МАН-ын бүлгийн гишүүд хэвлэлийн бага хурал хийж, З.Энхболдыг УИХ-ы даргаар хууль бусаар томилсон гэж үзэж байгаагаа илэрхийллээ. УИХ-ын чуулганыг хамгийн ахмад гишүүнээр удирдуулна гэсэн хуулийн заалтыг илт зөрчсөн гэж УИХ-ын гишүүн Н.Энхболд, Я.Содбаатар, С.Бямбацогт нар мэдээлэв. Хууль тогтоодог байгууллага нь ингэж өөрөө хууль зөрчиж байгаад бухимдаж байгаагаа тэд хэллээ. Тиймээс З.Энхболд гишүүнийг хуулийн дагуу УИХ-ын дарга болсон эсэхийг нягтлуулахаар МАН-ынхан Үндсэн хуулийн цэцэд хандахаар болсон байна. 
