БОАЖЯ-ны “Цэвэр агаар сан”-гийнхан энэ жил нийслэлийн утааг багасгахаар Нийслэлийн Захирагчийн ажлын албаныхантай хамтран ажиллаж байгаа. Энэ ажлын хүрээнд нийслэлийн Баянзүрх, Чингэлтэй дүүргийн нутаг Ботаник, Дэнжийн мянга орчимын зарим айл өрх, сургууль, цэцэрлэг, хорооны халаалтыг төвлөрсөн дулаан хангамжид холбох инженер шугам сүлжээний ажил хийж эхлээд байгаа юм. Мөн түүхий нүүрс түлэхийг хориглосон бүсд байгаа айл өрхүүдийн түлшний нөөцийг нь бүрдүүлэх, дэд бүс буюу зуухны бүсэд хамрагдах айл өрхийн тоо, зуухны төрлийг нарийвчлан тогтоож ирэх найм, есдүгээр сараас эхлэн зуухыг нь солих юм байна. Түүнчлэн эдгээр бүсийн найман байршилд автомашин хийгээр цэнэглэх станц байгуулах, төрийн болон нийслэлийн өмчийн 10 орчим даралтын зуухын технологийг шинэчлэх аж. Энэ бүх арга хэмжээг “Цэвэр агаар сан ”-гаас санхүүжүүлж байгаа юм байна. Ц.Болор
