Орон сууцны тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслийг хэлэлцэх эсэх асуудлыг УИХ-ын өнөөдрийн чуулганаар хэлэлцэж байна. Хэлэлцэж байгаа асуудлаар Их хурлын гишүүд асуулт асууж хариулт авч байна.

О.Баасанхүү: С.Эрдэнэ гишүүний өргөн барьж байсан хуулиас юугаараа өөр юм бэ. Танай яам юу ч хийгээгүй нь үнэн шүү дээ. Аймагт нь мөнгө өгчихдөг. Танил тал, хамаатан садандаа өгчихдөг нь үнэн шүү дээ. Зориулалтын бусаар зарцуулаад байгааг орон нутаг мэднэ гээд хаячихдаг юм бэ. Танайх чинь яам биз дээ. Ипотекийн зээлийг 3 хувь болгоё гэхээр мөнгө байхгүй гэчихээд одоо өр тэглэх гээд байгаа биз дээ. Зээл авсан, аваагүй бүгдийг нь тэглээд мөнгө өг л дөө. Ипотекийн зээлийг таван хувь болгоход хэдэн төгрөг хэрэгтэй юм бэ. Баасанхүү зээлийн хүүг бууруулъя гэхээр мөнгө байхгүй, болохгүй гэнэ. Ингэхгүй ээ. СӨХ-д давхар ачаа үүрүүлж байгаа юм байна. Барилга гэхээр өндөр барилга бодох юм. Яагаад хашаандаа дулаан оруулаад өгчихөж болохгүй байгаа юм бэ. Ингээд нэг хэлбэрийн барилгын зургийг нь баталж өгөөд бариулж болохгүй юу. Тэгэхгүй болохоор хэн дуртай зургаараа байшин барьж байна. Муурийн байшин шиг. Хотын өнгө үзэмж гэж найгүй юм боллоо. 

БХБ-ын сайд Х.Баделхан: С.Эрдэнэ гишүүний хуулиас ялгаатай. СӨХ нь дундын өмчлөлтэй газарт яригдана. Түрүүн хэлсэн. Хөдөө, хуучин орон сууцанд СӨХ байхгүй байна гэж. Тиймээс эдгээрийг нийлүүлээд энэ хуулийг гаргаж байна. Орхон аймагт шинээр баригдсан түрээсийн орон сууцны санг хуваарилах тусгай журам бий. Энэ журмаар олгосон. Үзэмжээр олгоогүй байх. Ипотекийн зээлийн хүүг эдийн засагчид одоогоор бууруулах боломжгүй гэсэн. Байшингийн зургийн хувьд олон хувилбараар гаргасан. Иргэд үүнээс сонгосон.

Ажлын хэсэг: Ипотекийн зээлийн хэрэгцээнд 60 саяар бодоход 600 тэрбум шаардлагатай. 10-12 мянган иргэнд зээл олгоход эрэлтийг хангах боломжтой. Банк санхүүгийн байгууллагыг дэмжих замаар зээл олголтыг нэмэгдүүлэх боломжтой. 

Л.Энх-Амгалан: Ипотекийн зээлийн тогтолцоо мөлжлөгийн хэлбэрт шилжсэн шүү. Хүүгээ түрүүлж авчихаад үндсэн төлбөрөө байлгаад байдаг. Ингэж болохгүй. Жилд 10-12 мянган иргэнийг орон сууцжуулбал эрэлтийг хангана гэхээр маш хангалтгүй байна. Амины орон сууцаа дэд бүтэцтэй болгох, зээлээр барих эрэлт их бий. Бодлогын том дүр зургаа хараач ээ. Иргэдийн орлогод суурилсан орон сууцны бүтээгдэхүүний зээлийг гаргаач ээ. Улаанбаатар, хөдөө орон нутагт. 

Гэр хороололд байгаа орон сууцнууд, амины орон сууцны СӨХ-ийн асуудлыг хуулиар зохицуулах ёстой. Хуучин барилгууд байна. Дээвэр нь цоорхой болчихсон. Дахин төлөвлөлтөөр явах ёстой. Гэхдээ яаж үүнийг өөрөөр шийдэх юм бэ.

БХБ-ын сайд Х.Баделхан: Ипотекийн зээл олголтын тогтолцоог өөрчлөх болсон. Гэтэл манай сан улайсан. Хэрэгжүүлэх мөнгөний эх үүсвэр хэрэгтэй байна. Төрөөс эхний ээлжид шууд олгодог байснаа арилжааны банк, төр 50 , 50 хувиар гаргадаг болсон. Энэ жилээс 60 тэрбумыг олгох замаар эх үүсвэрээ нэмсэн. Монголбанк, Сангийн яам, БХБ-ын яамнаас ажлын хэсэг гарсан. Үр дүн гарах байх.  

Г.Нацаг