Өмнөд Африкийн “Marikana” тугалгын уурхайн ажилчид өнгөрсөн баасан гарагт цалин хөлсний маргаанаас болж бослого гаргасан  юм. Тэгвэл бослого гаргасан ажилчид болон цагдаа нарын хооронд өчигдөр мөргөлдөөн гарчээ. Уурхайчид цагдаа нар руу тэсрэг бөмбөг, шатамхай бодистой шил шидэж байсан учраас цагдаа нар хариу гал нээсэн байна.
  Уг мөргөлдөөний үеэр 18 хүн амь үрэгджээ.  “Marikana” уурхай нь дэлхийн тугалгын ордын гурав дахь том уурхай бөгөөд “Lonmin” компани эзэмшдэг аж. Уурхайчид ажил хаяж, бослого гаргаснаас хойш тугалгын олборлолт зогсож, “Lonmin” компани тугалгын экспортоос хоёр хувийн алдагдал хүлээгээд байгаа аж. Мөн тус компанийн хувьцаа Лондонгийн бирж дээр зургаа гаруй хувиар унасан байна. Түүнчлэн бослого эхэлснээс хойш 28 хүн нас бараад байгаа юм.