-
2015 оны 11 сарын 25
БНАСАУ-ын Пхенъян хотод ажлын айлчлал хийлээ
-
2015 оны 11 сарын 25
Увс аймгийн хэмжээнд Улаангом суманд гэмт хэрэг хамгийн ихээр үйлдэгдсэн ба гарсан гэмт хэргийн төрөл, шалтгаан нөхцөл анхаарах асуудал, гэр бүлийн хүчирхийлэлтэй холбоотой үйлдэгдсэн гэмт хэрэг болон цаашид хамтран ажиллах талаар тус прокурорын газраас хамтарсан уулзалт ярилцлага зохион байгууллаа.
Уг уулзалт ярилцлагад Улаангом сумын иргэдийн нийтийн хурлын дарга, тэргүүлэгчид, хэсгийн байцаагч, хүүхэд гэр бүлийн хэлтсийн мэргэжилтэн нар оролцсон бөгөөд уулзалт ярилцлага үр дүнтэй болж хамтран ажиллах талаар тодорхой саналууд гарсныг хамтран хэрэгжүүлж, төлөвлөгөө гарган ажиллахаар болсон байна.
-
2015 оны 11 сарын 25
Маргаашаас эхлэн монгол инженерүүдийн зохион бүтээсэн 20 эко автобус иргэдэд үйлчилнэ
Мэдээ, мэдээлэл Цаг үеийн мэдээ
2015-11-25 15:13:00
Нийслэлийн Засаг дарга бөгөөд Улаанбаатар хотын Захирагч Э.Бат-Үүл Монгол инженерүүдийн зохион бүтээсэн байгаль орчинд ээлтэй эко автобустай танилцлаа.
Нийслэлийн ИТХ-аас баталсан “Нийслэлийн нийтийн тээврийг 2020 он хүртэл хөгжүүлэх хөтөлбөр”, нийслэлийн Засаг дарга бөгөөд Улаанбаатар хотын Захирагчийн 2013-2016 оны үйл ажиллагааны хөтөлбөрт тусгасны дагуу дотооддоо авто машин үйлдвэрлэх, ажлын байр бий болгох, шинэ техник технологи нэвтрүүлэх зорилгоор Монгол инженерүүдийн зохион бүтээсэн Евро-4 хөдөлгүүртэй J-800T загварын 20 ширхэг эко автобус Офицеруудын ордон - Ханын материал чиглэлд маргаашаас эхлэн үйлчилгээнд явахаар боллоо. Уг автобусыг “Экобус” ХХК нийт 5.3 тэрбум төгрөгөөр үйлдвэрлэсэн бөгөөд “Зорчигт тээврийн нэгтгэл” ОНӨААТҮГ-т хүлээлгэн өгөв.
Энэ үеэр нийслэлийн Засаг дарга бөгөөд Улаанбаатар хотын Захирагч Э.Бат-Үүл “Юуны өмнө ур ухаан, хүч хөдөлмөрөө шингээж, Улаанбаатар хотын нийтийн тээврийг хөгжүүлэхэд үнэтэй хувь нэмэр оруулж, дотооддоо эко автобус зохион бүтээсэн инженер, техникийн ажилчиддаа талархал илэрхийлье. Энэ бол үндэсний үйлдвэрлэлийн хамгийн тод жишээ болж байна. Нийтийн тээврийн парк шинэчлэлд 2500 орчим автобус шаардлагатай байгаа юм. Энэхүү ажилд импортоор автобус оруулж ирэхээс илүүтэйгээр өөрийн оронд үйлдвэрлэсэн нийтийн тээврийг үйлчилгээнд явуулж, автобусны хамтарсан үйлдвэр байгуулж ажиллах юм” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 25
Пхенъян хоттой ногоон байгууламж, хот тохижилтын чиглэлээр мэргэжилтэн бэлтгэхэд хамтран ажиллахаар санал солилцов
Мэдээ, мэдээлэл Цаг үеийн мэдээ
2015-11-25 16:27:01
Нийслэлийн Засаг дарга бөгөөд Улаанбаатар хотын Захирагч Э.Бат-Үүл БНАСАУ-ын нийслэл Пхенъян хотод энэ сарын 19-нөөс 24-ний өдрүүдэд ажлын айлчлал хийсэн. Тус хот нь тохижилт, ногоон байгууламжаараа Зүүн хойд Азийн хотуудын дунд дээгүүр байр эзэлдэг. Нийслэлийн Засаг дарга айлчлалынхаа үеэр тус хотын ногоон байгууламж, ундны усны сав газартай танилцаж, ногоон байгууламжийн мэргэжилтэн бэлтгэх, гадаргын усыг цэвэршүүлж ашиглахад хамтран ажиллах сонирхолтой байгаагаа илэрхийллээ.
Тус хотын мод үрсэлгээний газрыг 1900 онд БНАСАУ-ын удирдагчийн үүрэг чиглэлийн дагуу байгуулсан байна. Тус газарт 2 сая 500 мянган мод үрслүүлж, хот болон хот орчимд тарьж ургуулахаар ажиллаж байгаа гэдгээ хотын даргад танилцууллаа. Мод үрсэлгээний газарт 5-7 зүйлийн модыг үрслүүлж тарьж байгаагаас гадна усалгааны системийг сэргээгдэх эрчим хүч ашиглан иж бүрнээр хийсэн байна. Нэг жилд 70 см өсдөг модыг энэхүү үрсэлгээний газарт ургуулж байгаа бөгөөд тухайн газрын мэргэжилтнүүд хөрсний шороог боловсруусан шинэ төрлийн бордоо гаргаж авах, модоо зөвхөн үрслүүлэхээс гадна шилжүүлэн суулгаж, нутагшуулах гээд бүхий л ажлыг нарийн зохион байгуулалтаар хэрэгжүүлдэг байна.
Харин Пхенъян хотын Ундны усны сав газар нь хоногт 150 мянган метр куб усыг хэрэглэгчдэд нийлүүлэх хүчин чадалтай. Тус газар нь голын усыг татан авч цэвэршүүлэх технологийг амжилттай нэвтрүүлсэн бөгөөд тус хотын иргэдийн ундны усны 70 хувийг хангадаг юм байна. Нийслэлийн Засаг дарга энэхүү газрын үйл ажиллагаатай танилцаж байх үеэрээ гадаргын усыг цэвэршүүлэн ашиглах технологийг Улаанбаатарт нэвтрүүлэх, мөн нэг жилд 70 см –ээр өсдөг модыг Улаанбаатар хотод нутагшуулах, ногоон байгууламж, тохижлтын чиглэлээр мэргэжилтэн бэлтгэх талаар хамтран ажиллах сонирхолтой байгаагаа илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлээ.
-
2015 оны 11 сарын 25
Авлигатай тэмцэх газар төрийн байгууллагын үйл ажиллагааны мэдээллийн ил тод, нээлттэй байдлыг хангах хүрээнд авч хэрэгжүүлсэн арга хэмжээний талаарх мэдээллээ сар бүрээр танилцуулж байгаа билээ. Өнгөрсөн сард тус газраас урьдчилан сэргийлэх, соён гэгээрүүлэх чиглэлээр зохион байгуулсан үйл ажиллагааны талаар товч мэдээлье.
Авлигын эсрэг хууль тогтоомжийг таниулах 21 удаагийн сургалтыг нийт 1234 албан тушаалтанд зохион байгуулав.
Авлигаас урьдчилан сэргийлэх чиглэлээр Улсын гуравдугаар төв эмнэлэг, Нийслэлийн Өргөө амаржих газар, Эрчим хүчний зохицуулах хороо, Харилцаа холбооны зохицуулах хороонд ажиллав.
Орон нутагт ажиллах явцад илэрсэн нийтлэг зөрчил, дутагдлыг дахин гаргуулахгүй байхад анхаарч ажиллах үүднээс аймаг, нийслэл, сум, дүүрэг дэх гэмт хэргээс урьдчилан сэргийлэх орон тооны бус зөвлөл, бүх шатны ИТХ-ын дарга нарт 19 асуудал бүхий Зөвлөмж хүргүүлэв.
Төрийн нийт 9 байгууллагын цахим хуудсанд дүн шинжилгээ хийж, гарсан зөрчил, дутагдлыг арилгуулах чиглэлээр ажиллав.
Төрийн байгууллагын авлигын эсрэг 2015 оны үйл ажиллагааг үнэлэх Шинжээчдийн багийг сонгон шалгаруулж, ажилд нь оруулав.
-
2015 оны 11 сарын 25
“Цөмөөхэй” балетыг 12 дугаар сарын 12-27-ны өдрүүдэд тоглоно
-
2015 оны 11 сарын 25
Увс аймгийн прокурорын газраас 2015 оны 11 дүгээр сарын 24-ний өдөр аймгийн Цагдаагийн газрын хэрэг бүртгэгч, мөрдөн байцаагч, хэсгийн байцаагч, Замын Цагдаагийн тасгийн байцаагч нарыг оролцуулан хамтарсан зөвлөгөөн зохион байгууллаа.
Зөвлөгөөнөөр тухайн орон нутагт үйлдэгдэж байгаа эрүүгийн хэргийн нөхцөл байдал, хэрэг бүртгэлт, мөрдөн байцаалтын ажиллагааны чанар, үр дүн, анхаарах асуудал, хэргийн хугацаа сунгалтын байдал, хэргийг үндсэн хугацаанд нь шийдвэрлэх арга зам, түдгэлзүүлсэн хэргийг сэргээн шийдвэрлэх талаар зохион байгуулсан аяны хүрээнд хэрэг бүртгэлт, мөрдөн байцаалтын ажиллагааг сэргээсэн хэргийн шийдвэрлэлтийн талаар тус тус хэлэлцэж үр дүнг тооцон ажиллажээ.
-
2015 оны 11 сарын 25
Авлигатай тэмцэх газар төрийн байгууллагын үйл ажиллагааны мэдээллийн ил тод, нээлттэй байдлыг хангах хүрээнд авч хэрэгжүүлсэн арга хэмжээний талаарх мэдээллээ сар бүрээр танилцуулж байгаа билээ. Өнгөрсөн сард тус газраас хяналт шалгалт, мэдүүлгийн бүрдүүлэлтийн чиглэлээр зохион байгуулсан үйл ажиллагааны талаар товч мэдээлье.
Харилцаа холбооны зохицуулах хороо, Эрчим хүчний зохицуулах хороо, нийслэлийн Налайх, Багануур, Багахангай дүүрэг болон Сэлэнгэ, Орхон, Хөвсгөл, Өвөрхангай, Баянхонгор, Говьсүмбэр, Дундговь, Өмнөговь аймгийн ИТХ, Засаг даргын Тамгын газар, Засаг даргын дэргэдэх агентлагуудад мэдүүлгийн бүрдүүлэлтийн хяналт шалгалтыг зохион байгуулав.
Нийт 34 байгууллагын удирдах албан тушаалтны 2014 оноос хойш гаргасан 6735 захирамж, тушаал, шийдвэртэй танилцаж, ашиг сонирхлын зөрчлийн асуудлаар мэдэгдэл, тайлбар гаргасан эсэхийг хянаж үзэв.
Мэдүүлэг гаргагчдад зориулсан сургалтыг нийт 2831 хүнд зохион байгуулав.
Нийтийн албанд томилогдохоор нэр дэвшсэн 642 нэр дэвшигчийн урьдчилсан мэдүүлгийг хянан шийдвэрлэж холбогдох байгууллагад хариуг хүргүүлэв.
Нийслэлийн Өмчийн харилцааны газар, Нийслэлийн Ерөнхий төлөвлөгөөний газар, Архангай аймгийн Засаг дарга, Засаг даргын Тамгын газрын хэмжээнд авлига, ашиг сонирхлын зөрчлийн эсрэг хууль тогтоомжийн хэрэгжилтийг хянан шалгаж, илэрсэн зөрчил, дутагдлыг арилгуулах чиглэлээр зөвлөмж хүргүүлж ажиллав.
Хууль бус томилгоо, ашиг сонирхлын зөрчилтэй шийдвэр гаргахаас урьдчилан сэргийлэх чиглэлээр Хөдөлмөрийн яам, Байгаль орчин, ногоон хөгжил, аялал жуулчлалын яам, Сангийн яам, Зам тээврийн яам, Барилга хот байгуулалтын яам, Гаалийн ерөнхий газар, Татварын ерөнхий газар, Иргэний нисэхийн ерөнхий газар зэрэг байгууллагуудад зөвлөмж, чиглэл хүргүүлэв.
Эрчим хүчний зохицуулах хороо, Харилцаа холбооны зохицуулах хороо, Нийслэлийн Өмчийн харилцааны газар, Иргэний харьяалал шилжилт хөдөлгөөний ерөнхий газар, Хил хамгаалах ерөнхий газар, нийслэлийн Баянзүрх, Сүхбаатар дүүргийн ИТХ-ын ажлын алба, Засаг даргын Тамгын газар зэрэг байгууллагын нийт 109 албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийг шалгав.
-
2015 оны 11 сарын 25
Авлигатай тэмцэх газраас жил бүрийн арван хоёрдугаар сарын 9-нд тохиодог Авлигын эсрэг олон улсын өдрийг угтан хэрэгжүүлж буй үйл ажиллагааны хүрээнд бизнес эрхлэгчид рүү чиглэсэн олон талт арга хэмжээг хэрэгжүүлэн ажиллаж байна.
Ингэхдээ тодорхой салбар сонгон авч тухайн салбар дахь авлигын нөхцөл байдал болон бизнес эрхлэгчдэд тулгарч буй бэрхшээлийг хэлэлцэж, тэдний санал, санаачилгыг сонсох, цаашдын хамтын ажиллагааг хэрэгжүүлж байгаа билээ.
Хувийн хэвшлийн ээлжит хэлэлцүүлгийг 2015 оны 11 дүгээр сарын 23-ны өдөр Монголын Үндэсний Худалдаа аж үйлдвэрийн танхимтай хамтран зохион байгуулав. Энэ удаад “Бизнес ба авлига” сэдвийн дор бизнес эрхлэгчидтэй “Барилгын салбар дахь авлигын нөхцөл байдал” болон “Үйлдвэрлэл, худалдаа, үйлчилгээний салбар дахь авлигын нөхцөл байдал” гэсэн үндсэн хоёр чиглэлээр хэлэлцүүлэг өрнүүллээ.
-
2015 оны 11 сарын 25
Хөгжлийн бодлого төлөвлөлтийн хуулийг дэмжлээ
-
2015 оны 11 сарын 25
Хууль сахиулахын их сургуулиас санаачлан Монгол Улсын Ерөнхийлөгчийн Тамгын газар, Хууль зүйн яамтай хамтран “Төрийн тусгай чиг үүрэг бүхий байгууллагуудын менежментэд тулгамдсан асуудал, шийдвэрлэх арга зам” сэдэвт онол, практикийн хурлыг Төрийн ордонд амжилттай зохион байгууллаа.
-
2015 оны 11 сарын 25
Л.Энх-Амгалан: Бондын шалгалтын дүнг ярих гэхээр АН-ынхан зугтаж байна
-
2015 оны 11 сарын 25
Мэргэжлийн хяналтын ерөнхий газраас сэрэмжлүүлэг гаргажээ. Тус сэрэмжлүүлэгт шинэ жил болох гэж байгаа энэ үед иргэд ОХУ-руу зорчихдоо Улаан-Үд, Эрхүү орчмоос оросын алдартай виски, коньяк, архи зэргийг гаалийн баталгаагүй дэлгүүрээс худалдан авч, амь нас, эд хөрөнгөөрөө хохирохгүй байхыг анхааруулжээ.
-
2015 оны 11 сарын 25
Монгол Улсын томоохон үйлдвэрүүдийн нэг уулын баяжуулах Эрдэнэт үйлдвэрийн нээлттэй хаалганы өдөр өвлийн эхэн сарын шинийн 12-ны билэгт сайн өдөр болов.
-
2015 оны 11 сарын 25
Чингэлтэй дүүрэг Хүүхдийн номын өргөөгөө маргааш нээнэ. Нээлтийн ёслол маргааш 11.30 цагт Чингэлтэй дүүргийн Хүүхдийн номын өргөө бүхий 3-р хорооны цогцолбор барилгын 5-р давхарт болно.
Чингэлтэй дүүргийн Засаг дарга Д.Ганболдын санаачлагаар 2010 онд анх шав тавьсан нь өдгөө Хүүхдийн номын өргөөний цогцолбор барилга болон сүндэрлэжээ. Уг байгууламжийн III давхарт ЕБС-ийн бага ангийнхан үйлчлүүлэх бөгөөд уламжлалт ёс заншил, ахуйг илэрхийлсэн хэлбэрээр дотоод засал тохижилтыг нь шийджээ.
Харин IV давхарт шинжлэх ухааны танхим байгуулсан. Уг танхим ШУ-ны олон салбарын номоор сурагч хүүхдүүдэд үйлчилж, тэднийг ирээдүйн эрдэмтэн болоход нь тусална. Тэгвэл V давхар ахлах ангийнханд зориулагджээ.
Мөн цаашид хөгжлийн бэрхшээлтэй хүүхдүүддээ зориулж, сонсдог номоор үйлчлэхээр ажиллаж байна.
-
2015 оны 11 сарын 25
Цагдаагийн ерөнхий газрын Мэдээлэл, технологийн төвөөс Улаанбаатар цагдаагийн хүрээний байгууллагын мэдээлэл, судалгааны ажил хариуцсан алба хаагчдын сургалтыг зохион байгууллаа.
Сургалтанд Улаанбаатар цагдаагийн хүрээний 29 байгууллагын мэдээлэл, судалгааны ажил хариуцсан 56 алба хаагч оролцож байгаа бөгөөд Хүн, амын болон нийгмийн салбарын статистик мэдээлэл, тэдгээрийг тооцох арга зүй, судалгаа, шинжилгээ, статистик мэдээлэл авах арга зүйн талаар Үндэсний статистикийн хорооны мэргэшсэн алба хаагчид сургалт орохын зэрэгцээ Эрүүгийн хэрэг хянан шийдвэрлэх болон Зөрчлийг хянан шалгах хуулийн төсөл, үзэл баримтлал, онцлогийн талаар мэдээлэл өгөхөөр хөтөлбөрт тусгасан юм.
Энэхүү сургалтаар алба хаагчид цагдаагийн байгууллагын мэдээллийн нэгдсэн системийн иргэд, байгууллагаас цагдаагийн байгууллагад хандан гарагж байгаа өргөдөл, гомдол, гэмт хэрэг, зөрчлийн статистик мэдээллийг ашиглан түүнд дүгнэлт хийж, судалгаа, дүгнэлт гаргах арга зүйд тодорхой хэмжээгээр суралцахын зэрэгцээ эрх зүйн шинэчлэлийн хүрээнд хийгдэж байгаа процессын хуулиудын үзэл баримтлал, зарчимтай танилцах боломжтой болох юм.
-
2015 оны 11 сарын 25
Дорноговь аймгийн Хөвсгөл, Улаанбадрах сумдын хэсгийн төлөөлөгчийн байр /кобан/-ны барилга угсралтын ажлыг “Сутай-Сарьдаг” ХХК Улсын төсвийн хөрөнгө оруулалтаар барьж ашиглалтанд оруулсныг улсын комисс хүлээн авлаа. Тус барилгын гүйцэтгэлийн ажлыг 2015 оны 7 сарын 31-ээс 11 сарын 15-ны хооронд 4 сарын хугацаанд барьж ашиглалтанд оруулж кобан тус бүр хэсгийн төлөөлөгч, цагдаагийн ажлын байр, саатуулах болон галт зэвсгийн өрөө, 2 айлын хоёр өрөө бүхий орон сууцтай, авто машины граж, нүүрс хадгалах болон ариун цэврийн өрөөтэй, гадна хашаа гэх мэт иж бүрэн тохижилттой кобаны ашиглалтанд орууллаа
-
2015 оны 11 сарын 25
Хүүхдийг зам тээврийн осол, хэргээс урьдчилан сэргийлэх, замын хөдөлгөөнд аюулгүй оролцуулах дадлыг зөв хэвшүүлэх, замын хөдөлгөөний хууль дүрмийг сурталчлах зорилгоор Ерөнхий боловсролын сургуулийн сурагчдын дунд уламжлал болгон зохион байгуулдаг “Ногоон гэрэл-цагаан шугам” тэмцээний эхний шатны шалгаруулалтыг 21 аймаг, нийслэлийн 9 дүүрэг нутаг дэвсгэртээ зохион байгуулж, нийслэл, орон нутгаас шалгарсан багуудын тэмцээн энэ 23-ны өдөр боллоо.
Тус тэмцээн нь 33 дахь жилдээ болж байгаа бөгөөд зөвхөн нийслэлийн Ерөнхий боловсролын сургуулийн сурагчдын дунд зохион байгуулж байсан бол сүүлийн жилүүдэд орон нутгийн Ерөнхий боловсролын сургуулийн сурагчид, эцэг эх, багш сурган хүмүүжүүлэгч нарын дунд зохиож, жилээс жилд өргөжин тэлж байна. Тэмцээнд нийслэлийн 9 дүүрэг, 11 аймгийн нийт 20 багийн 240 сурагч оюун ухаан, авхаалж самбаагаа сорин өрсөлдөж дараахь багууд шилдгээр шалгарлаа. Үүнд:
Нэгдүгээр байранд - Сүхбаатар дүүргийн 1 дүгээр сургуулийн “Уулзвар“ баг
Хоёрдугаар байранд - Чингэлтэй дүүргийн 23 дугаар сургуулийн “Зохицуулагч“ баг
Гуравдугаар байранд - Сонгинохайрхан дүүргийн “Ирээдүй-2 цогцолцор” сургуулийн “Гэрлэн дохио” баг
Тусгай байранд- Баянзүрх дүүргийн 111 дүгээр сургуулийн “Эвт шонхорууд” баг тус тус шалгарав гэж Улаанбаатар хотын Замын Цагдаагийн газраас мэдээллээ.
-
2015 оны 11 сарын 25
НӨАТ-ын буцаалтыг дансаар олгоно
-
2015 оны 11 сарын 25
Өнгөрсөн оны наймдугаар сард дөрөв хоногтойгоос гурван сар хүртлэх насны 16 нярай “Монос”-ын эмэнд хордсон хэрэг гарсан. Тодруулбал, ЭХЭМҮТ-ийн хүүхдийн эмчийн бичиж өгсөн сэтгэцэд нөлөөтэй “Люминал” эмийг “Монос-Эх нялхас” эмийн сангийн ажилтан алдаа гарган, том хүний тунгаар дээрх хүүхдүүдэд өгсөн байдаг.
5-10 мг-аар уух ёстой тус эмийг 200 мг-аар уусан хүүхдүүдэд эмийн хордлогын эсрэг эмчилгээ, ходоодны угаалга хийсэн ч хоёр хүүхдийн байдал “хүнд” гэсэн оноштойгоор жил гаруй хугацааг өнгөрүүлээд байна.
Тэгвэл тэдний нэг ой гарантай О охин ЭХЭМҮТ-ийн сэхээнд эмчлэгдэж байна. Охины аав “Хүүхдийн минь биеийн байдал тааруу байгаа тул ярилцлага өгөх боломжгүй байна” гэсэн тул өмгөөлөгч Ч.Эрдэнэбатаас дараах тодруулгыг авсан юм.
“Монос-ын эмэнд хүүхэд хордсонтой холбоотой шүүх хурал хоёр хоногийн өмнө болсон. Шүүхийн шийдвэрийн талаар мэдээлэл өгнө үү?
Өнгөрсөн хоёрдугаар сарын 15-нд болсон анхан шатны шүүх хурлаар “Монос” эмийн үйлдвэрийн удирдлагуудыг шалгах асуудлаар нэмэлт мөрдөн байцаалтад буцаасан. 23-ны хурлаар ч мөн Эрүүгийн хуулийн 198.2 /198.2.Зарлан дуудах хуудсанд хэнийг хэн, хаана, хэдийд ирүүлэхээр дуудаж байгаа, хүндэтгэн үзэх шалтгаангүйгээр ирэхгүй бол хэрхэх тухайг дурдсан байна./-т зааснаар шалгах нь зүйтэй гэж үзлээ.
Өмгөөлөгчийн хувьд эмийн санч, жор баригчид арга хэмжээ аваад өнгөрөх биш, “Монос” эмийн үйлдвэрийн удирдлагуудыг шалгах, улсын бүртгэлд бүртгэгдээгүй эмийг яагаад худалдан борлуулсан асуудлыг шалгаж, шийдвэрлүүлэхийг л хүсээд байгаа юм. Харин саяны хурлаар прокуророос ямар ч байсан шалгахаар боллоо.
Тухайн үед эм уусан 16 нярайн хоёр нь “хүнд” гэсэн оноштой байгаа. Биеийн байдлын талаар танд мэдээлэл байна уу?
Эм уух үед хамгийн бага буюу төрөөд тав хоносон нярай охин О байсан. Түүний бие үе үе өвдөж, өвдөх бүрийдээ ЭХЭМҮТ-ийн сэхээнд эмчлэгддэг. Одоо ч сэхээнд, биеийн байдал нь тааруу байгаа.
“Монос”-ын удирдлагууд эмэнд хордсон хүүхдүүдэд ямар тусламж үйлчилгээ үзүүлж байна вэ? Тухайлбал одоо сэхээнд байгаа охиныг эргэж очсон болов уу?
Тухайн үед л үйлдвэрийн зүгээс хүүхдүүдийг нэг удаа сувилалд хэвтүүлж, шинжилгээүзүүлж, эмнэлгээр авч явсан байдаг. Сүүлд “Монос”-ын захирал Л.Хүрэлбаатар эцэг, эхчүүдтэй “Санамж бичиг” байгуулж, гарын үсэг зурсан. Уг бичигт хүүхдүүдийг сувилалд эмчлүүлэх, шаардлагатай эмчилгээ, үйлчилгээг үзүүлэх зэрэг зүйлс тусгагдсан боловч нэгийг нь ч биелүүлээгүй өдийг хүрлээ.
