Монголын өмгөөлөгчдийн холбооны ерөнхийлөгч Б.Ганбаатар, Монголын сэтгүүлчдийн нэгдсэн эвлэлийн ерөнхийлөгч Б.Галаарид нар санамж бичигт гарын үсэг зурав. Санамжбичиг байгуулснаар хоёр байгууллага харилцан туслалцаа үзүүлж, хамтран ажиллах юм байна. Монголын өмгөөлөгчдийн холбооны ерөнхийлөгч Б.Ганбаатараас энэ талаар тодруулав.

-Хоёр байгууллага хамтарч ажилласнаар ямар үр дүнд хүрэх вэ?

-Санамж бичигт гарын үсэг зурснаар гурван зүйлийг ажил болгох юм. Нэгдүгээрт, Монголын өмгөөлөгчдийн холбооны гишүүн, хуульч өмгөөлөгчдийг хэвлэлийн салбарт эрх зүйн туслалцаа үзүүлэх чиглэлээр мэргэшүүлэх бодолтой байгаа. Хэвлэлийнхэн ямар нэг байдлаар маргаан түвэгтэй байдалд орсон тохиолдолд тэдний эрх ашгийг хамгаалахын тулд өмгөөлегчид энэ чиглэлийн мэдлэгтэй байх учиртай. Энэ талаар Сэтгүүлчдийн нэгдсэн эвлэлээс мэргэжлийн улсуудыг урьж сургалт хийлгэнэ. Хоёрдугаарт, ингэж өмгөөлөгчдийг бэлтгэснээр хэвлэлийнхэн, сэтгүүлч нарт эрх зүйн чиглэлээр зөвлөгее өгөх, мэдээлэл өгөх, эрх нь зөрчигдсөн тохиолдолд хууль ёсны эрх ашгийг нь мэргэшсэн өмгөелөгч нар хамгаалах бололцоотой болж байгаа юм. Гуравдугаарт, манай олон судпаач байдаг. Цаашдаа сэтгүүлчдийн эрх зүйн байдлыг олон улсын жишигт хүргэх талаар хууль тогтоомжийг нь судлах гэсэн гурван чиглэлээр хамтарч ажиллахаар боллоо. Өмгөелөгчдийн холбооны зүгээс өмгөөлөгчдийн үйл ажиллагааг нийгэмд таниулах чиглэлээр хэвлэлийнхэнтэй хамтарч ажиллах байр суурьтай байна.

-Сэтгүүлчид өндөр үнэ төлж чадахгүй учраас муу өмгеелөгч ажиллаад шүүх дээр ялагдал хүлээдэг гэдэг. Тэгэхээр боломжийн үнээр сайн өмгөолөгч олдоно гэсэн үг үү?

-Олдоно. Шаардлагатай нөхцөлд бага үнээр эрхийг нь хамгаалах боломж бий. Манайд мундаг өмгөөлөгчид байдаг.

-Ямартохиолдолд хэрэгт орох вэ. Ямар тохиолдолд гүтгэсэн доромжилсон болчих юм бэ гэдэг хуулийн зүйл заалтыг сэтгүүлчдэд бас мэдээлэх хэрэгтэй санагддаг?

-Санамж бичгийн нэг зорилго сэтгүүлчдэд эрх зүйн талаас нь туслалцаа үзүүлэх юм. Та нар хүнийг хулгайч гээд хэлчих юм бол цагдаа дээр очоод шалгуулна. Энэ хулгайч биш гээд тогтоогдчихвол буруудна. Гэмт хэрэгт холбогдсон байж болзошгүй гэх юм бол шалгуулаад гэмт хэрэгт холбогдолгүй нь тогтоогдсон ч уучлаарай гэхэд болох жишээний. Сэтгүүлчдийн хэрэглэж байгаа үгхэллэг маш олон гаргалгаатай, хаашаа л бол.хаашаа тайлбарлагдаж болдог. Хатуу үг хэрэглэх хэцүү. Хүн алсан гээд хэлчихвэл хэцүү. Хүн амины хэрэгт холбогдсон гэвэл арай гайгүй тусна. Цаашид төр алдар хүндэд халдах, гүтгэх доромжлох хэргийн талаар сургалт явуулах бодолтой байгаа.