-
2015 оны 11 сарын 23
2015 оны 11 дүгээр сарын 23-ны 08-20 цаг хүртэл
Малчид, ард иргэд, тээвэрчидийн анхааралд:
Өнөөдөр баруун зүгийн нутгаар цас орж, цасан шуурга шуурахыг анхааруулж байна.
2015 оны 11 дүгээр сарын 23-ны 08 цагаас 20 цаг хүртэлх цаг
агаарын урьдчилсан мэдээ:
Төв болон говийн нутгаар солигдмол үүлтэй. Бусад нутгаар үүлэрхэг. Баруун зүгийн нутгийн зүүн, төвийн нутгийн баруун, зүүн зүгийн нутгийн өмнөд хэсгээр цас орж, зөөлөн цасан шуурга шуурна. Салхи говийн нутгаар зүүн өмнөөс, бусад нутгаар баруун хойноос секундэд 6-11 метр. Дархадын хотгороор 23-28 градус, Идэр, Тэс, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон голын сав газраар 19-24 градус, Алтайн өвөр говиор 4-9 градус, баруун зүгийн нутаг болон говийн нутгийн өмнөд хэсгээр 11-16 градус, бусад нутгаар 15-20 градус хүйтэн байна.
УЛААНБААТАР ХОТ: Үүл багасна. Цас орохгүй. Салхи баруун хойноос секундэд 5-10 метр. 16-18 градус хүйтэн байна.
Өглөө 05 цагт Улаанбаатарт: 22 градус хүйтэн, харьцангуй чийг 77 хувь, агаарын даралт 883 гектопаскаль байлаа. Даралт өдөртөө тогтвортой байна.
-
2015 оны 11 сарын 22
Нийслэлийн Жижиг, дунд үйлдвэрлэлийг дэмжих төвөөс санаачлан зохион байгуулж буй “Улаанбаатарт үйлдвэрлэв-2015” үзэсгэлэн худалдаа арван нэг дэхь өдрөө үргэлжилж байна.
“Мишээл экспо” худалдааны төвд гарч буй тус үзэсгэлэнд үндэсний 140 гаруй жижиг, дунд үйлдвэрлэл эрхлэгчид бүтээгдэхүүнээ худалдаалж байгаа юм. Харин тус үзэсгэлэн өнөөдөр үргэлжлээд өндөрлөх юм байна.
-
2015 оны 11 сарын 22
Эхийн санаа үрд, үрийн санаа ууланд... Энэ юутай үнэн үг вэ. 2012 онд 40 настай эмэгтэй согтуудаа ээжийгээ хутгалсан хэрэг гарч байлаа. Гэтэл саяхан 20 настай охин 54 настай ээжийгээ 32 удаа хутгалан амь насыг нь хэрцгийгээр хороосон байна. Ийм адгуу санаатай, ядуу сэтгэлгээтэй хүнийг тэр гайхамшигт эх тээж төрүүлэхдээ эцэст нь охиныхоо гарт амиа алдана гэж ёстой төсөөлөө ч үгүй байсан байх. Ирээдүйд ээж болох хүн энэ хэргийг үйлдсэн аж. Яаж тэгж хэрцгий, балмад зан гаргаж зүрхэлж байна аа. Эмэгтэй хүн шүү дээ. Арван сар алтан хэвлийд нь жаргаж, ангир уургийг нь залгилж хүн болчихоод уу...
-
2015 оны 11 сарын 22
Хятад руу нүүрс тээвэрлэдэг монгол жолооч нарын хувьд зогсонги байдалд оржээ. Урд олон жолооч том машин жолоодож, нүүрс тээвэрлэн хилээр гаргадаг бөгөөд тэд нэг удаа явахаараа сая төгрөгийн цалин авдаг байсан бол одоо цалин нь буурч нэг удаа нүүрс тээвэрлэж гаргавал 337 мянган төгрөг авдаг болсон гэх.
Түүнчлэн нүүрсний тээвэрлэлт муудаж, ажилгүй жолооч нар ажил болоод том машин олдох боломж хайж, урд хөршийн хил дээр наашаа орж ирэх эрхгүй “гацсан” байдалтай байгаа гэнэ. Хятад хүмүүсийн гар, царай харж, гайгүй хэдэн төгрөгийн цалинтай ажил олж хийх гэсэн тэд зодуулж, дарамтлуулж, элдвээр хэлүүлэх нь энүүхэнд болсон аж.
1448080216_141e9ceb857c1327f99f96b0a1f519ab
Тэнд ажиллаж байгаа жолооч нарын ярьснаар “Өнгөрсөн хоёр жилийн хугацаанд гурван жолооч амиа алдсан харамсалтай хэрэг гарсан. Нэгийг нь машинд унтаж байхад нь зодоод амь насыг нь хөнөөсөн. Харин нөгөө залууг ажлын хөлс нэхлээ гэж зодон амь насыг нь хөнөөчихөөд нүүрс буулгадаг жалганд хаячихсан байсан. Мөн монголчуудын нүдэн дээр Мөнхөө гэдэг залууг зодож хөнөөсөн. Түүний амь насыг хөнөөсөн хятадууд шоронд суулгүй гараад ирсэн байна лээ. Хятадын хууль их сонин. Олон хүн нэг хүнийг элбэж зодоод амь насыг нь хөнөөчих юм бол олон хүний дургүйг хүргэсэн байна гээд ял нь хөнгөрчихдөг юм билээ. Мөнхөөг зодож хөнөөсөн хятадууд тэгээд л шоронд оролгүй гарсан гэсэн. Хятадуудад зодуулах бол энд энгийн, байдаг л зүйл шиг болчихсон” аж.
-
2015 оны 11 сарын 22
Галзуу өвчний сэжигтэй мал, амьтанд уруулж, ноцуулж, шүлсдүүлсэн хүний тохиолдолд үзүүлэх тусламж үйлчилгээ, хариу арга хэмжээг эрчимжүүлж, урьдчилан сэргийлэх үйл ажиллагааг хэрэгжүүлэхэд “Галзуу өвчний тандалт, оношилгоо, эмчилгээний стандарт” (MNS-5348-42:2010), Эрүүл мэндийн сайдын 2008 оны 151 дүгээр тушаалаар батлагдсан “Галзуу өвчинтэй тэмцэх, сэргийлэх арга хэмжээний заавар”, вакцин ийлдэс тарих заавар, холбогдох зөвлөмжийг мөрдөж ажиллана.
Мэдээлэл өгөх, солилцох
Галзуугийн сэжигтэй мал, амьтанд уруулсан, ноцуулсан хүн, эмнэлгийн байгууллагуудад хандах тохиолдолд ЗӨСҮТ, аймаг, нийслэлийн ЗӨСТ-үүдтэй дараах чиглэлээр холбогдоно.
Үүнд:
*Дуудлагын тухай мэдээлэл өгөх
*Авах арга хэмжээний тухай зааварчилгаа авах
*Галзуу өвчнөөс сэргийлэх вакцин, ийлдэсийг захиалах, зөвөлгөө авах
*Эмнэлзүйн тусламж үйлчилгээний талаар мэргэжилтэнээс зөвөлгөө авах
Урьдчилан сэргийлэлт:
*“Галзуу өвчинтэй тэмцэх дэлхийн өдөр”ийг жил бүрийн 9 дүгээр сарын 28-нд тэмдэглэдэг бөгөөд энэ өдрийг угтуулан хүн ам, эмнэлгийн мэргэжилтэнд зориулсан сургалт, сурталчилгаа хийх,
*Галзуу өвчний сэжигтэй мал, амьтны дайралтад өртсөн хүнд эмнэлгийн тусламж, үйлчилгээ үзүүлэх арга хэмжээг авна.
Вакцинд хамруулах:
1. Урьдчилан сэргийлэх тунгаар: Галзуугийн вирус, өсгөвөр, халдвартай материалтай ажилладаг лабораторийн ажилтнууд, галзуугийн эсрэг вакцин, ийлдэсийн үйлдвэрлэл эрхэлдэг мэргэжилтэнүүд
2. Халдварт өрсөн тохиолдолд бүрэн тунгаар:
- Монгол эдийн шингэн вакцин 7-12 удаа өдөр бүр, 10 болон 20 дахь өдрүүдэд тарих
- Эсийн өсгөврийн вакцин: Үйлдвэрлэгчийн зааврын дагуу (1-5 тун эсвэл 1-6 тун)
- Галзуу өвчний эсрэг вакцины бүрэн тунд хамруулах талаар ЗААВАР, ЗӨВӨЛГӨӨГ өгөх
Мал, гэрийн тэжээвэр нохой, муур зэрэг амьтдыг мал эмнэлгийн байгууллага, малын эмчид жил бүр үзүүлж, хянуулах, урьдчилан сэргийлэх вакцинд хамруулах тухай хүн амд зөвлөх
-
2015 оны 11 сарын 22
Худалдаа эрхлэгчид нь ажлын хувцсыг /хормогч, ханцуйвч, бээлий/ өмсөх
Хэрэглэгчдэд зориулсан 1 удаагийн бээлий, торыг бүрдүүлэх
Ногооны үнийг ил тод бичиж, байршуулах
Түүхий болон бэлэн бүтээгдэхүүнийг хамтад нь биш, тусгаарласан байдлаар хайрцаг, саванд хийж худалдах,
Ногоо худалдах цэгт чанарын ялгалт хийгдсэн, стандартын шаардлага хангасан төмс хүнсний ногоог худалдана.
Агуулахад төмс, хүнсний ногоог хадгалахдаа хананаас 1-1.5 метр зайтай хурааж салхи орж байхаар хураана. Хадгалах байр нь 12-с дээшгүй температуртай, 80-85% харьцангуй чийглэгтэй байвал зохино.
Төмс, хүнсний ногоог жижиглэн худалдаалах цэгт бараа хураах тавцанд /газраас хөндийрүүлсэн вандан, поддон/ өрж байрлуулах, хайрцагтай бол 1.5-2 метрийн өндөр давхарлан хураах, шуудайтай бол босоо байдлаар нэг үе өрж хадгална.
Лангуун дээр ногоог худалдан авагч өөрийн хэрэгцээгээр авах боломжийг бий болгон сагсанд хадгалж худалдаална.
Зөвшөөрөгдсөн цэгээс бусад газарт гудамж, талбайд ил задгайгаар хүнсний ногоог худалдаалахгүй байх
Стандарт, чанарын шаардлага хангаагүй төмс, хүнсний ногоог худалдаалахгүй байх
-
2015 оны 11 сарын 22
Маргааш буюу 23-нд баруун болон зүүн зүгийн нутгаар, 24-нд зарим газраар, 25-нд зүүн хагаст цас орж, цасан шуурга шуурна. Салхи ихэнх хугацаанд нутгийн өмнөд хэсгээр секундэд 12-14 метр хүрч ширүүснэ. Дархадын хотгороор шөнөдөө 36-41 градус, өдөртөө 24-29 градус, Хангай, Хөвсгөл, Хэнтэйн уулархаг нутаг, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Халх голын саваар шөнөдөө 29-34 градус, өдөртөө 18-23 градус, говийн бүс нутгийн өмнөд хэсгээр шөнөдөө 16-21 градус, өдөртөө 7-12 градус, бусад нутгаар шөнөдөө 22-27 градус, өдөртөө 14-19 градус хүйтэн байна гэж Ус цаг уурын эрдэм шинжилгээний хүрээлэнгээс мэдээллээ.
-
2015 оны 11 сарын 22
СХД-11 “ГССҮТөвд хөлөө хөлдөөсөн хүн ирлээ” гэсэн мэдээллийг 11-р сарын 19-нд авчм/б шалгахад: СХД-ийн 21-р хороонд суух П /эр.56н/ нь согтуурсан үедээ гудамжинд унтаж байгаад 2 хөлийн тавхай хэсгийг хөлдөөж, тус төвийн түлэнхийн тасагт хэвтэн эмчлүүлж байгааг СХДЦХ-2 шалгаж байна.
-
2015 оны 11 сарын 22
Бүс нутгийн семинарыг хааж, Авлигатай тэмцэх газрын дарга, тэргүүн комиссар Н.Ганболд үг хэлэв. Тэрээр хэлсэн үгэндээ дэлхийн улс орнуудын сэтгэлийг түгшээсэн авлигын эсрэг тэмцэлд ахиц, үр дүн гаргахад өөрийн хүчин чармайлт, сэтгэлийн дэмжлэгээ харамгүй үзүүлж, бүс нутгийн байгууллагуудын харилцан мэдээлэл солилцох, туршлагаа хуваалцах боломжийг олгосон Эдийн засгийн хамтын ажиллагаа, хөгжлийн байгууллагын ерөнхий нарийн бичгийн дарга Ангел Гурриа, Азийн хөгжлийн банкны дэд ерөнхийлөгч Дивакар Гупта нар болон бусад оролцогч улсуудын төлөөлөгчдөд гүн талархал илэрхийлэв. Мөн “Дэлхийн улс орнууд даяаршихын хэрээр авлигын гэмт үйлдлийн өнгө төрх өөрчлөгдөж буй өнөө үед Ази, Номхон далайн орнуудын Авлигын эсрэг санаачилгын гишүүн орнуудын төлөөлөл НҮБ-ын Ерөнхий Ассамблейн баталсан Тогтвортой хөгжлийн зорилтод тусгасан авлигатай тэмцэх үйл ажиллагааны хүрээнд шинээр бий болсон боломж, бололцоо, саад бэрхшээл, хөгжлийн төсөл, хөтөлбөрүүд дэх авлига, мөнгө угаах гэмт хэрэг, түүнээс гарах үр дагавар, илрүүлэх арга зүй, аргачлал, мэргэжлийн байгууллагуудтай хамтран ажиллах стратеги бий болгох шаардлага зэрэг олон чухал асуудлыг хөндөн хэлэлцсэн нь цаг үеэ олсон, үр дүнтэй арга хэмжээ боллоо” гэж хэлэв.
Эрсдлийн удирдлагын тогтолцоог сайжруулах, авлигатай тэмцэх байгууллага, албадын нөөц боломж, дотоод зохион байгуулалт, чадамжийг бэхжүүлэх, мөрдөн шалгах ажиллагааны арга хэлбэрийг байнга сайжруулах, авлигатай тэмцэх үйлсэд иргэдийн эрх мэдлийг бий болгох, тэднийг идэвхжүүлэх, дуу хоолойг нь нэмэгдүүлэх, шударга сэтгэлгээг чухалчлах талаар улс орнуудын төлөөлөгчид цохон тэмдэглэж байсныг анхааралдаа авах шаардлагатай гэж Авлигатай тэмцэх газрын дарга, тэргүүн комиссар Н.Ганболд үгэндээ онцоллоо.
Бүс нутгийн семинарын үеэр Авлигатай тэмцэх газрын дарга, тэргүүн комиссар Н.Ганболд БНСУ, Тайланд, Бангладеш, Шри Ланка, Зүүн Тимор, Киргизстан, Бутан улсын авлигатай тэмцэх байгууллагын төлөөлөгчидтэй уулзаж, хоёр талын харилцаа, хамтын ажиллагааны талаар санал бодлоо солилцов.
-
2015 оны 11 сарын 22
Цонх, хаалга нь барилгын хамгийн их дулаан алддаг хийц учир байшин сууцаа дулаалахаас гадна эхний ээлжинд цонх, хаалганы дулааны алдагдлыг багасгах нь их чухал. Зөвхөн барилгын гадна ханыг дулаалах ньтөдийлэн үр дүнтэй арга хэмжээ болж чадахгүй. Иймд одоо байгаа цонхны хийцийг сайжруулах эсвэл дулаан тусгаарлалт сайтай цонхоор солих нь ихээхэн ашиг тустай байх болно. Дулаан ньцонхоор:
1. Цонхны завсар зайгаар,
2. Шилээр алдагдана
2000 онд батлагдсан цонх, хаалганы шинэ нормоор (МNS 4754: 99, МNS 4758: 99) жишээ нь, Улаанбаатарын орчимд барих барилгад 3 давхар шиллэгээтэй цонх суулгасан байх ёстой. Ийм цонх хийхэд зарим талаас хүндрэлтэйгээс гадна, үнэ өндөртэй болох тул зах зээлд өргөн нэвтэрч чадахгүй байна.
Гэвч дараах арга хэмжээнүүдийг авсанаар одоо байгаа хуучин цонх, хаалганы дулааны алдагдлыг үлэмж хэмжээгээр бууруулах боломжтой. Үүнд:
• Цонх, хаалганы завсар зайг сайтар чигжиж битүүмжлэх, ингэснээр алдагдлыг наад зах нь 5-15% бууруулах боломжтой; (цонхны замаскийг силиконоор солих, уян жийргэвч, пролонон тууз наах, цонхны хүрээ болон ханын хоорондох заадсыг полиуретан хөөс, эрдэс хөвөнгөөр дүүргэх г.м.)
• Цонх болон орцны хаалганы гадна талд салхины хаалт, хөшиг хийх, эсвэл гонх буюу тамбур барих
• Давхар хавтастай модон цонхны нээлхий буюу салхивчны хэсгийг бусад хэсгээс бүрэн тусгаарлагдсан байхаар өөрчлөн сайжруулах. Ингэснээр цанталт үүсэхээс зайлсхийнэ;
• Одоо байгаа цонхны дотор талд нэмэлт цонх суулгах;
• Одоо байгаа 2 давхар шиллэгээтэй цонхонд нэмэлт шиллэгээ хийх буюу 3 дахь давхар нэмэх; Хоёр давхар шиллэгээтэй цонхны чигжээсийг ялангуяа дотор талаас
нь муу хийвэл түүгээр тасалгааны чийгтэй агаар нэвтэрч гадна талын шилийг цантуулан, улмаар цонхны модон хийцийг норгох аюултай. Чийг авсан мод тэлж, хэв гажилтанд орсноор цонх нээгдэж хаагдах нь хүндрэлтэй болохоос гадна, зай завсартай гардагийг анхаараарай. Цонхны гадна талд мөн ус зайлуулах хаялга төмөр заавал хийгээрэй.
Хэрэв хуучин цонхыг сайжруулах нь төвөгтэй бөгөөд ихээхэн зардал гарахаар бол цонхоо шинэчлэх хэрэгтэй. Иймээс засах уу, эсвэл шинээр солих уу гэдгийг эхлээд тооцож үз. Шинээр цонх хийхээр бол стандартын шаардлага хангасан, болж өгвөл 3 давхар шиллэгээтэй, сайн чанарын цонх аваарай (дулаан дамжуулалтын эсэргүүцэл нь К = 0.53 м2°С/Вт -аас багагүй байх шаардлагатай), үүнд мөнгө хэмнэх хэрэггүй. Гурван давхар шиллэгээтэй модон цонхны шийдлийг доорх зурагт үзүүлэв. Цонх суулгах ажлыг болж өгвөл мэргэжлийн хүнээр хийлгэх нь зүйтэй.Цонхны дулаан алдагдлыг бууруулах зорилгоор өвлийн улиралд ашиглалт багатай өрөөний цонхны дотор талын хавтсанд тунгалаг полиэтилен хальс тогтоож болно. Эсвэл дотор талын хавтсанд шинээр ховил татаж давхар шил суулгана. Ингэхдээ хавтасны хийц, нугас зэрэг нь нэмэлтачаалал даах эсэхийг шалгаж, шаардлагатай бол нэмэлт бэхэлгээ хийнэ. Эдгээрийг хийснээр шилээр алдах цонхны дулаан алдагдлыг наад зах нь 1/3-ээр багасгах боломжтой.
-
2015 оны 11 сарын 22
Иргэдээс ирж буй санал гомдол, хэвлэл мэдээлэл, цахим хуудсаар зөгийн балны гарал үүсэл, чанар аюулгүй байдлын талаар гарч байгаа зарим нэг зөрүүтэй мэдээллийн дагуу импортын зөгийн баланд хяналт шалгалт хийж байна.
Улаанбаатар хотын харъяа гүний гаалийн хяналтын бүсээр зөгийн бал импортолсон 4 аж ахуйн нэгж, Нийслэлийн нутаг дэвсгэрт үйл ажиллагаа эрхэлдэг “Номин”, “Миний дэлгүүр , “Тэнгэр”, “Sky supermarket”, “Good price” худалдааны төвүүдэд гадаадаас зөгийн бал импортлон худалдаалж буй 15 аж ахуйн нэгж хамрагдсан. бүтээгдэхүүнээс дээж авч НМХГ-ын Төв лабораторид мэдрэхүй, физик химийн, нян судлал, хлор болон фосфор органик пестицидийн болон хүнд металлын үлдэгдэл, МУБИСургуулийн Палинологийн итгэмжлэгдсэн лабораторид гарал үүслийн шинжилгээнд хамрууллаа. Хариу дүгнэлт эцсийн байдлаар гараагүй байна. Цаашид цувралаар мэдээлэх болно.
-
2015 оны 11 сарын 22
-Бүс нутгийн семинарын хаалтын ажиллагаанд Монгол Улсын Ерөнхий сайд Ч.Сайханбилэг оролцов -
Авлигатай тэмцэх газар, Азийн хөгжлийн банк, Олон улсын эдийн засгийн хөгжил, хамтын ажиллагааны байгууллага, НҮБ-ын Хөгжлийн хөтөлбөр хамтран зохион байгуулсан Ази, Номхон далайн орнуулын Авлигын эсрэг санаачилгын 20 дахь удаагийн Удирдах зөвлөлийн уулзалт, 13 дахь удаагийн бүс нутгийн семинар Улаанбаатар хотноо 3 өдөр үргэлжилж өндөрлөв.
Ази, Номхон далайн орнуудын Авлигын эсрэг санаачилгын 13 дахь удаагийн бүс нутгийн семинарт тус санаачилгын 31 гишүүн улсын 120 орчим төлөөлөгч оролцсон бөгөөд энэхүү авлигын асуудлаарх олон улсын хурлыг Монгол Улсад анх удаа зохион байгуулж байгаагаараа онцлог юм.
Түүнчлэн хурлын үеэр Хууль сахиулах байгууллагуудын сүлжээг бүс нутгийн түвшинд байгуулах эхлэлийг тавьсан нь онцлох үйл явдал байлаа. Авлигын гэмт хэрэг нь тухайн нэг улс орноор хязгаарлагдахгүй бөгөөд гэмт үйлдлийн арга зам нь улам бүр нарийсч, хор хөнөөл нь дэлхий дахинаа заналхийлж байгааг харгалзан үзэж, НҮБ-ын Авлигын эсрэг конвенцид нэгдсэн улс орнууд олон улс, бүс нутгийн түвшинд хамтран ажилладаг билээ. Энэ нь улс орон бүр дотооддоо авлигын асуудлаа оновчтой тодорхойлох, нэгдсэн ойлголтод хүрэх, авлигатай хамтран тэмцэх арга ажиллагаагаа нийцүүлэн хэрэгжүүлэхэд чухал алхам болдог юм.
Авлигын эсрэг санаачилгын Удирдах зөвлөлийн 20 дахь удаагийн уулзалтаар Зүүн Европ, Төв Азийн Авлигын эсрэг сүлжээнээс боловсруулан гаргасан Монгол Улсын авлигатай тэмцэх үйл ажиллагаанд хийсэн үнэлгээний тайланг хэлэлцэж, уг тайланг олон нийтэд танилцууллаа.
Авлигын эсрэг санаачилгын гишүүн улсуудын 13 дахь удаагийн бүс нутгийн семинараар хөгжлийн төсөл, хөтөлбөрүүд дэх авлигатай тэмцэх стратегиа тодорхойлж, улс орнууд авлига, мөнгө угаах, албан тушаалын гэмт хэргүүдийг мөрдөн шалгах арга техник, туршлагаа харилцан солилцов. Мөн цаашдын хамтын ажиллагааныхаа чиглэлийг тодорхойлж, харилцаагаа улам өргөжүүлэх чиглэлээр улс орнуудын төлөөлөгчид харилцан санал бодлоо хуваалцсан юм.
Ази, Номхон далайн орнуудын Авлигын эсрэг санаачилгын 13 дахь удаагийн бүс нутгийн семинарыг УИХ-ын дарга З.Энхболд нээсэн бол Ерөнхий сайд Ч.Сайханбилэг хаалтын ажиллагаанд оролцов. Тэрээр бүс нутгийн хэмжээнд авлигатай тэмцэх чиглэлээр гарч байгаа дэвшилтэт санал санаачилга бүрийг Монгол Улсын Засгийн газар дэмжиж хамтран ажиллахаа илэрхийлэв.
-
2015 оны 11 сарын 22
Мэргэжлийн хяналтын ерөнхий газрын “Зөвлөгөө, мэдээллийн төвөөс ”Хүйтний улирал эхэлж гадаах цаг агаар хасах хэм рүүгээ шилжсэн тул барилгын цутгалтын ажил хийхгүй байхыг анхааруулав.
Хүйтэнд даацын бүтээцийн бетон цутгаснаас зуурмаг бэхжиж амжилгүй хөлдөж, барилгын бат бэх, чанарт сөргөөр нөлөөлж улмаар осол гарах эрсдэл ихэсдэг аж. Иймээс болзошгүй осол, эрсдлээс урьдчилан сэргийлэх, бууруулах, таслан зогсоох үүднээс хөрөнгө оруулагч, захиалагч, гүйцэтгэгч аж ахуйн нэгжүүд барилгын чанар, норм, дүрэм, стандартаа мөрдөх шаардлагатай байгааг санууллаа Улсын хэмжээнд сүүлийн гурван жилд 164 осол гарч 178 хүн өртсөний 63 нь нас барж, 35 нь хөгжлийн бэрхшээлтэй болж, 80 нь хөдөлмөрийн чадвараа түр алджээ.
Түүнчлэн мэргэжлийн хяналтын байгууллагын Дэд бүтцийн хяналтын газар 2014 онд улсын хэмжээнд 6463 аж ахуйн нэгж, иргэний барьж байгаа 3478 барилгын ажилд хяналт шалгалт хийжээ. Хяналтын хуудас, эрсдлийн шалгуураар үнэлэхэд 403 барилга их эрсдэлтэй үнэлэгдсэн байна.
-
2015 оны 11 сарын 22
Монгол бөхийн өргөөнд энэ сарын 22, 26, 29-ний өдрүүдэд бөхийн барилдаантай. Тодруулбал, маргааш буюу энэ сарын 22-ны өдөр Ховд аймгийн арслан Лааганы Найдангийн нэрэмжит аймаг, цэргийн цолтой болон залуу бөхчүүдийн ээлжит барилдаан болно. Мөн ирэх долоо хоногийн пүрэв гаригт буюу 11 дүгээр сарын 26-ны өдөр Бүгд Найрамдах улсаа тунхагласны ойд зориулсан Улс, аймгийн алдар цолтой 256 бөхийн уламжлалт барилдаан болно. Баянгол дүүрэг үүсэн байгуулагдсаны түүхт 50 жилийн ойд зориулсан улс, аймгийн алдар цолтой 224 бөхийн барилдаан энэ сарын 29-ний өдөр болох аж.
-
2015 оны 11 сарын 22
Хонь - (3/21-4/19)
Амьдрал таны эрч хүчийг сорж байгаа мэт хониныхонд бодогдоно. Энэ нь түр зуурын үе бөгөөд удахгүй арилна. Гэртээ том зүйл худалдаж авахаа түр хойшлуул. Тавилгынхаа хэлбэр загвар, өнгө, зохимж, хэмжээг нь та тааруулаагүй байж магад. Дэлгүүрт сайхан харагдсан зүйлс гэр оронд тань, байрлуулахыг хүссэн хэсэгт тань тийм ч сайхан зохицохгүй байж мэднэ. Өөрийн хүсэж сонирхож байгааг болон хайртай хүмүүсийнхээ хүсэл сонирхлыг тэнцвэржүүлэхэд хэдэн өдрийг зарцуул. Та ганцаараа амьдардаг бол тэжээвэр амьтантай бол.
Дэлгэрэнгүй
Ням, 2015 оны 11 сарын 22
Үхэр - (4/20-5/20)
Ёс зүйг ухамсарлах, эргэлзээгээ даван туулах, сэтгэл санааны байдлыг олоход тохиромжтой өдөр. Таны хичээл зүтгэл, ажилдаа үнэнч ханддаг зан, авьяас чадвар үр өгөөжөө хайрлана. Өсөн нэмэгдэж байгаа амьдралын эрч хүч, бүтээлч чадамж тань таныг өөрийгөө илэрхийлэн харуулахад чухал үүрэг гүйцэтгэнэ. Гэр бүлээс гадуурх харилцаа эсвэл эрх чөлөө өөд тэмүүлсэн байдал дотны хүнээсээ харьцаагаа таслахад хүргэж магадгүй.
Дэлгэрэнгүй
Ням, 2015 оны 11 сарын 22
Ихэр - (5/21-6/21)
Хариуцлага болон бусад асуудлуудаас хөндийрөхийг битгий оролд. Бурхан шүтдэг хүмүүс сэтгэлийн тэвчээртэй байдаг. Үүргээ биелүүлж xэрүүл маргаанаас зайлсхийж сайн уур амьсгал бий болгоно. Хамаатан садантайгаа элэгсэг харьцсанаар та бүхний харьцах харьцаанд магадгүй эерэг байдал үүсч бие биеэ ойлгох болно. Харин өдрийн хоёр дахь хагаст ямар нэгэн ажил хэргийн уулзалтаас зайлсхийх хэрэгтэй.
Дэлгэрэнгүй
Ням, 2015 оны 11 сарын 22
Мэлхий - (6/22-7/22)
Ажил, хувийн амьдралд гэнэтийн таатай үйл явдлууд тохиолдох магадлалтай. Та өөрийн ололт амжилтаараа бахархана. Турах арга хэмжээ авахад таатай. Хэтэрхий хичээл зүтгэл бүү гарга. Ганцаар байж шинэ төрлийн үйл ажиллагаанд шилжих тухайгаа бодох, аж амьдралаа эрэгцүүлэхэд тохиромжтой. Мөн гэр бүлийнхэнтэйгээ салхинд гарах, кино үзэх зэргээр цагийг хөгжилтэй, идэвхтэй өнгөрүүлээрэй. Хоолны хатуу дэглэм танд хэрэггүй. Амин дэм, ногоо, жимс ихээр хэрэглэ.
Дэлгэрэнгүй
Ням, 2015 оны 11 сарын 22
Арслан - (7/23-8/22)
Хувийн амьдрал өнөөдөр тийм ч таатай байхгүй. Гэр оронтой холбоотой хүндрэл бэрхшээлүүд дүүрэн байна. Мөн хүүхдүүдтэй холбоотой асуудлууд ч таны санааг зовооно. Тэдний хүмүүжилд өрхийн төсвийн ихээхэн хэсэг нь зарцуулагдана. Таны хүүхдүүд хамгийн муу нь биш тул тэдэнд хэтэрхий өндөр шаардлага бүү тавь. Тэдний сургалтад мөнгө хөрөнгө бүү хайрла.
Дэлгэрэнгүй
Ням, 2015 оны 11 сарын 22
Охин - (8/23-9/22)
Өнөөдөр зарим асуудлуудыг дараа гэж хойш тавих хүсэл төрнө. Бүү хойш тавь. Ажил хэргээ дуустал нь хийх нь өлзийтэй. Хувийн амьдралд тань тэмцэлдэхэд маш хэцүү, хүчтэй мэдрэмж таныг эзэмдэх болно. Харин та үдээс хойш эрч хүчтэй байж, санасан зүйлээ эхлүүлэх хэрэгтэй.
Дэлгэрэнгүй
Ням, 2015 оны 11 сарын 22
Жинлүүр - (9/23-10/22)
Өнөөдөр та гэр бүлийн асуудал зөрчлүүдийг хэтрүүлэх хандлагатай байна. Хэрвээ эргэн тойрныхонтойгоо харьцахад ээдрээтэй болсон бол сэтгэлээр бүү уна. Удахгүй та бүгдийн шалтгааныг ойлгож, бүх зүйлийг эерэгээр шийдэж чадна. Газарт оюун бодлоороо хөвж ихэмсэг байдлаар турхирах, цочроох, сээтэн хаяж сэтгэл санаагаа баясгаж мөн нуух өдөр. Өөртэйгөө ажиллаж, хэрэггүй бүх зүйлсийг толгойноосоо авч хая.
Дэлгэрэнгүй
Ням, 2015 оны 11 сарын 22
Хилэнц - (10/23-11/21)
Та ичэмхий бүрэг байсан ч хайр дурлалаас хол хөндий байж чадахгүй. Хэдийгээр гадаа хүйтний эрч чангарч байгаа хэдий ч танд халуун дулаан хайр удахгүй ирнэ гэдэгт итгэ. Өнөөдрийг анд нөхдийнхөө дунд өнгөрөөвөл эерэг сэтгэгдэл хуримтлуулахаас гадна авьяас чадвараа ч гайхуулж чадна. Амьдралын учир утгын тухай эргэцүүлж тунгаах цаг ирлээ. Сонирхолтой ажлаа хийж, сэтгэлийн хатан зориг гаргасны ачаар амжилтанд хүрэх замд таарах бүх саад бэрхшээлийг даван туулна.
Дэлгэрэнгүй
Ням, 2015 оны 11 сарын 22
Нум - (11/22-12/21)
Өнөөдөр зөн билэг таныг хуурна. Ирээдүйг сайн сайхнаар төсөөлж хувийн харилцаанд үүсч буй бэрхшээлүүдийг мэдэхгүй өнгөрөөнө. Сэтгэл санаа тогтворгүй болж баярлах гуниглах хосолно. Хуримтлагдсан ажил хэргээ дуусгахыг хичээ. Хэрэггүй эд зүйлс болон санаа бодлоосоо ангижар. Цагийг ганцаар бүү өнгөрүүл. Хуучин анд нөхдүүд сайн танилуудтайгаа уулз. Хэрвээ тэднийгээ гомдоосон бол уучлал гуйж, гэмээ цайруулахад тохиромжтой үе.
Дэлгэрэнгүй
Ням, 2015 оны 11 сарын 22
Матар - (12/22-1/19)
Гэр бүлд амар амгалан ноёлно. Хосууд харцаараа ойлголцоно. Хүүхдүүдийнхээ бүхий л нууцыг хуваалцаж, тэдэнд ухаалаг зөвлөгөө өгч чадна. Хайртай хүмүүстээ итгэ. Тэд таныг мөрөөдлөө биелүүлэхэд туслана. Матарнууд гадаадын фирмтэй ашигтай гэрээ байгуулах боломжтой байна. Танд урьд нь боломж олон тохиолдож байсан. Харин танд одоо гарч ирсэн боломжуудаас ашигтай сонголт хийх нь тийм ч хэцүү биш байна.
Дэлгэрэнгүй
Ням, 2015 оны 11 сарын 22
Бумба - (1/20-2/18)
Хоёрдмол өдөр. Сайнаар бодоход Хумхынхан зорилгодоо хүрэхийн тулд бүх боломжийг дээд зэргийн үр ашигтайгаар ашиглаж чадна. Муугаар бодоход муу зөвлөгчид итгэж амжилтанд хүрэх бүх найдвараа өөрөө нураана. Ямар нэгэн чухал асуудлуудыг бусдад бүү найд. Та өөртөө эзэн тул бүхнийг шийдэж үр дүнгийх нь төлөө бүрэн хариуцлага хүлээдэг.
Дэлгэрэнгүй
Ням, 2015 оны 11 сарын 22
Загас - (2/19-3/20)
Олонх нь амьдралаа эрс өөрчлөх босгон дээр зогсож байна. Турш, хай, судал. Дотны хайртай хүмүүсийн харьцаа болон амьдралаас таашаал ав. Аз таны талд байна. Эрсдэлтэй алхам хийхээс бүү ай.
-
2015 оны 11 сарын 22
Тухайн өдөр луу жилтнээ аливаа үйлийг хийхэд эерэг сайн. Эл өдөр хараалыг дарах, хариулга хийх, чимэг зүүх, мод тарих, байшингийн суурь тавих, мал адгуус муулах үйл, эм найруулах, эхнэрийг дуудах, үс авах, элчид эд өгөх зэрэгт сайн. Бурхныг тахих, бэрийн үйл, мод таслах, тангаргалах, хурал цуглаан хийхэд муу. Өвчин болвол арван хоногт амирлана. Замд гарвал сайн бөгөөд эд, идээ арвижна. Зүүн чих хангинавал татвал хэрүүл тэмцэл болно. Баруун нүд татвал эд, хувцас олно. Зүүн чих хангинавал жуулчин ирнэ. Баруун чих хангинавал муу гаслан ирнэ. Нохой уливал халуун болохуй ба хэрээ дуугарвал муу хэл дуулна. Тагнай эрвэгнэвэл хэн нэгэн үхнэ. Бие татвал гэнэтийн жуулчин ирнэ. Шилбэ татвал үхлийн гэм ирэх нигууртай гэж номлосон. Өдрийн сайн цаг нь луу, могой, хонь, нохой, хулгана, үхэр болой. Үс шинээр үргээлгэх буюу засуулбал эрхтэн хурц болно.
-
2015 оны 11 сарын 22
2015 оны 11 дүгээр сарын 21-ний 20 цагаас 11 дүгээр сарын 22-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Үүлэрхэг. Шөнөдөө зарим газраар, өдөртөө нутгийн хойд хэсгээр цас орж, зөөлөн цасан шуурга шуурна. Салхи зүүн өмнөөс секундэд 5-10 метр. Завхан нутаг, Баянхонгорын хойд хэсгээр шөнөдөө 33-38 градус, өдөртөө 16-21 градус, Ховд, Говь-Алтай, Баянхонгорын өмнөд хэсгээр шөнөдөө 9-14 градус, өдөртөө 4-9 градус, бусад нутгаар шөнөдөө 23-28 градус, өдөртөө 9-14 градус хүйтэн байна.
ТӨВИЙН АЙМГУУДЫН НУТГААР: Үүлшинэ. Шөнөдөө зарим газраар, өдөртөө ихэнх нутгаар цас орж, зөөлөн цасан шуурга шуурна. Салхи зүүн өмнөөс баруун хойш эргэж секундэд 7-12 метр. Дархадын хотгороор шөнөдөө 29-34 градус, өдөртөө 21-26 градус, Хэнтэйн уулархаг нутаг, Орхон, Сэлэнгэ, Хараа, Ерөө, Туул, Тэрэлж голын сав газраар шөнөдөө 24-29 градус, өдөртөө 18-22 градус, бусад нутгаар шөнөдөө 20-25 градус, өдөртөө 13-18 градус хүйтэн байна.
ЗҮҮН АЙМГУУДЫН НУТГААР: Шөнөдөө багавтар үүлтэй. Цас орохгүй. Өдөртөө үүлшинэ. Нутгийн баруун хэсгээр бага зэргийн цас орж, явган шуурга шуурна. Салхи зүүн хойноос секундэд 5-10 метр. Нутгийн хойд хэсгээр шөнөдөө 32-37 градус, өдөртөө 18-23 градус, бусад нутгаар шөнөдөө 26-31 градус, өдөртөө 14-19 градус хүйтэн байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөндөө цас орохгүй, өдөртөө бага зэргийн бороо орно. Салхи зүүн хойноос секундэд 3-8 метр. Шөнөдөө 32-34 градус, өдөртөө 17-19 градус хүйтэн байна.
ГОВИЙН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө ихэнх нутгаар цас орж, зөөлөн цасан шуурга шуурна. Салхи зүүн өмнөөс секундэд 5-10 метр, өдөртөө зарим газраар секундэд 12-14 метр хүрч ширүүснэ. Шөнөдөө Дундговь, Дорноговийн нутгаар 21-26 градус, Өмнөговийн нутгаар 11-16 градус, өдөртөө Дундговийн нутгаар 13-18 градус, бусад нутгаар 8-13 градус хүйтэн байна.
УЛААНБААТАР ХОТ: Үүлшинэ. Шөнөдөө цас орохгүй. Өдөртөө цас орж, зөөлөн цасан шуурга шуурна. Салхи зүүн өмнөөс баруун хойш эргэж секундэд 6-11 метр. Шөнөдөө Яармаг-Сонгины орчмоор 27-29 градус, бусад хэсгээр 21-23 градус, өдөртөө 15-17 градус хүйтэн байна.
-
2015 оны 11 сарын 21
Монгол соёл урлаг их наран улсад
-
2015 оны 11 сарын 21
Сэтгүүлч Л.Болормаа бусдын гарт амиа алджээ
“Mongolian Mining Journal” сэтгүүлийн эрхлэгч Л.Болормаа өчигдөр Төмөр зам дахь гэртээ амиа алдсан байдалтай олдсон талаар эх сурвалжууд өгүүлж байна. Мөн энэ мэдээллийг сошиалд зарим хүн баталж байгаа юм. Одоогоор энэ хэргийн талаар илүү мэдээлэл байхгүй ч гадны нөлөөтэй нас барсан байж болзошгүй гэсэн таамаг байна.
Л.Болормаа нь сүүлийн арав гаруй жил эдийн засаг, баялагийн асуудлаар дагнан сэтгүүлзүйн бүтээл туурвиж ирсэн бөгөөд улс төр, эдийн засгийн ашиг сонирхол нэгтэй хүмүүсийн талаар цөөнгүй удаа нийтлэл бичиж байсан юм.
-
2015 оны 11 сарын 21
Монгол бөхийн өргөөнд энэ сарын 22, 26, 29-ний өдрүүдэд бөхийн барилдаантай. Тодруулбал, ирэх ням гаригт буюу энэ сарын 22-ны өдөр Ховд аймгийн арслан Лааганы Найдангийн нэрэмжит аймаг, цэргийн цолтой болон залуу бөхчүүдийн ээлжит барилдаан болно. Мөн ирэх долоо хоногийн пүрэв гаригт буюу 11 дүгээр сарын 26-ны өдөр Бүгд Найрамдах улсаа тунхагласны ойд зориулсан Улс, аймгийн алдар цолтой 256 бөхийн уламжлалт барилдаан болно. Баянгол дүүрэг үүсэн байгуулагдсаны түүхт 50 жилийн ойд зориулсан улс, аймгийн алдар цолтой 224 бөхийн барилдаан энэ сарын 29-ний өдөр болох аж.
