Мөнгөн хонхны баяр оюутан цагийн хамгийн чухал мөч. Амьдралын их далайд хөл тавьж буй оюутан сурагчдын догдлол дүүрэн төгсөлтийн баярын өдрүүд үргэлжилжсээр байна. Иймд ойр дотнын найз нөхөд, эгч дүү хайртай хүмүүстэй төгсөлтийн баяраар нь өгөх боломжтой бэлгийн санаануудыг хүргэж байна. 

НЭГ. ГАРААРАА БИЧСЭН ЗАХИДАЛ

Гараар бичсэн ил захидал хэзээд халуун дулаан мэдрэмж төрүүлдэг. Муухай бичдэг, бичих авьяасгүй гэж өөрийгөө бүү голоорой. Хэлэх үгсээ тайван тунгаан бодоод ноорог бичээд, түүнийгээ хуулан гараараа чадахаараа хичээн буулган бичээд бэлэглэхэд л хамгийн сайхан бэлэг болох болно. 

ХОЁР. ХИЙМЭЛ ОЮУН УХААН АШИГЛАН УРАМ ЗОРИГИЙН МЭНДЧИЛГЭЭ ХҮРГЭХ  

Хэрэв та камерын урд гараад юм ярихдаа маруухан, гоё үг бичье гэхээр толгойд юм орж ирэхгүй байгаа бол санаа зовох хэрэггүй. Та ердөө дээрх түлхүүр үгсийг ашиглаад л нийт төгсөгчдөдөө зориулсан урам зориг өгөх мэндчилгээг хиймэл оюун ухааны тусламжтай бэлдүүлэх боломжтой. 

ГУРАВ. НОМ ХУДАЛДАЖ АВАХ ЭРХИЙН БИЧИГ

Мэдээж хамгийн хэрэгтэй бэлгүүдийн нэг бол яах аргагүй ном шүү дээ. Гэхдээ хэн нэгэнд дур мэдэн ном худалдаж авна гэдэг бага зэрэг эрсдэлтэй. Иймд хамгийн зөв санаа бол номын эрхийн бичиг бэлгэлэх явдал юм.

ДӨРӨВ. БҮТЭЭЛЧ БИЧЛЭГ ХИЙЖ ИЛГЭЭХ

Төгсөлтийн баярын мэнд хүргэе гэсэн зүгээр нэг стори хийх гэж байгаа юм биш биз? Энэ хүртэл юу туулж, яаж хичээснийг нь мэдэж байгаа бол түүнээр бахархаж, басхүү урам зоригийн үгтэй мэндчилгээ бэлтгэн бичлэг илгээгээд үзээрэй. 

ТАВ. МӨНГӨӨР ХИЙСЭН ЦЭЦГИЙН БАГЛАА

Мэдээж төгсөлтийн баяраа тэмдэглэж буй оюутан сурагчдад мөнгө хэрэгтэй нь гарцаагүй. Иймд олон үггүйгээр мөнгөөр хийсэн бялууг илгээвэл сонирхолтой биш гэж үү. Тэд лав баярлах нь гарцаагүй.