Хөнгөн үйлдвэрийн салбарт төслийн хэмжээнд эрчимтэй үйл ажиллагаа явагдаж байгаа. Өнгөрсөн жил олгосон арьс ширний үйлдвэрийг дэмжих зээл амжилттай хэрэгжиж байна. Өнөөдөр Монгол Улс 10 сая ширхэг арьс шир боловсруулах бололцоотой болсон. Ганц санаа зовоож байгаа асуудал нь цэвэрлэх байгууламж. Санхүүжилтийн асуудпыг ирэх онд шийдчихвэл орчин үеийн цэвэрлэх байгууламжтай болно. Бид өөрсдийн бололцоонд тулгуурлан түүхий эдээ хагас болон бүтэн боловсруулж гаргавал ашигтай гэсэн дүгнэлт гарсан. Тэгэхээр цаашид адууны шир тэргүүтэй бүтээгдэхүүнийг боловсруулж гаргана. Хэрэв 160 мянган ширхэг адууны шир хадгалж байгаа хүн байвал дотоодынхоо үйлдвэрт өгч хагас боловсруулаад экспортод гаргах эрх нээлттэй. Ноос ноолуурын тухайд үйлдвэрүүд сайн ажиллаж байна. Сурагчийн хувцасны даавуун материалыг үйлдвэрлэж эхэлнэ. Ноосоо бүрэн ээрч утас болгоод даавуу үйлдвэрлэж байсан түүх ховор. Чингис бондоос санхүүжилт авсан газрууд ноосоо ээрээд даавуу үйлдвэрлэх боломжтой болсон. Тэгэхээр ирэх жил гэхэд сурагчийнхаа дүрэмт хувцасны даавууг дотооддоо үйлдвэрлэх боломжтой болно. Экспорт, импортыг дэмжих зорилгоор 300 тэрбум төгрөгийн зээл олгох саналыг Засгийн газраас гаргасан. Хүнд болон хөнген үйлдвэрийн даацтай төслийг санхүүжүүлж байгаа. Өнеөдрийн байдлаар нийт 110 төсөл ирсэн байна. Эхний ээлжинд 31 төсөлд санхүүжилт олгоход бэлэн болсон. Дэмжигдсэн төслийн дийлэнх нь боловсруулах үйлдвэртэй холбоотой. ЖДҮ-ийн тухайд Засгийн газраас нийт 70 тэрбум төгрөгийн санхүүжилт олгохоор батлагдсан. Одоогийн байдлаар 588 төсөл дэмжигдлээ. Ноолуурын экспортын бараа, бүтээгдэхүүнийг дэмжихэд 100 тэрбум төгрөгийн санхүүжилт батлагдаж 70.1 тэрбумын хөрөнгийг олгоод байна. Төсөлд зээл олгохдоо дараахь салбарыг түлхүү дэмжье гэж байгаа. Экспортын бараа бүтээгдэхүүн нэмэгдүүлэх, мах, хүнс, хөдөө аж ахуйн бүтээгдэхүүний үйлдвэрлэлийн томоохон төсөл, машин байгууламж, төмөр хийцийн үйлдвэрүүд, эм, био бэлдмэлийн үйлдвэрүүдийг тус, тус дэмжинэ. Одоогийн байдлаар боловсруулах чиглэлийн 94  үйлдвэр бий.