“Шангри-Ла” зочид буудалд

09:30 цагт Боловсролын төлөө түншлэгчдийн 2023 оны цугларалт, зөвлөлдөх уулзалт болно.

Уулзалтаар Засгийн газраас боловсрол, шинжлэх ухааны салбарт баримталж буй бодлогыг түншлэгч, донор, олон улсын хөгжлийн байгууллага, иргэний нийгмийн байгууллагын төлөөлөлд танилцуулж, хамтын ажиллагаа, түншлэлийн байнгын ажиллагаатай механизмыг бүрдүүлнэ.

Төрийн ордонд

09:30 цагт Хөгжлийн Банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцыг хянан шалгах түр хорооноос нотлох баримтыг шинжлэн судлах гурав дахь шатны сонсгол хоёр дахь өдрөө үргэлжилнэ. 

МУЭ-ийн үзэсгэлэнгийн танхим Арт галерейд

10:00-11:00 цагт 90 гаруй эмэгтэй уран бүтээлчийн хамтарсан "Эмэгтэй уран бүтээлчид-2023" үзэсгэлэнгийн хаалтын ажиллагаа болно. 

Чингэлтэй дүүргийн ЗДТГ-ын нэг давхарт

10:00 цагт Цахим гадаад паспорт олгож эхлэх нээлтийн ажиллагааг зохион байгуулна. Тус арга хэмжээнд ХЗДХ-ийн сайд, УБЕГ-ын дарга болон бусад албаны хүмүүс оролцоно. 

"Блю Скай" зочид буудалд

11:00 цагт Гуравдугаар сард болох Казахстаны Парламентын сонгуулийг тохиолдуулан Казахстаны элчин сайдын яамнаас хэвлэлийн хурал зохион байгуулна.

Үндэсний мэдээллийн төвд

11:30 цагт Барилга байгууламжийг байнгын ашиглалтад хүлээн авсан Улсын комиссын 2013-2019 оны хууль зөрчсөн үйлдэл, баримтын талаар “Бүрэн цутгамал” ХХК-аас мэдээлэл хийнэ.

Хэвлэлийн хүрээлэнд

12:00 цагт Улс хоорондын тээвэр, байнгын ачаа тээврийн тендер будилаантай, хууль бус байгаа талаар зөвлөх инженер Д.Батбаатар хэвлэлийн бага хурал зохион байгуулна.

Шинжлэх Ухааны Академийн байранд

12:00 цагт Дэлхийн математикчдын өдрийг Монгол Улсад анх удаа зохион байгуулж байгаа талаар мэдээлнэ.

“Степпе Арена” мөсөн өргөөнд

13:00-20:30 цагт Өсвөрийн 18 хүртэлх насны хоккейн Азийн аварга шалгаруулах тэмцээн үргэлжилнэ. Өнөөдөр 17:30 цагт Монгол-Узбекистаны багууд тоглоно.