Дорнод аймгаас олборлосон түүхий газрын тосыг боловсруулж үйлдвэрлэсэн "Монгол-93" шатахуун худалдаанд гараад удаагүй ч борлуулалт сайтай байгаа гэж албаны хүмүүс мэдэгдлээ.

    Өнгөрсөнтавдугаар сард Өвөрмонголын Хөх хот дахь үйлдвэрээс  2100 тонныг, энэ сард 4100 тонн  “Mонгол-93” шатахуун оруулж иржээ. Үүнээс 2900 тонн нь борлогджээ. "Монгол-93" шатахуун нь үнийн хувьд ОХУ-аас оруулж ирж буй АИ-92-той адил байгаа ч жолооч нар худалдан авсаар байна.
    Уул уурхайн яам болон Газрын тосны газрынхан энэ шатахууны стандартыг батлуулахаар ажиллаж байгаа бөгөөд ирэх сард хэмжээг нь нэмж 6000 тонныг оруулж ирэх төлөвлөгөөтэй байгаа аж.
Харин одоогоор "Монгол-93"-ийг худалдаанд гаргаснаар шатахууны үнэ ирэх сард буурна гэж албаны хүмүүс мэдэгдэж байгаа юм.