Саймон Сио Макаогийн жирийн гэр бүлээс гаралтай. Залуудаа тэр тухайн үеийн хотын хамгийн том гэгддэг байсан Централ зочид буудлын эсрэг талын хуучин барилгад амьдарч байжээ. 1928 онд нээгдсэн энэ газар хэдэн арван жилийн туршид алдартнууд болон дипломатуудын цуглардаг нэр хүндтэй газар байв.
1960-аад онд залуу Сио уг газарт нууцаар орж өрган танхим, тансаг дээд зэрэглэлийн орчин зэргийг нь гайхан биширдэг байв. Учир нь тэр хүүхэд байхдаа уг зочид буудал руу зааж, хэзээ нэгэн цагт худалдаж авна гэж мөрөөддөг жаал байсан аж. Нэг өдөр түүнийг зочид буудлын ажилчид хөөж байсан гэдэг. Тэр цагаас хойш Сиогийн санасандаа хүрэх хүсэл улам бадарчээ.
Хэдийгээр олон хүүхэд багадаа янз бүрийн агуу мөрөөдөл тээдэг ч түүндээ хүрдэг нь ховор. Гэвч тэдний нэгэн адил мөрөөдсөн Сиог санасандаа хүрнэ чинээ зүүдэлсэн хүн үгүй биз.
Өдгөө 65 настай бизнесмен 1991 онд өөрийн үл хөдлөх хөрөнгийн хөгжлийн компани болох "Lek Hang Group"-ийг үүсгэн байгуулжээ. 2024 он хүртэл урагшилсаар Сио саяхан 96 жилийн түүхтэй Централ Зочид буудлын шинэ эзэн болж, албан ёсоор тууз хайчилсан юм. Гэхдээ тэр зочид буудлыг худалдаж авсан нь мөрөөдөлдөө хүрэхээс гадна Макаогийн түүхийн нэн чухал хэсгийг хадгалж, сэргээхийг хүссэн ажээ.
Сүүлийн жилүүдэд Макаогийн эргэн тойронд тансаг амралтын цогцолборууд, тэнгэр баганадсан барилгууд тасралтгүй сүндэрлэх болсон. Үүний балагаар хотын түүхэн барилгууд өнгө зүсгүй, сүргүй харагдах болсонд тэр санаа чилээсэн хэрэг.
Л.Баяр
