АНУ-ын Ерөнхийлөгч Доналд Трамп мягмар гарагт Газын зурваст Палестинчуудын хувьд мөнхийн ирээдүй байхгүй. АНУ Газын зурвасыг "эзлэн авна" гэж мэдэгдэв.

Трамп Израилын ерөнхийлөгч Бенжамин Нетаньяхутай хамтарсан хэвлэлийн бага хурал хийх үеэрээ "АНУ Газын зурвасыг авах болно. Бид үүнийг эзэмшиж, газар дээрх бүх аюултай дэлбэрээгүй бөмбөг болон бусад зэвсгийг хурааж, талбайг тэгшлэх, эвдэрсэн барилгуудаас салах үүрэгтэй. Газын хувьд бид шаардлагатай зүйлийг хийх болно. Шаардлагатай бол бид үүнийг хийх болно. Бид өгжүүлнэ" гэжээ.

Газын зурвас дахь аюулгүй байдлын орон зайг нөхөхийн тулд АНУ-ын цэргийг илгээхэд бэлэн үү гэсэн асуултыг Трамп үгүйсгээгүй аж. Трампын хэлсэн үг Америкийн Ойрхи Дорнод дахь хамгийн удаан үргэлжилсэн дайныг шүүмжилж, дэлхий дахинд эмх цэгцийг тогтоох бодлогынх нь нотолгоо болов.

"Би урт хугацааны өмчлөлийн байр суурийг харж байгаа бөгөөд энэ нь Ойрхи Дорнодын тэр хэсэг, магадгүй бүх Ойрхи Дорнодод агуу тогтвортой байдлыг авчирна гэж би харж байна. Энэ бол хөнгөн шийдвэр биш. Миний ярилцаж байсан хүн бүр АНУ тэр газрыг эзэмшиж, гайхамшигтай зүйлээр хөгжүүлж, олон мянган ажлын байр бий болгоно гэсэн санааг дэмждэг" гэж Трамп Зүүн танхимд сэтгүүлчдэд ярьжээ.

Үл хөдлөх хөрөнгийн наймаанаас улс төрийн талбарт дэвшсэн түүний хувьд энэ асуудлыг "олон сарын турш сайтар судалсан" байхаас гарцаагүй. Түүнчлэн Трамп Газынхныг Ойрхи Дорнодын нэг буюу хэд хэдэн үндэстний өгсөн шинэ газар руу нүүхийг санал болгох магадлалтай байна. “Тэдэнд өөр сонголт байхгүй. Тэдэнд байгаа нь яг одоо бол их хэмжээний нуранги” гэж Трамп Нетаньяхуг Зууван танхимд хийх уулзалтад оролцохын өмнөхөн хэлжээ.

Газын иргэдийг нутгаас нь гаргах тухай Трампын санал нь Израилын хамгийн консерватив улстөрчдөд таалагдах өдөөн хатгасан байр суурьтай харагдаж буй.

Мягмар гарагт Трамп энэ асуудлыг хүмүүнлэгийн асуудал гэж үзээд дайнд нэрвэгдсэн нутаг дэвсгэрт хүн байх боломжгүй гэж мэдэгдэв. "Тэд яагаад буцаж ирэхийг хүссэн юм бэ? Энэ газар там байсан. Хүмүүс Газа руу буцах ёсгүй гэж би бодохгүй байна. Газа бол хүмүүсийн амьдрах газар биш" гэж Трамп хэлээд "Тэдний гэр учраас" гэж хариулсан сэтгүүлчийг үл тоомсорлов.

Зууван танхимд Трамптай зэрэгцэн сууж байсан Нетаньяху Трампыг ярьж байхад инээмсэглэсээр байлаа. Израилын удирдагч дотооддоо зөрчилдөөн, дарамт шахалтанд өртөж, Газын зурваст гал зогсоох хэлэлцээрийн дараагийн шатанд Трамп яг ямар байр суурьтай байгааг тодруулахаар Вашингтонд очсон нь гарцаагүй. Гэвч Трамп Газын зурвасыг палестинчуудын байнгын гэр орон биш гэж үзэж байгаа нь өнгөрсөн сард байгуулсан түр эвлэрлийн гэрээнээс татгалзахыг Нетаньяхуд уриалсан хандлагатай байв.

Л.Баяр