Н.Алтанхуягийн тэргүүлэх Засгийн газрын гишүүдийг УИХ-ын чуулганаар томилж байна. Гэхдээ МАН-ын оролцоогүйгээр асуудлыг шийдвэрлэж эхэллээ. Учир нь МАН-ынхан энэ чуулганд оролцохгүй байх хүндэтгэх шалтгаан бий. Учир нь өнөөдрийн УИХ-ын нэгдсэн хуралдаанаар С.Баярцогт, Ч.Улаан нарыг УИХ-ын дэд даргаар томилсон. Харин МАН-аас УИХ-ын дэд даргад нэр дэвшүүлсэн М.Энхболдыг УИХ-ын дэд дарга болгохоос татгалзсан юм. Учир нь АН МАН-ыг УИХ-д бүлэг биш хэмээн үзэж байгаа билээ. Энэ байдлаас үүдэн МАН-ынхан чуулганд оролцохгүй байхаар шийджээ. Тиймээс МАН-ынхан чуулганд оролцоогүй учраас Засгийн газрын гишүүдийг томилох чуулган уйтгартай болж байна. Учир нь сайд нараас асуулт асуухгүй, бүгд нэгэн зэрэг 100 хувь гараа өргөж дэмжиж байгаа юм. Хэрвээ МАН-ынхан чуулганд оролцсон бол шинэ сайд нараас асуулт асууж, чуулган халуухан өнгөрөх байлаа.