Хийн дэлбэрэлт бол хүний болгоомжгүй үйдлээс шууд хамааралтай зүйл. Энэ нь ихэвчлэн хийн алдагдлаас үүссэн шатамхай хольцыг асаах явдал юм. Ахуйн ослын үед гол тэсрэх хий нь байгалийн хий, метан, пропан, бутан зэрэг халаалт эсвэл хоол хийх зориулалтаар ашиглагддаг хийнүүд байдаг. Аж үйлдвэрийн нөхцөлд устөрөгч, ууршуулсан хийн бензин эсвэл этанол зэрэг бусад олон төрлийн хийнүүд багтана. 

Ахуйн хэрэглээний шингэрүүлсэн шатдаг хийн баллоныг зөв хэрэглээгүйн улмаас аюулын эх үүсвэр болдог. Хийн баллоныг буруу тээвэрлэж, хэрэглэж, хадгалснаас дэлбэрч эрүүл мэнд, эд хөрөнгө, улмаар амь насаараа хохирч үлддэг. Өнгөрсөн шөнө болсон эмгэнэлт явдлын араас 2020 оноос хойш дэлхий дахинд бүртгэгдсэн хийн дэлбэрэлтийн гашуун жишээнүүдийг хүргэж байна. 

• 2020 оны долдугаар сарын 30-нд Японы Фүкүшима мужийн Корияма хотод байрлах Шабу-шабу ресторанд хий дэлбэрч, нэг хүн нас барж, 19 хүн шархадсан байна. 
• 2020 оны наймдугаар сарын 10-нд Мэрилэнд мужийн Балтимор хотод хий дэлбэрч, нэг эмэгтэй амиа алдаж, хоёр хүн хүнд шархадсан. Дэлбэрэлтийн улмаас нурсан гурван эгнээ байшингийн нуранги дороос таван хүнийг гаргаж авсан аж.  
• 2020 оны 12 дугаар сарын 20-ны өдөр Лиссабон дахь Гэгээн Мартагийн эмнэлгийн эсрэг талд байрлах дөрвөн давхар байшинд хий дэлбэрсний улмаас хоёр хүн амиа алдаж, таван хүн шархадсан. 
• 2021 оны нэгдүгээр сарын 20-нд Испанийн Мадрид хотод хий дэлбэрсний улмаас дөрвөн хүн амиа алдаж, 10 хүн шархадсан.
• 2021 оны хоёрдугаар сарын 3-нд АНУ-ын Виржиниа мужийн Спрингфилд хотын байшинд хийн дэлбэрэлт болж, гурван хүн шархадсан. 
• 2021 оны хоёрдугаар сарын 17-нд Английн Манчестер хотод хий дэлбэрч, байшин нурсны уршгаар нэг хүн амиа алдаж, хоёр хүн гэмтсэн байна.
• 2021 оны тавдугаар сарын 4-нд Английн Виллсборо хотод хийн дэлбэрэлт болж, байшин нуржээ. Нөлөөнд нь долоон хүн гэмтэж, бэртсэн. 
• 2021 оны тавдугаар сарын 16-ны 2:30 цагт Ланкашир мужийн Хейшам хотын ойролцоо хийн дэлбэрч, 2 байшинг нурааж, нэг хүүхэд, дөрвөн том хүн нас баржээ. 
• 2022 оны гуравдугаар сарын 16-ны өдөр Лиссабон дахь Амадора хотын Касаль де Сан Брас хотод найман давхар байшинд хийн дэлбэрэлт болж, 15 хүн шархадсан. 
• 2022 оны тавдугаар сарын 6-нд Испанийн Мадрид хотод болсон дэлбэрэлтийн улмаас хоёр хүн амиа алдаж, 18 хүн шархаджээ.
• 2022 оны тавдугаар сарын 6-нд Кубын нийслэл Гавана хотод Саратога зочид буудалд болсон дэлбэрэлтийн улмаас 45 хүн амиа алдаж, 97 хүн шархаджээ. Дэлбэрэлт зочид буудлын гадаа зогсож байсан шатахуун түгээх машин алдагдсанаас болсон байна.
• 2022 оны зургадугаар сарын 26-нд Английн Бирмингем дэх байшин сүйдэж, бусад хэд хэдэн машин эвдэрсэн. Нэгэн эмэгтэй нас барж, нэг эрэгтэй шархадсан байна. 
• 2022 оны наймдугаар сарын 8-ны өдөр Лондоны өмнөд хэсэгт байрлах Торнтон Хит хотын захын Галпин замд байрлах байшин өглөөний 7 цагийн орчимд бүрэн нурж, дөрвөн настай охин гэмтлийн улмаас нас барж, бусад хэд хэдэн хүн янз бүрийн гэмтэл авчээ. Хөршүүд нь дэлбэрэлт болохоос долоо хоногийн өмнө хий үнэртэж байгаа тухай мэдээлсэн гэдэг. Улмаар тэд хийн компанитай холбоо барьсан ч даруй ирээгүй тул тухайн гэр бүлийн амьдрал сүйджээ. 
• 2022 оны 12 дугаар сарын 24-нд Их Йоханнесбургийн Зүүн Рэнд дэх Боксбург хотод LPG тээвэрлэж явсан хийн цистерн эмнэлгээс 100 метрийн зайд гүүрэн доор гацсаны дараа шатаж дэлбэрсэн 
• 2023 оны зургадугаар сарын 21-нд Хятадын Инчуань хотод лууны завины наадмын өмнөхөн хөл хөдөлгөөн ихтэй гудамжинд хийн дэлбэрч , рестораны гал тогооны өрөөнд шингэрүүлсэн хийн сав алдагдсаны улмаас 31 хүн амь үрэгджээ.
• 2023 оны зургадугаар сарын 21-нд Францын нийслэл Парис хотын төвд хийн дэлбэрэлт болж Парисын Америкийн академи нурж, гурван хүн амиа алдаж , 50 хүн шархадсан.

Л.Сайнаа