэвэл сэтгэл үймэрнэ. Өдрийн сайн цаг нь хулгана, үхэр, туулай, морь, бич, тахиа болой. Үс шинээр үргээлгэх буюу засуулбал идээ, ундаа элбэг олдоно.
-
2015 оны 12 сарын 02
015 оны 12 дугаар сарын 01-ний 20 цагаас 12 дугаар сарын 02-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр бага зэргийн цас орно. Өдөртөө цас орохгүй. Салхи баруун хойноос секундэд 5-10 метр, нутгийн өмнөд хэсгээр секундэд 12-14 метр хүрч явган шуурга шуурна. Идэр, Тэс голын хөндий, Хүрэн бэлчир орчмоор шөнөдөө 23-28 градус, өдөртөө 13-18 градус, Алтайн өвөр говиор шөнөдөө 7-12 градус, өдөртөө 3-8 градус, бусад нутгаар шөнөдөө 16-21 градус, өдөртөө 6-11 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Шөнөдөө зарим газраар, өдөртөө нутгийн зүүн хэсгээр цас орж, цасан шуурга шуурна. Салхи баруун хойноос секундэд 7-12 метр. Дархадын хотгор, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын сав газраар шөнөдөө 21-26 градус, өдөртөө 13-18 градус, бусад нутгаар шөнөдөө 15-20 градус, өдөртөө 8-13 градус хүйтэн байна.
ЗҮҮН АЙМГУУДЫН НУТГААР: Үүлэрхэг. Ихэнх нутгаар цас орж, цасан шуурга шуурна. Салхи баруун хойноос секундэд 7-12 метр. Шөнөдөө Хэрлэн, Онон голын сав газраар шөнөдөө 23-28 градус, бусад нутгаар 18-23 градус, өдөртөө хүйтэрч бүх нутгаар 14-19 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлэрхэг. Цас орохгүй. Салхи баруун хойноос секундэд 8-13 метр. Шөнөдөө 23-25 градус, өдөртөө 15-17 градус хүйтэн байна.
ГОВИЙН АЙМГУУДЫН НУТГААР: Үүлшинэ. Нутгийн зүүн хэсгээр цас орж, цасан шуурга шуурна. Салхи баруун хойноос ихэнх нутгаар секундэд 12-14 метр хүрч ширүүснэ. Өмнөговийн нутгаар шөнөдөө 14-19 градус, өдөртөө 7-12 градус, бусад нутгаар шөнөдөө 18-23 градус, өдөртөө 10-15 градус хүйтэн байна.
УЛААНБААТАР ХОТ: Үүлэрхэг. Бага зэргийн цас орно. Салхи баруун хойноос секундэд 7-12 метр. Шөнөдөө Яармаг-Сонгины орчмоор 22-24 градус, бусад хэсгээр 17-19 градус, өдөртөө 13-15 градус хүйтэн байна.
-
2015 оны 12 сарын 01
Тэмээн эрдэнээ цэнгүүлсэн
“Их говийн тэмээний баяр-2015” сайхан боллоо
-
2015 оны 12 сарын 01
Ус, галын мөн чанарыг бүжгийн хэлээр үзүүлэх нь
Ирэх сарын 24-нд “Корпорэйт зочид буудал болон хурлын төв”-ийн тоглолтын танхимд Монгол, Швейдарь, Америкийн уран бутээлчид “Усгал” орчин үеийн бүжгэн жүжиг тоглох нь. Монголын урлагийн зөвлөлийн санаачилгаар Швейцарийн хөгжлийн агентлагийн дэмжлэгээр тоглох бүтээлийг АНУ- ын “Хэдвиг” орчин үеийн бүжгийн компанийн бүжиг дэглээч, бүжигчин Б.Одбаяр, хөгжмийн зохиолч Т.Пүрэвсүх, тайзны гэрлийн найруулагч Барри Стийл, швейцарь хөгжимчин Маттю Мишель хамтран тавих аж. Дэлхийд данстай монгол авьяасыг дэмжих, монголчуудын оюун санаа, итгэл үнэмшлийг шингээсэн, өрсөлдөх чадвартай бүтээлийг дэлхийн үзэгчдэд хүргэх зорилготой бүжгэн жүжиг ‘Тал Усыг мөрөөдөв”, “Ус. Галд дурлав”, “Усгал” гэсэн гурван бүлэгтэй. Тэр бүрийн өмнө амьд хөгжмийн гоцдол болон видео бичлэг толилуулах гэнэ. Эрэгтэй, эмэгтэй хэмээх гал ус мэт хоёр өөр оршихуйн мөн чанар, харилцан шүтэлцэл, баяр гунигийн түүхийг орчин үеийн бүжгийн урлагийн хэлээр үзүүлэх юм байна.
-
2015 оны 12 сарын 01
Ц.Буяндалай Хүүхдийн урлан бүтээх төвийг хувьчлахыг эсэргүүцжээ
Нийслэлийн Засаг даргын Хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалай ажлаас чөлөөлөгдөх өргөдлөө өгсөн талаар манай сонины өчигдрийн дугаарт мэдээлсэн билээ. Орлогч Ц.Буяндалай Ардчилсан намын булгийн хурлын үеэр Хүүхдийн урлан бүтээх төвийг хувьчлахыг эсэргүүцсэн нь ажлаас чөлөө- лөгдох өргөдлөө өгөхөд хүргэ- сэн бололтой. Хувьчлалын эсэргүүцвэл ажлаа өг хэмээн Засаг дарга түүнийг шахсан аж. Нийслэлийн өмч хувьчлалын 2016 оны жагсаалтад Хүүхдийн урлан бүтээх төвийн барилга, Сүхбаатар дүүргийн Засаг даргын тамгын газрын хуучин барилга, Соёлын төв өргөөний Г корпус, найман өрхийн эмнэлэг, нийслэлийн Засаг даргын Тамгын газрын спорт заал зэрэг нийт 21 объектыг нээлттэй дуудлага худалдаагаар, хувьчлахаар төлөвлөжээ.
-
2015 оны 12 сарын 01
Ирэх онд түргэн тусламжиин 10 төв байгуулна
Нийслэлийн ирэх оны төсвийг нийслэлийн ИТХ-ын өчигдрийн хуралдаанаар хэлэлцэж баталлаа. Ингэхдээ төсвийн орлогыг 698.9 тэрбум тогрөгөөр тооцож баталжээ. Хөрөнгө оруулалтад нийслэлийн төсвөөс ирэх онд 200 тэрбум төгрөг зарцуулах бөгөөд он дамжиж буй бүтээн байгуулалтад 100 тэрбум орчим төгрөгийг зарцуулахаар болсон байна Харин улсын төсвөөс ирэх онд 100 гаруй тэрбум төгрөгөөр хөрөнгө оруулалт хийх юм байна. Тухайлбал, 2700 хүүхдийн багтаамжтай 15 бага сургууль, цэцэрлэгийн цогцолбор, хүүхдийн хоёр эмнэлэг, цагдаагийн хэлтсийн нэг барилга, хороо, өрхийн эмнэлэг, цагдаагийн хэсгийн цогцолбор барилга нэг, Төрийн үйлчилгээний нэгдсэн төвийг Баянзүрх, Хан- Уул, Сонгинохайрхан дүүрэгт ашиглалгад оруулахаар болсон байна. Дэд бүтцийн хувьд 2500 гэрэлтүүлгийн ажил, орон сууцны хороолол дунд 23 километр авто замын ажил, Налайх, Найрамдал чиглэлиин авто замуудыг шинэчлэн барихаар болсон. Мөн “Их Монгол”, “Баянмонгол” хороолол дахь гудамж, замыг засах, Сонсголон, Яармаг чиглэлийн гүүрийг хос болгохоор тусгажээ. Түүнчлэн ирэх онд нийслэл 132 айлын түрээсийн гурван орон сууцыг ашиглалтад оруулах юм байна.
Үүнээс гадна гэр хороололд Яаралтай түргэн тусламжийн 10 төв байгуулахаар боллоо. Энэ талаар нийслэлийн ИТХ- ын төлөөлөгч Ж.Амарсанаа, “Хотын хэмжээнд яаралтай түргэн тусламжийн үйлчилгээг чанартай үзүүлэхийн тулд түргэн тусламжийн төв олноор байгуулах шаардлагатай байгаа. 1.5 сая хүн амтай манай хотод 30-40 түргэн тусламжийн төв байснаар дуудлага өгсөн газар 2-5 минутад очих боломжтой болно. Өнөөдөр их хэмжээний хөрөнгө хайж, цаг хугацаа их алдаж байгаа. Тиймээс богино хугацаанд шийдэхийн тулд түргэн тусламжийн төвийг түрээсээр байгуулна” гэв. Түргэн тусламжийн нийт өртөг нь 500 сая төгрөг байна.
-
2015 оны 12 сарын 01
БНХАУ-ын ӨМӨЗО-ны Ардын Дээд шүүхийн дарга ноён Хү Ифен тэргүүтэй төлөөлөгчид Улсын Дээд шүүхийн урилгаар Монгол Улсад 2015 оны 11 дүгээр сарын 30-наас 12 дугаар сарын 2-ны өдрүүдэд албан ёсны ажлын айлчлал хийж байна.
Айлчлалын хүрээнд Улсын Дээд шүүхийн Захиргааны хэргийн танхимын тэргүүн М.Батсуурь ноён Хү Ифен тэргүүтэй төлөөлөгчдийг 2015 оны 12 дугаар сарын 1-ний өдөр хүлээн авч уулзлаа. Танхимын тэргүүн М.Батсуурь уулзалтын үеэр Монгол Улсын шүүхийн шинэтгэлийн талаар товч танилцуулж, бусад улс орнуудын, ялангуяа бүс нутгийн хөрш, хил залгаа орнуудын шүүхүүдтэй гадаад хамтын ажиллагааг бүхий л талаар өргөжүүлэхийг Монгол Улсын Дээд шүүх хөхиүлэн дэмждэгээ илэрхийлэв.
Мөн Улсын Дээд шүүхийн Тамгын газрын дарга Ж.Наранпүрэв болон тус газрын хэлтэс, албадын дарга нар ноён Хү Ифен тэргүүтэй төлөөлөгчидтэй уулзаж ярилцлаа. Энэ үеэр Тамгын газрын дарга Ж.Наранпүрэв Монгол Улсын шүүхийн тогтолцоо, шүүхийн захиргааны байгууллагын чиг үүрэг, Улсын Дээд шүүхийн бүтэц, Тамгын газрын үйл ажиллагааны талаар танилцуулсан нь төлөөлөгчдийн анхаарлыг ихэд татсан юм. Айлчлалын төлөөлөгчид Монгол Улсад шүүхийн эдийн засгийн хараат бус байдлыг хэрхэн хангадаг, шүүгчийн орон тоо, цалин хөлс, шүүхийн төсөв, шүүгчид хариуцлага тооцох тогтолцоо, шүүхийн үйл ажиллагааны ил тод нээлттэй байдал, гэрч, хохирогчийг хэрхэн хамгаалдаг зэрэг асуудлуудын талаар сонирхон асууж, харилцан ярилцав.
Түүнчлэн Улсын Дээд шүүхийн Тамгын газрын дарга БНХАУ-ын ӨМӨЗО-ны Ардын Дээд шүүхэд Улсын Дээд шүүхийн захиргааны ажилтнуудыг мэргэжлийн сургалтад хамруулах, туршлага судлуулах тухай асуудлыг энэ үеэр хөндлөө. БНХАУ-ын ӨМӨЗО-ны Ардын Дээд шүүх энэ чиглэлээр хамтран ажиллахад бэлэн гэдгээ илэрхийлээд цаашид хоёр талын хамтын ажиллагаа бүхий л талаар улам өргөжин тэлнэ гэдэгт найдаж буйгаа илэрхийлэв.
БНХАУ-ын ӨМӨЗО-ны Ардын Дээд шүүхийн дарга, ноён Хү Ифен Монгол Улсын Дээд шүүхээс удирдлага, зохион байгуулалтын тал дээр суралцах зүйл их байна гэж үзэж буйгаа энэ үеэр илэрхийлсэн юм.
Айлчлалын хүрээнд төлөөлөгчид Захиргааны хэргийн давж заалдах шатны шүүх болон Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн үйл ажиллагаатай танилцана.
-
2015 оны 12 сарын 01
Улсын Дээд шүүхийн Эрүүгийн хэргийн танхимын тэргүүн Т.Уранцэцэг, шүүгч Ч.Хосбаяр нар Нидерландын Вант Улсын Гааг хотноо 2015 оны 11 дүгээр сарын 18-26-ны өдрүүдэд зохион байгуулагдсан Олон Улсын Эрүүгийн шүүхийн Ромын дүрмийн гишүүн орнуудын Ассамблейн 14 дэх удаагийн чуулганд оролцоод иржээ.
Чуулганы хуралдаанаар Олон Улсын Эрүүгийн шүүхийн үйл ажиллагааны ерөнхий тайлан болон Хохирлын сангийн захирлын зөвлөл, Чуулганы тэргүүлэгчдийн зөвлөл, Шүүхийн барилга, байгууламжийн хяналтын хорооны тайланг сонсож, Хохирлын сангийн захирлын зөвлөлийн 5 гишүүн, Төсөв санхүүгийн хорооны 1 ажилтан, Шүүгчдийг нэр дэвшүүлэх зөвлөх хорооны гишүүдийг сонгосон байна.
Мөн эзлэн түрэмгийлэх гэмт хэргийг Олон Улсын Эрүүгийн шүүхийн харьяалалд шилжүүлэх тухай Кампаллагийн нэмэлт өөрчлөлтөд нэгдэх үйл ажиллагааг идэвхжүүлэх тухай, Терроризмийн гэмт хэргийг Олон Улсын шүүхийн харъяалалд шилжүүлэхийн ач холбогдлын тухай, Хүний эрхийн ноцтой зөрчлийн эсрэг тэмцэх, эдгээр хэргүүдийг илрүүлэх, шүүн таслахад иргэний нийгмийн үүрэг, ач холбогдлыг нэмэгдүүлэх тухай зэрэг анхаарал татсан асуудлуудыг салбар хуралдаануудаар авч хэлэлцжээ. Түүнчлэн Олон Улсын Эрүүгийн шүүх дэх өмгөөллийн үйл ажиллагааг бэхжүүлэх, бие даасан байгууллага байгуулах санаачлагыг дэмжих, тус шүүхийн харьяаллын хэргүүдийг шүүн таслах, ял оногдуулах үндсэн стандарт тогтоох, Олон Улсын Эрүүгийн шүүхийн болон гишүүн улсуудын хамтын ажиллагааг хөгжүүлэх тухай ч яригдсан байна.
Үүнээс гадна зарим улсын нутаг дэвсгэрт Олон Улсын Эрүүгийн шүүхийн захирамж, тогтоолуудыг биелүүлэхэд учраад буй бэрхшээл, саадыг арилгах арга замын тухай асуудлууд салбар хуралдааны анхаарлын төвд байлаа.
Улсын Дээд шүүхийн Эрүүгийн танхимын тэргүүн Т.Уранцэцэг, шүүгч Ч.Хосбаяр нар энэ үеэр Олон Улсын Эрүүгийн шүүхийн ерөнхийлөгч Силвиа Фернандес дө Гурмэнди, Чуулганы ерөнхийлөгч Сидики Каба нартай биечлэн уулзаж, хариуцлагатай албан тушаалд томилогдсонд нь баяр хүргэж Монгол Улсын шүүгчид анх удаа чуулганд оролцож буйг дурдаад Ромын дүрмээр хүлээсэн үүргээ чанд сахин биелүүлэх талаар үүрэг хариуцлагаа гүнээ ухамсарлан хичээн ажиллаж буйгаа илэрхийлжээ.
Ноён Силвиа Фернандес дө Гурмэнди, Сидики Каба нар нь Олон Улсын Эрүүгийн шүүх бүрэн эрх хэмжээгээ хэрэгжүүлж ажиллахад гишүүн улсуудын хамтын ажиллагаа онцгой чухал болохыг энэ уулзалтын үеэр тэмдэглэсэн байна.
Мөн Улсын Дээд шүүхийн Эрүүгийн хэргийн танхимын тэргүүн Т.Уранцэцэг, шүүгч Ч.Хосбаяр нар Олон Улсын Эрүүгийн шүүхэд өмгөөлөгчөөр ажилладаг манай иргэн Н.Орчлонтой уулзаж, Монгол Улсын төлөөлөл тус шүүхийн шүүгчээр сонгогдох боломж, арга замын талаар ярилцжээ.
Олон Улсын Эрүүгийн шүүхийн Ромын дүрмийн гишүүн орнуудын Ассамблейн 14 дэх удаагийн чуулганы хуралдаанаас Улсын Дээд шүүхийн Эрүүгийн хэргийн танхимын тэргүүн Т.Уранцэцэг, шүүгч Ч.Хосбаяр нар өөрийн оронд хэрэгжиж буй шүүхийн шинэтгэлийг эрчимжүүлэхэд үнэтэй санаа, зөвлөмжүүдийг авч ирсэн байна.
Олон Улсын Эрүүгийн шүүхийн Ромын дүрэм нь Олон улсын байнгын ажиллагаатай эрүүгийн шүүхийг байгуулах тухай олон улсын гэрээ бөгөөд анх 1998 онд Ром хотод батлагдаж, 2002 оноос хүчин төгөлдөр үйлчилж эхэлсэн юм.
Монгол Улс Ромын Дүрмийг 2002 онд соёрхон баталж, ОУЭШ-ийг үүсгэн байгуулагч 60 улсын тоонд багтсан аж. Одоогийн байдлаар 123 улс Ромын дүрмийн гишүүнээр нэгдээд байна. Ромын дүрмээр гишүүн улсууд “төрлөөр устгах, хүн төрөлхтөний эсрэг, дайны, эзлэн түрэмгийлэх гэмт хэрэг” үйлдсэн этгээдийн хэргийг дотооддоо шийдвэрлэх боломжгүй тохиолдолд Олон улсын эрүүгийн шүүхэд уг этгээдийг шилжүүлэн өгөх үүрэг хүлээдэг юм байна.
Дашрамд дурдахад 2015 оны 3 дугаар сарын 11-нд анх удаа эмэгтэй хүн Олон Улсын Эрүүгийн шүүхийн ерөнхийлөгчөөр сонгогдон ажиллаж байгаа бөгөөд Хатагтай Фернандез Де Гурменди нь 1954 онд төрсөн, Олон Улсын Эрүүгийн шүүхийн байнгын орон тооны шүүгчээр ажиллаж байсан, Аргентин гаралтай юм байна.
-
2015 оны 12 сарын 01
Жавар тачингнасан өвлийн өдрүүд...Амьдрал үргэлжилсээр. Харин Улаанбаатар хотын цагдаагийн газрын гэр бүлийн хүчирхийлэл хүүхдийн эсрэг гэмт хэргээс урьдчилан сэргийлэх хэлтсийн харьяа түр хамгаалах байранд амьдрал хэрхэн үргэлжилж байгаа талаар сурвалжиллаа. Жавар хургасан хүйтэн өдрүүдэд сэтгэл жавартай байх л хамгийн хэцүү. Гэр бүлийн хүчирхийлэлд өртсөн цөөнгүй хүүхэд эмэгтэйчүүд байрлаж байна. Өвлийн улирал болохоор гэртээ хүчирхийлэлд өртсөн тэдэнд очих газар үгүй. Энд ирээд хууль эрх зүйн зөвлөгөө авч, цагдаагийн алба хаагчдын “халамжинд” цөөхөн өдрүүдийг өнгөрүүлнэ. Дуудлага өгч байгаа хүмүүст мэдээж цагийн хязгаар гэж үгүй. Хэн ч хэдэн цагт ч хандаж магадгүй. 107 дугаарын утсаар зөвлөгөө авах дуудлага тасардаггүй юм байна.
-
2015 оны 12 сарын 01
Иргэний болон Үл хөдлөх эд хөрөнгийн барьцааны тухай хуульд, үл хөдлөх хөрөнгийг өмчлөгчийн гуравдагч этгээдтэй байгуулсан хэлцэл хүчин төгөлдөр байх эсэх нь үүрэг гүйцэтгүүлэгчийн зөвшөөрлөөс хамаарахаар зохицуулсан нь Монгол Улсын Үндсэн хуулиар баталгаажуулсан иргэний үл хөдлөх хөрөнгө өмчлөх эрхийг зөрчсөн гэсэн дүгнэлтийг Үндсэн хуулийн цэц 2015 оны 10 дугаар сарын 7-ны өдөр гаргасан билээ.
-
2015 оны 12 сарын 01
Дорноговь аймгийн прокурорын газраас санаачлан 2015 оны 11 дүгээр сарын 27-ны өдөр тус аймгийн Сайншанд сумын нутаг дэвсгэрт байрлах Соёмбо цогцолборт аймгийн прокурорын газрын Нээлттэй хаалганы өдөрлөгийг зохион байгуулжээ.
Энэ үеэр Аймгийн прокурорын туслах, тамгын хэлтсийн дарга Ж.Айжуу тус аймгийн прокурорын газраас 2015 онд зохион байгуулсан ажил, прокуророос хэрэг бүртгэх, мөрдөн байцаах ажиллагаанд хэрхэн хяналт тавьж байгаа болон прокурор төрийн нэрийн өмнөөс шүүх хуралдаанд оролцож байгаа талаар, хорих болон хорихоос өөр төрлийн ял шийтгүүлсэн ялтны ял эдлэлтэнд прокурор хяналт тавьсан байдал, гэмт хэргээс урьдчилан сэргийлэх тухай хууль тогтоомжийг хэрэгжүүлэн зохион байгуулсан ажил, Монгол Улсын Өршөөл үзүүлэх тухай хуулийн хэрэгжилт, аймгийн прокурорын газарт байцаан шийтгэх ажиллагаанд оролцогчдоос гаргасан гомдол, хүсэлтийг хэрхэн хүлээн авч шийдвэрлэж байгаа болон аймаг дахь эрүүгийн нөхцөл байдлын талаар мэдээлэл өгөхийн зэрэгцээ иргэдийн сонирхсон асуултанд хариулт өгч хууль, эрх зүйн зөвлөгөө туслалцаа үзүүлэх ажлыг зохион байгуулсан байна.
Түүнчлэн энэ үеэр орон нутгийн телевизэд прокурорын байгууллагаас хийж гүйцэтгэж байгаа ажлынхаа талаар ярилцлага өгсөн нь үр дүнтэй ажил болсон байна. Нээлттэй хаалганы өдөрлөгийн арга хэмжээнд 60 гаруй иргэд хүрэлцэн ирж, эрх зүйн зөвлөгөө, туслалцаа авч тэдэнд шаардлагатай 10 төрлийн хууль тогтоомжийн асуудлаар боловсруулсан бэлтгэсэн гарын авлага, сурталчилгааны материал, сонинг 650 ширхэгийг тарааж өгсөн нь тэдний эрх зүйн мэдлэгийг дээшлүүлэхэд зохих үр дүнгээ өгчээ.
Мөн аймгийн Өмгөөлөгчдийн зөвлөлийн өмгөөлөгч нар нээлттэй хаалганы өдөрлөгт оролцож иргэдийн хүсэлтийг хүлээн авч иргэдэд эрх зүйн асуудлаар үнэ төлбөргүй өмгөөллийн үйлчилгээ үзүүлж ажилласан нь иргэдийн талархалыг хүлээсэн байна.
-
2015 оны 12 сарын 01
Нийслэлийн Сонгинохайрхан дүүргийн прокурорын баталсан удирдамжийн дагуу тус прокурорын газрын хяналтын прокурорууд, туслах ажилтнуудын хамтаар Сонгинохайрхан дүүргийн 21 дүгээр хорооны нутаг дэвсгэр Таширын аманд байрлах ШШГЕГ-ын харьяа хорих 429 дүгээр ангид 2015 оны 11 дүгээр сарын 26-ны шөнө гэнэтийн шалгалт хийжээ.
Шалгалтаар тухайн хорих ангийн жирийн болон чанга дэглэмтэй ялтнуудын хорих байр, тусгаарлах тасалгаа болон сахилгын хорих байранд үзлэг хийж, ялтнуудын ял эдлэлтийн байдалтай танилцаж, хорих ангийн харуул хамгаалалт, аюулгүй байдал, хоногийн жижүүрлэлтийн бүрэдлэхүүн, телекамерийн хяналт, цахилгааны нөөц үүсгүүрийн ажиллагааг шалгаж илэрсэн зөрчил дутагдлыг арилгахаар прокуророос хорих ангийн удирдлагад тодорхой үүрэг чиглэл өгч, прокурорын шаардлага бичиж ажилласан байна.
-
2015 оны 12 сарын 01
Авлигын эсрэг олон улсын өдөр 12 дугаар сарын 9-нд тохионо. Одоогоос зургаан жилийн өмнө НҮБ-ын Ерөнхий Ассамблей жил бүрийн 12 дугаар сарын 9-ний өдрийг Авлигын эсрэг олон улсын өдөр хэмээн зарлан тунхагласан билээ. Авлигын эсрэг НҮБ-ын далбаан дор нэгдсэн улс орнууд энэ өдрийг угтан олон нийтийн дуу хоолойг сонсох, Авлигын эсрэг конвенцид тусгасан үүргүүдийг нийгэмд таниулах учиртай ажээ.
Авлигын шалтгааныг арилгах, үр нөлөөг бууруулах цогц арга хэмжээг тусгасан НҮБ-ын Конвенцийг дэлхий даяар авлигатай тэмцэх гол хэрэгсэл хэмээн үздэг юм. Монгол Улс 2005 оны 10 дугаар сарын 27-ны өдөр НҮБ-ын Авлигын эсрэг Конвенцийг соёрхон баталснаар нэгдэн орсон. Ингэснээр манай улс авлигын эсрэг олон улсын үйл хэрэгт алхаа нийлүүлэх болжээ. Авлигын эсрэг хуулийн дагуу Авлигатай тэмцэх газар байгуулагдаж ажиллаж эхэлснээр Авлигын эсрэг олон улсын өдрийг Монгол Улсад албан ёсоор өргөн хүрээнд ес дэх жилдээ “Авлигын гинжийг тасалцгаая” уриан дор тэмдэглэх гэж байна.
НҮБ-ын Авлигын эсрэг конвенцийг баталсан оныхоо 12 дугаар сарын 9-ний өдрөөс эхлэн гурван өдрийн турш Мексик улсын Мерида хотод хүндэтгэлтэйгээр байрлуулан, түүнд дэлхийн улс орны тэргүүнүүд гарын үсгээ зуржээ. Түүнээс хойш 2005 оны 12 дугаар сарын 9-ний өдрийг хүртэл Нью-Йорк хот дахь НҮБ-ын төв байранд бүх улс гарын үсгээ зурахад нээлттэй үлдээсэн байдаг юм. Авлигын эсрэг олон улсын өдрийг 12 дугаар сарын 9-нөөр тогтон зарласан нь үүнтэй холбоотой юм байна.
-
2015 оны 12 сарын 01
“Улаанбаатар хотын ногоон хөгжлийн стратеги төлөвлөгөө
-
2015 оны 12 сарын 01
Нийслэлийн 22-ны товчоо болон Тахилтаар дамжин Баянголын аманд цаг уурын нөхцөл болон цас багатай газар даган бэлчиж яваа 200 орчим зээрийн сүрэг нийслэлийн нутагт орж ирсэн тухай бид өмнө мэдээлсэн.
-
2015 оны 12 сарын 01
Хар тамхи хадгалсан хэрэгт холбогдон цаазаар авахуулах ял сонсоод байсан Монгол Улсын иргэн Н.Золзаяагийн хэргийг хэлэлцэх шүүх хуралдаан өнгөрөгч 11 дүгээр 27-ны өдөр болж Малайзын холбооны шүүхээс түүний цаазаар явах ялыг хүчингүйд тооцож шийдвэрлэсэн талаар бид мэдээлж байсан.
-
2015 оны 12 сарын 01
Бурхан Халдун уулыг Дэлхийн өвд бүртгэсэн Батламж бичгийг хүлээн авав
-
2015 оны 12 сарын 01
Монгол Улсын Зэвсэгт хүчний Цэргийн хамгаалалтын ротын III ээлжийн цэргийн багийн бүрэлдэхүүн Зэвсэгт хүчний Жанжин тугандаа хүндэтгэл үзүүллээ.
-
2015 оны 12 сарын 01
Бага насны хүүхдүүд машины эд анги хулгайлж байсан үйлдлийг газар дээр нь илрүүлжээ.
