Жүжигчин Кейт Холмс, Том Крус нарын салалт Холливүүдийн төдийгүй дэлхий нийтийн анхаарлыг татаад байгаа. Кейт өнгөрсөн сарын 28-нд шүүхэд салах өргөдлөө өгсөн нь түүний амьдралдаа гаргаж буй томоохон шийдвэрүүдийн нэг хэмээн ойр дотныхон хүмүүс нь ярьж байгаа аж. Тэд таван жил амьдарсны эцэст ийнхүү салж байгаа юм. Харин зургаан настай Сүри хэмээх охиноо Кейт өөр дээрээ авахаар болжээ. Ингээд алдарт хосуудын гэр бүл салалт болон тэдний тухай сонирхолтой баримтаас уншигчдад дээжлэн хүргэж байна. Гайхалтай амлалт бүхий сүй
Крус 30, Кейт 33 настайдаа сүй тавьж байсан. Тухайн үед дурлалдаа шатсан хосууд өөрсдийн хайраа тунхаглан байсан цаг үе. Сүй тавих ёслол дээр Кейт “Би өөрийн хэн гэдгээ мэдэж байна бас хаашаа яваж байгаагаа. Цаашид хаашаа явахыг хүсч байгаагаа ч мэдэж байна” хэмээн бардамхан зарлаж байсан.
Кейт Холмс гэрээсээ явав
Хосуудын харилцаа муудаж эхэлснээс хойш буюу сүүлийн нэг жил тэд тусдаа амьдрах болж Кейт охиныхоо хамтаар шинэ байранд амьдрах болжээ. Одоогоор шинэ байр хараахан худалдан аваагүй байгаа бөгөөд машины граж нь гэртэйгээ шууд холбогдсон байр захиалсан аж. Энэ нь папарациас сэргийлэх нэг алхам гэж жүжигчин бүсгүй хэлжээ.
Кейт охинтойгоо тусгаар тогтнолын өдрийг тэмдэглэв
Саяхан болсон тусгаар тогтнолын өдрийг Кейт охин Сүри болон өөрийн гэр бүлийнхэнтэй тэмдэглэн хотоор машинтай зугаалж, зургаа татуулан, мөхөөлдөс идэж ихэд сэтгэл хангалуун тэмдэглэсэн ажээ. Орой нь Нюь-Иорк хотын ойролцоох эдлэндээ зоог барьж, баярын бялуугаа задалсан гэнэ. Кейтийн эцэг эх энэхүү шийдвэрийн нь дэмжиж байгаа төдийгүй салах өргөдлөө өгөхөд нь тусалсан юм байна.
Том Крус гунигтай байна
Холливүүдийн сайхан бүсгүйчүүдтэй гэр бүл үүсгэн амжилттай гэр бүл зохиож чаддаг ч тогтвортой байж чаддаггүй Том Крус энэ удаагийн салалтаас шалтгаалан нэлээд хүнд цохиолтод орсон гэнэ. Учир нь Кейтийг салах өргөдлөө өөртэй нь зөвлөлдөлгүйгээр өгнө гэж бодоогүй хэмээн “People” сэтгүүлд ярилцлага өгчээ. Түүнийг Хятад яваад ирэх хоорон дКейт гэрээсээ явсан байсан нь түүнийг ийн гуниглахад хүргэсэн юм байна.
Э.Мөнх
