Трампын засаг захиргааны цагаачлалын эсрэг хэрэгжүүлж буй бас нэгэн арга хэмжээ нь АНУ 75 орны цагаачлалын визний боловсруулалтыг тодорхойгүй хугацаагаар түдгэлзүүлсэн явдал байв.

Тодруулбал энэ хугацаанд эдгээр 75 улсаас АНУ-д виз мэдүүлсэн бол тодорхойгүй хугацаагаар хойшилж, үйл явц нь саатаж байгаа аж. Түр түдгэлзүүлэлт нь АНУ-д ажиллах эсвэл гэр бүлтэйгээ хамт байх зэрэг цагаачлалын визэнд хамаарна. Гэвч оюутны болон жуулчны виз зэрэг цагаачлалын бус визэнд хамаарахгүй бөгөөд энэ зун АНУ-д болох Дэлхийн аварга шалгаруулах тэмцээнийг үзэхийг хүсэгчдэд мөн хамаарахгүй ажээ.

Түр зогсолт нэгдүгээр сарын 21-нд эхэлнэ гэж АНУ-ын албаны хүн мэдэгдэв. Үүнд ямар улсууд багтав. Үүнд Монгол багтсан. 

АНУ-ын албан тушаалтны мэдээлснээр, цагаачлалын визний боловсруулалтыг түдгэлзүүлсэн орнуудад Афганистан, Албани, Алжир, Антигуа ба Барбуда, Армени, Азербайжан, Багамын арлууд, Бангладеш, Барбадос, Беларусь, Белиз, Бутан, Босни, Бразил, Бирм, Камбож, Камерун, Кабо Верде, Колумб, Кот-д'Ивуар, Куба, Ардчилсан Конго улс, Доминика, Египет, Эритрей, Этиоп, Фижи, Гамби, Гүрж, Гана, Гренада, Гватемал, Гвиней, Гаити, Иран, Ирак, Ямайка, Йордан, Казахстан, Косово, Кувейт, Киргизстан, Лаос, Ливан, Либери, Ливи, Македони, Молдав, Монгол, Монтенегро, Марокко, Балба, Никарагуа, Нигери, Пакистан, Конго улс, Орос, Руанда, Сент-Киттс ба Невис, Сент Люсиа, Сент-Винсент ба Гренадин, Сенегал, Сьерра-Леоне, Сомали, Өмнөд Судан, Судан, Сири, Танзани, Тайланд, Того, Тунис, Уганда, Уругвай, Узбекистан, Йемен багтаж байна.

Л.Баяр