Холливудын жүжигчин Том Холланд, Зендаяа нар энэ долоо хоногийн хамгийн шилдэг улаан хивсний төрхөөр шалгарч, загварын ертөнцийн анхаарлыг дахин татлаа. Хосууд Лондонд болсон "Spider-Man: Brand New Day" киноны нээлтийн үеэр зэрэгцэн алхсан нь тэдний гэрлэснээс хойших хамгийн онцлох хамтын төрхүүдийн нэг болов.
30 настай Том Холланд сонгодог хар хослол, цагаан цамц, хар зангиагаар минималист бөгөөд дэгжин хэв маягийг сонгосон бол 29 настай Зендая Louis Vuitton-ийн урт хар даашинзаар гоёж, гялалзсан үнэт эдлэл болон цэмцгэр зассан үсээрээ төрхөө бүрдүүлжээ. Загварын шүүмжлэгчид тэдний хувцаслалт хоорондоо төгс зохицож, "Hollywood glamour"-ыг орчин үеийн хэв маягтай хослуулсан гэж үнэлсэн байна.
CNN Style-ийн мэдээлснээр, Том, Зендаяа хоёр зөвхөн кино урлагаараа бус, улаан хивсний төгс зохицсон дүр төрхөөрөө ч олны анхаарлыг байнга татдаг. Энэ удаагийн төрх нь тэднийг долоо хоногийн хамгийн сайн хувцасласан алдартнуудын жагсаалтад багтаахад хүргэжээ.
Хосууд 2016 онд "Spider-Man" киноны зураг авалтын үеэр танилцаж, 2021 онд харилцаагаа албан ёсоор баталгаажуулсан. 2026 оны эхээр тэд нууцаар хуримаа хийсэн бөгөөд Том Холланд зургадугаар сард өгсөн ярилцлагадаа гэрлэснээ анх удаа баталсан юм. Гэсэн ч тэд хувийн амьдралаа олон нийтээс аль болох хол байлгахыг эрхэмлэсээр иржээ.
Сүүлийн саруудад тэд Кристофер Ноланы "The Odyssey" болон шинэ "Spider-Man: Brand New Day" киноны сурталчилгаанд хамтдаа оролцож байгаа бөгөөд кино урлаг, загварын ертөнцийн хамгийн нөлөө бүхий хосуудын нэг хэвээр байна.
Л.Баяр
