Францын ерөнхийлөгч Эммануэль Макроны боксын мишок цохиж буй гэрэл зургууд олон нийтийн сүлжээнд тарж, олны гайхшрал, үзэн ядалтыг бадраав. Түүний албан ёсны гэрэл зурагчин "Soazig de la Moissonnière"-ийн Instagram хуудсанд нийтэлсэн хар цагаан зургуудад Макрон бариу пудболктой, боксын бээлий өмсөж, хичээнгүйлэн бэлтгэл хийж байгааг харуулжээ.
Нэг зурагт тэр шазуур зуун хүчтэй цохиж буйг харуулсан. Тайлбарлагчид эдгээр зургуудыг Макрон Москвагийн эсрэг улам ширүүн байр суурьтай байгаатай холбон тайлбарлаж байна. Сүүлийн долоо хоногт Макрон Киевт барууны цэргийг илгээх боломжтойг дахин сануулж, Украинд Орос ялалт байгуулбал Европын аюулгүй байдал эрсдэлд орно гэдгийг анхааруулж байв.
Энэ хооронд олонх хүмүүс жүдо, морь унах зэрэг спортоор хичээллэж буй зургаа нийтэлдгээрээ алдартай ОХУ-ын Ерөнхийлөгч Владимир Путинтэй адилтгав.
Л.Сайнаа
