2012 оны УИХ-ын сонгуулийн дараа МАН-ын Ерөнхий нарийн бичгийн дарга Л.Оюун-Эрдэнэ сонгуулийн үеэр санал тоолох автомат машинтай холбоотой элдэв будилааны талаар хэвлэлийн бага хурал хийсэн. Хурлаар “Санал тоолох автомат машинд олон нийт итгэхгүй байна. Энэхүү маргаантай асуудалд З.Энхболд нар буруутай” хэмээн ярьсан юм. Харин хурлын дараа УИХ-ын дарга З.Энхболд нэр төрд халдлаа хэмээн Сүхбаатар дүүргийн цагдаагийн хэлтэст гомдол гаргасан юм.
    2012 оны УИХ-ын сонгуулийн дараа МАН-ын Ерөнхий нарийн бичгийн дарга Л.Оюун-Эрдэнэ сонгуулийн үеэр санал тоолох автомат машинтай холбоотой элдэв будилааны талаар хэвлэлийн бага хурал хийсэн. Хурлаар “Санал тоолох автомат машинд олон нийт итгэхгүй байна. Энэхүү маргаантай асуудалд З.Энхболд нар буруутай” хэмээн ярьсан юм. Харин хурлын дараа УИХ-ын дарга З.Энхболд нэр төрд халдлаа хэмээн Сүхбаатар дүүргийн цагдаагийн хэлтэст гомдол гаргасан юм.
   
    Уг гомдлыг тус дүүргийн цагдаагийн хэлтсээс дөрвөн сар гаруй хугацаанд шалгасны эцэст Л.Оюун-Эрдэнийг УИХ-ын дарга З.Энхболдын нэр төрд халдсан хэмээн үзжээ. Учир нь санал тоолох машин оруулж ирсэн компанитай З.Энхболд ямар нэг байдлаар холбоогүйг баримтаар нотлосон байна. Иймээс Л.Оюун-Эрдэнэ УИХ-ын дарга З.Энхболдоос “facebook” хуудсаараа дамжуулан албан ёсоор уучлал гуйлаа.
  
     Тэрээр “Өнөөдөр Сүхбаатар дүүргийн цагдаагийн газар очиж, 6 сар хэртэй үргэлжилсэн хэргийн материалтай танилцлаа.
2012 оны УИХ-ын сонгуулийн үеэр санал тоолох машин оруулж ирж байгаа компани УИХ-ын гишүүн З. Энхболдын өөрийн компани байж болзошгүй тухай мэдээлэл бидэнд ирсэн гэсэн мэдэгдэл хийсэн. Үүнийг гүтгэлэг гэж үзэн цагдаагийн байгууллагаар шалгагдаж байсан юм. Нэгэнт хууль хяналтын байгууллага З. Энхболд нь санал тоолох машин оруулж ирсэн компанитай ямар нэг байдлаар холбоогүйг баримтаар нотлосон тул сонгуулийн үеэр ташаа мэдээлэлд үндэслэн дээрх агуулга бүхий мэдээлэл хийсэндээ УИХ-ын дарга З. Энхболдоос facebook хуудсаараа дамжуулан албан ёсоор хүлцэл өчих нь зүйтэй гэж үзэв.” гэжээ.