“Бүх нийтийн эрх зүйн боловсролыг дээшлүүлэх үндэсний хөтөлбөр”-ийн хүрээнд НЗДТГ, Монголын хуульчдын холбоо хамтран алслагдсан хороодын иргэдэд хууль, эрх зүйн үнэ төлбөргүй зөвлөгөө өгөх өдөрлөгийг зохион байгуулна.
Өдөрлөг аравдугаар сарын 7-ны 11:00-16:00 цагийн хооронд хороодын байр болон иргэний танхимуудад болох юм байна.
Зөвлөгөө өгөх байршлууд:
- Багануур дүүргийн 2 дугаар хороо
- Налайх дүүргийн 5, 6 дугаар хороо
- Багахангай дүүргийн 1, 2 дугаар хороо
- Сонгинохайрхан дүүргийн 21, 32 дугаар хороо
- Хан-Уул дүүргийн 9, 12, 13, 14 дүгээр хороо
- Чингэлтэй дүүргийн 20, 21, 22, 23, 24 дүгээр хороо
- Сүхбаатар дүүргийн 15, 16, 17, 18, 19, 20 дугаар хороо
- Баязүрх дүүргийн 9, 11, 20, 27, 28, 29, 33, 34, 35 дугаар хороонд хуульч, өмгөөлөгч нар иргэдэд үнэ төлбөргүй зөвлөгөө мэдээлэл өгөх аж.
Иргэн та тухайн өдөрлөгөөр иргэний эрх зүй, захиргааны эрх зүй, эрүүгийн эрх зүй болон гэр бүл, гэрээний эрх зүй зэрэг сэдвээр хууль, эрх зүйн үнэ төлбөргүй зөвлөгөө, мэдээлэл авах боломжтой. Байршлын талаарх дэлгэрэнгүй мэдээллийг дээрх хороодоос авна уу.
