Калифорнийн Карлсбад хотын Леголанд цэцэрлэгт хүрээлэнгийн балар эртний үеийн бүжгийн үдэшлэгт үлэг гүрвэлийн хувцас өмссөн 1273 хүнийг цуглаж, Гиннесийн дээд амжилтыг тогтоолгох оролдлого хийжээ.
Гуравдугаар сарын 22-нд албан ёсоор нээлтээ хийх уг цэцэрлэгт хүрээлэнгийн шинэ Дино хөндийг угтан "Леголанд" нэртэй бүжгийн үдэшлэг зохион байгуулсан нь энэ.
Үлэг гүрвэлүүд ням гарагт Карлсбад хотын зугаа цэнгэлийн тус цэцэрлэгт хүрээлэнд цугларч, үлэг гүрвэлийн хувцас өмссөн хүмүүсийн хамгийн том цугларалтаар Гиннесийн номд бүртгүүллээ гэж орон нутгийн хэвлэлд бичжээ.
Одоогийн байдлаар 2019 онд Лос Анжелес хотод үлэг гүрвэлийн өмсгөлтэй 252 хүн цугларсан нь дээд амжилт болоод буй. 2023 онд Саскачеваны Дундурн хотод болсон арга хэмжээнд 1187 хүн үлэг гүрвэлийн хувцас өмссөн гэж мэдээлж байсан ч Гиннесийн дээд амжилтын номд энэ оролдлого батлагдаагүй байна.
Л.Сайнаа
