“Зүүн Азийн Хүүхдийн Урлагийн X Их Наадам”-ыг Монгол Улсын Ерөнхийлөгч ивээлдээ авлаа. ЮНЕСКО-гийн Монголын Үндэсний Комисс, Засгийн газрын хэрэгжүүлэгч агентлаг Хүүхдийн Төлөө Үндэсний газар, Олон Улсын Хүүхдийн “Найрамдал” төв хамтран “Зүүн Азийн Хүүхдийн Урлагийн X Их Наадам”-ыг зохион байгуулж байгаа бөгөөд тус наадам энэ сарын 22-27-ны өдрүүдэд Улаанбаатар хотноо болно.

    “Зүүн Азийн Хүүхдийн Урлагийн X Их Наадам”-ыг Монгол Улсын Ерөнхийлөгч ивээлдээ авлаа. ЮНЕСКО-гийн Монголын Үндэсний Комисс, Засгийн газрын хэрэгжүүлэгч агентлаг Хүүхдийн Төлөө Үндэсний газар, Олон Улсын Хүүхдийн “Найрамдал” төв хамтран “Зүүн Азийн Хүүхдийн Урлагийн X Их Наадам”-ыг зохион байгуулж байгаа бөгөөд тус наадам энэ сарын 22-27-ны өдрүүдэд Улаанбаатар хотноо болно.
Энэ удаа тус наадамд 100 гаруй Монгол хүүхэд, багш нар болон 80 гаруй гадаад хүүхэд, багш нар оролцох бөгөөд наадмын зорилго нь Ази тивд соёлын олон төрөл зүйлийг харилцан сурталчлах, хамгаалах, соёл хоорондын харилцаа холбоог хөгжүүлэх, харилцан ойлголцол, хүндлэлийг бий болгох, энх тайвныг тогтооход хүүхэд, залуучуудын оролцоог нэмэгдүүлэхэд чиглэгддэг.

Дашрамд дурдахад, 2006 онд Их Монгол Улс байгуулагдсаны 800 жилийг тохиолдуулан зохион байгуулагдсан Их наадмын үеэр Олон үндэстний хүүхдийн үерхэл нөхөрлөлийг бэхжүүлэхэд оруулж буй хувь нэмрийг нь үнэлэн Японы мэргэжлийн Сумо бөхийн залуу Озэки Хакухо М. Даваажаргалыг ЮНЕСКО-гийн Энхийн элчээр зарласан нь онцлог үйл явдал болсон бөгөөд тэрбээр Монгол Улсаас ЮНЕСКО-гийн нэрээр нэрлэгдсэн анхны Энхийн элч болсон байна.