-
2015 оны 11 сарын 05
Нийслэлийн ИТХ-ын дарга Д.Баттулга нүүрс боловсруулах, утаагүй түлш үйлдвэрлэдэг “МБР” ХХК-ийн төлөөллийг хүлээн авч уулзлаа.
“МБР” ХХК-ийн зүгээс “Нүүрс боловсруулах, утаагүй шахмал түлш үйлдвэрлэх үйлдвэр”-ийн төслийг хэрэгжүүлэх гэж байгаа бөгөөд уг түлшийг нийслэлд борлуулахад хамтран ажиллахыг хүслээ. Нийслэлийн ИТХ-ын дарга Д.Баттулга утаагүй түлш нь Улаанбаатар хотын агаарын бохирдлыг бууруулахад хувь нэмэр оруулж, бодит ажил болж чадвал түлшийг борлуулахад дэмжлэг үзүүлж, түлш борлуулах цэг байгуулж дэмжиж ажиллана гэдгээ илэрхийллээ.
Уг төсөл нь Улаанбаатар хотод нэн даруй тулгамдсан асуудал болох агаарын бохирдлыг бууруулах зорилготой бөгөөд орчин үеийн технологиор утаагүй түлш үйлвдэрлэн гаргах юм. Утаагүй түлшийг Монгол Улсын стандарттай харьцуулахад зуухны яндангаар гарах нийт тоосонцорын хэмжээ 27.8 дахин бага, Угаарын хий 2.3 дахин бага, Хүхрийн давхар исэл болон Хүхэрт устөрөгч 1.05 дахин бага байна. Мөн тус технологи нь нүүрсний илчлэгийг 1500-2000 ккал/кг-аар нэмэгдүүлж, агаарын бохирдлыг 60 хүртэлх хувиар бууруулах давуу талтай гэдгийг төсөл хэрэгжүүлэгчид хэллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 05
Л.Давгыг ажлаас нь чөлөөлжээ
-
2015 оны 11 сарын 05
Т.Аюурсайхан:
Нэр бүхий шүүгч нарыг шалгуулахаар боллоо
-Банкны нэг хувийн шимтгэл нь хууль ёсных гэсэн шийдвэр Захиргааны хэргийн шүүхээс гарлаа. Өмнө нь хууль бус гэсэн шийдвэр гарч байсан. Яагаад ийм зөрүүтэй шийдвэр гарав аа?
Өнгөрсөн 10 сарын 26-ны өдөр Захиргааны хэргийн анхан шатны шүүх хурал болж банкны нэг хувийн шимтгэл нь хууль бус байна хэмээн тогтоосон ШӨХТГ-ын улсын байцаагчийн шийдвэрийг хүчингүй болголоо. Өмнөх хоёр шатны шүүхээр нэг хувийн шимтгэл нь хууль бус гэсэн ШӨХТГ-ын улсын байцаагчийн шийдвэрийг хүлээн зөвшөөрч банкуудын эсэргүүцэж гаргасан нэхэмжлэлийг хэрэгсэхгүй болгосон. Энэ хэргийг Дээд шүүхээс эргүүлээд анхан шат руу дахиад шилжүүлсэн. Яг ижил шатны шүүхээс ижилхэн хэрэг дээр хоёр өөр шийдвэр гарч байгааг та бид бүгдээрээ харж байна. Иймд энэ шийдвэрийг нэг талыг барихгүйгээр ашиг сонирхлын зөрчилгүйгээр шударгаар шийдсэн үү гэдэг дээр эргэлзээ гарч олон нийтэд тодорхой мэдээлэл өгөхөд хүрлээ.
-Шүүх хурал дээр нэг хувийн шимтгэлийн улмаас хохирсон хүмүүс байгаа юм уу гэж асууж байсан гэсэн. Үүн дээр таны байр суурийг асууя?
Харин би наад дээр чинь хариулт өгье гэж бодож байсан юм. Шүүх хурал дээр нэг хувийн гэгдээд байгаа шимтгэл нь өрсөлдөөнийг яаж хязгаарласан юм бэ, үүний улмаас хэн хохирсон юм бэ гэдгийг асуусан. Өнөөдөр банкнаас зээлгүй хүн байгаа юмуу гэж эргүүлээд асууя. Төрийн албан хаагчид, бизнес эрхлэгчид, иргэд, тэтгэвэрийнхэн гээд бүгд банкнаас зээл авдаг. Энэ хүмүүсийг хохирсон байна аа гэдгийг манай улсын байцаагч нарын дүгнэлтээр тогтоосон. Шүүгчдийн өндөр цалингийн талаар хэвлэл мэдээллээр байнга мэдээлж байна. Тэдний өндөр цалинг нийгмийн даатгалын шимтгэл, хүн амын орлогын албан татвар, бусад татварууд төлдөг төрийн албан хаагч, бизнес эрхлэгчид, өндөр настнууд, жирийн иргэд бүрдүүлдэг. Тэгвэл энэ хүмүүс бүгд хохироод байна.
-Одоо танай газраас ямар арга хэмжээ авахаар төлөвлөөд байна?
Өнгөрсөн зургаан сард болсон дээд шүүхийн хуралдаанд сэтгүүлчид оролцох бололцоог хангаж өгсөнөөр та бүхэн үнэн мөнийг өөрсдийн нүдээр харсан. Дээд шатны хуралдааны даргалагч нь өмнө нь Худалдаа хөгжлийн банкны хууль эрх зүйн газрын захирлаар ажиллаж байсан хүн гэдгийг бид олж мэдсэн учраас солихыг шаардсан юм. Энэ хүнийг солингуут ХХБ-аас дээд шүүхийн хуралдааныг хойшлуулах хүсэлтийг тавьсаныг сэтгүүлчид та бүхэн харсан. Тэгээд тус шатны хурал хойшлоод дараа нь анхан шат руу буцаасан. Гэтэл саяын анхан шатны шүүхээс өмнөх шийдвэрээс өөр шийдвэр гарлаа. Тиймээс ШӨХТГ-аас Авлигатай тэмцэх газар болон Шүүхийн ерөнхий зөвлөл рүү нэр бүхий шүүгчдийг ашиг сонирхлын зөрчилтэй эсэхийг тогтоолгохыг хүсэж албан тоот явуулж байна. Өөрөөр хэлбэл тус шүүгчид нэр бүхий банкнуудаас зээлтэй эсэх, зээлтэй бол хөнгөлөлттэй нөхцөл болон барьцаа хөрөнгөөр авсан эсэх, бусдад тавьдаг нөхцөлөөс илүү хөнгөлөлттэй байгаа эсэх, зээлээ төлж байна уу үгүй гэдгийг шалгуулахаар болоод байна. Яагаад гэвэл Шүүхийн ерөнхий зөвлөлөөс шүүгчид 24,5 тэрбумын зээлтэй байна, Монгол улсын 485 шүүгчийн 430 нь 1-3 төрлийн зээлтэй, хамгийн ихдээ 200-гаас дээш сая төгрөгийн зээлтэй шүүгч байгаа гэсэн мэдээлэл өгсөн. Тус байгууллагаас хараат бус шүүгчдийн тухай бус өр зээлдээ баригдсан шүүгч нарынхаа тухай толгойгоо гашилгадаг боллоо гэж мэдээлэл өгч байгаа нь эргэлзээ төрүүлж байна. Иймд нэр бүхий шүүгчийн өр зээлийн харилцааг тодруулахгүйгээр банкуудтай холбоотой энэ хэрэг хараат бусаар шийдэгдсэн гэж үзэхгүй байгаа учраас шалгуулахаар болоод байгаа юм.
-Танай газрыг банкуудыг шалгах эрхгүй гэсэн байсан. Үнэхээр шалгах эрх байдаггүй юм уу?
Банкны холбооноос өнөөдрийг болтол нэг хувийн шимтгэлтэй холбоотой асуудлаар хэвлэл мэдээллийн байгууллагаас хэвлэл мэдээллээр ташаа мэдээлэл гаргаж байна. Мөн Монгол улсын Ерөнхий сайдад ШӨХТГ хууль бусаар банкуудыг шалгаж, үүнийг зогсоож өгнө үү гэсэн албан тоотыг илгээсэн байна. Хамгийн гол нь Монгол банк банкуудын үйл ажиллагаан дээр хяналт тавих чиг үүрэгтэй байтал төрийн байгууллагаас банкнуудын үйл ажиллагаа доголдтой, Өрсөлдөөний тухай болон Хэрэглэгчийн эрхийг хамгаалах тухай хуулийн тодорхой зүйл заалтыг зөрчсөнийг илрүүлээд байхад Монгол банкны ерөнхийлөгч Н.Золжаргал Ерөнхий сайд болон Шадар сайдад ШӨХТГ нь банкуудыг хууль бусаар шалгаад байна, зохих арга хэмжээг авч өгнө үү гэж албан ёсоор хүссэн байх юм. ШӨХТГ нь Өрсөлдөөний тухай хуульд заасны дагуу шалгах эрхтэй. Шалгах эрхтэй гэдгийг 2012.02.20-ны өдрийн Захиргааны хэргийн шүүхийн шийдвэрт тодорхой тэмдэглэсэн байдаг. Уг тэмдэглэлд ШӨХТГ нь арилжааны банкуудын үйл ажиллагаанд хяналт шалгалт хийх, Өрсөлдөөний тухай хуулиар хориглосон үйл ажиллагаа явуулсан эсэх, хэрэглэгчийн эрхийг хохироосон тохиолдолд арга хэмжээ авах, захиргааны хариуцлага ногдуулах эрх хэмжээтэй байна гэж шүүхийн шийдвэр гарсан. Үүнийг нь баталгаажуулж 2015.03.11-ны Захиргааны хэргийн шүүхээс дахин ижил шийдвэр гарсан. Тиймээс манай байгууллага иргэд хэрэглэгчид, аж ахуй хэрэглэгчдийн төлөө хуульд заасан чиг үүргийнхээ дагуу ажлаа явуулж байгаа. Манай байгууллагад банкууд хэрэглэгчдээс өндөр хураамж, шимтгэл, төлбөр авч байна гэсэн гомдол байнга ирүүлдэг. Нэг зүйлийг онцлоод хэлэхэд өнөөдрийн хямралтай байгаа нөхцөлд өндөр байшингаа нураагаад илүү өндөр цамхаг барьдаг газар банкнаас өөр алга. Банкууд иргэд хэрэглэгчдээ бодох цаг болсон гэдгийг хэлмээр байна.
-Тэгвэл танайх дахиад давж заалдана гэж ойлгож болох нь ээ?
Давж заалдана. Манайх 9 банктай хүч тэнцвэргүй тэмцэл өрнүүлж байна. Банкууд бүгд хуулийн багтай байхаас гадна өмгөөлөгчдийг хөлслөн авсан байна. Иймд Монгол улсад шилдэг гэж үнэлэгддэг өмгөөлөгчид болон хуульчид иргэд хэрэглэгчдийн төлөө манай байгууллагатай хамтран ажиллаач гэж урьж байна.
-
2015 оны 11 сарын 05
“Найрсаг Улаанбаатар” хөтөлбөрт 460 гаруй мянган иргэн хамрагджээ
-
2015 оны 11 сарын 05
Нийслэлийн Засаг дарга бөгөөд Улаанбаатар хотын Захирагч Э.Бат-Үүл Сонгинохайрхан дүүргийн 23-р хорооны иргэдтэй “Гэр хорооллын газрыг шинэчлэн зохион байгуулах төсөл”-ийн талаар уулзаж, санал солилцлоо.
Газар шинэчлэн зохион байгуулалт гэдэг нь газар өмчлөгч иргэд нэгдэн нийлж, өөрсдийн амьдардаг орчноо сайжруулах зорилгоор тодорхой төсөл боловсруулж, хэрэгжүүлэх үйл ажиллагаа юм. Гэр хорооллыг инженерийн болон нийгмийн дэд бүтэцтэй амины орон сууцны хороолол болгон хөгжүүлэх зорилго бүхий “Гэр хорооллын газрыг шинэчлэн зохион байгуулах үйл ажиллагааны журам”-ыг НИТХ-ын 2015 оны 1 дүгээр сарын хуралдаанаар хэлэлцэн баталсан. Журмын дагуу төвийн 6 дүүргийн 8 байршилд газар шинэчлэн зохион байгуулах төслийг тухайн хороонд оршин суух иргэдийн түр зөвлөлтэй хамтран боловсруулаад байгаа юм.
СХД-ийн 23-р хороо, Хангай зах орчмын гэр хороололд 3 000 гаруй өрх айл оршин суудаг ч ойр орчимд нь сургууль, цэцэрлэг байхгүй, хүүхдүүд нь хамгийн ойрдоо 2 км зайг туулж, сургууль цэцэрлэгтээ хүрдэг байна. Тиймээс тухайн хороонд оршин суудаг 300 өрх айл нэгдэж, “Оргил” иргэдийн түр зөвлөлийг 2 жилийн өмнө байгуулжээ. Тэд хашааны газраа шинэчлэн зохион байгуулах замаар инженерийн дэд бүтэцтэй, сургууль цэцэрлэгтэй, 1800 айлын орон сууц барих төслийг эхлүүлсэн байна. Нийслэлийн Засаг дарга эдгээр иргэдтэй өмнө нь хоёр удаа уулзаж, хэсэгчилсэн төлөвлөлтийг хийж, эхний 8 байршлын ажлын зургийг хийх хөрөнгийг хотоос санхүүжүүлэх, иргэд нэгдэж хашааны газраа банкинд барьцаалан их хэмжээний зээл авах эрх зүйн орчинг бий болгоно гэдгээ амлаж байсан юм.
Өчигдөр болсон уулзалтын үеэр нийслэлийн Засаг дарга энэхүү амлалтуудаа иргэдэд сануулаад, хашааны газраа иргэд барьцаалж зээл авах боломжийг бүрдүүлсэн хуулийг УИХ-аас энэ оны 7 сард батлуулсан гэдгийг дуулгалаа. Мөн “Хэдийгээр эрхзүйн орчин бүрдэж, газар шинэчлэн зохион байгуулах төсөл хэрэгжих боломжтой болсон ч энэ асуудлыг хэтэрхий их улстөржүүлэн зарим нам, эвслээс энэхүү хуулийг хууль зөрчсөн гэж үзэж “Үндсэн хуулийн цэц”-д өргөн барьсан. Тиймээс цэцийн дүгнэлт гартал төслийн ажил удааширч болзошгүй” гэж нийслэлийн Засаг дарга иргэдэд сануулав.
Иргэдийн зүгээс “Бид өөрсдөө санаачлан амьдрах орчноо сайжруулж, өмчлөлийн газраа эдийн засгийн эргэлтэд оруулахаар зүтгэж байхад энэ асуудлыг улс төржүүлж, нөхцөл байдлыг хүндрүүлж байгаа УИХ-ын зарим гишүүдэд харамсаж байна. Мөн бид ямар ч үед өөрдсийн боловсруулсан төслөө хэрэгжүүлэхийн төлөө явна” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 05
2015 оны 11 дүгээр сарын 4-ний өдөр Улаанбаатар хотын Замын цагдаагийн газрын ЖШУХ дээр нийт 349 дуудлага мэдээ мэдээлэл хүлээн авснаас зам тээврийн ослын 251 дуудлага бүртгэгдсэн байна. Үүнээс ХАБАЖЭГХэрэг 9 бүртгэгдэж 12 хүн хүнд хөнгөн гэмтсэн үүнээс жолооч-3, явган зорчигч-5, зорчигч-4. Хүүхэд зам тээврийн осолд өртсөн 2 үүнээс сургуулийн өмнөх насны 1, сургуулийн насны 1, согтууруулах ундааны зүйл хэрэглэсэн үедээ хөдөлгөөнд оролцсон жолооч 2, явган зорчигч 0. Согтуугаар тээврийн хэрэгсэл жолоодсон 77 жолоочийг журамлан гарч болзошгүй осол хэргээс урьдчилан сэргийлсэн.
-
2015 оны 11 сарын 05
Хил давж хадлан хадсан зөрчил илэрсэн. Гэхдээ тийм их газар аваагүй. Бас хэвлэлээр гарсан шиг Хятад цэрэг Монгол цэргүүдэд буу тулгаж, иргэдээ авч явсан асуудал болоогүй. Хил давж хадлан хадсан зөрчлийг Хил хамгаалах байгууллагаас шалгаж, холбогдох газарт шилжүүлсэн гэх мэдээлэл өгсөн.
Muugii
Хил зөрчигчдийг хуулийн дагуу хариуцлага хүлээлгэхээр хоёр улсын хил хамгаалах байгууллагууд ажиллаж байга гсэн
-
2015 оны 11 сарын 05
ИХ-ын нэгдсэн чуулганаар өршөөлийн тухай хуулийг эцэслэн баталсан. Улмаар 2500 гаруй хоригдол энэхүү хуульд хамрагдан эрх чөлөөтэй болж байгаа юм. Тэднийг энэ долоо хоногт багтаан суллаж дуусна. Хоригдлуудыг суллах, гэрт нь хүргэх болон бусад зардалд улсын төсвөөс нийт 130 гаруй сая төгрөг зарцуулж байгаа юм. Ингээд Өршөөлийн хуулийн хэрэгжилтийн талаар ШШГЕГ-ын дэд дарга, хурандаа Г.Туулхүүгээс тодрууллаа.
-Өршөөлийн хууль яг хэзээнээс хэрэгжиж, хоригдлуудыг суллаж байна вэ?
-Өршөөлийн хуульд хамрагдаж буй иргэдийг өчигдрөөс эхлэн шүүхээс суллаж байна. Суллах үйл ажиллагаа энэ баасан гараг хүртэл үргэлжилнэ. Орон нутагт суллагдсан ялтнуудыг Улаанбаатар луу тээвэрлэх үйл ажиллагаа өнөөдөр явагдаж байна. Ялтнуудыг нэгдсэн журмаар Зайсан дахь хорих 401 дүгээр ангид авчран нутаг орон руу нь явуулна.
-Жишээ нь, нутгаасаа өөр аймагт ял эдэлж байгаа ялтныг яаж хүргэж өгнө гэсэн үг вэ?
-Хэнтий аймагт ял эдэлж байгаа Увс аймгийн харьяат иргэн байх юм бол түүнийг өнөөдөр Хэнтийгээс Улаанбаатар хотод авчирна. Тэгээд маргааш Увс аймаг руу хүргэн тээвэрлэх ажиллагаа явагдана. Харин зүүн бүсийн нутагт амьдардаг ялтан тухайн бүсэд байгаа хорих ангид ял эдэлж байвал заавал Улаанбаатарт авчралгүйгээр тэндээс нь орон нутаг руу нь хүргэнэ.
-Нийт хэчнээн хоригдол суллагдаж байгаа вэ. Түүнээс хэд нь хөдөө орон нутгийн иргэд байна вэ?
-Одоо хоригдож байгаа 6000 гаруй ялтнаас 3000 орчим нь Өршөөлийн хуульд хамрагдаж байна. Эдгээрээс 2000 орчим ялтан суллагдана. Суллагдаж байгаа ялтнуудын 800-900 нь нийслэлд, бусад нь хөдөө орон нутагт хүргэгдэнэ.
-Хуулийн хэрэгжилтийг хоёр төрлөөр хэрэгжүүлнэ гэсэн. Нэг нь хорих ял эдэлж байгаа нөгөө нь цагдаагийн байгууллагын хяналтад байгаа этгээдүүдэд хамаарна. Тэгэхээр цагдаагийн хяналтад байгаа хүмүүсийг Өршөөлийн хуульд хэрхэн хамруулах вэ?
-Энэ хууль 2015 оны долоодугаар сарын 02-ноос өмнө үйлдэгдсэн бүх зөрчил гэмт хэрэгт үйлчилж байгаа. Хориг тавигдаагүй байсан учир захиргааны зөрчлийн шинжтэй арга хэмжээнүүд өмнө нь шийдэгдсэн гэж ойлгож болно. Эрүүгийн гэмт хэргийн шинжтэй, ял шийтгэлтэй улсуудын хэргийг хоёр хуваагаад өршөөлийн үйл ажиллагаа явуулж байна. Эхний ээлжид хорих ял эдэлж байгаа хүмүүсийг энэ долоо хоногт багтаан шийдвэрлэнэ. Хоёрдугаарт, хорихоос өөр төрлийн ял эдэлж байгаа хүмүүсийн асуудлыг хууль гарснаас хойш түр түдгэлзүүлсэн байгаа. Эдгээрт өршөөл үзүүлэх ажиллагаа мөн шүүхээр шийдэгдэх учраас ирэх долоо хоногоос шийдвэрлэнэ.
-Насанд хүрээгүйчүүдийн хорих ангид хичнээн хүүхэд ял эдэлж байгаа вэ. Түүнээс хэд нь суллагдаж байгаа вэ?
-Хүүхдийн хорих ангид ял эдэлж байгаа 27 хүүхдийн долоод нь энэ хууль үйлчлэхгүй. Харин үлдсэн 20 хүүхэд нь суллагдана.
-
2015 оны 11 сарын 05
Улаанбаатар хотын Замын хөдөлгөөний удирдлагын төв, Нийслэлийн Замын цагдаагийн газартай хамтран зөрчил илрүүлэгч хяналтын камерын тусламжтайгаар замын хөдөлгөөний дүрэм зөрчсөн жолооч нарт хариуцлага тооцон ажиллаж байна. 2015 оны 11-р сарын 03-ны өдөр 350 зөрчил бүртгэгдсэн байна. Үүнээс улаан гэрлэн дохионы 126 зөрчил бүртгэгдсэн бол хурд хэтрүүлсэн 224 зөрчил бүртгэгджээ. “Замын хөдөлгөөний хяналтын камераар илрүүлсэн зөрчилд хариуцлага тооцох журам”-ыг мөрдөж эхэлснээс хойш гарч болзошгүй зам тээврийн ослоос урьдчилан сэргийлж, замын хөдөлгөөний зөрчил буурч байна.
-
2015 оны 11 сарын 04
нөөдөр Нийгмийн даатгалын ерөнхий газраас цагдаагийн байгууллагын дээрх мэдээллийг үндэслэлгүй гэж үгүйсгэн, тайлбар хийлээ. Тэд шүүхээр нотлогдож, гэм буруу нь тогтоогоогүй асуудлаар ташаа мэдээлэл түгээж, нийгмийн даатгалын байгууллагын ажилтнуудын нэр хүндэд халдаад зогсохгүй, даатгуулагч, ажил олгогчдын итгэл найдварыг алдагдуулан, орлого бүрдүүлэлтээс эхлээд тус байгууллагын хэвийн үйл ажиллагаанд саад учруулах аюултай гэж мэдэгдэв. Зээл олголтын асуудал бол зөвхөн арилжааны банкны шийдэх асуудал. Манайхаас орж нөлөөлөх боломж байхгүй. Дээр нь манайхаас гаргасан статистик судалгаагаар жилд дунджаар 12 мянган тэтгэвэр авагч нас барж, оршуулгын тэтгэмж авдаг. Үүний 9.5 мянга нь өндөр насны тэтгэвэр авагч байхад 10 мянган хүний тэтгэврийг үргэлжлүүлэн олгоно гэдэг боломжгүй.
Нийгмийн даатгалын сангийн хөрөнгийг хяналтгүй зарцуулдаг, хариуцлагагүй үйлдэл манай хамт олон гаргаагүй гэж Нийгмийн даатгалын албан хаагчдын төлөөлөл тайлбар хийв.
-
2015 оны 11 сарын 04
Хөгжлийн бэрхшээлтэй иргэдийн аюулгүй байдлыг хангах, аюулт үзэгдэл техникийн холбогдолтой ослын үед хэрхэн авран хамгаалах чиглэлээр нийслэлийн Онцгой байдлын газраас өнөөдөр Хараагүйчүүдийн үндэсний холбоотой хамтран сургалт дадлагыг зохион байгууллаа.
Нийслэлийн удирдлагууд “Хөгжлийн бэрхшээлтэй иргэдтэй зөвлөлдөх уулзалт”- ыг 2015 оны 10 дугаар сарын 21-ний өдөр зохион байгуулж уулзалтаас хөгжлийн бэрхшээлтэй иргэдийн ажиллаж амьдрах нөхцөлийг хангахад чиглэгдсэн санал, санаачлагууд гарсан. Тухайлбал төрийн үйлчилгээний байгууллагууд ажлын 7 хоногийн 3 дах өдөр бүрийг хөгжлийн бэрхшээлтэй иргэдийг хүлээн авдаг өдөр болгох, нийслэлийн Засаг Даргын дэргэд хөгжлийн бэрхшээлтэй иргэдийн асуудал хариуцсан зөвлөл байгуулах, мөн 2016 оны төсөвт НЗДаргын дэргэд хөгжлийн бэрхшээлтэй иргэний асуудал хариуцсан байнгын ажиллагаатай алба байгуулах зэрэг санал санаачлагууд гарч хэрэгжүүлэх шатандаа байгаа билээ.
Нийслэлийн Онцгой байдлын газраас жил бүр хараагүй иргэдийн байгууллагатай хамтран аюулгүй байдлыг хангах чиглэлээр сургалт сурталчилгааны ажлыг зохион байгуулдаг.
Монголын хараагүйчүүдийн үндэсний холбоо, сургалт арга зүйн төв, эсгийний үйлдвэр, цаасан уутны үйлдвэр, мужааны цех, хэвлэх үйлдвэр, 25, 29, 70 дугаар тусгай сургуулийн 309 ажилтан, 53 багш, 269 хүүхэд нийт 631хүн оролцуулан гамшгаас урьдчилан сэргийлэх танхимын сургалт явуулж, гамшгийн үед аюулгүй зай талбайд гарах биет дадлагыг Монголын хараагүйчүүдийн үндэсний холбооны байр, 25, 29, 70 дугаар тусгай сургуулийн байранд нийслэлийн аврах ангийн 2 авто машин 9 албан хаагч, Хан-Уул дүүргийн Онцгой байдлын хэлтсийн аврах гал унтраах 14 ангийн 2 авто машин 13 албан хаагч, Сүхбаатар, Баянгол дүүргийн Гал түймрийн улсын хяналтын ахлах байцаагч, гал түймрийн улсын хяналтын байцаагч сургалт сурталчилгаа урьдчилан сэргийлэх асуудал хариуцсан мэргэжилтэн нартай хамтран зохион байгуулан ажиллалаа .
Дадлага сургуулийн зорилго нь хөгжлийн бэрхшээлтэй иргэд, тусгай сургуулийн сурагч, хүүхдүүдэд гамшиг ослын талаарх мэдлэг олгох, гамшгийн аюулын тухай зарлан мэдээллийн дохио хүргэх, дохиогоор ажиллах дадлага эзэмшүүлэхэд чиглэгдэж байлаа гэж Нийслэлийн Онцгой байдлын газраас мэдээллээ.
-
2015 оны 11 сарын 04
Цагдаагийн Ерөнхий газрын Олон нийтийн аюулгүй байдлыг хангах албаны Хамгаалалтын нэгдүгээр газраас нийт бие бүрэлдэхүүнийхээ дунд “Авъяастны эрэлд” урлагийн наадмыг Цагдаагийн ерөнхий газрын Олон-нийт цагдаагийн хамтын ажиллагааны төвд зохион байгууллаа. Гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилтай цагдаагийн алба хаагч нар маань энэ өдөр гэр бүлийнхэнтэйгээ хамт авьяастны эрэлд гарсан юм.
Урлагийн наадамд Төлөвлөлт зохион байгуулалтын хэлтсийн Ирээдүй, Тусгай хамгаалалтын хэлтсийн Титэм, Сенсаци, Алтан соёмбо, Сүлд, Соёмбо, Төрийн хамгаалалтын хэлтсийн Цахлай-1, Цахлай-2, Дипломат байгууллага хамгаалалтын хэлтсийн Элчин, Номгон зэрэг 10 баг оролцсон юм.
Оролцогсод гоцлол болон найрал дуу, гоцлол хөгжим, гоцлол бүжиг, уран уншлага, ардын язгуур урлагийн төрлүүдээр өрсөлдөж, төрөл тус бүрээр шилдгээ тодруулсан юм.
Урлагийн наадмын дүн гарахад Дипломат байгууллага хамгаалалтын хэлтсийн 1-р тасаг “Элчин” баг 91 оноогоор 1 дүгээр байр, Тусгай хамгаалалтын хэлтсийн 4-р тасаг “Титэм” баг 84 оноогоор 2 дугаар байр, Тусгай хамгаалалтын хэлтсийн 1-р тасаг “Алтан соёмбо” баг 80 оноогоор 3 дугаар байр тус тус эзэлж, шилдэг номерын шагналаар “Мэндчилгээ” Тусгай хамгаалалтын хэлтсийн 1-р тасаг “Алтан соёмбо” 15 оноо, “Гоцлол дуу” Тусгай хамгаалалтын хэлтсийн 4-р тасаг хамгаалалтын цагдаа, цагдаагийн ахлагч Э.Энхбаатар 15 оноо, “Шүлэг” Дипломат байгууллага хамгаалалтын хэлтсийн 1-р тасаг хамгаалалтын цагдаа, цагдаагийн ахлах ахлагч Н.Баасанжав 15 оноо, “Язгуур урлаг” Дипломат байгууллага хамгаалалтын хэлтсийн 1-р тасаг “Элчин” баг Говийн магтаал 15 оноо, “Бүжиг” Тусгай хамгаалалтын хэлтсийн 3-р тасаг “Сүлд” баг Домог бүжиг 15 оноо, “Гоцлол хөгжим” Төрийн хамгаалалтын хэлтсийн 2-р тасаг “Цахлай 2” баг хамгаалалтын цагдаа, цагдаагийн дэд ахлагч И.Тилегин Казак ард түмний үндэсний домбор хөгжимөөр ардийн жүжигчин Р.Чойдог “Жалам хар”, Моцартын “Ронда” ая 15 оноо, “Найрал дуу” Дипломат байгууллага хамгаалалтын хэлтсийн 2-р тасаг “Номгон” баг ая Б.Дарамзагд, үг Н.Сэнгээ “Өргөн сэлэнгэ” 13 оноогоор тус тус шилдэг номероор шалгарлаа.
Наадмын шүүгчдээр Монгол Улсын гавьяат жүжигчин, дуучин Х.Өлзий-Оших, Ц.Үенч, соёлын тэргүүний ажилтан Г.Балданцэрэн нарын урлагийн алдартнууд ажиллаж байгаа юм.
“Амар тайван амьдралын төлөө хамтдаа” гэсэн уриатай цагдаагийн байгууллагын алба хаагчид ажлын онцлог, хэт ачаалал зэргээс шалтгаалан стресс бухимдалд хамгийн ихээр өртдөг. Харин урлаг соёл, спортын төрөл бүрийн уралдаан, тэмцээн зохион байгуулж, түүгээр дамжуулан алба хаагчдаа соён гэгээрүүлэх, тэдний сахилга ёс зүйг төлөвшүүлэх зорилготой “Авьяастны эрэлд-2015” наадамд амжилтай зохион байгуулагдлаа гэж Хамгаалалтын нэгдүгээр газраас мэдээлж байна.
-
2015 оны 11 сарын 04
Хил хамгаалах ерөнхий газраас хэвлэлийн хурал зарлалаа. Хурал өнөөдөр 15.30 цагт тус газрын байранд болох юм.
Сүүлийн үед хэвлэл мэдээллийн хэрэгслээр хилийн байгууллагатай холбоотой таагүй мэдээлэл тасрахгүй байгаа. Хэд хоногийн өмнө Хятадын хилийн цэргүүд монгол хилчдэд буу тулгаж, заналхийлсэн гэх мэдээлэл тархсан. Харин өнөөдөр Увс аймгийн Баруунтуруун сумын Хилийн цэргийн 0311 дүгээр ангид Хөвсгөл аймгаас цэрэгт татагдан очсон таван цэрэг амиа алдсан гэх мэдээлэл гарлаа.
Энэ бүхэнд хилийн байгууллагаасхариу өгч, тайлбар хийх юм байна.
-
2015 оны 11 сарын 04
СБД-ийн Засаг дарга Зуучлагч томилохоос татгалзаж хууль зөрчжээ
Цалин нэмэгдүүлэх чиглэлээр Засгийн газраас хүлээсэн үүргээ биелүүлэхгүй байгаа тул МҮЭХ-ноос хэлэлцээрийн талуудтай Хөдөлмөрийн хамтын маргаан үүсгээд байгаа билээ. Хамтын маргаан үүсгэсэн тухай шаардлага өгснөөс хойш Засгийн газраас тодорхой хариу ирүүлээгүй, тохиролцоонд хүрээгүй байна. МҮЭХ-ноос хуулийн дагуу Зуучлагч томилуулах саналыг СБД-ийн Засаг дарга Б.Бадарсанд хүргүүлсэн боловч түдгэлзсэн хариу ирүүлжээ. МҮЭХ-ноос СБД-ийн Засаг даргаас ийнхүү хууль зөрчиж, түдгэлзсэн хариулт өгсөн шалтгаанаа тайлбарлахыг шаардлаа.
-
2015 оны 11 сарын 04
Ерөнхий сайд, Засгийн газрын хэрэг эрхлэх газрын дарга С.Баярцогт, Барилга хот байгуулалтын сайд З.Баянсэлэнгэ, хотын дарга Э.Бат-Үүл, Ус сувгийн удирдах газрын дарга С.Үнэн нар Төв цэвэрлэх байгууламжийн талбайтай танилцаж байна.
Өнгөрсөн даваа гарагт төв цэвэрлэх байгууламжийг шинэчлэх ажлын хэсгийн бүрэлдэхүүнийг Э.Бат-Үүл баталсан билээ.
Төв цэвэрлэх байгууламж 1969 онд байгуулагдсан. Өнөөдрийн байдлаар хоногт 160 куб метр усыг хүлээн авч 80-85 хувиар цэвэршүүлэн Туул голд нийлүүлдэг гэх ч өнөөдрийн байдлаар лагаа бүрэн гүйцэт цэвэрлэж чадахгүйн улмаас бохирдол дээд цэгтээ хүрээд байгаа юм.
Эдүгээ тус байгууламжид 8.5 тэрбум төгрөгийн төсөвт өртөгтэй 10 ширхэг хиймэл нуур байгуулах ажил хийгдэж байгаа аж. Ингэснээр төв цэвэрлэхэд ирж буй бохирыг байгалийн аргаар цэвэрлэж, цэвэрлэгээ хийгдсэн усыг 2000-ийн шугамаар буцаан хэт ягаан туяагаар халдваргүйжүүлэн Туул голд нийлүүлэх юм байна.
Хэдийгээр энэ мэтээр нөхөж цойлдох арга хэмжээ авч буй боловч дорвитой шинэчлэл хэрэгтэй гэж Төв цэвэрлэх байгууламжийн инженер техникийн ажилтнууд хэлж байна. Улаанбаатар хотод барилгажилт, гэр хорооллын дахин төлөвлөлт нэмэгдэж байна. Энэ бүгдэд урьдчилан цэвэрлэх байгууламж хэрэгтэй. Ялангуяа ноос ноолуур, арьс ширнээс гадна мах, сүүний үйлдвэрээс асар их бохирдолтой ус ирдэг. Гэтэл хажуудаа урьдчилан цэвэрлэх байгууламжтай үйлдвэр гарын таван хуруунд багтана. Тиймээс яам, хот, мэргэжлийн хяналтын байгууллагаас хамтран дорвитой арга хэмжээ авах шаардлага тулгарчээ.
-
2015 оны 11 сарын 04
Түүний хувьд өнгөрсөн 2009 оноос Үндэсний цэцэрлэгт хүрээлэн НӨҮГ-ын даргаар ажилласан юм. Мөн НИТХ дахь МАН-ын гишүүнээр сонгогдон ажиллаж байгаа. Ажлаас нь халах тушаалыг гаргах үед тэрбээр амралттай гадаадад явж байжээ. Эх сурвалжийн мэдээлж буйгаар түүнийг Нийслэлийн засаг дарга Э.Бат-Үүлийг огцруулах бичигт гарын үсэг зурсантай нь холбогдуулж ажлаас нь халсан гэх.
-
2015 оны 11 сарын 04
Үндсэн хуулийн Цэц хуралдана
Нэр бүхий иргэд Үндсэн хуулийн Цэцэд хандаж, Шүүх байгуулах тухай хуулийн нэг, хоёрдугаар зүйлээр хэд хэдэн аймгийн дунд нэг давж заалдах шатны, түүнчлэн хэд хэдэн дүүргийн дунд нэг анхан шатны шүүх байгуулсан нь шүүхийн үндсэн тогтолцоог бэхжүүлсэн Үндсэн хуулийн холбогдох хэсгийг зөрчсөн гэж үзэж мэдээлэл ирүүлсэн байна. Уг мэдээллийн дагуу үүссэн маргааныг хянан хэлэлцэх Үндсэн хуулийн Цэцийн дунд
munhtsetseg_hi: суудлын хуралдаан 2015 оны арваннэгдүгээр сарын 11- ний өдөр болно гэж Үндсэн хуулийн Цэцийн хэвлэл, мэдээллийн төлөөлөгч мэдээлэв.
-
2015 оны 11 сарын 04
Нийслэлийн Засаг дарга бөгөөд Улаанбаатар хотын Захирагч Э.Бат-Үүл Бүгд Найрамдах Франц Улсаас Монгол Улсад суух Онц бөгөөд Бүрэн Эрхт Элчин сайдын албан тушаалд хатагтай Элизабет Барсак шинээр томилогдсонтой холбогдуулан хүлээн авч уулзлаа.
Уулзалтын эхэнд хатагтай Элизабет Барсак хүлээн авч уулзаж байгаад талархал илэрхийлээд цаашид хэрхэн хамтран ажиллах талаар санал солилцов.
Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Юуны өмнө шинэ албан тушаалд томилогдсонд баяр хүргэе. Францын Элчин сайдын яам Улаанбаатар хотыг үргэлж дэмжиж, хамтран ажилладагт талархал илэрхийлье. Улаанбаатар хотын төв цэвэрлэх байгууламж хотын өмнө тулгараад байгаа хүндхэн асуудал болоод байгаа талаар Та сонссон байх. Энэ асуудалд анхаарал хандуулж, хамтран ажиллах хүсэлтэй байна. Улаанбаатар хотын төв цэвэрлэх байгууламжийг шинэчлэн сайжруулах ажлын зураг төсөв боловсруулах зөвлөх үйлчилгээний ажлын гэрээг Францын “Артилла Вилла Транспорт” ХХК-тай байгуулсанд маш их баяртай байна” гэлээ.
Бүгд Найрамдах Франц Улсаас Монгол Улсад суух Онц бөгөөд Бүрэн Эрхт Элчин сайд хатагтай Элизабет Барсак “Улаанбаатар хотын төв цэвэрлэх байгууламжийн асуудлыг ойрын хугацаанд шийдэх ёстой. Манай талаас зээл олгож, хамтран ажиллах боломжтой. Хамгийн гол нь танай тал хоорондоо сайтар тохирч, энэ асуудлаар дахин уулзъя. Мөн Францын Элчин сайдын яамнаас байгаль орчны семинарыг хотын захиргаатай хамтран зохион байгуулах хүсэлтэй байна” гэдгийг онцоллоо.
Харин нийслэлийн Засаг дарга байгаль орчны семинарыг хамтран зохион байгуулахдаа баяртай байх болно гэдгээ уламжилж, бид бүхий л талаас нь дэмжин ажиллана гэдгээ илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 04
нийтийн тээврээр зорчигч өдөртөө нэг удаа 30 мниутын дотор автобус сэлгэн суувал үнэгүй болгох шийдвэрийг нийслэлийн Иргэдийн хурлын ээлжит бус хуралдаанаас гаргасан.
-
2015 оны 11 сарын 04
Баянхонгор аймгаас Дорнод аймгийн Матад суманд нинжа нар ирж, газар сэндийчиж эхэлсэн тул сумын удирдлагууд, цагдаа нартайгаа хамтран шалгалт хийхээр очжээ.
Энэ үеэр нинжа нар зугтаж, улмаар гэнэт машинаасаа буун, “ална” хэмээн дайрч хэсгийн төлөөлөчийг нь барьцаалсан гэх мэдээлэл хэдхэн хоногийн өмнө хэвлэл мэдээллээр цацагдсан.
Тэгвэл бодит байдал арай өөр гэдгийг саатуулагдаад байгаа нинжа нарын ар гэрээс хэлж байна. Тодруулбал, Нинжа нар цагдааг барьцаалаагүй гэх бөгөөд машины бензин дуусч, цагдаа нарт баригдсан аж.
Эх сурвалжийн хэлснээр Сумын Засаг даргын орлогч, Байгаль орчны байцаагч хэсгийн төлөөлөгч нар нинжа нарыг машинаараа хөөж, бүр нэг нинжаг нь дайраад зугтсан байна.
Өөрөөр хэлбэл, тухайн үед нинжа нар машинаараа цагдаа болоод Сумын Засаг даргын орлогч, Байгаль орчны байцаагч хэсгийн төлөөлөгч нараас зугтаад явж байтал бензин нь дууссан байна. Улмаар зогсохоос өөр аргагүй болж хэл амаараа учраа олох гэхэд Сумын Засаг даргын орлогч нь машинаас түрүүлж бууж ирсэн нэг нинжаг нь дайрчихаад зугтчихжээ. Тиймээс нинжа нар “Хүн дайрчихлаа” хэмээн цагдаа нартай маргалдаж эхэлсэн байна.
Удалгүй зугтсан гэх сумын удирдлагууд Матад сумаас хүч нэмэн ирж, нинжа нарыг баривчилжээ.
Манай сайт дайруулсан гэх нинжагийн ар гэрийнхэнтэй холбогдоход ”Тухайн үед болсон үйл явдал хэвлэлээр гарч байгаагаас өөр. Гэвч бид дэлгэрэнгүй мэдээлэл өгч болох эсэхээ сайн мэдэхгүй байна. Учир нь ахын маань дээрээс янз бүрийн дарамт шахалт ирэх вий гэж эмээж байна. Машинд дайруулсан ахын маань биеийн байдал муу толгой нь эргэж, юм идэж ч чадахгүй байгаа. Бидний зүгээс ахыгаа эмчлүүлэх талаар санал болгоход эмчгүй гэх зүйл ярьсан” гэлээ.
Мөн дайраад зугтсан сумын удирдлагаас энэ талаар асуухад ”Би мэдээгүй. Машины ард байсан юм уу” гэх зүйлийг ярьжээ.
Одоогоор энэ асуудлаас болж зургаан нинжа хоригдож байгаа төдийгүй дайруулсан иргэн ч хоригдож байгаа аж.
Юутай ч нинжаг дайрсан гэх Дорнод аймгийн Матад сумын Засаг даргын орлогч хийгээд уг хэргийн талаарх мэдээлэл бид дахин дэлгэрэнгүй мэдээлэх болно.
Д.Дуулим
