-
2015 оны 11 сарын 13
Өчигдөр Сонгинохайрхан дүүргийн 13 дугаар хороо, 1 дүгээр хороолол 11 дүгээр байрны 10 дугаар орцны 1 давхарын айлд гал гарч байна гэсэн дуудлагыг 15:43 цагт өгснөөр Гал түймэр унтраах, аврах 26 дугаар ангийн тасгийг очиход иргэн С-ын гал зуухны өрөөнд тавилга, эд зүйл шатаж байсныг унтраасан байна.
Уг гал түймэрт өртөж иргэн 62 настай, эрэгтэйн баруун гарын шуу хэсгээр, иргэн 32 настай, эмэгтэйн баруун гар шуу хэсгээр тус тус түлэгдэж, 4 давхрын айлын 6-13 насны 4 хүүхэд гал түймрийн утаанд хордож угаартсан байсныг аюулгүй байдлыг хангах арга хэмжээг яаралтай авч эмнэлгийн байгууллагад хүлээлгэн өглөө.
-
2015 оны 11 сарын 13
“Эрдэнэс-Таван Толгой” компанийн Үйлдвэрчний эвлэлийн дарга С.Эрдэнэ өнөөдөр хэвлэлийн хурал хийж байх үеэрээ өөрийгөө шатаасан. Тэрбээр компанийнх нь удирдлагууд ажилчдаа шилжүүлэх гэрээг дур мэдэн хийж, олон нийтэд ташаа мэдээлэл өгсөн. Мөн 200 гаруй ажилтанаа шилжүүлэх нэрийдлээр цомхотгох байгааг эсэргүүцэн ийнхүү өөрийгөө шатаасан юм.
Тэгвэл жиргээчид С.Эрдэнийг нас барсан хэмээн жиргэж эхэллээ.
Энэ талаар ЦЕГ-аас тодруулахад “Тийм зүйл байхгүй. Ташаа мэдээлэл” гэх тайлбарыг өгч байна. Харин яг одоо Эрдэнэс-Таван Толгой компанийн удирдлагууд С.Эрдэнийг эмнэлэгт эргэж байгаа юм. Улмаар 17.00 цагаас мэдээлэл хийхээр болсон билээ.
-
2015 оны 11 сарын 13
”Нийтийн үйлчилгээний Улаанбаатар нэгтгэл”-ээс өвлийн бэлтгэл ажлын талаар мэдээлэл хийв.
-
2015 оны 11 сарын 13
“Найрсаг Улаанбаатар” хөтөлбөрийн хүрээнд Усан парк бүхий “Соёл амралт, аялал жуулчлалын цогцолбор”-ыг байгуулахаар нийслэлийн Засаг даргын Тамгын газар, “Монгол шилтгээн” ХК, Бүгд Найрамдах Унгар Улсын “Багг” ХХК-тай хамтран ажиллахаар боллоо. Үүний хүрээнд нийслэлийн Засаг дарга бөгөөд Улаанбаатар хотын Захирагч Э.Бат-Үүл, “Монгол шилтгээн” ХК-ийн ТУЗ-ын дарга Ч.Амарбаатар нар хамтран ажиллах санамж бичигт гарын үсэг зурлаа.
Энэ үеэр нийслэлийн Засаг дарга бөгөөд Улаанбаатар хотын Захирагч Э.Бат-Үүл “ “Найрсаг Улаанбаатар” хөтөлбөрийн хүрээнд нийслэлд анх удаа амралт зугаалга, аялал жуулчлалын цогцолбор бүхий усан парк барих ажлыг ”Монгол Шилтгээн” ХК болон Унгар улстай хамтран хэрэгжүүлэхээр болсонд таатай байна. Усан парк нь нийслэлчүүдийн очих дуртай газруудын нэг болно гэдэгт эргэлзэхгүй байна. Бид өөрсдийн зүгээс бүх талаар дэмжлэг үзүүлнэ” гэлээ.
Усан парк бүхий “Соёл амралт, аялал жуулчлалын цогцолбор”-ын төслийн санхүүжилт нь 20 сая ам доллар бөгөөд аялал жуулчлалын эдийн засгийн үр ашгийг нэмэгдүүлэх, бизнес эрхлэгчдийг дэмжих, гадаад, дотоодын жуулчид Улаанбаатар хотод аюулгүй зорчих нөхцөл, тав тухтай орчныг бүрдүүлэх зэрэг бүх төрлийн үйлчилгээнд найрсаг харилцаа, хандлагыг төлөвшүүлж, хотын соёлыг дэлгэрүүлэхэд чиглэсэн ажлуудыг хийхээр тусгажээ.
”Монгол шилтгээн” цогцолборыг өргөжүүлж, Европын стандартад нийцсэн, байгаль орчинд ээлтэй Усан парк бүхий “Соёл амралт, аялал жуулчлалын цогцолбор”-ыг Унгар Улсын ”Эксим” банкны хөнгөлөлттэй санхүүжилтээр дэвшилтэт техник технологид суурилсан, байгаль орчинд ээлтэй барилгын материалаар Унгар Улсын тэргүүлэх мэргэжлийн компаниудаар бариулахаар ажиллаж байна.
Тус цогцолбор нь дөрвөн улирлын турш ажиллах “Усан парк”-ын комплекс, ”Зочид буудал”-ын комплекс, “Спорт, entertainment” комплекс, Кино театр, үзвэр үйлчилгээ, дэлгүүр, бүх орны хоолны газрууд зэрэг бүх насныханд зориулсан цогц амралтын хүрээлэн болох юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 13
Баян-Өлгий аймгийн 100 гаруй цэрэгтэй цэргийн ангид улаанбурхан өвчний сэжигтэй тохиолдол бүртгэгдэж, 12 цэргийг тусгаарлан эмчилж байгаа талаар бид мэдээлсэн.
-
2015 оны 11 сарын 13
Phone6S-тай болмоор байна уу?
ТАНД ЭНЭХҮҮ БОЛОМЖИЙГ www.AVDAR.mn сайт болон
Монголын Худалдаа Эрхлэгчдийн Бизнесийг Дэмжих Холбооноос олгож байна.
Үнэ: 1,950,000₮ бол 0₮-р өөрийн болгох АЛТАН БОЛОМЖ
Яаж iPhone6S утастай болох вэ? гэвэл
Ердөө та
2015.11.14, 15, 16-ны өдрүүдэд Мишээл экспо төвд болох
Худалдааны түншлэл 2015 үзэсгэлэн худалдаанд хүрэлцэн ирж ҮҮДНЭЭС сугалаа үнэ төлбөргүй авч хайрцагт хийж оролцсоноор iPhone6S утасны эзэн болох боломж нээгдэх юм.
Мишээл ороод Үндэсний үйлдвэрлэгчид, Бөөний худалдаа эрхлэгчид, Өвлийн хувцасны хямдралтай худалдаа орж үзсэнийхээ төлөө iPhone6S-тай болно.
Сугалаа шударга нээлттэй болно.
Та хүсвэл өөрөө хамт байж болно. Шэйр хийж түгээхээ мартав.
iPhone6S-тай болох танд амжилт хүсье.
-
2015 оны 11 сарын 13
Авлигатай тэмцэх газраас Монголын мэтгэлцээний нэгдсэн танхимтай хамтарч зохион байгуулсан “Эрүүл мэндийн салбар дахь авлигаас урьдчилан сэргийлэх нь: Асуудал ба шийдэл” сэдэвт парламентын мэтгэлцээний аваргууд тодорлоо.
“Эрүүл мэндийн салбарт шударга ёс, ил тод байдал, ёс зүйг дэмжих” аяны хүрээнд болсон парламентын мэтгэлцээн нь авлигын эсрэг олон улсын өдрийг угтан зохион байгуулж байгаа цуврал арга хэмжээний нэг юм.
Мэтгэлцээнд оролцсон оюутнууд эрүүл мэндийн салбарын ил тод, шударга байдал, ёс зүйг дээшлүүлэх, авлигаас урьдчилан сэргийлэх чиглэлээр асуудал дэвшүүлж, оновчтой шийдэл боловсруулсан бөгөөд өөрсдийн хийсэн бичил судалгааны дүнг танилцуулав. Тэмцээнд МУИС-ийн Хууль зүйн сургуулийн “Бэркэли” багийн О.Бэлгүүнзаяа, Н.Энхтэмүүлэн нар тэргүүлж, МУИС-ийн Нийгмийн ухааны сургуулийн “Арга билэг” багийн Г.Золзаяа, Ш.Алтансоёмбо нар удааллаа. Харин МУИС-ийн Хууль зүйн сургуулийн “Нэгдэл” багийн Э.Санчирбуяа, О.Должинсүрэн нар гуравдугаар байрт шалгарлаа. Тэмцээнд оролцсон оюутан залуус, шүүгчдийн бүрэлдэхүүн “Шударга нийгмийн төлөө хамтдаа тэмүүлнэ” батламжид гарын хээгээ үлдээсэн нь тэмцээнд оролцогчдын итгэл үнэмшлийг нэмэгдүүлж, идэвхийг нь сэргээсэн юм.
Цаашид уг арга хэмжээг улам өргөжүүлэн, жил бүр уламжлал болгон зохион байгуулахаар төлөвлөж байна.
-
2015 оны 11 сарын 13
Азийн хөгжлийн банк, Эдийн засгийн хамтын ажиллагаа, хөгжлийн байгууллагын Ази-Номхон далайн орнуудын Авлигын эсрэг санаачилгын Удирдах зөвлөлийн 20 дахь удаагийн уулзалт, 13 дахь удаагийн бүс нутгийн семинар 2015 оны 11 дүгээр сарын 18-20-ны өдрүүдэд Улаанбаатар хотод зохион байгуулагдана.
Удирдах зөвлөлийн уулзалтаар Эдийн засгийн хамтын ажиллагаа, хөгжлийн байгууллагын Зүүн Европ, Төв Азийн Авлигын эсрэг сүлжээнээс боловсруулан гаргасан Монгол Улсын тухай үнэлгээний тайланг танилцуулах юм. Түүнчлэн “Шударга байдлын үнэлгээ/шинжилгээ”, “Нийтийн албаны ёс зүйг удирдах тухай зарчим”-ын шинэчилсэн найруулга болон Авлигын эсрэг санаачилгаас цаашид авч хэрэгжүүлэх үйл ажиллагааны талаар хэлэлцэнэ. Гишүүн орнуудын хэрэгжүүлж байгаа авлигын эсрэг үйл ажиллагааны өнөөгийн явцын талаар мэдээлэл солилцохын зэрэгцээ Зөвлөх хороо болон ажиглагч нарын илтгэлийг сонсч, Авлигын эсрэг санаачилгын Нарийн бичгийн дарга нарын газрын үйл ажиллагааны тайлантай танилцах юм байна.
Монгол Улс нь Эдийн засгийн хамтын ажиллагаа, хөгжлийн байгууллагын Зүүн Европ, Төв Азийн Авлигын эсрэг сүлжээ болон Истанбулын авлигын эсрэг үйл ажиллагааны төлөвлөгөөнд 2012 онд нэгдэн орсон билээ. 2014 онд Авлигын эсрэг сүлжээ нь Монгол Улсын авлигын эсрэг бодлого, эрх зүйн орчин, үйл ажиллагааны үнэлгээг боловсруулан гаргасан юм. Үнэлгээг Эдийн засгийн хамтын ажиллагаа, хөгжлийн байгууллагын аргачлалаар буюу тус сүлжээний гишүүн орнуудад авлигатай тэмцэх чиглэлээр ажилладаг ижил түвшний мэргэжилтнүүдээр хийлгэсэн байна. Удирдах зөвлөлийн уулзалтын үеэр тус сүлжээний Нарийн бичгийн дарга нарын газар болон Монгол Улсын Авлигатай тэмцэх газар хамтран уг үнэлгээний талаар танилцуулах юм.
НҮБ-ын Хөгжлийн хөтөлбөртэй хамтран зохион байгуулж буй Ази-Номхон далайн орнуудын Авлигын эсрэг санаачилгын 13 дахь удаагийн семинарт авлига, мөнгө угаах, татварын гэмт хэргийг мөрдөн шалгах ажиллагаа явуулдаг хууль сахиулах байгууллагын ажилтнууд оролцох ажээ. Оролцогчид нь тодорхой кейс хэлэлцэж, өөрийн улсын туршлага, мөрдөн шалгах, яллах ажиллагаанд шаардлагатай арга хэрэгслийн талаар мэдээлэл солилцоод цаашид бүс нутгийн хэмжээнд дэлгэрүүлж болох сайн туршлагыг тодорхойлох юм байна.
-
2015 оны 11 сарын 13
Авлигатай тэмцэх газраас “Шударга ёсны төлөө хамтдаа” аяны хүрээнд оюутан залууст авлигын эсрэг боловсрол олгох 4 дэх удаагийн сургалтыг Монголын Сурагчдын холбоотой хамтран зохион байгууллаа.
Дөрөв дэх удаагийн сургалт нь хүүхэд, багачуудад шударга ёсны дадал хэвшил бий болгох зорилгоор бэлтгэн хэвлүүлсэн “Туулай хүүгийн адал явдал” сургалтын гарын авлагад дурдсан агуулгаар улсын хэмжээнд цэцэрлэгийн ахлах, бэлтгэл бүлгийн болон ерөнхий боловсролын сургуулийн бага ангийн хүүхдүүдэд сургалт явуулах өсвөрийн сургагч багш нарыг бэлтгэснээрээ онцлог байв.
Сургагч багшаар Монгол Улсын Ерөнхийлөгчийн ивээл дор зохион байгуулагдсан “Өсвөрийн 333 сургагч багш” бэлтгэх үндэсний хөтөлбөрөөс шалгарсан, Монголын Сурагчдын холбооны дэргэдэх “Лидер сурагч академи”-ийн гишүүн 40 шилдэг сурагчийг хамруулсан нь хүүхдийн өөрөө удирдах байгууллагаар дамжуулан хүүхэд хүүхдээ удирдан чиглүүлэх ач холбогдолтой юм.
-
2015 оны 11 сарын 13
Үндэсний Статистикийн хорооноос манай улсын нийгэм, эдийн засгийн байдлын эхний 10 сарын үзүүлэлтийг танилцуулав.
-
2015 оны 11 сарын 13
Улсын төсвөөс 100 гаруй тэрбум төгрөг зарцуулан, төсөвлөдөг “оюутны 70 мянга”-ыг ирэх арванхоёрдугаар сард улирлаар нь олгоно гэж Сургалтын төрийн сангаас мэдээллээ.
-
2015 оны 11 сарын 13
Нийслэлийн Засаг дарга “Хөрөнгө гаргах тухай” А/879 дугаар захирамж гаргалаа. Захирамжаар нийслэлийн төсвийн хөрөнгөөр 2015 онд санхүүжсэн Гэр хорооллын айл өрхийг цахилгаан эрчим хүчээр хангах, хүчдэлийн уналтыг сайжруулах ажлын хэмнэлт хөрөнгөөр Сонгинохайрхан дүүргийн 31 дүгээр хорооны 19, 20 дугаар гудамжны айл өрхүүдийг цахилгаан эрчим хүчээр хангах 20,000,000 төгрөгийн худалдан авах ажиллагааг холбогдох хууль журамд нийцүүлэн хэрэгжүүлэхийг Улаанбаатар хотын Захирагчийн ажлын албаны дарга Б.Бадралд үүрэг болголоо. Хөрөнгө оруулалтын ажлыг гүйцэтгэлээр санхүүжүүлэхийг Нийслэлийн Засаг даргын Тамгын газрын Санхүү, төрийн сангийн хэлтэс, захиалагчийн хяналт тавьж ажиллахыг нийслэлийн Хөрөнгө оруулалтын газар, хөрөнгө оруулалтаар бий болсон хөрөнгийг нийслэлийн өмчид бүртгэн авч, эзэмшилт, ашиглалтын байдалд хяналт тавьж ажиллахыг нийслэлийн Өмчийн харилцааны газарт даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 13
850 сурагч иргэний андгай өргөнө
-
2015 оны 11 сарын 13
Энэ сарын 14,16-нд зарим газраар, 15-нд ихэнх нутгаар, 17-нд баруун зүгийн нутгаар цас орно.
Салхи 14-нд ихэнх нутгаар түр зуур секундэд 18-20 метр, 15,16-нд говь талын нутгаар секундэд 14-16 метр хүрч шороон болон цасан шуурга шуурна. Хүйтэрч Дархадын хотгороор шөнөдөө 27-32 градус, өдөртөө 17-22 градус, Хангай, Хөвсгөл, Хэнтэйн уулархаг нутаг, Орхон, Сэлэнгэ, Хараа, Ерөө, Туул, Тэрэлж голын саваар шөнөдөө 20-25 градус, өдөртөө 8-13 градус, говийн бүс нутгийн өмнөд хэсгээр шөнөдөө 7-12 градус хүйтэн, өдөртөө 3 градус хүйтнээс 2 градус дулаан, бусад нутгаар шөнөдөө 13-18 градус, өдөртөө 4-9 градус хүйтэн байна хэмээн Ус цаг уур орчны хүрээлэнгээс мэдээллээ.
-
2015 оны 11 сарын 13
АНУ-ЫН КОНГРЕССЫН ГИШҮҮД МОНГОЛЫН ЭНХИЙГ САХИУЛАГЧИДТАЙ УУЛЗЛАА
-
2015 оны 11 сарын 13
Хууль зүйн сайдын 2015 оны А/93 тоот тушаалын дагуу Хууль зүйн сайдын эрхлэх асуудлын хүрээний агентлаг, байгууллагын дарга, дэд дарга нар болон ОБЕГ-ын удирдлагуудад зориулсан “Стратегийн дамжаа”-ны сургалт Улсын ерөнхий прокурорын газрын дэргэдэх Сургалт судалгааны төвд 2015 оны 11 дүгээр сарын 11-ний өдөр эхэллээ.
Тус сургалтанд “Хууль зүйн салбарын бодлого” сэдвээр Хууль зүйн сайд Д.Дорлигжав, “Монгол улсын эдийн засгийн хөгжлийн стратегийн асуудал” сэдвээр Ерөнхий сайд асан, эдийн засгийн ухааны доктор, профессор Д.Бямбасүрэн, “Үндсэн хуулийн байгуулал ба төрийн удирдлагын тулгамдсан асуудал” сэдвээр Үндсэн хуулийн цэцийн дарга, академич, хууль зүйн шинжлэх ухааны доктор, профессор Ж.Амарсанаа нар лекц уншлаа.
Сургалтын зорилго нь удирдах ажилтны удирдахуйн онолын мэдлэгийг сэргээх, стратегийн түвшний шийдвэр гаргах ур чадварыг дээшлүүлэх, байгууллагыг удирдах, төлөөлөх мэргэжлийн ёс зүйн хандлагыг төлөвшүүлэхэд оршиж буй юм..
Сургалтыг “Удирдахуйн онол-төрийн удирдлагын тулгамдсан асуудал”, “Аюулгүй байдлыг хангах стратегийн удирдлагын тулгамдсан асуудал”, “Байгууллагын стратегийн удирдлагын тулгамдсан асуудал” гэсэн 3 чиглэлээр явагдана. Сургалт 2015 оны 12 дугаар сарын 24-ний өдрийг хүртэл хоёр сарын хугацаанд үргэлжлэх бөгөөд долоо хоног бүрийн пүрэв гарагт хичээллэх юм.
”Стратегийн дамжаа”-ны сургалтанд Цагдаагийн ерөнхий газрын дарга, тэргүүн комиссар Р.Чингис, тэргүүн дэд дарга, тэргүүн дэд комиссар Ц.Батсүх, дэд дарга, дэд комиссар Ж.Буянбат, Ц.Ням-Очир нар хамрагдаж байна.
-
2015 оны 11 сарын 13
Цагдаагийн ерөнхий газрын Олон нийт-цагдаагийн хамтын ажиллагааны төв, Улаанбаатар хотын цагдаагийн газар хамтран олон нийтийн цагдаагийн ажилтнуудыг чадавхжуулах, ажилд хандах хандлагыг нэмэгдүүлэх, бие бялдрын бэлтгэлжилтийг дээшлүүлэх, чөлөөт цагийг зөв боловсон өнгөрүүлэх зорилгоор “Сагсан бөмбөг”-ийн тэмцээнийг зохион байгууллаа.
Тус тэмцээнд Цагдаагийн хэлтэс тус бүрээс холимог баг бүрдүүлэн өрсөлдсөнөөс Сонгинохайрхан дүүрэг дэх цагдаагийн 3-р хэлтэс алт, Баянгол дүүрэг дэх цагдаагийн 2-р хэлтэс мөнгө, Сүхбаатар дүүргийн цагдаагийн 2-р хэлтэс хүрэл медаль тус тус хүртлээ.
Нийтийн хэв журам хамгаалах албаны даргын нэрэмжит “Шилдэг тоглогч”-ийн шагналыг П.Солонго, Г.Жанчивдорж нар хүртсэн юм.
-
2015 оны 11 сарын 13
МХЕГ-ын Хил, хорио цээрийн хяналтын газраас өрнүүлж буй ”ХҮНИЙ ТӨЛӨӨ-ХИЛИЙН ХЯНАЛТ” сарын аяны хүрээнд энэ сарын 11-нд “Хил дээр хүний халдварт өвчний сэжиг илэрсэн үед авах хариу арга хэмжээ” сэдэвт ширээний дасгал сургуулилт, “Хилийн боомтод цацрагтай холбоотой онцгой байдал үүссэн үед хамтран ажиллах нь” сэдэвт сургалтыг “МИАТ” ХК-ний хурлын зааланд зохион байгууллаа.
Боомтод үйл ажиллагаа явуулдаг байгууллагуудын хамтын ажиллагааг сайжруулах, халдварт өвчний сэжиг илэрсэн үед халдварыг дамжин тархаахгүй ажиллах багийн ажиллагаанд албадыг дадлагажуулах зорилгоор тус сургалтыг Буян-Ухаа боомт дахь Хилийн мэргэжлийн хяналтын албанаас зохион байгуулж, ДЭМБ, МХЕГ, ОБЕГ, ТЕГ, ХӨСҮТ, ЗӨСҮТ, Чингис хаан олон улсын нисэх буудал, Буянт-Ухаа боомт дахь Гаалийн газар, Хилийн 0218 дугаар анги, Иргэний харъяалал шилжилт хөдөлгөөний газрын Буянт-Ухаа дахь газар, Иргэний агаарын тээврийн цагдаагийн хэлтэс, олон улсын нислэг үйлддэг 8 авиа компани, НМХГ-ын Экспорт, импортын хэлтэс зэрэг байгууллагын 70 гаруй ажилтан албан хаагчдыг хамруулав.
Сургалтыг зохион байгуулснааролон улсын хөл хориот халдварт өвчин Монгол Улсын агаарын хилээр дамжин тархахгүй байхад чухал ач холбогдолтой бөгөөд Буянт-Ухаа боомтод хамтран ажилладаг байгууллагуудын багаар ажиллах чадвар сайжирч байгааг холбогдох байгууллагаас дүгнэлээ.
-
2015 оны 11 сарын 13
Нийслэлийн иргэд өөрсдийн оршин суугаа нутаг дэвсгэрийн аюулгүй амьдрах орчин нөхцөлийг бүрдүүлэх, гэмт хэрэг, зөрчлийг бууруулах, урьдчилан сэргийлэх зорилгоор сайн дурын үндсэн дээр нэгдэж, энэ чиглэлээр нутгийн захиргааны байгууллага болон цагдаагийн байгууллагтай хамтран ажиллах тогтолцоог бүрдүүлэхээр Нийслэлийн ИТХ-ын Тэргүүлэгчдийн 2015 оны 07 дугаар сарын 03-ны өдрийн 126 дугаар тогтоолоор “Хөршийн хяналтын хөтөлбөр”, “Хөршийн хяналтыг хэрэгжүүлэх журам”-ыг баталсан.
Хөтөлбөрийн хүрээнд хийж хэрэгжүүлээд буй зарим ажлуудыг танилцуулж байна.
Нийслэлийн 152 хороонд “Хөршийн өдөр” арга хэмжээг 08 дугаар сарын 22-ны өдөр зохион байгуулж, 67500 гаруй иргэн хамрагдсан байна. Хөршийн хяналт хөтөлбөрийг хэрэгжүүлж эхэлснээр нийт 335 хөршийн хяналтын бүлэг байгуулан ажиллаж ба гэмт хэргээс урьдчилан сэргийлэх ажилд иргэдийг оролцуулах, дүүрэг, хорооны оршин суугчид хоорондоо танилцах, харилцан мэдээ, мэдээлэл солилцох нөхцөл бүрджээ. Нийслэлийн хэмжээнд нийтийн хэв журам хамгаалах,олон нийтийн аюулгүй байдлыг хангах, гудамж талбайд хяналт тавих чиглэлээр 2010 оноос эхлэн улсын болон орон нутгийн төсвийн хөрөнгө оруулалт, хөнгөлөлттэй зээлээр нийслэл хот, алслагдсан 3 дүүргийн нутаг дэвсгэрт нийт 1222 хяналтын камертай 18 төрлийн бие даасан теле хяналтын системүүдийг суурилуулсан байна. 2015 оны эхний 10 сард олон нийтийн цагдаагийн ажилтнуудаас хэсгийн байцаагчтай хамтран гэмт хэрэг үйлдэгдэж болзошгүй 1610 газар, эмзэг цэгийн судалгаа, объектын 65, субъектийн 50 төрлийн бүртгэл, судалгааг хийж, хорихоос өөр төрлийн ял шийтгэлтэй 2300 иргэнд дахин гэмт хэрэг, зөрчилд холбогдохоос урьдчилан сэргийлэх зөвлөгөө өгч ажиллажээ. Мөн нийслэлийн 152 хороонд байрлалтай 102 хотхон, орон сууцны 44 хорооллын 1779 байрыг хариуцсан сууц өмчлөгчдийн 519 холбооны идэвхтэн гишүүд, хорооны хэсгийн 1800 ахлагч, орон сууцны харуул хамгаалалтад ажилладаг 65 аж ахуйн нэгж, 335 хөршийн хяналтын бүлгийн гишүүд, цагдаагийн алба хаагчидтай хамтран хариуцсан хороодын нутаг дэвсгнэрт гэмт хэргээс урьдчилан сэргийлэх ажил хийж байна. Үүрэг гүйцэтгэх хугацаанд гудамж талбай, олон нийтийн газар архидан согтуурч танхайрсан 850, иргэдийн амгалан тайван байдал алдагдуулсан 1665, гэр бүлийн хүчирхийлэл үйлдэн танхайрсан 498, нийт 3013 дуудлага, мэдээллийг шалган шийдвэрлэхэд оролцож, зөрчил гаргасан 15 мянган иргэнд хууль тогтоомж биелүүлэх шаардлага тавьж, цагдаагийн байгууллагад хүргэн зөрчлийг шийдвэрлүүлж, 27 гэмт хэргийг илрүүлж, 185 хэргийн газрыг хамгаалалтад авч ажилласан байна. Гэмт хэрэг, зөрчлөөс урьдчилан сэргийлэх чиглэлээр 64 төрийн болон төрийн бус байгууллагатай хамтран их, дээд сургуулийн 23 мянган сурагч, цэцэрлэгийн 3,6 мянга гаруй хүүхдийн дунд уулзалт өдөрлөг зохион байгуулж, “School police”-ийн эргүүлээр ажилласан 38 мянган эцэг, эхчүүдэд мэргэжил арга зүйн зөвлөгөөг өгчээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 13
Замын түгжрэлийг утаснаасаа харна
