Иргэн Ж.Энхбат “Шүгэл ажиллагаа"-ны хүрээнд мэдээлэл хийж байна.
Тэрбээр "Ардчилсан нам хүний эрхийг дээдэлдэг, шударга ёсны дуу хоолой болдог намын хувьд долоо хоног тутамд хууль яагаад үйлчлэхгүй байгаа талаар шүгэл үлээнэ. Өнөөдөр гурван төрийн өмчийн байгууллагыг АТГ-т шалгуулахаар гомдол гаргаж байна. Тухайлбал, хэмнэлтийн тухай хуулиа мөрдөхгүй байна, шлэн дансны тухай хуулиа мөрдөхгүй, хэрэгжүүлэхгүй байна гэх үндэслэлээр гомдол гаргаж байгаа юм. Засгийн газрын 2022 оны арваннэгдүгээр сарын 30-ны өдрийн 57 дугаар хурлын тэмдэглэл, хэмнэлтийн тухай хуулийг нийслэл, аймаг дүүрэг, яам агентлагууд мөрдөхгүй байна.
Ардын хүүхэд Д.Мөнх-Эрдэнэд нэг цагийн дотор хууль үйлчилдэг. Ардын засгийн дарга нарт хууль үйлчилдэггүй. Ийм хоёр нүүртэй хууль байж болохгүй.
Энэ үүднээс Авлигалын тухай хууль, мэдээллийн ил тод байдлын тухай хууль, хэмнэлтийн тухай хуулийг ноцтой зөрчсөн гурван байгууллагыг нэрлэе.
- Цемент шохой ТӨҮГ
- Багануур ХК
- Монгол шуудан ХК гэсэн гурван байгууллага хуулийг ноцтой зөрчсөн тул эдгээр байгууллагуудын удирдах албан тушаалтнуудыг 24 цагийн дотор ажлаас халах үндэслэлтэй хэмээн үзэж хуулийн дагуу баримт нотолгоотой гомдол гаргаж байна" гэв.
Д.Батчулуун
