Манай улсын нүүрсний гол хэрэглэгч Хятадын "Чалко" компани алдагдалд орж эхэлжээ. Хятадын үндэсний томоохон хөнгөн цагаан металл үйлдвэрлэгч “Чалко” компаний санхүүгийн тайланг сөхөхөд энэ оны эхний улирлын байдлаар алдагдалтай ажилласан тоо гарсан байна. Тэр бүү хэл "Дараагийн дөрвөн жил энэ мэтэрээр дараалан ашиггүй ажиллавал “Чалко” нь 2016 оноос Хятадын хөрөнгийн биржүүдийн жагсаалтаас хасагдах эрсдэлтэй” хэмээн гадны сайтууд онцолж байна.

 “Чалко” компани өнгөрсөн баасан гаригт Хонгконгийн хөрөнгийн биржид хийсэн мэдэгдэлдээ энэ оны эхний гурван сарын байдлаар нийт алдагдал нь 975 сая юань хүрснийг мэдээлэв. “Блүүмберг”-ээс гурван шинжээчийн дунд явуулсан санал асуулгаар энэхүү алдагдлын хэмжээг 1.81 тэрбум юаньд хүрнэ хэмээн урьдчилан тооцоолж байсан юм. Өнгөрсөн улиралд тус компанийн худалдаа 1.9 хувиар өсч 34.2 тэрбум юаньд хүрсэн байна. Өнгөрсөн сард “Ваrclays РIC”-ийн Эфрэм Рави тэргүүтэй шинжээчдийн хэлж байснаар “Чалко”- гийн хувьд металлын буурч буй үнэ, өртгийн сорилтууд нь үйл ажиллагаанд нь нөлөө үзүүлэхээр байсан билээ. 

2008 оны санхүүгийн хямралаас хойш хөнгөн цагааны үнийн уналттай тэмцэж буй “Чалко” компанийн алдагдал ойрын хэдэн жилд энэ мэтээр унавал Шанхайн хөрөнгийн биржийн жагсаалтаас хасагдаж мэдэх аж. Энэ нь Монгол нөлөөх үү гэдэг асуулт гарч ирнэ. “Монгол Улс нүүрсээ алдагдалгүйгээр нийлүүлэхээр гэрээ хийчихсэн учраас асуудалгүй гэж ойлгож байна. Тэгээд ч “Чалко” төрийн өмчит компани гэж гэж эдийн засгийн мэргэжилтнүүд хэлж байгаа юм. Манай улсын “Чалко”-д нийлүүлэх нүүрсний үнэ нэг тонн нь гурван “ногоон”-оор өсч 56 ам.доллар болоод байгаа билээ. Олон улсын эрчим хүчний агентлагаас гаргасан тооцоогоор коксжих нүүрсний үнэ нэг тонн нь 1996 оны нэгдүгээр улиралд 46.28 ам.доллар байсан бол өнгөрсөн оны сүүлийн улиралд 191 “ногоон”-д тогтож байв. “Хятадын эрэлт буурч байгаа энэ үед коксжих нүүрсний үнийн өсөлт ширүүн тэмцэлтэй тулаад байгаа юм.