Их Монгол Улс байгуулагдсаны 806 жил, Ардын хувьсгалын 91 жилийн ойн Үндэсний их баяр наадмын өдрүүдэд банкууд ажиллах цагийн хуваариа гаргажээ.

Хаан банкны салбар, тооцооны төв долоодугаар сарын 14-нөөс эхлэн ердийн цагийн хуваариар ажиллах гэнэ. 
Голомт банк өнөөдөр “Солонго”, “Ард”, Их дэлгүүр, “Өргөө”, 10 дугаар хороолол, Кино үйлдвэр, 120 мянгатын салбар, тооцооны төвүүд 10:00-18:00 цагийн хооронд, маргааш Ард, Цамбагарав, Голомт хотхон, Тамир дэлгүүр, Баянзүрх, Зайсангийн салбарууд 10:00-16:00 цагийн хооронд, 14-нд “Солонго”, Их дэлгүүр, Зайсан, 120 мянгатад байрлах салбарууд ажлын цагаар ажиллах бөгөөд 15-наас энгийн цагийн хуваарьт шилжих гэнэ.


    Харин интернэт банкны үйлчилгээгээр Голомтын данс хооронд 20 хүртэлх сая төгрөгийн гүйлгээ хийх боломжтой. Дээрх өдрүүдэд интернэт банк үйлчилгээгээр бусад төрлийн гүйлгээ хийсэн тохиолдолд дараагийн ажлын өдөрт буюу долдугаар сарын 16-ны өдөр хийгдэх юм байна.

Хадгаламж банк баяр наадмын өдрүүдэд нийслэлд хоёр тооцооны касс дараах хуваарийн дагуу ажиллана. Тухайлбал, “Занабазар” тооцооны касс өнөөдөр , маргааш 10:00-18:00, “Цэнгэлдэх” тооцооны касс 12, 13-нд 10:00-18:00 цагийн хооронд ажиллана. Тус банкны орон нутгийн салбар нэгжүүд долдугаар сарын 11, 12, 13-ны өдрүүдэд амарч, долоодугаар сарын 14-нөөс хэвийн хуваарийн дагуу ажиллах ажээ.

Хас банк “Сансар”, “Сонгино хайрхан” салбар баяр наадмын өдрүүдэд буюу өнөөдөр мөн 13-нд 10:00-17:00 цагийн хооронд, “Түшиг” их дэлгүүрт байрлах бизнес үйлчилгээний төв 10:00-24:00 цагийн хооронд тус тус ажиллах юм байна. Долоодугаар сарын 14-нөөс энгийн цагийн хуваариар ажиллах юм байна

Худалдаа хөгжлийн банк долдугаар сарын 11-нд нийслэл дэх хоёр салбар ажиллах буюу “Богдхан” салбар 10:00-16:00, Картын үйлчилгээний тооцооны төв 11:00-17:00 цагийн хооронд тус тус ажиллахаар болжээ. Долдугаар сарын 12, 13, 14-ний өдрүүдэд үйлчилгээний салбарууд нь ийнхүү тус тусын цагийн хуваариар ажиллах ажээ. Харин долдугаар сарын 16-наас энгийн цагийн хуваариар ажиллах ажээ.