НАСА-гийн цуглуулсан астероидын дээж дэлхийн гадаргууд дээр газардаж, эрдэмтэд нарны аймгийн үүслийн талаар илүү ихийг мэдэх боломжийг олгож, ирээдүйд манай гарагтай мөргөлдөх магадлалтай асар том сансрын чулуулгийн хэсгийг барьж авсан чухал үйл явдал боллоо. Тус агентлаг анх удаа ийм амжилт гаргаж байгааг цохон тэмдэглэе. 

Агаа мандалд хөөрснөөсөө хойш долоон жилийн дараа "OSIRIS-REx" сансрын хөлөг дэлхийн ойролцоох Бенну астероидын онгон дээжийг өнгөрсөн ням гарагт дэлхийд хүргэв. "Origins", "Spectral Interpretation", "Resource Identification", "Security", "Regolith Explorer" гэсэн утгатай OSIRIS-REx нь 2016 онд хөөрч, 2018 онд Беннугийн тойрог замд гарсан. Сансрын хөлөг 2020 онд дээж цуглуулж, тавдугаар сард дэлхий рүү буцах урт удаан аялалдаа гарсан. Уг хөлөг нийтдээ 3.86 тэрбум миль замыг туулан буцаж ирэв.

Сансрын хөлөг ням гарагийн өглөө 8.8 унц астероидын чулуулаг, хөрс агуулсан дээжийн капсулыг дэлхийн гадаргуугаас 63,000 миль (102,000 километр) зайнаас буулгаж, ET 10:42 цагт хурдтай явж байхдаа дэлхийн агаар мандалд оржээ. Энэ нь цагт 27,650 миль (цагт 44,498 км) цагийн хурдыг туулсан явдал юм. 

Хөлгийн хурдыг удаашруулахын тулд шүхэр дэлгэх системийг ажлуулсан бөгөөд 17.7 км цагийн хурдтай байв. Дээж нь агаар мандалд орсноос хойш 10 минутын дараа буюу төлөвлөснөөс хэдхэн минутын өмнө Батлан ​​хамгаалах яамны Юта мужийн туршилт, сургалтын талбайд газарджээ. 

“OSIRIS-REx-ийн хамт олонд баяр хүргэж, "та бүхэн үүнийг хийсэн” гэж НАСА-гийн администратор Билл Нелсон хэлэв. “Энэ ер бусын зүйлийг авчирсан нь дэлхий дээр хүлээн авсан хамгийн том астероидын дээж боллоо. Энэ нь НАСА том зүйлийг хийж, бидэнд урам зориг өгч, биднийг нэгтгэдэг зүйлсийг баталж байна. Анхандаа энэ боломжгүй даалгавар байсангүй. Гэхдээ л эргээд харахад энэ бол боломжгүй зүйл байжээ. Гэвч та бүхэн чадлаа" гэж нэмж хэлэв. 

Л.Сайнаа