Шинэчлэгдсэн Аваргуудын лигийн формат хоёр дахь жилдээ Европын шилдэг клубүүдийг асар их дарамтад оруулж байна. Хэсгийн шат дуусахад ганцхан тоглолт үлдээд байгаа энэ үед зөвхөн Арсенал, Байерн Мюнхен багууд л эхний наймд багтах эрхээ баталгаажуулжээ. Харин шууд 1/8 шигшээд шалгарахыг зорьж буй багуудын дунд дэлхийн хэмжээний 1xBet брэндтэй албан ёсны түншлэлтэй хоёр Пари Сен-Жермен болон Барселона клубүүд багтаж байна. Тэдний хувьд эцсийн тойрог хувь заяаг нь шийдэх мөч болоод байна.

Ханси Фликийн удирдсан Барселонагийн хувьд энэ тоглолт бол зүгээр нэг хэсгийн сүүлийн тоглолт бус, шууд шигшээд шалгарах төлөөх эцсийн сорилт юм. Долоон тоглолтын дараа каталончууд 13 оноотойгоор есдүгээр байрт бичигдэж, плей-оффын нэмэлт шатанд тоглох “саарал бүс”-д орчихоод байна.

Германы дасгалжуулагчийн удирдлага дор Барселона довтолгооны аймшигтай машин болж хувирсан бөгөөд өндөр хамгаалалтын шугам, тасралтгүй прессинг, Ламин Ямаль, Рафинья нарын жигүүрийн хурд багийн тоглолтыг маш үзүүштэй болгожээ.

Гэхдээ Копенхаген амархан бууж өгдөг баг биш. Улирлын турш дарамт дор тэсэж чаддагаа харуулсан Данийн баг одоогоор 26-д бичигдэж, эхний 24-т багтахын төлөө тэмцэж байна. Европын тэмцээнээ үргэлжлүүлэхийн тулд тэдэнд ядаж тэнцээ хэрэгтэй. Харин Барселонагийн хувьд гоолын зөрүү маш чухал. Учир нь 13 оноотой өөр долоон баг байгаа бөгөөд Ньюкасл Юнайтед +10, Челси +6 гоолын зөрүүтэй байхад Барселона +5-тай байна. Иймээс каталончууд эхний минутаас сүүлчийн шүгэл хүртэл бүрэн дайчилж тоглох нь гарцаагүй.

Пари Сен-Жермен болон Ньюкасл Юнайтед хоёулаа 13 оноотой бөгөөд одоогоор Барселонагаас дээгүүр бичигдэж байна. Тэдний хоорондох энэ тоглолт хэн нь хоёрдугаар сард плей-оффын нэмэлт шатнаас зайлсхийж, гуравдугаар сард тайван бэлтгэхийг шийднэ. Тэнцээ аль алинд нь ашиггүй.

Луис Энрике Парисын багт оддын цуглуулгыг бус, багийн тоглолтыг чухалчилсан системийг бүрдүүлж байна. Довтолгоонд хурд, төвд зохион байгуулалт сайн ч хамгаалалт нь сул тал хэвээр, бүр сул багуудад ч боломж олгодог. Харин Эдди Хаугийн удирдсан Ньюкасл Юнайтед том нэрнээс айдаггүй. Тэдний шууд, хүчирхэг хэв маяг Парисын нарийн байрлалын тоглолттой мөргөлдөх бөгөөд энэ нь жинхэнэ эсрэг тэсрэг хоёр философийн тулаан болно.

Гэсэн ч нэг чухал баримт байгаа нь Ньюкасл ихэвчлэн талбайдаа илүү сайн тоглодог. Улирлын эхний хагаст Премьер лигт зочлон ердөө хоёрхон ялалт байгуулсан нь (Эвертон, Бёрнлигийн эсрэг) үүнийг нотолно. Харин Пари Сен-Жермен бол өөр түвшний өрсөлдөгч тул энэ тоглолтод талбайн эзэд илүү магадлалтай харагдаж байна.