АНУ-ын Мэн мужийн Льюистон хотод галт зэвсэгтэй эдгээд энгийн иргэд рүү нээсний улмаас 50 гаруй хүн шархдаж, 16 хүн амь үрэгдсэн тухай тус хотын цагдаагийн газар мэдэгдлээ. Тус хотын оршин суугчид болон ойролцоох Лиссабон хотын оршин суугчдад хоргодох байртай байж, аюулгүй байдлаа хангахыг мөн уриалсан байна. Цагдаа нар 40 настай Роберт Кардыг уг хэргийн гол сэжигтнээр татсан бөгөөд түүнийг "зэвсэглэсэн, аюултай" хэмээжээ. 

Льюистон хотын улсын сургуулиудын ахлах захирал Жейк Ланглайс мэдэгдэл хийхдээ тус дүүргийн сургуулиуд пүрэв гарагт хаагдана гэж мэдэгджээ. Дотоодын аюулгүй байдлын яамны (DHS) мэдэгдэлд, нарийн бичгийн дарга Алехандро Майоркас мэдээлэл авсан бөгөөд нөхцөл байдлыг үргэлжлүүлэн хянаж байгаа гэв. 

АНУ-ын Хууль зүйн яамны мэдэгдэлд холбооны агентлагууд муж улсын болон орон нутгийн хууль сахиулах байгууллагад тусалж байна гэжээ. Цагаан ордон Ерөнхийлөгч Байден Мэйн мужийн захирагч Жанет Миллс, сенатор Ангус Кинг, Сюзан Коллинз, Конгрессын гишүүн Жаред Голден нартай ганцаарчилсан утсаар ярьсан гэж мэдэгдэв. 

Сенатор Кинг мэдэгдэлдээ "Льюистон хот болон гэр бүл, найз нөхөд, хөршүүддээ санаа зовж буй бүх хүмүүст гүнээ харамсаж байна" гэжээ. Льюистон нь 38,000 орчим хүн амтай бөгөөд Мэн мужид Портландын дараа ордог хоёр дахь том хот юм.

Л.Сайнаа