УИХ-ын чуулганы нэгдсэн хуралдаанаар ирэх оны төсвийн төслийг хэлэлцэж байна.

Ц.Мөнх-Оргил: Төсвийн шинэчлэлийг дэмжиж байгаа. Харин төрийн өмчийн компаниуд төсвийн хажуугаар төсөв зарцуулаад байна. Хамгийн наад зах нь лефт, Сургуулийн хүүхдийн жорлон барина гээд. уг нь эхлээд төсөвтөө мөнгөө хуримтлуулчихаад дараа нь хуваарилалт хийх ёстой биз дээ. Хоёрдугаарт, ирэх оны төсөв нийслэлийн замыг түгжрэлийг бууруулахад анхаарал хандуулсан, хөрөнгө төлөвлөсөн юм байна. 420-470 орчим тэрбум төгрөг тусгасан байна. Энэ мөнгө яаж зарцуулагдах гээд байна вэ.  

Хот, сангйн яамны хийсэн судалгаагаар машины тоог нэмэхгүй эсвэл машины тоогбууруулж байж шийдэгдэх асуудал юм байна лээ. яаж ч зам нэмж тавиад, өргөтгөөд шийдэгдэхгүй утаатай холбоотой асуудалтай адилхан хайран мөнгө болоод үлдэх гээд байна. 

Утааг арилгахад өчнөөн мөнгө зөрцуулсан. Гэтэл явж явж түүхий нүүрсийг хориглож байж утааныхаа цаана гарсан. 

Үүнтэй адилхан зоригтой арга хэмжээ авахгүй юм уу. Тэгэхгүй бол та бүгдийн авах гэж байгаа арга хэмжээ худлаа болох гээд байна. Жишээ нь, дугаар хязгаарлаж байгаа юм. бусад орнууд бүгпд хэрэглээд үзсэн байна. Хоёр, гурван жилийн дараа машины тоо буцаад нэмэгддэг. Учир нь машиных нь дугаар хязгаарлалттй өдөр өөр машин унадаг. Зам өргөтгөөд байдаг. зам өргөтгөнө гэдэг ногоон байгууламж, дугуй болон явган хүний зама устгаж байгаа хэлбэр. Тэгсэн мөртлөө машины тоо нэмэгдээд байна. 

Одоо 420 тэрбумаар нийтийн тээврийн хэрэгслийн тоог нэмэгдүүлнэ гээд байгаа. Гэхдээ камын ачаалал улам нэмэгдэх байх.

Хувийн унаагаар явахад үнэтэй, удаан харин нийтийн тээврийн хэрэгсээр зорчиход хурдан, тав тухтай байж байж л автобус руугаа шилжинэ. 

Гуравт, улам өргөжөөд байгаа тансаг хэрэглээнийхээ татварыг нэмэх цаг болоогүй юу. Олон машин, байшин л яриад байна. Хэрэглээгээ зөв болгодог, илүүгээ хуримтлал руу шилжүүлдэг бодлогыг хөшүүрэг гаргаж өгөхөөс нааш энэ асуудал шийдэгдэхгүй байх. 

Б.Жавхлан: Төрийн өмчийн үйлдвэрийн газруудад гурван чиглэлээр бүтцийн шинэчлэл хийнэ. Төрийн өмчийн үйлдвэрийн газруудын холбогдох хуулиуд дээр ногдол ашиг, үндсэн үйл ажиллагаанаас гаднах орлого, зарлага тодорхойгүй байдаг. Одоо хийж байгаа хуулийн төсөвт энэ талаар тодорхой зохицуулалт хийнэ. 

Өнгөрсөн дөрвөн жил утаатай тэмцсэн бол ирэх дөрвөн жилийн зорилт түгжрэл байх болно.

Тиймээс энэ жил нийслэлээс улсын төсөвт төвлөрүүлсэн 420 тэрбум төгрөгийг түгжрэлтэйгээ тэмцээрэй гээд суурь зардлыг нь үлдээсэн. Үүнийг зөвхөн түгжрэлийг бууруулах, нийтийн тээврийн шинэчлэлд зориулна. Улсын төсөв батлагдсаны дараа нийслэл төсвөө батлах ёстой. Энэ үеэр түгжрэлийг бууруулах төлөвлөгөө тодорхой болох юм.

Б.Лхам