Энэ оны эхээр Финланд улс НАТО-гийн гишүүн орон болох төлөвтэй байгаа. Тэгвэл үүнээс өмнө ОХУ-ын Ерөнхийлөгч Владимир Путин хэрэв тус улс НАТО-д элсвэл "Асуудал үүсэх болно" хэмээн мэдэгдэв. 

Финлянд улс НАТО-д элссэнээр хойд Европын аюулгүй байдалд томоохон өөрчлөлт гарч, эвслийн Оростой залгах хилийн урт 1300 км (830 миль) болох ажээ. Энэ нь Ерөнхийлөгч Путинд хүнд цохилт болсон нь мэдээж.

"Тэд Финляндыг НАТО руу татаж байна! Яагаад, бид Финландтай ямар нэгэн маргаантай байсан уу? Бүх маргаан, тэр дундаа 20-р зууны дунд үеийн нутаг дэвсгэрийн шинж чанартай маргаан аль эрт шийдэгдсэн. Ямар ч асуудал байгаагүй, гэхдээ одоо байх болно, учир нь бид одоо тэнд Ленинградын цэргийн тойрог байгуулж, цэргийн ангиудыг тэнд төвлөрүүлэх болно” гэж Путин ням гарагт нийтэлсэн ярилцлагадаа дурджээ.

ОХУ-ын удирдагч “Орост НАТО-гийн орнуудтай тулалдах ямар ч шалтгаан, ашиг сонирхол, геополитикийн, эдийн засаг, улс төр, цэргийн аль аль нь байхгүй” гэж мэдэгдээд, Москва НАТО-гийн орнуудад нутаг дэвсгэрийн ямар ч нэхэмжлэлгүй гэж нэмж хэлэв. Тэдэнтэй (НАТО-гийн орнууд) харилцаагаа таслах хүсэл байхгүй, бид харилцаагаа хөгжүүлэх сонирхолтой байна” гэж Путин нэмж хэлэв.

Л.Сайнаа