-
2015 оны 10 сарын 19
Шударга өрсөлдөөн, хэрэглэгчийн төлөө газрын дарга Т.Аюурсайхан тэргүүтэй төлөөлөгчид Бүгд Найрамдах Буриад Улсын Улаан-Үд хот дахь ОХУ-н Монополийн эсрэг холбооны алба болон Иргэдийн сайн сайхан байдал ба хэрэглэгчийн эрхийг хамгаалах улсын албанд ажлын айлчлал хийжээ. Монгол Улс, ОХУ-ын иргэд харилцан визгүй зорчих зохицуулалт хэрэгжиж эхэлснээс хойш хойд хөршид зорчих манай улсын иргэд, бизнес эрхлэгчдийн урсгал нэмэгдсэн билээ. Тэгвэл хойд хөршид зорчих иргэд, бизнес эрхлэгчийнхээ эрх ашгийг хамгаалах, шударгаар бизнес эрхлэх нөхцөлийг нь бүрдүүлэх асуудлыг Т.Аюурсайхан холбогдох байгууллагуудын удирдлагуудтай ярилцаж тохиролцсон байна. Хойд хөршид зорчиж буй иргэд эрх нь зөрчигдвөл ОХУ-ын Иргэдийн сайн сайхан байдал ба хэрэглэгчийн эрхийг хамгаалах улсын албаны тухайн орон нутаг дахь салбарт хандаж, тус байгуулагын зүгээс манай улсын иргэдийн гомдлыг түргэн шуурхай шийдвэрлэж байхаар болжээ. Түүнчлэн иргэд, бизнес эрхлэгчид маань ОХУ-ын хилийг нэвтрэхдээ хүнд суртал, чирэгдэлгүй түргэн шуурхай нэвтэрч байх нөхцөлийг бүрдүүлэх талаар ШӨХТГ-аас холбогдох албаныхантай ярилцаж, уг ажлыг үе шаттайгаар хийж хэрэгжүүлэхээр болсон байна. Үүний зэрэгцээ ШӨХТГ нь ОХУ-ын Монополийн эсрэг холбооны албатай хяналт шалгалтын ажлын туршлага болон мэдээлэл солилцох ажлаа бодит үр дүнтэй үргэлжлүүлэхэд талууд санал нэгджээ.
-
2015 оны 10 сарын 19
Энэ намрын анхны хишиг барилдаан Хан-Уул дүүргийн 50 жилийн ойд зориулж өнгөрсөн ням гарагт болж Хөвсгөл аймгийн Тосонцэнгэл сумын харьяат, Хилчин спорт хорооны бөх улсын харцага Ц.Содномдорж түрүүлж, Увс аймгийн Давст сумын харьяат, Алдар спорт хорооны бөх улсын арслан П.Бүрэнтөгс үзүүрлэв.
Залуу арслангууд магнайлсан энэ барилдаанд уран, хурц, дайчин барилдаан олон болж үзэгч олныг цөсийг хөөргөн өндөлзүүлэв. Их шөвөгт Увс аймгийн Ховд сумын харьяат улсын арслан Н.Батсуурь, Булган аймгийн Бүрэгхангай сумын харьяат, Хилчин спорт хорооны бөх улсын заан Д.Баасандорж нар шалгарсан юм. Харин дунд шөвөгт улсын шинэ харцага Б.Одгэрэл, улсын начин Ч.Цогбаяр, аймгийн хурц арслан Н.Жаргалбаяр, аймгийн арслан Б.Чимэдвандан нар үлдэв.
Хоёрын давааны төгсгөлд аймгийн цолтнууд хоорондоо нугарч барилдсанаас мэдрэмжтэй гавшгай, эрч хүчтэй аймгийн арслан Ш.Пүрэвгарьд, аймгийн заан Б.Түмэндэмбэрэл нарын барилдаан хамгийн сонирхолтой нь байв. Түмэндэмбэрэл заан алсын шуудаг аван барьцаа лавшруулан өргөж цацан давснаар үзэгчдийн уухайн дор туг тойрсон юм.
Хан-Уул дүүргийн ЗДТГ-аас энэ барилдааны дундуур олон жил үр бүтээлтэй хамтран ажиллаж байгаа АПУ ХК, Атар-Өргөө ХК, МҮБХ, Өмнөговь аймгийн ЗДТГ зэрэг байгууллага, хамт олонд дурсгалын зүйл гардуулав.
-
2015 оны 10 сарын 19
Таван иргэнийг хайж байна
-
2015 оны 10 сарын 19
Нийтийн тээврийн шинэчлэлийн хүрээнд хийгдэж буй цахим картыг эсэргүүцсэн оюутнууд өлсгөлөн зарлахаар боллоо.
-
2015 оны 10 сарын 19
үр тариа
-
2015 оны 10 сарын 19
Хоёрдугаар ээлжийн цэрэг татлага боллоо
-
2015 оны 10 сарын 19
Э.Бат-Үүл: Би Ерөнхий сайд болохгүй
-
2015 оны 10 сарын 19
Үнэлэх:
Одоогийн үнэлгээ:
Сэтгэгдэл Илгээх Хэвлэх
More Sharing ServicesShare
|
Share on facebook
Share on myspace
Share on google
Share on twitter
Баянгол дүүрэг дэх Цагдаагийн II хэлтэс шинэ байртай боллоо
11 минутын өмнө
Баянгол дүүрэг дэх Цагдаагийн хоёрдугаар хэлтсийн шинэ байрны нээлтийн үйл ажиллагаа өнөөдөр буюу 2015 оны 10 дугаар сарын 16-ны өдөр боллоо.
Нээлтийн үйл ажиллагаанд дүүргээс сонгогдсон УИХ-ын гишүүн, ХАХНХ-ын сайд С.Эрдэнэ, ЦЕГ-ын Санхүү, ар талын газрын дарга, туслах комиссор Б.Амарсайхан, Улаанбаатар хотын Цагдаагийн газрын дарга, туслах комиссор Ч.Болдбаатар, Баянгол дүүргийн иргэдийн Төлөөлөгчдийн Хурлын дарга Д.Дэлгэрбат, Засаг дарга Д.Оросоо, Ажлын албаны дарга П.Цэцэгмаа, Засаг даргын орлогч Г.Энхболд, Т.Нямцэцэг, Цагдаагийн II хэлтсийн дарга Г.Цэргийнхүү нар болон холбогдох албаны хүмүүс хүрэлцэн ирж хэлтсийн байртай танилцан түлхүүр гардуулж, тууз хайчлах ёслолд оролцлоо.
Тус барилгын ажлын 1,8 тэрбум 7 сая төгрөгийн өртгийг 2014-2015 оны Нийслэлийн хөрөнгө оруулалтаар санхүүжүүлж, барьсан бөгөөд дүүргийн ИТХ-ын 2015 оны 09-р сарын 28-ны өдрийн 25/02 тогтоолоор Цагдаагийн хэлтсийн тавилга, тоног төхөөрөмж авахад зориулж 40 сая төгрөг төсөвлөн хэлтсийн байрны тохижилт болон алба хаагчдын хэвийн ажиллах нөхцөл бололцоог бүрдүүлж өгчээ.
Мөн Баянгол дүүргээс сонгогдсон УИХ-ын гишүүд С.Эрдэнэ, С.Одонтуяа болон дүүргийн иргэдийн Төлөөлөгчдийн Хурал, Засаг даргын Тамгын газрын дэмжлэгээр энэ онд дүүргийн Орон нутгийн хөгжлийн сангийн 80 сая төгрөгийн хөрөнгө оруулалтаар Цагдаагийн I, II хэлтсийн камерын хяналтын системийг сайжруулах төслийг санхүүжүүлэн хэрэгжүүлж байна.
-
2015 оны 10 сарын 19
Улаанбаатар хотын замын хөдөлгөөний ачааллыг бууруулах зорилгоор сүүлийн жилүүдэд шинээр автозам, нүхэн гарц олноор хийгдэж байна. Үүний нэг нь Энхтайвны гүүрний ачааллыг бууруулах зорилгоор баригдсан Нарны замыг 19 дүгээр хорооллын арын замтай холбосон 1.5 км авто зам болон төмөр зам доогуурх 22 метр нүхэн гарц юм.
Энэхүү замыг өнгөрсөн долоо хоногоос нээж ашиглалтанд оруулсан бөгөөд өнөөдөр 14.00 цагаас албан ёсоор нээх гэж байна.
-
2015 оны 10 сарын 19
Үнэлэх:
Одоогийн үнэлгээ:
Сэтгэгдэл Илгээх Хэвлэх
More Sharing ServicesShare
|
Share on facebook
Share on myspace
Share on google
Share on twitter
Ерөнхий шүүгчид нэр дэвшигчийн бүртгэл гарлаа
1 цаг 1 минутын өмнө
Шүүхийн ерөнхий зөвлөлийн даргын 2015 оны 123, 124 дүгээр тушаалаар зарласан Анхан шатны зарим шүүхийн Ерөнхий шүүгчийн сонгон шалгаруулалтад нэр дэвшигчдийн бүртгэл гарлаа. Шүүгчийн эрхзүйн байдлын тухай хуулийн 11 дүгээр зүйлийн 11.5 дахь хэсэгт заасны дагуу 2015 оны аравдугаар сарын 14-ний өдөр Шүүхийн ерөнхий зөвлөлийн цахим хуудсанд нэр дэвшигчдийн мэдээллийг байршуулсан бөгөөд Шүүгчийн эрхзүйн байдлын тухай хуулийн 11 дүгээр зүйлийн 11.6 дахь хэсэгт заасны дагуу нэр дэвшигчдийн талаарх мэдээллийг Шүүхийн ерөнхий зөвлөлд ирүүлж болно.
-
2015 оны 10 сарын 19
Нийслэлийн гэмт хэргээс урьдчилан сэргийлэх ажлыг зохицуулах зөвлөлөөс Ерөнхий боловсролын сургуулийн сурагчдыг гэмт хэргээс урьдчилан сэргийлэхэд эцэг эхчүүдийн оролцоо, үүрэг хариуцлагыг нэмэгдүүлэх зорилгоор “School police” төслийг 2013 оноос хэрэгжүүлж эхэлсэн юм.
Төсөл хэрэгжиж эхэлснээр сургуулийн орчинд үйлдэгддэг гэмт хэрэг, зам тээврийн ослын тоо буурсан гэж холбогдох газруудаас мэдээлж байгаа төдийгүй энэхүү төсөл хөтөлбөр хөдөө орон нутагт хэрэгжиж эхэлсэн байна. Гэхдээ School police төслийг Нийслэлийн гэмт хэргээс урьдчилан сэргийлэх, зохицуулах зөвлөлөөс гаргасан удирдамжийн дагуу зохиогн байгуулж ирсэн бөгөөд энэхүү ажлыг илүү үр дүнд хүргэхийн тулд албан ёсны эрх зүйн акт болгох зайлшгүй шаардалгатай болжээ.
Тиймээс НИТХ-ын Тэргүүлэгчдийн 2015 оны 10 дугаар сарын 16-ны хуралдаанаар “Сургуулийн эргүүл”-ийн ажиллах журмыг хэлэлцэн баталлаа. Журамд Ерөнхий боловсролын сургуулийн захирал болон сургуулийн орчинд ажиллах “Сургуулийн эргүүл”-ийн үйл ажиллагаа, төрийн болон төрийн бус байгууллагын хүлээх үүрэг хариуцлагыг тодорхой зааж өгсөн байна. Тодруулбал, Ерөнхий боловсролын сургуулийн захирал сургуулийн орчинд ажиллах “Сургуулийн эргүүл”-ийн үйл ажиллагааг өдөр тутмын удирдлага зохион байгуулалтаар хангаж хяналт тавьж, тасралтгүй явагдах нөхцөлийг бүрдүүлж ажиллах ба тухайн сургуулийн жижүүр нь замын хөдөлгөөний аюулгүй байдлыг хангах талаар нэгдсэн ойлголт өгч ажиллана. Мөн “Сургуулийн эргүүл” нь нэг удаад 4 эцэг эхийг эргүүлд гаргах бөгөөд 2 эргүүл замын хөдөлгөөний аюулгүй байдлыг хангаж ажиллах, 2 эргүүл нь сургуулийн ойр орчимд хөдөлгөөнт эргүүлийн үүргийг тус тус гүйцэтгэнэ гэсэн байна. Мөн тухайн нутаг дэвсгэрийн цагдаагийн байгууллага сургуулийн удирдлага, эргүүлд ажиллаж байгаа сурагчдын эцэг эхэд мэргэжил, аргазүйн дэмжлэг туслалцаа үзүүлж, гэмт хэрэг, зөрчлийн талаарх мэдээлэлд шуурхай үүрэг гүйцэтгэж ажиллана гэжээ. Түүнчлэн сургуулийн орчинд ”Сургуулийн эргүүлийн” үүрэг гүйцэтгэж байгаа иргэнд ажил олгогч байгууллага хагас өдрийн цалинтай чөлөө олгоно, “Сургуулийн эргүүл”-ийг амжилттай хэрэгжүүлж, гэмт хэргээс урьдчилан сэргийлэх үйлсэд бодитой хувь нэмэр оруулсан сургуулийн захирал, нийгмийн ажилтан, ангийн багш ,эцэг эхийн эргүүлийг Монголын сурагчдын холбооны дэргэдэх ”Сургуулийн цагдаа” төвийн санал, мэдээлэл, тайланг үндэслэн төрийн болон төрийн бус байгууллагын зүгээс урамшуулна гэсэн байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 10 сарын 19
Багануурчууд өнгөрсөн ням гаригт хотын анхны захирагчаар эрчим хүчний хэмээн танигдсан Н.Тавинбэхийг 57.72 хувийн саналаар сонгожээ. Багануур хотод бүртгэлтэй 19 мянган сонгогч бий. Тэдний 10-11 мянган иргэн сонгуульдаа тогтмол оролцдог гэсэн судалгаа байдаг. Тэгвэл энэ удаагийн сонгуульд бүртгэлтэй сонгогчдын 45.3 хувь нь оролцсон байна. Сонгуулийн нэгдсэн хороон дээр санал хураалтын дүнг нэгтгэхэд Н.Тавинбэх үнэмлэхүй ялалт байгуулж, 57.72, Ш.Отгонбаяр 28.88 хувь, Р.Ганбаатар 9.79, Ц.Цогтбаяр 2.79 хувийн санал авсан байна. Н.Тавинбат нь ШУТИС-ийн цахилгааны инженерийн ангийг дүүргэсэн. 2008-2012 онд ИТХ-д МАН-аас Багануурын иргэдийн төлөөлөн сууж байжээ. Тэрбээр ”Багануур энерги” компанийн захирал, 2013 онд Зүүн өмнөд бүсийн цахилгаан түгээх сүлжээ компанийн даргын албан тушаалыг хашиж байсан. Энэ компанийг амжилттайгаар удирдаж, Монросцветментийн 1.4 тэрбум төгрөгийн өрийг барагдуулсан байдаг. Тэрбээр ”Багануур брендийг бүтээцгээе” уриатай мөрийн хөтөлбөрөөр сонгуульд оролцсон юм. Нутгийн зон олноо ажилтай, орлоготой байлгах нь түүний мөрийн хөтөлбөрийн цөм гэж ойлгож болно.
-
2015 оны 10 сарын 19
Хоёр цэцэрлэг, гурван сургуулийн байрыг актлав
-
2015 оны 10 сарын 19
Тухайн өдөр хонь, нохой жилтнээ аливаа үйлийг хийхэд эерэг сайн. Эл өдөр насан бүтээл хийгээд хишиг даллага дуудуулах, өглөг өгөх, бурхан, лус тахих, мөндөр буулгах, хариулга хийх, төмөр урлахуйн үйл, насны хүчийг арвитгах, угаал үйлдэх, бэр авах, эм найруулах, насны абшиг, насан бүтээлийн зан үйл хийгээд ураг садан бололцох, худалдааг үүсгэх, арвижуулах үйл, аюулаас зайлах, ламтай учрах, цагаан зүгийн үйлд сайн. Бэрийн үйл үйлдэх, үнэт эдлэлийг гадагш өгөх, их ус гатлах, догшин газрыг номхотгох, тангараг тавих, нүүдэл хийх, суваг татах үйлд муу. Өвчин тусвал гурав ба тав хоногт илааршина. Замд гарвал муу гаслантай учран, найз нөхдөөс хагацах гэмтэй. Баруун нүд татвал холын мэдээ сонсох, зүүн татвал эдийг олох болой. Үс шинээр үргээлгэх буюу засуулбал өнгө зүс сайжирна. Өдрийн сайн цаг нь могой бич, тахиа, гахай, бар, луу болой.
-
2015 оны 10 сарын 19
2015 оны 10 дугаар сарын 18-ны 20 цагаас 10 дугаар сарын 19-ний 20 цаг хүртэлх цаг агаарын урьдчилсан мэдээ:
-
2015 оны 10 сарын 18
Нийслэлчүүд нийтийн эзэмшлийн гудамж, зам талбай, гэр болон орон сууцны хороолол, ногоон бүс, Туул, Дунд голын эрэг дагуу их цэвэрлэгээ хийлээ.
Энэ хүрээнд “Нийтийн үйлчилгээний Улаанбаатар нэгтгэл” Орон нутгийн өмчит аж ахуйн тооцоот үйлдвэрийн газраас 141 хүн ажиллаж нийт 9 машинаар 54 тонн хог тээвэрлэж ачууллаа хэмээн мэдэгдлээ. Нийслэлийн 376 жилийн ойг угтсан нийслэлийн их цэвэрлэгээнд иргэд идэвхтэй оролцсон бол аж ахуйн нэгж, байгууллагууд орчныхоо 50 метр газрыг цэвэрлэх ёстой ч бүрэн хамарч чадсангүй
-
2015 оны 10 сарын 18
Чацарганыг яшилдуу, бургасан навчит гэж хоёр төрөлд хуваадаг ба манай оронд яшилдуу төрлийн чацаргана ургадаг. Чацаргана найрлагандаа С, А, К, Е, В1, М2, Р зэрэг аминдэм, тос, биологийн идэвхт бодис агуулдаг. Амтны хувьд хан боргоцой жимстэй ойролцоо тул ”Умард зүгийн хан боргоцой” гэж нэрлэдэг.
-
2015 оны 10 сарын 18
Өнөөгийн бидний завгүй, технологийн хөгжилтэй хөл нийлүүлэн буй амьдралын хэв маяг эрүүл мэндэд сөргөөр нөлөөлдөг. Хөдөлгөөний хомсдлоос таргалалтаас эхлээд олон өвчинд өртөх магадлал өндөрсдөг.
Таргалалтын улмаас артерийн даралт ихсэлт, тархинд цус харвалт, зүрхний шигдээс зэрэг зүрх судасны өвчин, чихрийн шижин хэв шинж 2, хорт хавдар, үе мөчний өвчнөөр өвчлөх эрсдэл нэмэгддэг.
Эдгээр өвчний эмчилгээний зардал өндөр байдаг төдийгүй өвдсөний дараа хөдөлмөрийн чадвар алдагдах магадлал өндөр байдаг учраас таргалалт нь хамгийн их хор уршигтай өвчинд тооцогддог.
Тэгвэл хүн бүр эрүүл байхын тулд долоо хоногт 5-аас доошгүй өдөр, 30 минут ба түүнээс дээш хугацаагаар дунд зэргийн эрчимтэй хөдөлгөөн хийх эсвэл өдөрт 10000 алхам алхах хэрэгтэй аж.
Мөн долоо хоногт гурав ба түүнээс доошгүй өдөр, доод тал нь 30 минут хүртэл нэлээд эрчимтэй хөдөлгөөн хийх хэрэгтэй аж.
10 мянган алхам нь дунджаар 5 км газар алхана гэсэн үг юм. Ойролцоогоор 10 мянган алхам хийхэд хүний бие 300 килокалори буюу эрч хүчийг ялгаруулдаг байна. Энэ нь насанд хүрсэн хүний нэг өдөрт авах энергитэй тэнцдэг аж.
Сонирхуулахад 1960 онд Японы судлаач доктор Юүширо Хатано хүн өдөрт дунджаар 10 мянган алхам алхах нь эрүүл мэндэд чухал ач холбогдолтой болохыг тогтоожээ.
-
2015 оны 10 сарын 18
үн амын хөгжил, нийгэм хамгааллын яам /ХАХНХЯ/-наас Төрийн ордонд “Ахмад настны хөгжил хамгааллын шинэчлэлийн бодлогын хэрэгжилт” Үндэсний II зөвлөгөөнийг зохион байгууллаа.
Монгол Улсын хувьд нийт хүн амын 10 шахам хувийг ахмад настнууд эзэлдэг байна. 2013 онд Дархан хотноо зохион байгуулагдсан “Ахмад настны хөгжил, хамгааллын шинэчлэлийн бодлого” үндэсний анхдугаар зөвлөгөөнөөс гарсан зөвлөмж, санаачлагын хэрэгжилтийг энэ удаагийн зөвлөгөөнөөр дүгнэн хэлэлцэж байгаа юм. Түүнчлэн Засгийн газрын 2012-2016 оны үйл ажиллагааны хөтөлбөрт ахмад настны талаар тусгагдсан зорилтуудыг хэрэгжүүлэхэд бүх түвшний бодлого үйл ажиллагааг идэвхжүүлэхэд энэхүү зөвлөгөөний гол зорилго оршиж буй юм.
-
2015 оны 10 сарын 18
Галзуугаар өвчилсөн мал, амьтанд уруулах, ноцуулах, шүлсдүүлэх үед галзуугийн вирус нь хүний биед гэмтсэн арьс, салстаар нэвтрэн орж, төв мэдрэлийн системийг гэмтээн, улмаар үхэлд хүргэдэг зоонозын өвчин юм.
Иймээс иргэн та галзуу өвчний сэжигтэй мал, амьтанд уруулсан бол харьяалах эрүүл мэндийн байгууллагад яаралтай хандаж, эмнэлгийн тусламж, үйлчилгээг хугацаа алдалгүй авч эмчийн зааврын дагуу вакцины бүрэн тунг тариулах шаардлагатайг Зоонозын өвчин судлалын үндэсний төвөөс анхааруулж байна.
