-
2015 оны 12 сарын 07
2015 оны 12 дугаар сарын 05, 06-ны өдрүүд буюу амралтын өдрүүдэд Улаанбаатар хотын Замын цагдаагийн газрын ЖШУХ дээр нийт дуудлага мэдээ мэдээлэл хүлээн 613 авснаас зам тээврийн ослын 466 дуудлага бүртгэгдсэн байна. Үүнээс ХАБАЖЭГХэрэг 16 бүртгэгдэж 24 хүн хүнд хөнгөн гэмтсэн. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 1, явган зорчигч 3, Зам тээврийн осолд 1 хүүхэд өртсөн. Үүнээс сургуулийн өмнөх насны 0, сургуулийн насны 1 хүүхэд. Согтуугаар тээврийн хэрэгсэл жолоодсон 110 жолоочийг илрүүлж гарч болзошгүй осол хэргээс урьдчилан сэргийлж ажилласан .
-
2015 оны 12 сарын 07
Авлигатай тэмцэх газраас эрхлэн хэвлүүлсэн “Туулай хүүгийн адал явдал” номд дурдсан утга агуулгаар нийслэлийн ерөнхий боловсролын бага ангийн сурагчдад хичээл заах арга хэмжээг Монголын Сурагчдын холбоо, Лидер сурагч академийн оролцоо, идэвх чармайлтаар эхлүүллээ.
“Туулай хүүгийн адал явдал” номыг зөв шударга амьдралын зан үйл, дадал хэвшлийг таниулах зорилгоор бага насны хүүхдүүдийн нас, сэтгэхүйн онцлогт тохируулан үлгэрийн хэлбэрээр бүтээсэн юм. “Туулай хүүгийн адал явдал” нь уг номд дурдсан шударга ёсны үзэл санааг заах арга зүй, гарын авлагатай бөгөөд энэ хүрээнд сургууль, цэцэрлэгийн багш нар хүүхдүүдэд хичээл заах боломжтой ажээ.
Монгол Улсын Ерөнхийлөгчийн дэмжлэгтэйгээр зохион байгуулдаг “Өсвөрийн 333 сургагч багш” бэлтгэх хөтөлбөрт хамрагдсан шилдэг 40 сургагч хүүхэд “Туулай хүүгийн адал явдал” сэдэвчилсэн сургалтыг ерөнхий боловсролын нийт 86 сургуульд хийх бөгөөд хамгийн эхэнд нийслэлийн 111, 1, 5, 115, 67, 93 дугаар сургуулийн 2 дугаар ангийн сурагчдыг хамруулав.
“Туулай хүүгийн адал явдал” ном бяцхан дүү нарын маань сонирхлыг маш ихээр татаж байна. Тэдэнд ийм чиглэлийн мэдлэг олгох сургалт тун чухал болохыг мэдэрлээ” гэж өсвөрийн сургагч багш Г.Мандах ярилаа. Уг номын зохиогч, Авлигатай тэмцэх газрын ажилтан Б.Туул “Авлигын нийгэмд учруулах хор хөнөөлийг ухуулан таниулах нь авлигын эсрэг олон нийтийг соён гэгээрүүлэх ажлын нэг үндсэн чиглэл юм. Сургуулийн өмнөх насны хүүхдүүд болон бага ангийн сурагчдад зөв зан үйлийг хэвшүүлж, буруу үйлдлийг жигшүүлэх замаар шударга ёсны ойлголтыг өгөх нь авлигын хор хөнөөлийг мэдүүлэх хамгийн эхний алхам. Шударга ёсны сэдвээр цаашид дунд, ахлах ангийн сурагчдад зориулж сургалт явуулахаар төлөвлөж байгаа” гэж хэлэв.
-
2015 оны 12 сарын 07
Нийслэлийн өмч хувьчлалын 2016 оны жагсаалтад Хүүхдийн урлан бүтээх төвийн барилга багтсан.
-
2015 оны 12 сарын 07
ОХУ манай улсаас мах авахаа түр зогсоожээ. Тодруулбал ОХУ-ын Хөдөө аж ахуйн мэргэжлийн хяналтын газраас Монголоос мах, махан бүтээгдэхүүн авахаа түр зуур зогсоосноо мэдэгджээ.
-
2015 оны 12 сарын 07
Нийслэл хотын албан татварын тухай хууль хэрэгжиж эхлээд 2 сар гаруй болж байна. Энэ хугацаанд нийслэл хотын албан татварын төрлөөр193,177.0 мянган төгрөгийг нийслэлийн төсөвт төвлөрүүлжээ.
Нийслэл хотын албан татварын тухай хуульд нийслэлийн нутаг дэвсгэрт үйлчилгээ үзүүлж буй баар, ресторан, зочид буудал, амралтын газар гэсэн дөрвөн төрлийн тусгай үйлчилгээ, бүх төрлийн архи тамхины жижиглэн худалдаанд нийслэл хотын албан татварыг нэг хувиар ногдуулахаар заасан бөгөөд энэхүү татвараас жилдээ 13 тэрбум гаруй төгрөгийг нийслэлийн төсөвт төвлөрүүлэх тооцоо байгаа юм.
Нийслэлийн хэмжээнд 5374 суутгагч 4578 тусгай зөвшөөрлийн дагуу үйл ажиллагаа явуулж байгаа бөгөөд одоогийн байдлаар татвар төлөгчийн бүртгэлийн програмд 543 иргэн, 3834 хуулийн этгээд, нийт 4377 албан татвар суутгагчийг бүртгэжээ гэж Нийслэлтийн НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
- See more at: http://zasag.mn/m/ulaanbaatar/view/11600#sthash.REYEClng.dpuf
-
2015 оны 12 сарын 07
Чингэлтэй дүүргийн 12 дугаар “Нарантуул-2” захын урд автозам дээр автомашинтай хүмүүс “Цагдаагийн алба хаагч байна” гэж бичиг баримтыг хурааж аваад явлаа” гэсэн дуудлага цагдаагийн байгууллагад иржээ.
-
2015 оны 12 сарын 07
Манай улс10 чиглэлд улс хоорондын ачаа тээвэрлэлт хийдэг юм байна. Энэхүү тээвэрлэлтийг нийт 114 аж ахуйн нэгж, байгууллагын 4093 мэргэшсэн жолооч, 4014 хүнд даацын тээврийн хэрэгслээр хийдэг аж.
Өнгөрсөн сарын 25-ны байдлаар улс хооронд 14 сая тонн ачааг тээвэрлэжээ. Ингэхдээ 897.5 мянган тонн газрын тос тээвэрлэсэн нь өмнөх оноос 13.6 хувиар, 724.1 мянган тонн зэсийн баяжмал нь 9.1 хувиар өссөн үзүүлэлт аж. Харин 10.5 сая.тонн нүүрс тээвэрлэсэн нь өмнөх оны мөн үеэс 23.6 хувиар, 652.2 мянган тонн төмрийн хүдэр нь 58.7 хувиар буурчээ.
-
2015 оны 12 сарын 07
Улаанбаатараас Эрээний чиглэлд цогц үйлчилгээтэй том оврын автобус зорчдог боллоо
Энэ сарын 2-ны өдрөөс Улаанбаатар хотоос БНХАУ-ын Эрээн хот руу шууд галт тэрэг гэдэг шиг шууд автобус явдаг боллоо. Хоёр улсын авто тээврийн салбарт чухалд тооцогдох энэхүү үйл явдлыг сурвалжлахаар манай сурвалжлах баг хөдөлсөн юм.
”Аtibus” компанийн 45 хүний суудалтай автобусанд сууж том оврын автобусаар Эрээнрүү зорчих анхны зорчигдын нэг болж, 10 хүрэхгүй цаг явсаны эцэст Эрээн хотод ирлээ.
Маш тохь тухтай, зай талбай ихтэй энэхүү автобусны хувьд үйлчилгээ сайн байсан гэдгийг онцлох нь зүйтэй биз. 70 км,цагийн хурдтай явж, хоёр ээлжийн жолооч, үйлчлэгчээр энэ өдөр ажиллах бүрэлдэхүүнээ хангажээ. Ачаа тээш хадгалах хэсэг нь багтаамж өндөртэй, автобусандаа хөргөгч, хөлдөөгчтэй гээд л яриад байвал их л олон давуу тал энэхүү автобуснаас нь ажиглагдана.
Шинэ дэвшилтэт, үйлчлүүлэгчдийн ая тухыг хангасан, шуурхай ийм үйлчилгээг ганцхан ”Аtibus” компани бус ”Тэнүүн огоо”, ”Эрдэм транс” ХХК ч үзүүлэх юм. Өөрийн гэсэн баззтай, мэргэжлийн жолоочдоор хүний нөөцөө шийдвэрлэсэн гэх дээрх гурван компани олон улсад тээвэрлэлт хийх тендерийн шалгаруулалтад тэнцсэн юм байна. Өөрөөр хэлбэл, Улаанбаатараас Эрээн чиглэлийн автобус үйлчилгээг дээрх гурван компани гардан гүйцэтгэнэ гэсэн үг.
Эдгээр автобусууд бүх өдрүүдэд Улаанбаатараас Эрээн хотын чиглэлд зорчигч тээвэрлэлт гүйцэтгэх бөгөөд Баянзүрх зорчигч үйлчилгээний төвөөс тогтмол цагийн хуваарийн дагуу иргэдэд үйлчлэх юм.
Улс хоорондын шугам нээсэн нь галт тэрэг зарим үед ачааллаа дийлдэггүйтэй холбоотой гэдгийг иргэд төвөггүй ойлгох биз. Цаашлаад Замын-Үүдээс Улаанбаатар, Эрээний чиглэлд хувийн жижиг тэргүүд явдаг. Тэгвэл энэ бүх үйлчилгээг цогц болгохын тулд том оврын автобус үйлчилгээнд гарсан нь иргэдэд хүндрэл чирэгдэлгүй болж байгаа юм.
Автобусны жолооч нарын хувьд улс хооронд тээвэрлэлт хийх мэргэжлийн сертифкат хийгээд эрхээ авчихсан гэдгийг Баянзүрх зорчигч тээврийн төвийн тээвэр зохицуулагч Г.Гансүх онцоллоо.
Улс хооронд тээвэрлэлт хийх болсон том оврын автобуснуудын хувьд үзлэг оношлогоонд ороод байнгын хяналт, удирдлаган дор тээвэрлэлт хийх юм байна. Харин цаг агаарын буюу байгалиас шалтгаалсан асуудал гарвал түр хугацаанд зогсолт хийх арга хэмжээ авч, зорчигч нараа амраах ажиллагааг зохион байгуулах юм байна.
Биднийг Эрээн хотруу хөдөлж байх үед Түвшинширээгээс Баяндэлгэр орох 70 км замыг автобус 5.30 цаг туулсан гэх мэдээлэл ирсэн юм. Тиймээс цас орж шуурч, үзэгдэх орчин бүрхэг болсон учир тухайн чиглэлд явж байсан автобусны зорчигчдыг Түвшинширээ дээр хонуулах арга хэмжээг авч ажиллалаа. Зорчигчдыг хурлын зааланд хонуулж, хоол ундаар хангаж байлаа. Энэ нь хот хоорондын тээврийн үйлчилгээ улам боловсронгуй болж буйг илтгэж байсныг нуух юун.
”Аtibus” компанийн туслах жолооч Ж.Жаргалсайхан ”Миний хувьд нийтийн тээвэрт 3 дахь жилдээ ажиллаж байна. Улс хоорондын тээвэрт анхны рейсээ хийж байгаа болохоор сэтгэл их өндөр байна. Автобус маань хурдан шуурхай, тав тухтай, тохилог үйлчилгээтэй байна ” гэлээ.
Олон улсын гэдэг үндэслэлээр жолооч нарын цалингийн ангилал өндөр юм байна. Тодруулбал, үндсэн цалин 1.2 саяаас эхэлж байгаа бөгөөд зорчигч их суусан тохиолдолд нэмэлт бонус авах боломжтой болж байгааг ”Аtibus” ХХК-ийн захирал Г.Баярмагнай цухас дурдлаа.
Бид Эрээн хотод очсон даруйдаа монгол улсын иргэдийн ачаа барааг жинлэж, билет бичдэг Хятадын авто тээврийн газар очиж нөхцөл байдалтай танилцсан юм. Энэ газар амралтын өдрийг үл тоон долоо хоног ажиллаж монгол иргэдэд билет бичиж үйлчилдэг юм байна.
Энэ үеэр БНХАУ-ын Авто тээврийн удирдах товчооны дарга Чин Хун Еэнийн сэтгэгдлийг сонссон юм. Тэрбээр ”Олон улсын зорчигч тээврийн шугам нээгдсэнд баяртай байна. БНХАУ, Монгол улсын харилцаа, ард түмэнд энэхүү зорчигч тээврийн шугам нээгдсэн нь маш их давуу талыг авчирч байна. Монголын авто тээврийн салбар, Хятадын авто тээврийн салбарын хамтын ажиллагаанд ахиц гарч байгаа” гэсэн юм.
Авто тээврийн үндэсний төвөөс хэрэгжүүлсэн энэхүү ажил цаашид өргөжиж бусад улс руу ч автобусаар түргэн хугацаанд зорчих нөхцөл бүрдэх боломжтойг албаны хүмүүс хэлж байв.
Ингээд Авто тээврийн үндэсний төвийн Тээвэр зохицуулалтын газрын дарга Ж.Энхбатаас зарим зүйлийг тодрууллаа.
-Эрээний чиглэлд том оврын автобус үйлчилж эхэллээ. Энэ талаар дэлгэрэнгүй мэдээлэл өгөхгүй юу?
- Улс хооронд том оврын автобус явдаг болсон нь том дэвшилт болж байна. Цаашлаад 2016 онд Чойбалсан хотоос Манжуур, Ховдын Булган сумаас Шинжан Уйгарлуу явахаар төлөвлөчихсөн байгаа.
Мөн олон улсын зорчигч тээврийн үйлчилгээнд бид унтлагын автобус нэвтрүүлэхээр бэлтгэл ажлаа хийж байгаа. Замын нөхцлөөс шалтгаалаад аюулгүй байдлыг хангаж, зам өргөсгөхөөр ажиллаж байна. Өнгөрсөн удаад бид Хөвсгөл рүү унтлагын автобус явуулж эхэлсэн.
-Улс хооронд явах компаниудыг хэрхэн сонгон шалгаруулсан бэ?
-Тавигдах шаардлагын дагуу буюу тухайн компани өөрийн гэсэн автобус, гараж, засварын газар, боловсон хүчинтэй гэх шаардлагуудыг хангасан компаниудтай бид нэг жилийн гэрээ байгуулан ажиллаж байгаа. Улс хоорондын чиглэлд өнөөдөр ”Аtibus” компани зорчигчдыг тав тухтай байлгахын тулд био нойлын өрөөтэй автобус үйлчилгээнд явуулж байна. Энэ мэтээр автобус компаниуд маань иргэдийн ая тухыг хангах бүхий л боломжийг эрэлхийлж байгаа нь сайшаалтай.
”Тэнүүн огоо” компанийн гүйцэтгэх захирал Ж.Эрдэнэбат ”Манайх хот хооронд ажиллаж байсан дадлага туршлагатай жолооч нарыг сонгон Улаанбаатар-Эрээний чиглэлд явуулж байна. Мөн жолооч нарын хариуцлагын даатгал, тээврийн хэрэгслийн даатгалыг иж бүрнээр нь хийсэн байгаа. Манай компанийн зүгээс долоо хоногт хоёр удаа үйлчилнэ. Зорчигчдоо халуун цай, хөнгөн зуушаар хангаж үйлчилж байна.
Автобус эвдэрсэн тохиолдолд манайд нөөцийн автобус бий. Мөн хаана ч байсан очиж үйлчлэх засварын машин бэлэн байдалд байдаг.
Манай компанийн нийтийн тээвэрт өдөр тутамдаа 160 автобус үйлчилж байгаа. Бид нарын хувьд замын цагдаагийн газартай нийлж байнга сургалт зөвлөгөөн хийдэг” гэлээ.
Сурвалжлах баг маань ийн Эрээн хотоос иргэдэд хэрэгтэй мэдээ, мэдээллийг бэлтгээд Замын-Үүд, Улаанбаатарын зүг хөдөлсөн юм. Ингэхдээ Замын-Үүдийн Засаг дарга М.Баянмөнхтэй уулзаж санал бодлыг нь сонслоо. Тэрбээр ”Манай сум өөрөө онцлог гэдгийг та бүхэн мэдэж байгаа. Энэ боомт улс орны эдийн засагт их чухал хувь нэмэр оруулдаг. Боомтоор дамжин өнгөрч байгаа иргэдийн урсгал өнгөрсөн жилийн мөн үеэс буурсан ч ачаалалтай ажилладаг. Өдөрт 3-4 мянган зорчигдын урсгалтай. Зорчигдын нэг хүнд нөхцөл бол олон удаа сууж буудаг явдал. Тэгвэл одоо шууд Улаанбаатараас автобустайгаа Эрээн хотруу гарна гэдэг иргэдэд ач холбогдолтойн дээр боомтын ажилчдын ачаалалд ч нэмэртэй болж байна” гэдгийг дайсан юм.
Дээрх мэдээллийн эцэст Эрээн хотыг чиглэлд зорчих автобусны үнийн тарифийг уншигчид маань сонирхож байгаа байх. Тэгвэл хүүхэд 27 мянга 500 төгрөг, том хүн 55 мянга 500 төгрөгөөр зорчих юм. Харин Эрээн-Улаанбаатар чиглэлд том хүн 210 юань, хүүхэд 115 юаниар тус тус зорчино.
Энэ сарын 2-ны өдрөөс Улаанбаатар хотоос БНХАУ-ын Эрээн хот руу шууд галт тэрэг гэдэг шиг шууд автобус явдаг боллоо. Хоёр улсын авто тээврийн салбарт чухалд тооцогдох энэхүү үйл явдлыг сурвалжлахаар манай сурвалжлах баг хөдөлсөн юм.
”Аtibus” компанийн 45 хүний суудалтай автобусанд сууж том оврын автобусаар Эрээнрүү зорчих анхны зорчигдын нэг болж, 10 хүрэхгүй цаг явсаны эцэст Эрээн хотод ирлээ.
-
2015 оны 12 сарын 07
Сүүлийн үед нийтийн тээврийн том оврын автобуснууд осол гаргаж, хүний амь нас эрсдэх тохиолдол ихээр гарах болсон.
-
2015 оны 12 сарын 07
Орон нутагт автын ослын улмаар хоёр хүн амиа алдсан харамсалтай хэрэг гарчээ.
-
2015 оны 12 сарын 07
”Улаанбаатар таймс” сонины хэвлэх үйлдвэрийн барилгыг өнгөрсөн долоо хоногт Араб гаралтай Монголын иргэн Абдул Карим 24 тэрбум төгрөгөөр худалдаж авч олны анхаарлыг татсан. Тэрбээр, уг объект дээр шилэн цамхаг босгоно гэж мэдэгдээд байсан ч өнгөрсөн баасан гарагт шийдвэрээсээ буцсан юм.
Тодруулбал, Абдул Карим ”Миний болон гэр бүлийн минь талаар ор үндэсгүй, худал мэдээллийг хэвлэлээр цацаж байгаад гүнээ харамсаж байна. 2015 оны арваннэгдүгээр сарын 30-нд болсон дуудлага худалдаагаар Улаанбаатар таймс сонины хэвлэх үйлдвэрийн барилгыг 24 тэрбум төгрөгөөр гадаадын хөрөнгө оруулалттайгаар худалдаж авах байсан боловч тодорхой хүндэтгэн үзэх шалтгаан, Монголынхоо ард түмний санал хүсэлтийг хүндэтгэж энэхүүг гэрээг цуцлах болно” гэж мэдэгдсэн.
Ингэснээр тус хэвлэх үйлдвэрийн барилга дуудлага худалдааны дүрэм ёсоор хоёр дахь их үнэ хэлсэн хүнд шилжихээр болж байгаа юм. Хоёр дахь их үнийн саналыг ”Таванбогд” группын захирал Ц.Баатарсайхан хэлсэн. Тиймээс Абдул Карим худалдан авахаас албан ёсоор татгалзвал дээрх объектыг Ц.Баатарсайханд хувьчилж авна гэсэн үг. Гэхдээ Абдул Карим нь одоогийн байдлаар ямар нэгэн гэрээ хэлцэл байгуулж, төлбөрөө төлөөгүй байгаа учир Өмчийн харилцааны газар асуудлыг түр харж байгаа ажээ.
-
2015 оны 12 сарын 07
Нийслэлийн Хүүхэд, гэр бүл хөгжлийн газар, Японы Хүүхдийг Ивээх Сантай хамтран хүүхэд, гэр бүлтэй ажилладаг мэргэжилтнүүдэд эвлэрүүлэн зуучлах үйлчилгээний арга зүй эзэмшүүлэх “Эвлэрүүлэн зуучлах тогтолцоо ба хүүхдийн эрх, хамгаалал” сэдвээр семинар зохион байгууллаа.
-
2015 оны 12 сарын 07
Увс аймаг дахь МВС телевизийн сүлжээг энэ сарын 3-нд хаажээ. Телевизийн хамт олон үүнийг “Хэвлэлийн эрх чөлөөнд халдсан үйлдэл боллоо” хэмээн мэдэгдэж байна.
Бүр тодруулбал, Увс аймагт УИХ- ын дарга З.Энхболд нарын хүмүүс ирэхтэй холбогдуулан МВС телевизийн сүлжээг ”Мэдээлэл холбооны сүлжээ” компаниас тасалсан байна.
Учир нь тэд эфирээ Мэдээлэл холбооны сүлжээ компанийн шилэн кабелийг түрээслэж дамжуулдаг байна
Уг нь сүлжээ хаах эрх хоёр газарт байдаг байна. Тодруулбал, Үндэсний аюулгүй байдлын зөвлөл, Харилцаа холбооны зохицуулах хорооноос сүлжээ таслах эрхтэй аж. Ингэхдээ заавал урьдчилан мэдэгдэх ёстой. Гэтэл МВС телевизийнхэнд мэдэгдэхгүйгээр сүлжээг тасалсан асуудал гарчээ.
Телевизийн үйл ажиллагаа одоо хүртэл зогссон байдалтай байна. Тэд цахилгаан холбооны сүлжээгээр дамжуулж эфирээ цацахаар холболт хийж байгаа сурагтай.
МВС телевизийн хувьд ”Гудамж” төсөлтэй холбоотой үйл ажиллагааг шүүмжилсэн мэдээлэл бэлтгэсэн юм байна. Улмаар АН-ын удирдлагууд Увс аймаг энэхүү төслийн нээлтэд ирсэн учир буюу төслийн асуудлыг сөхөхөөс сэргийлж тус телевизийн сүлжээг тасалсан гэж хардаж байгаа аж. Увс аймагт Гудамж төслийн хүрээнд явагдаж байгаа ажлууд маш эргэлзээтэй байгааг телевизийнхний зүгээс онцолж байна.
-
2015 оны 12 сарын 07
Төрийн Ордон Улаанбаатар хот
12-р сарын 12/Бямба гараг
8:30 - 9:30 БҮРТГЭЛ
9:30 - 10:00 НЭЭЛТ
Төрийн ордны Их танхим
Хурлыг даргалагч: Ё. Гэрэлчулуун, НЗДТГ-ын дарга
Нээлтийн үг
9:30-9:45 Э. Бат-Үүл, Нийслэлийн Засаг дарга бөгөөд
Улаанбаатар хотын Захирагч
9:45-10:00 Доктор. Жэймс Фишкин, Станфордын Их сургуулийн Зөвлөлдөх Ардчилал төвийн захирал
10:00 - 10:30 ХЭЛЭЛЦҮҮЛГИЙН ТАНИЛЦУУЛГА
10:00-10:15 Улаанбаатар хотыг хөгжүүлэх мастер төлөвлөгөө, эдийн засаг санхүүгийн өнөөгийн нөхцөл байдал Илтгэгч: С. Очирбат, Нийслэлийн Засаг даргын Хот байгуулалт, хөрөнгө оруулалтын асуудал хариуцсан орлогч
10:15-10:30 Улаанбаатар хотын эрүүл, аюулгүй байдлын төлөв, тулгамдсан асуудал
Илтгэгч: Б. Бадрал, Улаанбаатар хотын Ерөнхий менежер бөгөөд Захирагчийн ажлын албаны дарга
10:30 - 10:45 ЗАВСАРЛАГА
10:45 - 11:45 БҮЛГИЙН ХЭЛЭЛЦҮҮЛЭГ 1
Төрийн ордны бага танхимууд
Сэдэв: Эдийн засгийн өсөлт, Үйлдвэржилт
Холбогдох 4 төсөл
12:00 - 13:00 НЭГДСЭН ХУРАЛДААН 1
Төрийн ордны Их танхим
Барилгын материал; Байгаль орчинд нөлөөлөх байдал; Бизнес хөгжил; Аялал жуулчлал, спорт; Арьс шир боловсруулах үйлдвэрүүд; Төр, хувийн хэвшлийн түншлэлийн асуудлаар мэргэжилтнүүд тодруулга өгөх
12:30 - 14:00 ҮДИЙН ЗООГ
Төрийн ордон
14:00 - 15:00 БҮЛГИЙН ХЭЛЭЛЦҮҮЛЭГ 2
Төрийн ордны бага танхимууд
Сэдэв: Ус болон байгаль орчин хамгаалах
Холбогдох 5 төсөл
15:00 - 15:15 ЗАВСАРЛАГА
15:15 - 16:45 НЭГДСЭН ХУРАЛДААН 2
Төрийн ордны Их танхим
Усны хангамж; Гол хамгаалах; Ан амьтад, экологи хамгаалах; Хог хаягдал, дахин боловсруулах асуудлаар мэргэжилтнүүд тодруулга өгөх
16:45 - 17:00 ЭХНИЙ ӨДРИЙН ХААЛТ
12-р сарын 13/Ням гараг
8:30 - 9:30 БҮРТГЭЛ
9:30 - 9:35 НЭЭЛТ
Төрийн ордны Их танхим
Хурлыг даргалагч: Ё. Гэрэлчулуун, НЗДТГ-ын дарга
9:45 - 10:45 БҮЛГИЙН ХЭЛЭЛЦҮҮЛЭГ 3
Төрийн ордны бага танхимууд
Сэдэв: Тээвэр, Барилга байшингийн нөхцөлийг сайжруулах
Холбогдох 5 төсөл
10:45 - 11:00 ЗАВСАРЛАГА
11:00 - 12:30 НЭГДСЭН ХУРАЛДААН 3
Төрийн ордны Их танхим
Нийтийн тээвэр; Зам, замын хөдөлгөөн зохицуулалт; Дулаан, дулаалга; Архитектур; Орон сууцны асуудлаар мэргэжилтнүүд тодруулга өгөх
14:00 – 16:30 УРЛАГИЙН ТОГЛОЛТ (Судалгааны ажил зэрэгцэн явагдах)
16:30 – 16:45 АЛБАН ЁСНЫ ХААЛТ
-
2015 оны 12 сарын 07
09.00 цагт: ОХУ-ын барилгын салбарын төлөөллүүд манай улсын барилгын салбарын ажилтан, албан хаагчдад “ОХУ-ын барилга байгууламжийн ажлын явцад хяналт тавих тогтолцоо”, “ОХУ-ын барилгын салбарын норм, нормативын баримт бичгийн тогтолцоо ба шинэчлэл”, “ОХУ-ын нийтийн аж ахуйн салбарын тогтолцоо” сэдвээр илтгэл тавих гэж байна. Нийтдээ 100 хүнийг хамарсан энэхүү арга хэмжээнд БХБЯ, Барилгын хөгжлийн төв, МХЕГ, НМХГ, Нийслэлийн ерөнхий төлөвлөгөөний газар, Нийслэлийн хөрөнгө оруулалтын газрын удирдлага, албан хаагчид оролцоно. Утас: 89234002
09.00 цагт: Аж үйлдвэрийн яам болон “Монголын жижиг, дунд дэлгүүр эрхлэгчдийг дэмжих холбоо”-той хамтран “Жижиглэн худалдаа эрхлэгчдийн зөвлөгөөн”-ийг Төрийн ордны Их танхимд зохион байгуулна.
09.00 цагт: “Сургуулийн дотуур байрны асуудал” сэдэвт зөвлөлдөх уулзалт Контенинталь зочид буудалд болно. Утас: 89008516
10.00 цагт: ”Улаанбаатар” чуулгын байранд нийслэлийн Онцгой байдлын газрын 2015 оны тайлангийн хурал, шилдэг албан хаагчиддаа шагнал гардуулах ажиллагаа болно. Утас: 99107367
11.00 цагт: Улсын Дээд шүүхээс өөрийн байранд хэвлэлийн бага хурал зарлалаа. Өршөөлийн хуулийн хэрэгжилт, Шинэчлэн найруулагдсан Эрүүгийн хууль, Олон Улсын Эрүүгийн шүүхийн хуралдаанд манай шүүгчид оролцоод ирсэн асуудлын талаар мэдээлэл өгнө.
11.00 цагт: НҮБ-ийн Хүн амын сангаас жил бүр гаргадаг “Дэлхийн хүн амын байдал 2015” тайланг танилцуулах Хэвлэлийн бага хурал Туушин зочид буудлын Сүлд танхимд болно. Утас: 88093607
12.00 цагт: Иргэний зориг Ногоон нам Ардчилсан намтай нэгдэх асуудлаар хэвлэлийн бага хурлыг өөрийн байранд хийнэ. /Хаяг: Чингэлтэй дуурэг. Эрх чөлөөний талбай, Оранж Рлаза 6 давхар/
18.00 цагт: Эрсдэлгүй Улаанбаатар хотын хөтөлбөрийн хүрээнд ”Усны хэрэгцээ, бохирдол судалгаа”, ”Улаанбаатар хотын Утааг шийдэх арга хэрэгсэл” сэдвүүдээр ээлжит хэлэлцүүлэг МАХН-ын төв байрны Ард түмний индэр танхимд болно. Утас: 91112122
-
2015 оны 12 сарын 07
”Токио Их Дуулга” тэмцээн өнгөрсөн амралтын өдрүүдэд амжилттай явагдаж өнгөрлөө. Тэмцээний сүүлийн өдөр Олимпийн аварга Найдангийн Түвшинбаяр эхний тойрогтоо хийлээд. 2-р тойрогт Тажикстаны жүдочинг ялаад, 3-р тойрогтоо Дэлхийн аварга Чехын Лукас Крпалекыг нэмэлт цагт юүко үнэлгээ аван ялалт авлаа.
Тэрбээр хэсгийн аваргын төлөө Солонгосын Чо Гу Хамд ялагдсанаар дагах барилдаан хийхээр болж хэдхэн хоногийн өмнө ЧИНДАО ГРАН ПРИ-д ялж байсан Казакстаны Максим Раковтай барилдах байсан боловч бэртлийн улмаас дэвжээн дээр гарж барилдсангүй.
”Токио Их Дуулга” тэмцээнээс манай тамирчид хоёр хүрэл медаль хүртсэн амжилттай тэмцээнээ өндөрлүүллээ.
-
2015 оны 12 сарын 07
Чингэлтэй дүүргийн нутаг дэвсгэрт “Нарантуул 2” захын урд автозам дээр автомашинтай хүмүүс “Цагдаагийн алба хаагч байна” гэж бичиг баримтыг хурааж аваад явлаа гэсэн мэдээллийг цагдаагийн байгууллагад иржээ. Мэдээллийг шалгаж үзэхэд тус дүүргийн 32 настай Д нь “Hyundai Sonata-6” автомашинтай согтуурсан үедээ 23 настай эрэгтэй Т-г “Toyota Prius-20” автомашинтайгаа явж байх үед Замын хөдөлгөөний дүрэм зөрчлөө гэж зогсоон Цагдаагийн алба хаагчийн нэр барьж бичиг баримтыг нь авч явсаныг шуурхай эрэн сурвалжилж саатуулан шалгажээ.
-
2015 оны 12 сарын 07
Өнөөдөр 11 цагаас Улсын Дээд шүүх дээр хэвлэлийн бага хуралтай. Өршөөлийн хуулийн хэрэгжилт, Шинэчлэн найруулагдсан Эрүүгийн хууль, Олон Улсын Эрүүгийн шүүхийн хуралдаанд манай шүүгчид оролцоод ирсэн асуудлын талаар мэдээлэл өгнө.
-
2015 оны 12 сарын 07
Завхан аймгийн прокурорын газраас “Насанд хүрээгүй этгээдээс үйлдсэн гэмт хэргийн шалтгаан нөхцөл, шүүхээс оногдуулж буй ял шийтгэлийн бодлого”-ыг 2015 оны эхний 10 сарын байдлаар судалжээ. 2015 онд үйлдэгдсэн болон шүүхээр хянан хэлэлцэгдсэн нийт 8 хэрэгт 9 хүүхдийг холбогдуулан шалгасан ба тэдгээрийн 2 буюу 22.2 хувь нь 14-16 насны, 7 буюу 77.8 хувь нь 16-18 насны хүүхдүүд бөгөөд 5 нь ерөнхий боловсролын сургуулийн сурагч, 1 нь оюутан, 3 нь сургуулиас завсардсан хүүхдүүд байжээ.
Харин өнгөрсөн оны мөн үетэй харьцуулахад эрүүгийн хэрэг 69.2 хувь буюу 9 хэргээр, гэмт хэрэгт холбогдсон этгээдийн тоо 73.7 хувь буюу 14 хэргээр тус тус буурсан эерэг үзүүлэлт гарчээ.
Насанд хүрээгүй хүүхдүүдээс гэмт хэрэг үйлдэх болсон шалтгааныг судлахад эцэг, эх, асран хамгаалагч болон сургуулийн захиргаа, анги удирдсан багш нараас тавих хараа хяналт сулаас болж хүүхдүүд найз нөхөдтэйгээ нийлж согтууруулах ундаа хэрэглэх, олуулаа нийлж гадуур тэнэх, компьютер тоглоом тоглох зорилгоо гүйцэтгүүлэхийн тулд хулгай хийх, хүн зодох байдлаар тохиолдлын шинж чанартай гэмт хэргүүдэд холбогдсон байна.
Завхан аймаг дахь Эрүүгийн хэргийн анхан шатны шүүх 7 хүүхдэд холбогдох 6 хэргийг хянан хэлэлцээд хүүхдийг шийтгэн цээрлүүлэхийг урьтал болгох бус харин сургалт хүмүүжлийн болон нийгэмшүүлэх арга хэмжээг нэн тэргүүнд тавьж тогтоол биелүүлэхийг хойшлуулах, хүмүүжлийн чанартай албадлагын арга хэмжээг хэрэглэжээ. Энэхүү судалгааныхаа дүнг аймгийн прокурорын газрын прокуроруудын зөвлөгөөнөөр хэлэлцсэн байна.
-
2015 оны 12 сарын 07
Авлигатай тэмцэх газар Авлигын эсрэг хуулийн 13 дугаар зүйлийн 13.5 дахь хэсэгт заасныг үндэслэн улсын хэмжээнд төрийн албан тушаалтнуудын хувийн ашиг сонирхлын болон хөрөнгө, орлогын мэдүүлэгт төлөвлөгөөт хяналт шалгалтыг тогтмол хийдэг юм.
Энэ хүрээнд одоогоор Хил хамгаалах ерөнхий газар, Иргэний харьяалал, шилжилт хөдөлгөөний ерөнхий газрын холбогдох албан тушаалтнуудын 2014, 2015 оны хувийн ашиг сонирхлын болон хөрөнгө, орлогын мэдүүлгийг хянан шалгаж байна.
