УИХ-ын чуулганы ээлжит хуралдаанаар Эрүүгийн хуульд нэмэлт, өөрчлөлт оруулах тухай хуулийн төслийн анхны хэлэлцүүлгийг хийж байна.
Энэ үеэр УИХ-ын гишүүн, Ёс зүйн дэд хорооны дарга Б.Бат-Эрдэнэ “Хуулийн төслөө нэг мөр болгоход Хууль зүйн байнгын хороо ямар байр сууурьтай байна вэ. Нөгөөтэйгүүр, малын хулгайд оногдуулах ялыг чангаруулбал ямар юм бэ. Тоо толгой хөөцөлдөх нь буруу юм биш үү. Иргэдийн зүгээс ч ийм зүйл ярьж байна.
Түүнчлэн эрүүгийн хэргийн хөөн хэлэлцэх хугацаатай холбоотой асуудал. Энэ асуудлыг өнөөдөр хэлэлцаж байгаа хуулийн төслөөр нэг мөр болгох уу. 2018 онд нэг мөр болгох чуулган тасалдсаар байгаад таарлаа. Ингэхээр гэмт этгээдүүд ял завших асуудал нэмэгдэж байна.
Нөгөөтэйгүүр, Бид уучлахгүй хөдөлгөөнөөс УИХ-ын нэр бүхий гишүүдийг үндэслэлгүй хөрөнгөжсөн гэх асуудлаар хандсан. Энэ асуудлыг Хууль зүйн байнгын хороонд шилжүүлсэн. Учир нь УИХ-ын гишүүнд үндэслэлгүй хөрөнгөжсөн, хөрөнгө, орлоготой холбоотой асуудал хуулийн дагуу ярих асуудал байна, Ёс зүйн дэд хорооны асуудал биш байна. Тиймээс бүрэн эрхийг нь түдгэлзүүлэх асуудлыг хуульд өөрчлөлт оруулах замаар хуулийн байгууллага шалгах боломж олгохыг хүссэн. Энэ асуудал хаана явна бэ” гэдгийг Хууль зүйн байнгын хорооны дарга, УИХ-ын гишүүн Х.Нямбаатараас тодруулсан юм.
Үүний хариуд УИХ-ын гишүүн Х.Нямбаатар: Буурьнаасаа хөдөлсөн чулуу бууриа хэдэн жил олдоггүй гэдэг билээ, түүн шиг зүйл болсон. Хууль зүйн сайдаар Х.Тэмүүжин гэдэг хүн томилогдсон. Хууль зүйн салбарт шинэчлэлт хийнэ гэж Эрүүгийн хуулийг өөрчилж батлуулсан. Зөрчлийн тухай хуулийг бий болгосон. Өмнөх парламаент эдгээрийг хуулийг 2015 онд баталсан. Харамсалтай нь, тухайн үед эдгээр хууль нь хэрэгжих боломжгүй байсан учраас Хууль зүйн сайдаар ажиллаж байсан С.Бямбацогт ахлаад Эрүүгийн хуульд нэмэлт, өөрчлөлт оруулах ажлыг эхлүүлсэн. Үүнээс хойш Эрүү, Зөрлийн хуульд маш олон өөрчлөлт орсон. Зарим хүмүүс намайг Зөрчлийн тухай хуулийн автор гэж ярьдаг. Гэтэл би 2012 онд УИХ-ын гишүүн байгаагүй. Энэ хууль 2015 онд батлагдсан. Одоо Зөрчлийн хуулийн шинэчилсэн найруулгыг ирэх хаврын чуулганаар өргөн барина. Эхний ээлжинд тухайн иргэнийг шууд торгохоо болъё. Эхлээд албан шаардлага хүргүүлдэг болъё. Албан шаардлага хүлээж авахгүй бол торгох ч юм уу, арга хэмжээ авдаг болохоор тусгана. Дэлхий нийтэд Зөрчлийн тухай хууль байдаг.
Малын хулгайтай холбоотой асуудлын хувьд ялын хариуцлага чангаруулж байгаа. Гол нь Их хурлын гишүүд хуулийн төсөлтэйгээ танилцмаар байна. тэгж байж асуумаар байна.
Ёс зүйтэй холбоотой асуудлын хувьд Үндсэн хуульд нэмэлт, өөрчлөлт орсонтой холбоотой авах арга хэмжээний тухай тогтоол дээр УИХ-ын эрх зүйн байдал, эгүүлэн татахтай холбоотой тогтоолын төслийг өнөөдөр батална гэж бодож байгаа.
Хөөн хэлэлцэх хугааны хувьд өнөөдөр 44 саналаар санал хураагаад анхны хэлэлцүүлэг дуусвал ирэх долоо хоногийн чуулганаар эцсийн хэлэлцүүлгийг хийхээр товолсон. Эцсийн хэлэлцүүлэгт хамтдаа дагаж мөрдөх хуулийг оруулна. Ингэхээр хөөн хэлэлцэх хугацааг зогсооё. Хөөн хэлэлцэх хугацаа дууссан гэдгээр хэрэгсэхгүй болгосон авлига, албан тушаалын хэргүүдийг дахин сэргээж, мөрдөх дагаж мөрдөх журмын тухай хуулийн төслийг батлуулах төлөвлөгөөтэй ажиллаж байна” гэлээ.
Г.Нацаг
