Нийтийн тээврийн асуудлаар сүүлийн үед МОХ, Нийслэлийн удирдлагуудын хооронд ширүүхэн тэмцэл өрнөөд байгаа. Тодруулбал МОХ Хотын дарга Э.Бат-Үүл нарыг оюутны нийтийн тээврийн хэрэгслээр үнэ төлбөргүй зорчих эрхийг эдлүүлэхгүй хууль зөрчиж байна хэмээн мэдэгдэж, суулт хүртэл зарлаад амжсан. Тэгвэл өнгөрсөн пүрэв гарагт хуралдсан НИТХ-ын ээлжит хуралдаанаар  нийслэлийн тээврийн цахим төлбөрөрийн системтэй холбоотой цогц асуудлыг хэлэлцэн баталсан билээ. 

Энэ үер Хотын дарга Э.Бат-Үүл МОХ-ын Ерөнхийлөгч Д.Батбаяр болон удирдах зөвлөлийн гишүүдийг "хууль бусаар 64 мянган оюутнаас нийтийн тээвэрт хөнгөлөлтэй зорчих картны мөнгийг хууль бусаар хурааж олон мянган оюутныг хохироосон хэмээн мэдэгдсэн. Харин үүний дараа Д.Батбаяр хариу мэдэгдэл хийж хотын даргын энэ үгийг хариуцлагагүй, гүтлэгийн чанартай мэдэгдэл хэмээн буруутгаж, шүүхэд хандахаа мэдэгдсэн юм. Энэ мэт МОХ болон нийслэлийн удирдлагуудын хооронд үүсээд байгаа асуудлыг 24 VS 24 буландаа онцолж байна.