Өчигдөр орой ИЗНН-ын Улс төрийн зөвлөл хуралдлаа. Уг хурлаар тус намд оногдсон Байгаль орчин ногоон хөгжлийн яамны сайдаар хэнийг томилдох вэ гэдэг асуудлыг хэлэлцлээ. ИЗНН-ыг Н.Алтанхуяг Засгийн газартаа урьж өөрсдийнх нь үзэл бодолд ойролцоо яамыг санал болгосон юм. Энэ саналыг хүлээж авсны дараа тус намынхан сайдын төлөө өрсөлдөж гурван хувилбарыг гаргаж ирсэн.

  Өчигдөр орой ИЗНН-ын Улс төрийн зөвлөл хуралдлаа. Уг хурлаар тус намд оногдсон Байгаль орчин ногоон хөгжлийн яамны сайдаар хэнийг томилдох вэ гэдэг асуудлыг хэлэлцлээ. ИЗНН-ыг Н.Алтанхуяг Засгийн газартаа урьж өөрсдийнх нь үзэл бодолд ойролцоо яамыг санал болгосон юм. Энэ саналыг хүлээж авсны дараа тус намынхан сайдын төлөө өрсөлдөж гурван хувилбарыг гаргаж ирсэн.
 
 Хэдэн сарын өмнө ИЗНН-д элсэж листээр гишүүн болсон С.Дэмбэрэлийг уг нь АН-ынхан ихээхэн сонирхож сайд бол гэж ятгасан юм. Нөгөөдөх нь даргадаа хэлэлгүй зөвшөөрч асуудлыг нилээд хүндрүүлсэн гэдэг. Ингэж ёс зүйгүй аашилснаа гэнэт мэдэрсэн С.Дэмбэрэл гишүүн ичсэндээ би сайд болохгүй гэж мэдэгдсэн юм. Үүнээс гадна намынх нь зарим нөхөд УИХ-ын гишүүн асан С.Энхбатыг сайд болно гэж хэлэлцсэн ч олонх нь дэмжээгүй аж.
  Ингээд ИЗНН улс төрийн зөвлөлөө хуралдуулж УИХ-ын гишүүн С.Оюуныг Байгаль орчин ногоон хөгжлийн сайд болгохоор санал хураалгахад 75 хувь нь дэмжжээ. Ийнхүү С.Оюун Ардчилсан намын засгийн газартай хамтарч өнөөдөр Байгаль орчин ногоон хөгжлийн сайдаар албан ёсоор томилогдох гэнэ.