Грекийн эргийн ойролцоо дүрвэгсдийг зөөвөрлөж явсан хөлөг онгоц живсний улмаас Пакистаны 300 гаруй иргэн амиа алдсан нь олон арван мянган хүн дайн, хавчлага, ядуурлаас хамгаалах орон хайж барууныг зорьж байгаа тухай, Европын холбоонд тулгарч буй дүрвэгсдийн нөхцөл байдлыг илчлэх хамгийн эмгэнэлт мэдээлэл байлаа.
Пакистаны Сенатын дарга Мухаммед Садик Санжрани ням гарагт хийсэн мэдэгдэлдээ энэ тоог зарлаж, нас барсан хүмүүсийн ар гэрийнхэнд эмгэнэл илэрхийлэв. Тэрбээ "Бидний бодол санаа, залбирал тантай хамт байгаа. Нас барсан сүнсүүд мөнхийн амар амгаланг олоосой гэж бид залбирч байна" гэж хэлэв. Гэвч Грекийн эрх баригчид Пакистанд амиа алдсан хүмүүсийн тоог хараахан батлаагүй байна. Пакистан улс сүүлийн хэдэн арван жилд тохиолдсон хамгийн хүнд эдийн засгийн хямралын үеэ туулж байгаа.
Илүү сайхан ирээдүйг эрэлхийлж Европыг зорин, аюултай замыг туулж яваад амь эрсэдсэн Пакистанчуудын тоо дэлхий дахиныг цочролд оруулсан. Тэгвэл Ерөнхий сайд Шехбаз Шариф даваа гаргийг завь живсний улмаас амиа алдсан хүмүүсийн төлөө үндэсний гашуудлын өдөр болгон зарлав. Ням гарагт твиттер хуудсандаа тэрбээр уг хэргийн талаар "өндөр түвшний мөрдөн байцаалт" явуулахыг тушаажээ. “Үүрэгтээ хайнга хандсан хүмүүст хариуцлага тооцох болно гэдгийг би ард түмэндээ баталж байна. Шалгалтын дараа дарга нарт хариуцлага тооцно” гэж Шариф бичжээ.
Л.Сайнаа