Нийслэлийн ЗДТГ-ын дарга Д.Амгалан цаг үеийн асуудлаар дараах мэдээллийг өглөө.

Тэрбээр "Нийслэл иргэдийн өмчит халдсан зүйл байхгүй. Хууль ёсны дагуу ажиллаж байгаа. Зөвшөөрөлгүй барилгыг албадан буулгах нийслэлийн Засаг даргын захирамж гарсан. Түүнийг хэрэгжүүлэх үйл ажиллагаа явж байгаа. Хууль бусаар иргэний өмчид халдсан зүйл байхгүй. 

Тухайн газар 2014 оныг хүртэл ОХУ-ын талд эзэмшилтэй Ленин клубын эзэмшилд байсан. Тус газрыг 2014 онд Э.Бат-Үүл засаг даргаар ажиллаж байхдаа захирамж гаргаж бусдад олгосон байдаг. 2017 онд энэ газрын давхардуулж олгосныг илрүүлсэн.

Давхардуулчхаад байхад дээр нь барилгын ажилын зөвшөөрөл гаргаж өгсөн. Үүний дараа ОХУ-аас манай эзэмшил дээр хууль бусаар барилга барих гэж байна гэсэн бичиг ирүүлсэн. Уг асуудалтай холбоотой шүүхийн маргаан дөрвөн жил үргэлжилсэн. 2024 онд энэ барилгын ажлыг түдгэлзүүлсэн нь зөв гэх шийдвэр гарсан. Хуулийн дагуу буруутай этгээдээр хохирлыг нь барагдуулна" гэв. 

Д.Батчулуун