БАРИМТ 1
Хөхний сүү нь найрлагадаа сая гаруй амьд эсүүд агуулна. Эдгээр нь дархлааг бэхжүүлж, нярайн эрхтний өсөлт, нөхөн сэргээлтэд томоохон хувь нэмэр оруулдаг.
БАРИМТ 2
Ангир уураг (анхны сүү) нь нярайн гэдэс дотрыг бүрхэх тусгай уургуудыг агуулдаг бөгөөд эдгээр нь нярайг аливаа нэг эмгэгээс хамгаалдаг байна.
БАРИМТ 3
Эхийн сүү бол нярай хүүхдийн дөнгөж хөгжиж буй, эмзэгхэн хоол боловсруулах системд яг тохирсон. Эхийн сүүгээр хооллодог хүүхдэд өтгөн хаталт, шингэн алдалт бараг илэрдэггүй. Дан ганц эхийн сүүгээр хооллож байх нөхцөлд бүрэлдэн бий болдог гэдэсний өнгөр нь элдэв үрэвсэл, шингэн алдахаас хамгаалж байдаг байна.
БАРИМТ 4
Төрснөөс хойших эхний 6 сарын туршид өөр ямар нэгэн нэмэлт хоол тэжээлийн шаардлагагүйгээр түүний бүхий л хэрэгцээг эхийн сүү дангаараа хангаж чаддаг.
БАРИМТ 5
200 гаруй олигосахарид агуулдаг. Эдгээр нь нярайн гэдсэн дэх тэнцвэртэй байдлыг хадгалахад шаардлагатай пребиотикийн (ашигтай бичил орчныг үүсэх хөрс болж өгдөг) үүргийг гүйцэтгэдэг. Үүний зэрэгцээ эдгээр нь халдварыг цусны урсгалд орох болон тархины үрэвсэл үүсэхээс сэргийлнэ.
БАРИМТ 6
Эсийн бодисын солилцоог дэмжих 40 гаруй фермент агуулна. Эдгээр нь хоол боловсруулах, биед төмрийг шингээж авах чадварыг дэмжиж, дархлааг идэвхжүүлэх үүрэгтэй.
БАРИМТ 7
Нярайн бие махбодын өсөлт, тархины мэдрэлийн эсүүдийг хамгаалах, дэмжихэд тусалдаг 1000 гаруй төрлийн уураг агуулна. 20 гаруй амин хүчил агуулагддаг. Эрдэмтдийн үзэж байгаагаар эдгээр нь нярай бөх унтаж амрахад тусалдаг байна.
БАРИМТ 8
Эхийн сүүгээр хооллодог нярай хүүхдийн хувьд эхний 6 сардаа болон нэмэлт хоолонд орох үед нь ч тэр хоол хүнсний тал дээр ямар нэгэн харшил өгөх нь угжны хүүхэдтэй харьцуулахад харьцангуй бага байдаг байна.
БАРИМТ 9
Олон төрлийн дааврууд агуулагдана. Эдгээр нь эд эрхтний хоорондын мэдээлэл солилцоог хангаж, хэвийн үйл ажиллагааг дэмжинэ. Зарим даавар нь хоолны дуршлыг хянах, унтах, ээж ба хүүхдийн хоорондын холбоог бэхжүүлэх үүрэгтэй.
БАРИМТ 10
Хүүхдийн мэдрэлийн тогтолцоог бий болгох, тархи болон нүдийг хөгжүүлэх гол үүргийг гүйцэтгэгч урт гинжит тосон хүчил агуулагдана.
БАРИМТ 11
1400 төрлийн микроРНХ (уургийн нийлэгжилт чухал үүрэгтэй нуклеин хүчил) агуулна. Эдгээр нь аливаа нэг эмгэгээс урьдчилан сэргийлэх, тархалтыг зогсоох, дархлааг дэмжих үүрэгтэй ба эхийн хөхний бүтцийг өөрчлөх чадвартай гэж үздэг байна.
БАРИМТ 12
Хөхний сүүний найрлагад халдвараас хамгаалах болон хөхний үрэвсэл дарах бодисууд агуулагддаг. Хэрэв таны хөхний толгой хагарсан бол сүүнээс хэдэн дуслыг түрхэж шавших нь эдгэрэлтийг дэмжинэ.
БАРИМТ 13
Баруун талын хөхөнд илүү их сүү ордог. Хөхний хэмжээнээсээ болж санаа зовних хэрэггүй! Учир нь сүүний хэмжээ хөхний хэмжээнээс огт хамаардаггүй аж.
БАРИМТ 14
Хөхөөр хооллоход өдөрт 500-600 калор шатаадаг тул богино хугацаанд хэвийн жиндээ эргэн очиход туслах юм.
БАРИМТ 15
Эхийн хооллолтоос хамаарч хөхний сүү цэнхэр, ногоон, алтлаг шар, ягаан, улбар шар өнгөтэй гарах боломжтой. Энэ нь хүүхдэд ямар нэгэн сөрөг нөлөөгүй байдаг байна.
БАРИМТ 16
Хөхүүлэх нь хөх хэлбэрээ алдах шалтгаан болдоггүй. Харин жирэмсний үед ялгарах дааврууд нь хөхийг дэмжих шөрмөсийг сунгадаг тул жирэмсний хугацаанд өөрт тохирсон хөхний даруулга заавал хэрэглэж хэвшээрэй.
БАРИМТ 17
Эх өвдсөн тохиолдолд хөхөөр хооллохыг хориглодоггүй. Учир нь энэ үед эхийн биед өвчин үүсгэгчтэй тэмцэх дархлааны хариу урвал өрнөн, эсрэг биет үүсэж байдаг байна. Хөхөөр хооллох үед сүүгээр дамжин хүүхдэд ч мөн уг халдвар, эмгэгээс өөрийгөө хамгаалах эсрэг биет дамждаг байна.
БАРИМТ 18
Хөхөөр хооллож байсан эмэгтэйчүүд хөхний хорт хавдар, зүрхний шигдээс, хоёр дугаар хэлбэрийн чихрийн шижин, төрсний дараах сэтгэл гутрал зэрэгт өртөх магадлал бага байдаг а
БАРИМТ 19
Төрснөөс хойш 28 хоногийн туршид хөхүүлэх нь нярайн тархины хөгжилд эерэгээр нөлөөлж, бага насанд ой тогтоох чадвар болон IQ сайтай болдог байна.
БАРИМТ 20
Хөхний сүү нь нярайн амтлах чадварыг хөгжүүлж байдаг. Учир нь хөхний сүү эхийн хооллож байгаа бүтээгдэхүүнээс хамаарч амтаа өөрчлөх чадвартай байдаг ба энэ нь нярайг бор хоолонд ороход бэлтгэдэг гэж хэлж болно.
