Чухам юу нь эмэгтэй хүнийг орон дотроо давтагдашгүй өвөрмөц болгодог вэ? Энэ асуултанд янз бүрийн нас, мэргэжилтэй эрчүүд бараг бүгд адил хариулсан байна.

Олон эмэгтэйчүүдэд нийтлэг байдаг дараах алдаануудыг гаргаад байх юм бол мянган гоё байрлал бодож олоод, Камасутраг бүтнээр нь цээжлээд ч нэмэр байхгүй гэнэ шүү!

1.”Миний биеийн аль хэсэгт хүрвэл илүү их өдөөгддөг талаар тайлбарлах үед тэр инээгээд эхэлдэг”

Эрчүүдийн бие организмын онцлогийг эмэгтэй хүн мэдэж байх ёстой, ядаж анхан шатны түвшинд. Эрчүүдийн сэрлийн цэгүүд бараг бүгдэд нь адил байдаг ажээ. Эрчүүдийн биеийг эзэмдэх урлагийг компьютерийн товчлуур дээр бичихтэй зүйрлэж болно. Хоёрхон хуруугаараа арай ядан товшиж бичих, нүдээ аниж байгаад арван хуруугаараа гялалзуулах хоёрын хооронд өдөр шөнө шиг зөрөө бий. Үүнтэй яг адилаар “халуухан цэгүүдийг” нь олж товшиж чадвал цаадах чинь өөр нууц амраг хайгаад, гүйгээд байх шаардлагагүй болно.

2.”Би найз бүсгүйгээсээ таашаал бүрэн дүүрэн авдаг эсэхийг нь асуухад тэр үгүй гэж хариулсан. Яагаад гэсэн асуултанд маань түүнд өөр байрлалууд таалагддаг гэж хэллээ. Өмнө нь яагаад энэ талаар надад хэлж болоогүй юм бэ гэхэд тэрээр намайг өөрөө энэ тухай таамаглаж мэдэх ёстой байсан гэлээ”

Хайрт бүсгүй нь орон дотроо юу хүсээд байгааг эр хүн заавал өөрөө таамаглаж мэдэх ёстой юу? Өөрсдийн юу хүсдэг, хүсдэггүйгээ хоёулаа ичих эмээх зүйлгүй, илэн далангүй ярилцах ёстой. Чиний хамтрагч чинь олон зүйлийн талаар таамаглаж чадахгүй байж болно шүү дээ. Харин энэ талаарх чиний дуугүй байдал чинь даамжраад байвал харилцан сэтгэл ханамжгүй байдал үүсгэх аюултай.

3.”Миний уулзаж, учирч байсан бүх  хүүхнүүд нэг зүйл дээр яг адилхан байсан: Тэд эхний үед учиргүй секс хүсдэг байснаа хэсэг хугацаанд байнга хамт байгаад ирэхээр аяндаа тэр их хүсэл нь буураад ирдэг”

Хүүхнүүдийн хувьд эрчүүдээс ялгаатай нь секс байнгын улиг домог болоод эхлэнгүүт түүнийг хүсэх хүсэл нь алга болж эхэлдэг. Эмэгтэйчүүдэд зөвхөн бие бялдрын төдийгүй, сэтгэл санааны сэдэлжүүлэг маш чухал. Иймээс өөрийн сексийн харьцаанд бага гэлтгүй өөрчлөлтүүдийг байнга хийж байх нь зүйтэй: шинэ байрлал турших, гэрэлтүүлгээ өөрчилж үзэх, өрөөгөө солих, хөгжим сонсох... г.м.  Хамгийн гол нь шинийг санаачлагч байх хэрэгтэй, энэ тийм ч хэцүү зүйл биш.

4.Эмэгтэй хүн шпагетти хоёр юугаараа ялгаатай вэ?

Энэ хэдийгээр хошин талдаа боловч сексийн харьцааны нэгэн асуудалтай талын мөн чанарыг илэрхийлж буйгаараа онцлог. Зарим хүүхнүүд санаачлагыг зөвхөн эрчүүд гаргах ёстой гэсэн буруу ташаа ойлголттой байдаг. Тэгээд ч орон дотроо үргэлж командлагч байхыг баргийн эр хүн хүсээд байдаггүй. Эмэгтэйн зүгээс байнга идэвхгүй байгаад байвал эрчүүд илүү идэвхтэй, санаачлагатай хүүхний эрэлд морддог. Иймээс түүнийгээ алдахгүйн тулд санаачлагыг гартаа ав.

5.”Найз бүсгүй маань зарим байрлалаас татгалзаад байдаг юм. Учир нь тэдгээр байрлалын үед түүний гэдэсний харвин унжаад онцгүй харагдана гэнээ”

Үнэн хэрэгтээ ихэнх эрчүүд иймэрхүү зүйлд огтхон ч анхаарал хандуулдаггүй. Харин ч хүүхнүүдийн  илүүдэл жин гэж үзээд байгаа зүйл эрчүүдэд илүү эмэгтэйлэг санагдах нь бий. Хэрэв бүсгүй гэдэсний харвингаа харагдуулахгүйн тулд ор руу гялс үсрээд орчихвол эрчүүд харин ч буруугаар ойлгон, аймаар хүсээд яараад байгаа юм байна гэж бодох тал бий.

Сексийн нандин зүйл нь гаднаа биш хүний дотоод мөн чанарт илүүтэй агуулагддаг. Сайн дурлалт  бүсгүй байхын тулд өөртөө илүү итгэлтэй байх хэрэгтэй. Өөрийгөө дур булаам гэж мэдэр, тэгвэл тийм л байх болно!